عرض للطباعة
اللي بيسوي درج خدمات حلزوني خارجي نصيحة يسوي له كسرة مصممة من الأساس داخل حيز البيت بس تكون مفتوحة من تحت لفوق ويركب باب حديد تحت ويسوي الجوانب كلها مسكرة مع مداخل للدرج لو حب من الدور الأرضي والأول ولو عنده بنتهاوس كذلك
يقدر يخلي الباب الخارجي السفلي حديد وينفتح فقط من الداخل للأمان فلو حب يدخل عمال للصيانة حد يفتح لهم الباب ولو احتاج لإستخدام الدرج مهرب طواريء بيلقى الباب التحتي ينفتح بسهولة من الداخل
شغل غلط بكل المقاييس والمهندس ذكر فقط تغليف البايبات بالعازل .. كان المفروض عمل غرفة للمعدات أو أقل شيء تظليل وكان بيكون عندنا منظر أحلى واستغلال أفضل للسطح
الغرفة 2 في 3 = 6 متر مربع وبدون أي تشطيب حتى تركها ببلاستر داخلي يمشي الحال وما يكلف بنيانها شيء لكن تحفظ معدات الماء والتسخين وتدوير المياه والفلتر
تدوير المياه الباردة حل مثالي بس هم مسوينه لمسافة قصيرة لأن بايباتهم بعدين يدخلونها معلقة تحت السطح بدال ما تمشي فوق السطح ويصخن الماء أكثر
https://www.youtube.com/watch?v=QKaWDjKoob4
هذه رسالة كتبتها للمهندس بخصوص الفيديو السابق وتفيد للجميع
سمح لي اخوي بهذي النصيحة .. المفروض معدات المياه من فلتر الى ضاغط الى سخانات مركزية الى خزان المياه الى مضخات تدوير كلها تكون في غرفة مظللة ومحمية من العوامل الجوية .. يستحسن مبنية طابوق وخرسانة ومركب لها باب فقط مكينة التبريد خارجية للتهوئة ومظللة عن وطأة الشمس
تدوير المياه حل جيد وفعال سواء للبارد أو الحار وشبكة وصندوق الكهرباء المفروض محميين وبعيدين عن مصادر المياه
البايبات المفروض كلها تكون فوق بلاطة السطح تحسباً لأي تسريب غير مرئي وتكون معزولة حتى تخف طاقة التبريد أو التسخين لأن فقد الطاقة يعني اشتغال التبريد بطاقته القصوى وكذلك التسخين
في الأخير عندي انا ضابط الحرارة على 37 ويجيني الماء بارد كثير اضطر اخلطه مع شوية ماء من السخان غير مبردï
مكيفات ال جي وسامسونغ السبلت فيها ميزة مهمة أو في بعضها وهي الإمداد بالاوكسجين من الخارج وكذلك خاصية المروحة الهادئة وهنا عرض للجديد ولا ذكر هذي الخواص المهمة
https://www.youtube.com/watch?v=le5suJ1IAeo
عشر سنوات ضمان على الكمبريسر المزدوج
https://www.youtube.com/watch?v=M8TnWVBPBKY
ما ادري حد جربه؟
جزاهم الله خير الشباب الخليجيين على هذي التوضيحات المهمة والسهلة للجميع والأفكار بسيطة بس لازم ينتبه لها اللي بينفذ واللي يتابع بيته
https://www.youtube.com/watch?v=KVDaxJaIIhY
فيديو مرعب شوي لهبوط بلاط حوش بسبب ضعف الدك ونشوء دحل صغير تحت
هذي الحوادث نادرة بس مهم ينتبه اللي يبني أثناء الحفر لأي أرضية ضعيفة ويطلب زيادة الحفر والعكس لو الاتفاق على الحفر مترين للتأسيس ووصل أرضية صلبة على عمق متر يوقف الحفر .. والأهم من الدفان على طبقات والدك الجيد هو استخدام صبية في الأخير تحت البلاط بسمك 10 - 15 سم .. والدفان يكون متدرج بدون حجارة كبيرة
https://www.youtube.com/watch?v=kw5b2IDgfQg
