اي هذا الطفل ولدي :looking: كيفك لاتصدق :looking:اقتباس:
المشاركة الأصلية كتبت بواسطة معماري قطري
عرض للطباعة
اي هذا الطفل ولدي :looking: كيفك لاتصدق :looking:اقتباس:
المشاركة الأصلية كتبت بواسطة معماري قطري
مصدق أكيد انتي ما شاء الله أذكى من في المنتدى لازم ولدج يطلع ذكي
زين ليش نسوي هذا الإجراء وشبيفيدنا فيه؟
ما قلت لنا يا مهندس 15 سم شفايدتها .. أتوقع اتجهت النية لبناء جدار خارجي للمنزل من طبقتين بينهم عازل وإذا كان هذا الحال بيكون هذا الإمتداد عبارة عن جسر حراري لأنه يقطع العازل الرأسي بنظام الجدارين أو الجدار المزدوج لذلك ضروري نعزل هذي المنطقة والتفاصيل ضرورية
https://www.youtube.com/watch?v=gscLxbE4w_0
https://www.youtube.com/watch?v=gscLxbE4w_0
تعليقي فوق أقصد به لو إحتجنا لهذا الإمتداد حتى يدعم الجزء الخارجي من الجدار ممكن نبني الجدار ملاصق للمبنى بدون هذا التدعيم والتدعيم يكون من خلال الإشتراك مع طبقة الجدار الداخلية بروابط حديدية ممكن نزيدها لو حبينا والمهم إن العزل يكون مستمر من تحت لفوق ما يقطعه قاطع خرساني بهالطريقة
https://www.youtube.com/watch?v=Tx3anXP61vI
عرض احترافي والبيت تشطيبه ما عليه كلام
من أصعب المواد اللي درستها كان الحديد وكان مدرسنا سيريلانكي عنصري وضد أي مسلم ولا يعرف يدرس ويفهمنا صح .. ألحين اتابع هذا الفيديو كل شيء سهل وينفهم .. بإختصار يقول عن الجسور الحديدية وليش الآي بيم تتحمل وزن أكبر ولو قارنا نفس الوزن للآي بيم أو الدائري أو القطاع المربع بنحصل الآي بيم تتحمل وزن أكبر بكثير
https://www.youtube.com/watch?v=-aU-ayrNqHQ
https://www.youtube.com/watch?v=-aU-ayrNqHQ
بيت الجار تلخلخ بيطيح وهو يتكلم عن حل
تخطيطهم هذي مساوئه تبين واضحة في هذي المشاكل
https://www.youtube.com/watch?v=6_zJ_nsjBR0https://www.youtube.com/watch?v=6_zJ_nsjBR0
المشكلة يبو عبدالله بيت الجار مبين عليه فوق العشرين سنة عمره، ثانياََ (ونا مش جيولوجي) نوعية تربة المكان الظاهر ما تصرف الماي ووارد جداََ يكون تحت هذي البيوت اللي انت شايفها تجمعات وبرك تحت سطح الأرض ومش بعيدة في العمق.
لذلك بعض الناس يترك أرض في حي قديم ويرجع يبغي يبنيها عقب، فيصطدم بمشاكل كثيرة. غيرك ما يبني عدل واقل شيء تتكلف في بناء حوش الجار.
الحاصل البلدية والمطور العقاري شركاء في ذنب هالغلابا.
كانت طاولتي في أول الفصل وكان تخصصنا هندسة أول سنة وكان من بين المدرسين واحد بريطاني شيبه اسمه كرستوفر، من وقت لي وقت اذا قابلته في الممر او الدرج يقول آي ميك يو ابزنت ونا راز وجهي في وجهة خمسين دقيقة؟ رحت اشتكيت عند واحد يعتبر رئيس القسم ومواطن وصرفني. الله لا يوفقهم اثنينهم.. صار للموضوع هذا فوق اثنين وعشرين سنة مع ذلك ما نسيته والله لا بوفق المواطن بالذات لانهم طلعوا هالأجانب الحاقدين فوقنا.اقتباس:
المشاركة الأصلية كتبت بواسطة معماري قطري
كان فيه مهندس مواطن مدير مشروع وتحته مهندسين فيهم ناس أجانب وتحت الاجانب بعد مهندسين جدد مواطنين، المهندسين المواطنين صغار وما يتواحدون على طول ويتأخرون.
