اغلى واعز واثمن شي اقتنيه حاليا هي ساعة الوالد الله يغفر له ويرحمه..
..
..
..
..
https://2.top4top.net/p_1247f5axd0.jpg
اغلى واعز واثمن شي اقتنيه حاليا هي ساعة الوالد الله يغفر له ويرحمه..
..
..
..
..
https://2.top4top.net/p_1247f5axd0.jpg
انا من عمري 10 سنين اجمع طوابع
اتوقع اغلب طلبة المدارس الحين ما يعرفون ايش يعني طوابع وفي ايش يستخدمونها :playball:
في البداية كنت اجمع من الرسايل اللي تجي في بريد ابوي وعقب قمت اشتري من مجلة ماجد واتبادل مع ناس بالمراسلة
لكن توقفت من الثنوية لاني عقب اشتغلت وانشغلت بالدوام والدراسة، وعندي كمية كبيرة من الطوابع لحين ما صنفتها، وما عندي لها ألبوم، وأتوقع ما احصل ألبوم لحفظ الطوابع هالأيام
المهم عندي مجموعات قديمة، منها طوابع قطرية من أيام الشيخ احمد بن علي وايام الشيخ خليفة، وعندي طوابع عربية مالت مصر أيام الملك فاروق والجمهورية العربية المتحدة وغيرها
هذي عينة من الطوابع القطرية والاجنبية اللي عندي، وأعتقد بعضها نادر صعب تحصله هالأيام ملف مرفق 102510ملف مرفق 102511ملف مرفق 102512
ممتاز يبو خميس... الله يوفقك امتعتنا
الله يرحمه ويطول بعمرك
والله يرحم موتانا وموتى المسلمين
من الساعات الحلوة ما شاء الله
إبوي الله يغفر له كان من محبي ساعات ويستن القديمة الدائرية وضاعت ساعته قبل كم سنة وافتقدها ووصاني اجيب له نفسها ورحت سوق واقف وعطوني موديل أحدث ولا رضى بها وقال باروح معاك .. إستانست قلت يشوف أقل شيء سوق واقف بعد التغيير له فوق 20 سنة ما طبه وقبل كان دوم فيه
مريت عليه وركبته في الأفلون الملكية ( ما ادري وين ديارها ألحين ) كذبت عليه كذبة بيضاء قلت له هذي ما تمشي الا لو تحزمت وشكله مشاها لي وتحزم ويعرف اني عيار .. رحنا السوق بعد العصر وكانت المواقف القريبة مفتوحة وممكن نوقف قال وقف هنيه .. انا هامني هو لأنه بصعوبة يمشي بسبب جلطة لكن نزل بروحه وهملني وراه وكنت انا البطيء وهو الله يغفر له أسرع مني
دخل بين الدكاكين وسأل عن شخص قالوا له هاجر وعايش في دولة المؤامرات حالياً .. سأل عن ثاني قالوا له توفى من 12 سنة .. وانا احسبه مضيع الدكان وابي ادليه قال ما عليك .. كنت كأني طفل ورا ابوه وتعجبت شلون دواعيس السوق هي نفسها وحتى وضعية الدكاكين في غالبيتها مثل ما كانت .. بسهولة وصل للمحل وكلمهم وطلعوا له وحدة قديمة مستعملة ب 150 أعتقد خذها مستانس وطلعنا .. في طلعتنا رجال شيبة قاعد عند قاري من الحمالين القدامى رفع راسه ويركز في الوالد ويسلم عليه باسمه .. ابوي رد وهو مكمل كعادته يوم كنا صغار وانا مندهش شعرفه بك وسالته قال هذا أكيد من قدام السوق من ذاك الزمان
كنتوا شريرين يا بو زيد مثلنا
كله نقول عادي ما صار شيء والدمعة في العين من الألم .. مرة عمي يلعب معاي بأُم صجمة ويصوبني في جوزة القدم والالم لا يطاق لكن بشوية تشجيع من الجمهور قمت اركض
ومرة متهاوش مع عمتي الله يحفظها وهي تتابع كتاباتي شكلها بتصيد السالفة .. ما ادري شالسبة بس كنت مقهور وكان التهديد من الجهتين والمتفرجين وايد .. إخواني واخوانها وكنا وعمامي مثل الإخوان ومتقاربين في السن كنا وما زلنا بس قبل كنا يهال .. حتى اذكر عمي اللي أصغر مني بسنة يقول لي ولد اخوك يعني هو ولد اخوي قالب الآية
المهم في احتدام الصراع انا ماسك حصاة وهي حصاة وكل واحد يهدد .. كنت اقول حصاتي حادة شقاقية واحذفها بطريقة لافة وتضرب اخوي في خده وتشقه شق طوله 3 سم تقريباً ويتم معلم فيه فترة لين سوى عملية تجميل يوم كبر .. الله يسامحني وابوي ضربه وكنت انا الخايف بس قال له لو شفت هوشة لتوقف تتفرج
الله يرحم الميت ويبارك بعمر الحي يا اخونا الحبيب بو عبدالله.. انت كتلوج مالك كبير بس ما الوقت ما يسعفك تتذكر وتكتب.
امس وصلتني رسالة من العمل مشابهة لرسالتك ذيك بس رسالتي فيها بيزات من فضل الله.. اقول عقبال رسالة الوداع ولا ندري متى الله كاتبها.. الله يقدم اللي فيه الخير
ساعة كان يملكها جدي رحمة الله عليه منذ عام 1968- 1972 أحضرها من فرنسا موديل quartz premier
لا أعرف إن كانت تعتبر قديمة ولا لا هه قلت أشاركها مع الأستاذ عبد الله لو سمح الله أهداني إياها عام 2002 متفكر ذاك اليوم جيدًا عجبتني قال لي خذها {أضغط على الصورة لتكبر }
ملف مرفق 102514
ملف مرفق 102515
ملف مرفق 102516
عجيبة وقديمة قيمتها أكيد معنوية احتفظ بها ذكرى الله يرحم جدك وجميع موتى المسلمين
من القديم القديم وقبل ولادتي ب 5 - 10 سنين أيام الوالد الله يغفر له طالب صورة لإجتماع الآباء في المدرسة الله يرحمهم جميع وجدي هو اليمين .. حصلناها صدفة مع أغراض ابوي القديمة الله يجمعه بجدي ويجمعنا معاهم في الجنة
https://i.imgur.com/QkBLsFw.jpg
نقلتها في موضوع الصور وانقلها هنا
https://i.imgur.com/BgoFcQb.jpg