يعطيك العافية معمارينا الحبيب
هل ممكن تسوي سقف زجاجي! اقصد جزء منه مثل المون رووف ؟
هلا سلوم
خل عنك معماري مكلف في مكلف ماتشوف ماعلق على مشاركاته هنا :anger2: غاااااالي وافكاره توديك في ستين نكبه
هو تخصص 5 ستار بس
اما فقراء والغلابه لهم الله
خريج امريكا وش تترتجي منه غاااالي
تعال عتدي انفعك بافكاري الرخيصه والزين والخصومات لها بكل مكان عند عيال البنغال وعيال بص حضرتك دي حاجه هايله اووي :oops:
هذا اول افكاري لو تبي تظلل سماء الفريج حاضرين
تفضل
https://sc01.alicdn.com/kf/HTB1ucywK...ic-awnings.jpg
اذا اعجبك فتحت دكاني جنب معماري :court:
http://up06.s-oman.net/sequen_t48qm.jpg
وبعدين سالم خاف ربك خاف ربك ناااااس تدور سقف من اي شي
وانت تدور قزاز :eek5: شنو ذا
واذا جارك زعل عليك تتوقع حجم الحصى على قزازك هههههههههههههههههه ( ادري شدخل ) :oops:
هههههههه الله يا ولد العم .. شهالزين
حنا لوبدينا مثل البنقال او بص حضرتك بنوصل بس ثقافة الكسل وهين فلسك ولا تهين نفسك لين يجي يوم ما تلقى احد يشتغل لك
لكن يا ولد العرب العزيز،، فيه قطعة ارض شبه مستطيل ..وجايه آخر الملك ولاحولي الا شجر العرعر والغرَب
فكرت لو الواحد بيسوي وحدة سكنية صغيرة وبالنسبة للسقف فعلاً طرت لي الفكرة بس اكثر شيء قلت شلون تحصل زجاج شفاف وقوي
لان بالليل تشوف نجوم كنت في صغري اراقب القمر يوم يختفي ويظهر من ورى السحاب ونقعد نتوقع من وين بيطلع من اي طرف
كل اللي عاشوا في البوادي والارياف يذكرون الشيء ذا و ادري الفكرة خنفشارية بس اذا ما سويتها في مبنى صغير فما راح تسويها!
ما تذكر يا ولد العرب يوم كنا نقول
يا قمر يا هلال ،،، ادع بوي من المسيد
:)
تقدر إخوي سالم وأحسن شيء تسويه بزجاج عادي وبفريم بسيط ألمنيوم أو يو بي في سي .. حتى نور القمر في الليل تشوفه وينور البيت داخل .. ولو حبيت تقدر تسويه بزجاج مستوي قطعة وحدةاقتباس:
المشاركة الأصلية كتبت بواسطة سالم الزهران
عندكم الزامل للسكايلايتات والقبب متخصصين وسعرهم معقول
ولد العرب أفكارك هدامة وسالم انسان فاهم وراقياقتباس:
المشاركة الأصلية كتبت بواسطة ولد العرب
في قطر ألحين مصانع تسوي الزجاج بمواصفات خاصة وتسويه منحني لو تحب للقبب .. إستغربت شركات كثيرة منها شركة جيرسي يو بي في سي وشركة الاختصاصي وكذلك شركة الاختيار الالماني واحتمال غيرهم .. يسوون تصنيع خاص وبأسعار منافسة واللي يبغي منتج مميز لازم يحدد مواصفاته ويمر كم شركة أو يشوف عرض كل شركة من مواصفات وشغل وسعر ويتفق مع اللي يناسبه
في اليمن بانيين بيت فيه غرفة سقفها من الرخام الشفاف يدخل نور القمر في الليل .. الغرفة صغيرة والرخام قطعة وحدة .. صج بانوراما
السكايلايت ينفع جزئياً لدورات المياه والمطابخ .. بأن نمد شوي الحائط الخارجي لخارج صندوق البيت ونسوي السكايلايت مائل في الجزء الممدود فوق
للصالات ينفع وضروري ويعطي جو حلو وللمجالس كذلك .. ممكن نسويه صف زجاج مرتفع لإدخال النور وبتكلفة أقل من الوسطي ويكون جانبي وميزته يكون دوم مفتوح لأنه مرتفع ولا يكشف الداخل