الخواجة ما تحملهم، قام صادهم يوم وسألهم وين كنتم، قالوا نصلي،، قال (نو نو) وكتب فيهم ورفع لمدير المشروع اللي هو المواطن الخبرة. قام قلبها عليه قال انت تمنع المسلمين من الصلاة؟ خلاص انا برفعها مشكلتكم وهو يحلونها.
الخواجه نصحوه الناس وقالوا له تراهم بيعدمونك.. جذيه. راح استقال وخذ حقوقه وسافر.
فعلاََ سووها فيه.. عاد المهندسين الصغار لي معهم تعامل واكثرهم يعطيك صلاحية ولو يقدر خلاك توقع بداله.
لكن هالمهندس العود شلون يظلم هالخواحه او يرهبه.. راح سأله واحد قال هذا سايق شاحنة مب مهندس بس معه شهادة بسيطة مثل الدبلوم واغلبهم الخواجات من هالفئة.. خله يفارق.
(تعليقي ما خسروا كفاءة لكن بعد المواطن مب كفاءة خصوصاََ من ناحية الادارة)
https://youtu.be/6X_qzMxoH94
هذا الفيديو يجوز انكم عرضتوه قبل لكن قلت تسكيته ويتكلم عن الدك :court:
المفروض الله يسلمك لو شتكون حالة الأرض اللي يحفر يركب حمايات وهم عارفين إنهم من يحفرون لعمق معين بينهار الجدار الثاني لو ما كان مدعم ومصمم يحمل وزن الدفان وأساسات المبنى اللي جنبه .. 8 متر مب شوي طغيان في الحفر وحافر تحت أساسات جداري وبيتي شيفيد يصلح السور وواضح أساسات البيت هبطت شوي وممكن ينهار وواضحة الشلوخ فيه .. ولو كان الجار داك الأرض بأقوى ما يمكن بالعكس يزيد وزن التربة وضغطها على السور ولو ازيلت التربة المقابلة والمعادلة نوعاً ما لضغط تربة الجار المنتهي بنيانه معناها سقوط محتماقتباس:
المشاركة الأصلية كتبت بواسطة سالم الزهران
الناس مساكين وساذجين وشكل هذا المقاول أقنع المسكين بأن بنيانه ضعيف ولا بد يسقط وهو عارف الخبايا والخفايا
المشكلة الثانية من البلدية اللي المفروض تضبط العملية هندسياً وقانونياً
قبل لتسوي الشغل هذا كله وهو مكلف التكلفة مب بس في الاختبار التكلفة في الشغل واحضار دفان متدرج ومناسب لنسبة الإنضغاط اللي تبغيها والآليات اللي تدك والرش بالماء وعملية تاخذ وقت ومزعجة .. قبل لتسوي كل هذا اسئل نفسك هل تستحق العملية كل هذا الشغل؟ وهل الدفان المدكوك مب متعرض لرطوبة سواء جوفية أو متسربة من الأمطار وغيرها ؟ زين وشيصير بعدين؟اقتباس:
المشاركة الأصلية كتبت بواسطة سالم الزهران
الأفضل في رأيي إذا ممكن جار يجي ويحفر جنبك ملاصق لك لعمق 8 متر وهذي الحالات نادرة وتعرفها البلدية ممكن يطلبون منك تأسس للسور الخارجي على هذا العمق ووقتها بيكون طلب مجنون بس لو انت عارف إن في أي لحظة جارك بيحفر لهذا العمق وملاصق لأساساتك بتضطر تبني أساس استنادي قوي وخرساني مع الحمايات له حتى يمنع التربة المدكوكة من إنها تنجرف لو حفر الجار .. تدري حق بيوتنا نسوي عمق حول متر ونعتبر نفسنا بالغنا .. الحلول مسؤول عنها الجار اللي بيحفر هذا العمق ومن ضمنها يجيب قطع حديدية ومطرقة هيدروليكية كبيرة تضربها في الأرض تمسك التربة قبل ليحفر .. حفر 3 أمتار وحولها وعمل جدار خرساني يضمن عدم انهيار سور الجار جهة ارضك شيء معقول والحفر المفروض في وقت ما فيه أمطار وبسرعة تبني الجدار حتى ما تصير مشكلة
بالنسبة للدك لو تدك حتى تبلط الدك المعقول وفوقه نحط صبية خرسانية حاملة للبلاط فوق وتعوض أي فجوات ممكن تصير هو الحل الأمثل والمضمون سواء داخل أو في الحوش
من القصص الحلوة اللي أحب سماعهااقتباس:
المشاركة الأصلية كتبت بواسطة سالم الزهران
كان واجب المدير المواطن إنه يوضح للخبل ذيه إن وقت الصلاة للمسلم تكفله قوانين الدولة ولا يحق له يجبرهم على التواجد خلال هذا الوقت ويعطيه وقت التوقف من متى لمتى
