حبيت هذا التصميم خصوصاً إن فيه ملامح من تصميمي لبيتي .. إذا تذكرون زوايا القمرية المفرغة وهي بتصميم مغاير واتوقع يطلع حلو بإذن الله
https://www.youtube.com/watch?v=YhyHnXW-mPk
عرض للطباعة
حبيت هذا التصميم خصوصاً إن فيه ملامح من تصميمي لبيتي .. إذا تذكرون زوايا القمرية المفرغة وهي بتصميم مغاير واتوقع يطلع حلو بإذن الله
https://www.youtube.com/watch?v=YhyHnXW-mPk
https://www.youtube.com/watch?v=gw---nNghPg
العوازل وطبقاتها ممكن نستخدم أي نوع متوفر في السوق المهم طريقة العزل بجودة وفعالية حتى يدوم الشور سنين بدون مشاكل
الأرض مناسبة جداً للبيسمنت وصلبة .. طبعاً كلام المهندس صحيح 100%
https://www.youtube.com/watch?v=wRas1e4GBBQ
مستغرب من صب الخرسانة كذا بدون فواصل وبدون حديد .. على الأقل الفواصل مطلوبة
https://www.youtube.com/watch?v=gOC1snnL55E
ماشالله مشروع جميل جداً .. هذا دور التصميم الداخلي يجمع كل تفاصيل التشطيب عشان تخلق جو متناغم harmonyاقتباس:
المشاركة الأصلية كتبت بواسطة معماري قطري
جمال النعلات العالية حتى مع الحجم الصغير للمساحات
والدرايش بالطريقة هذي انها تكون مستطيلة و الديزاين عليها أفضل و توفر أكثر من لو كانت تتركب على الديزاين
من يومين شرح هالشي العتيبي (فني ابواب ونوافذ) في سنابه
كنت بعلق عليها لكن تركت الصورة للكل .. من قطعتين وخشبية باللون الأبيض .. حتى الفريمات باللون الأبيض للأبواب والأبواب بلون بني غامق .. فيه اتصال بين الفريمات والنعلاتاقتباس:
المشاركة الأصلية كتبت بواسطة sweet qatar
يمكن يعيبها اللون يتوصخ بسرعة وأي ضربة تبين فيه ووقت غسيل الأرضيات ممكن الماي يخرب الخشب .. أكيد تتطلب عناية ويفترض رافعينها 2 أو 3 ملم وحاطين خط سيليكون بنفس اللون في التقاء النعلة بالأرضية لحمايتها من الماي
بالنسبة للدرايش وضحي اختي تعليقج ولو تحطين مقطع العتيبي بعد أفضل .. رأيي انا انها كان ممكن تكون بفريمات أقل عرض وانفتاح أكبر .. طبعاً زين وايد انهم سووها مفتوحة بدون تظليل أو تعتيم حتى تكون الرؤية الخارجية مفتوحة
تحمست حق تصميمي بس بنفس الوقت المنطقة مب عاجبتني .. شوارع مؤقتة والخدمات ما اكتملت خصوصاً الصرف الصحي .. وتوجد أرض كبيرة من المتوقع تكون سوق مقابل بيتي وهذي مشكلة كبيرة لو سووه مثل الشوارع التجارية المعروفة .. شارع الخدمات يخدم البيوت ويخدم أبواب المحلات الخلفية وكشرتهم
عاد تدرين اختي سويت بسعر الفلل كم؟
الوحدة بمساحة 500 متر اعتقد للأرض وبسعر 6.5 مليون ريال واللي حاب يعرف تفاصيل يقرأ التعليقات أسفل الفيديو
نموذج من الشغل الرخيص واللي ينفع حق مزارع أو مباني رخيصة أو زرايب .. مع ملاحظة بعض العمال ممكن يغشون صاحب البناء عندنا بهذي الطريقة وهو بنفسه ذكر إن المفروض تركيب حديد وزوايا بين الطابوق والعمود .. والمفروض كذلك ما يبدون في تركيب الطابوق الا بعد صب السقف .. حتى تركيب الطوب سيء للغاية
https://www.youtube.com/watch?v=4X2Ca9WaOtA
كثير يتسائلون عن شغل رصف الحوش .. هذا مثال ببساطة الخرسانة أقوى وأفضل وتعمر .. حتى الحديد قليل أقل ما يمكن وانا ذكرت اني مسوي بيتي بدون حديد مقوى بفايبر بس ويطلع أوفر من الحديد وأضمن ما يتكسر ويصدي الحديد
https://www.youtube.com/watch?v=5B0TMa1Y0UE
طبعاً الرصف يجي مع تصميم الحديقة وأحسن نحفر للأحواض ونحميها بطابوق من الأطراف وعزل جيد .. نركز على عمل مداخل للسيارات وفي بعض الأوقات يكون وقوف السيارة قرب الباب ولا نحتاج نسوي أرضية قوية حول البيت .. مهم نسوي أرضية قريبة من الحوائط لحمايتها من الرطوبة .. ومهم نسوي خط فاصل أسفل الحوائط في الحجر أو البلاستر .. هذا يستحسن نعبيه بشوية سيليكون لأن السيليكون طارد للرطوبة .. في بعض الدول كثيرة المطر يستعملون قطع معدنية حتى تكون فاصل يمنع وصول الرطوبة لزاوية التقاء الجدار بالأرضية