هذي أمثلة على السكايلايت وفيه نوعيات قزاز مثل ما ذكر ما يلتصق بها الغبار وتتنظف بنفسها وقت المطر
بالنسبة لدورات المياه والمطابخ نقدر نسوي سور السقف للداخل ونترك فراغ بحدود المتر أو نص المتر فوق سقف جزء منها ونسويه قزاز مايل .. بيكون مرتفع وبيضمن الخصوصية وكذلك من فوق محمي بسور السقف .. وبيبين في الليل حلو بإنارته
السكايلايت سهل جداً للمباني الخرسانية بس يتطلب تصميم من البداية
https://www.youtube.com/watch?v=aklsWUpTBGo
من فوائد السكايلايت يحرك الهواء الحار فوق جهة القزاز ويخلي الهواء البارد ينزل تحت وهذي ميزة مهمة تعزز العزل الحراري
ولد العرب كل أفكاره خنفشاريه صدقني يسوي كل شيء درجة ممتازة بس ما يعلماقتباس:
المشاركة الأصلية كتبت بواسطة سالم الزهران
جديد رفيجنا المهندس عبدالمجيد
كثير نلاحظ شلوخ بعد البلاستر وفي الغالب سببها ضعف طبقة البلاستر وعدم ثباته في الطابوق أو الخرسانة .. للثبات لازم تنعمل طرطشة جيدة وتكون مسمارية وكذلك يتم ضرب خلطة البلاستر حتى تلتصق عدل وكذلك تتم ادامتها بالماء حتى تقوى سواء الطرطشة أو البلاستر .. مدة 3 أيام إلى أُسبوع كافية ومن ثم تترك فترة كافية لتجف .. الحل التكسير واعادة البلاستر صح والمالك لا يرضى بأقل من ذلك .. أما في حال الشلخ بسيط وما يطبطب ويبين مليان ممكن أوقات اصلاحه بمواد خاصة
بعد الطرطشة بفترة يجي العامل يسوي وزنية ببلاستر قليل مربعات معينة حتى يوضح سمك البلاستر اللي بينعمل للمشرف والمالك .. يستحسن 15 ملم للداخل و 20 ملم للخارج كسمك أدنى ويزيد حسب بعض الانحناءات البسيطة .. لذلك الوزنية مهمة وكثير لا يعملونها
https://www.youtube.com/watch?v=3IO6oITA0tY
جبت المفيد يا معماري ،،،وفقك الله و ليرحل بياع العود البورمي هو والكبت لخضر ههه
فيه تيوبات فلسكبل أو مرنة بالعربي فيها مرايا من داخل .. تدخل النور الطبيعي لأي منطقة وممكن تمررها فوق السقف المستعار وتعمل لها فتحة جانبية أو في السقف .. هذي لها سنوات موجودة بس ما شفتها منتشرة عندنا .. تنفع للممرات الداخلية وللغرف ولكل مكان وتغني عن الانارة الصناعية في النهار .. وبعضها فيها خلايا ضوئية تخزن طاقة الشمس وتشتغل انارة الي اي دي متطورة في الليل .. لا تحتاج لصيانة ولا لتكلفة تشغيلاقتباس:
المشاركة الأصلية كتبت بواسطة سالم الزهران
يبي لنا حد يستوردها وأكيد موجودة في احدى الدول العربية
هذا إخوي نوع وفيه أنواع كثيره غير .. بالنسبة لنا تركيبه جانبي سهل وفوق السطح سهل جداً قبل البناء وصب الخرسانات وممكن بقاطع كهربائي نسوي فتحة
https://www.youtube.com/watch?v=Hf1Vbq9SuHk
وهذا الأخ مسوي طريقة مبتكرة حق عش دجاج تنفع للمزارع والمخازن والمباني الحديدية بس يستحسن نركب غرشة قزاز عندنا البلاستيك بيتقطع
https://www.youtube.com/watch?v=1umwvQ_hMHQ
موضوع الإنارة الطبيعية يقودنا للطاقة الشمسية وهذا تقرير خطير عن انتاج الكهرباء بالطاقة الشمسية لا غاز ولا بترول بيعوا بترولكم يا عرب برخيص وأغرقوا الأسواق