ألحين هذا بيروح بلاده وبيقول نجيت من موت محقق وبينقل كل شيء سيء عن الإسلام والمسلمين .. واللي نصحوه بالهرب وصدقهم كذبوا عليه كذبة كبيرة وعليهم إثم
طلعت يا بو زيد مختص وانا ما سئلتك قبل وشو تخصصك الدراسياقتباس:
المشاركة الأصلية كتبت بواسطة سالم الزهران
فيه حقدة والمشكلة لو كنت في بلادك ولا قدرت تاخذ حقك النظام ينصر المعلم على الطالب .. في دولهم يخافون يظلمون ويخافون من الشكوى .. يظلمون في أضيق الحدود أو يعطونك حقك منقوص بس بهذي الطريقة مستحيل
نبغي مثل ذي الآليات عندنا حق شواطئنا
https://www.youtube.com/watch?v=nll28HBeAg8
https://www.youtube.com/watch?v=nll28HBeAg8
من منكم يذكر سقوط سقف مركز المعارض في الكورنيش منطقة الأبراج من كم سنة .. كان بسبب تعليق دكتات التكييف وهي تعتبر خفيفة في نقاط فيما يسمى سبيس فريم أو العنصر الحامل على شكل جسر مقوس قليلاً وجاي عبارة عن قطع مثبتة في بعض بحيث تتعرض للشد أو للضغط سيدة على مسارها الطولي لكن لو سحبناها من الوسط تكون ضعيفة وتنحني وتتسبب في انهيار النظام كله .. تعليق دكتات التكييف كان في الوسط بدال ما يكون في نقاط التقاء هذي العناصر الضعيفة
خطأ هندسي تسبب في خسارة ملايين وكان سهل يتفادونه بإشراف جيد ومهندسين خبرة
للآي بيم لو حملناها بحيث يختل توازنها وتنسحب من الطرف يستوي انحناء وسقوط بنفس المبدأ تقريباً وهذا الشرح في الفيديو
https://www.youtube.com/watch?v=WkLjcKYjwnU
https://www.youtube.com/watch?v=WkLjcKYjwnU
شغل نظيف ما شاء الله والمالك منتبه وفاهم واختياره للجدران الخرسانية العازلة في محله
https://www.youtube.com/watch?v=TGIIwOH7_fg
https://www.youtube.com/watch?v=TGIIwOH7_fg
يقول محطات المترو ( شكلت وفقاً للشريعه الاسلامية ) ههههههه على شكل خيام البدو
انزين الخيام موجوده من الجاهليه قبل الاسلام ..
التقرير ماعجبني .. صوته يحر :looking: ويقول نهايه 2019 بيكون في حديقه حيوان في لوسيل ..
ماشفنا شي للحين .. :pilot:
ما انتبهت لسالفة الشريعة الإسلامية بس جنه قال مستوحاة من الخيام وهذا صحيح .. ما اشوفه إختيار موفق كشكل بس عطا المحطات طابع غير وشكل مميز ينعرف بسهولةاقتباس:
المشاركة الأصلية كتبت بواسطة sara jsm
المشاريع الثانية كلها ياخذونها من اعلانات حكومية وكثير مشاريع توقفت منها تطوير الحديقة الحالية .. هم طريق الوعب لهم فترة يشتغلون فيه والشغل بطيء ومزعج .. اليوم ملتفت عند تقاطع طريق سلوى مع محور صباح الأحمد تحت المكان محفور وحوله حواجز وشغل بطيء وممل وشكله بياخذ عقود ولو خلصوه كله مع الشركة التركية كان أفضل بكثير .. منظر مزعج ومقزز
https://www.youtube.com/watch?v=aRRKDW4YCWA
تحليلات سقوط برج ميامي مب مخلصة لين يوم القيامة
https://www.youtube.com/watch?v=aRRKDW4YCWA
تحليلي لسالفة العمود اللي يبين في دور البيسمنت وهو كان موجود فوق في الدور الارضي وحاملته الإتش بيم هو إنه بعد سقوط السقف سقط معاه جزء العمود وكذلك الإتش بيم اللي مزروع فيها العمود فوق وأكيد الأخ عارف السالفة بس يحاول يسوي قصة ولو مب عارف بيكون صج تفكيره غلط
تابعت ثمان دقائق تحليل الخواجه بس الغريب ان العمود الغامض اللي شفناه في الانقاض كان قريب لمدخل الباركنق، لكن يوم شغل فيديو الباركنق قاعد يأشر بعيد؟ على انه مكان العمود اللي محيرهم!
مضيع يا اخوي انا كتبت تحليلي في اليوتيوب وبعدين قريت حصلت وايد ممسخرين به وواحد حاط نفس تحليلي بس مفصل أكثراقتباس:
المشاركة الأصلية كتبت بواسطة سالم الزهران
مب مصدقين إن مبنى يطيح في أمريكا لأن التفتيش عندهم مستمر بس الظاهر تدنت الأحوال في التفتيش وأخذ قرار سريع .. من كم يوم تحت الجسر المعلق والخرسانات ثقيلة لو تسقط قطعة تمحي ما على الأرض حتى الشارع بتنزله .. صج حسيت برعب والمفروض هذي المنشآءات يكون عليها فحص مستمر وتفتيش دوري والمفروض على كل الطرق والمباني .. للأسف أشوف مباني كثيرة يتغير استخدامها وتنبني اضافات كثيرة بدون محاسبة وبدون ما تكون آمنة
الجسور مشكلتها في الروابط الحديدية والبراغي هذي تضعف بسبب الرطوبة والصدأ ولازم تنعزل عدل وينفحص عزلها بواسطة مختصين ويكونون مسؤولين مسؤولية تامة .. ممكن برغي بسيط يتعرض للصدأ وينفك يتسبب في انهيار جزئي يسحب وراه عدم توازن وانهيار كلي
الريفيت نظام رسم هندسي تابع للاوتوكاد أو شركة اوتوديسك ويحتاج لبرامج مساعدة .. هذا كيف يتم اضافة طبقات من المعلومات حتى تطلع لنا طبيعة الأرض وما عليها وبرسم ثلاثي دقيق .. هذي المعلومات مب عندنا مع إنها سهلة وتحتاج مسح مستمر من شركات مختصة .. يمكن الحاجة لها بسيطة لأن حسب معرفتي تدرج الأرض من مستوى البحر لهضبة وسط البلاد بحدود 14 متر
https://www.youtube.com/watch?v=bZWGABISYII
مباديء بسيطة نقدر نطبقها على الأساسات والدفان المدكوك تحت الطرق
https://www.youtube.com/watch?v=hsuCQRQ6W4Y
https://www.youtube.com/watch?v=hsuCQRQ6W4Y
من البرامج اللي اكتشفت كل ما فيها قوقل ايرث برو ودوم استخدمه سهل جداً .. ممكن يسهل لنا الرسم على الموقع العام بعد نقل الصورة للأوتوكاد
https://www.youtube.com/watch?v=3lGl1VZjtg4
https://www.youtube.com/watch?v=3lGl1VZjtg4
طريقة تنزيل قوقل ايرث برو في بداية الفيديو ويفيد من هم جديدين على البرنامج والقديمين اللي ما اطلعوا على كل خصائصه
مب قانون ولا شرط إن الباب يكون ارتفاعه 2.2 متر ممكن شوي أقل ما يضر وشوي أكثر كأقصى شيء 2.44 ارتفاع الألواح حتى ما يكون فيه قص وشغل معقد .. 2.44 + الأطراف توصل حول 1 سم + إرتفاع الباب شوي حتى ما يحك في الأرضية حول 2 سم تصفي على فتحة باب = 2.47 وبدون زيادة كبيرة في التكلفة .. أما ارتفاع السقف فصحيح المرتفع أحلى 3.8 أو حتى 4.2 يعطيك حرية جبس ودكتات أكثر ويبقى عندك ارتفاع شرح
https://www.youtube.com/watch?v=Dvfe3Z3Fhzg
الله يعين المالك ما عجبني الشغل خصوصاً تركيب الطابوق وكمية المونة وفي الرأسي 0 بدون مونة كلش شكله شغل مصاروة يخلصون بسرعة وشغل أي كلام .. هذا بكرة بتنشأ شلوخ وبتتسع مع الضغوطات الحرارية وتكرارها
https://www.youtube.com/watch?v=LTdzqHIFOqU