https://www.youtube.com/watch?v=dg_RxE-T_jk
الجكوزي اضافة جميلة وراقية لدورات المياه خصوصاً الرئيسية وكذلك حوض الاستحمام بالبخار .. والبعض يذهب لأبعد من ذلك بعمل شاور بدون سقف ومفتوح للهواء الطلق .. سواء في الحوش ممكن الخروج له أو فوق السطح أو حتى في تجويف خاص في الدور الأول ممكن الخروج له من الحمام عبر باب زجاجي
https://www.youtube.com/watch?v=iVCjezzYZY8
هذا شيصير لو بدال ما نعمل البلاستيك المشدود مربع ونعمله طوالي وبطول معتبر مثلاً 50 متر ونصب فوقه شوية ماي بحر .. يستوي منحني ويعطينا بؤرة تركيز لضوء الشمس طولية بدال نقطة .. لنفترض البؤرة الخطية نحط تحتها بايب ماي مالح مؤكد بيوصل لدرجة الغليان ما دام الحرارة أشعلت لوح خشب بسرعة .. ولنفترض نمرر البايب في حوض ماء مالح مغلق مؤكد بيتسبب في ارتفاع حرارة الماء للغليان والتبخر ومن ثم نكون عملنا تحلية للماء بعد تكثيفه بدون أي تكلفة كبيرة فقط بالطاقة الشمسية
https://www.youtube.com/watch?v=eeSyHgO5fmQ
هلا بكم هلا بكم يالله يحيكم برحمتهاقتباس:
المشاركة الأصلية كتبت بواسطة سالم الزهران
ااايييه على البورمي اطلق عود وبخور الدنيا فكيف الجنه يالله يرزقني الجنه انت ومعماري
تعال سلوم تبي تشوف النجوم بعز القايله ههههههههههههههههههههههههههههههههههههههه الحين من اللي كل يومين بينظف القزاز السقف ياحظي هههههههههههههه من زين جونا وجوكم غبار ولا عج ولا رطوووبه ولا حرررررر قال نجوم قال :mad: اخذ لك شقه حلوووه بربوع الهند الساحره وابرك من قزارك ومن تركيا
هلا العود هلا بالشيوخ هلا بذمتي هههههههههه اسف ان كنت خربطت بموضوعك صراحه بس سلوم يفقع الكبد يبي نجوم القايله شلون ذي مادري :nop:اقتباس:
المشاركة الأصلية كتبت بواسطة معماري قطري
اكيد يامهندسنا البيت اول اهتمامي كل شي فيه اسباني ايطالي خاااااااالي من الصيني والمنتج الخليجي
من مكيفات الى اجهزة
حتى لييتات السبوت المانيه
هذا بيتك لازم ترتاح فيه
ياولد العرب.. رح شف الفيديو اللي حطيته في موضوع يوتيوب كارزما، هذي ديرتي مع اني محروم منها .. اتمنى تستمر صداقتنا حتى تشيب يا ولد العرب ونتمشى في الجبال ونت قدامي وبحاول اني ما ادفك من كثر اعجابي بتعليقاتكاقتباس:
المشاركة الأصلية كتبت بواسطة ولد العرب
:nop::nop::nop::nop:اقتباس:
المشاركة الأصلية كتبت بواسطة سالم الزهران
ولد العرب مب مال جبال ولا مرتفعات يا سالم .. هذا عايش منعم كله محمي ولازم مرافقين ولا يركب الا سيارات نازلة مب مثلي عاش طفولته يناقز فوق السيارات وعادي يركب بدي نشالاقتباس:
المشاركة الأصلية كتبت بواسطة سالم الزهران
بالعكس إخوي الطيب ونسيت أعايد بالجميع عيدكم مبارك وكل عام وقطر بخير وليخسأ الأعداء ومن في قلوبهم مرضاقتباس:
المشاركة الأصلية كتبت بواسطة ولد العرب
انا مع الديمقراطية وكل واحد يقول رايه
سكنت من أيام في فندق يبيض الوجه وسئلت عنه طلع ملك لكتارا
ما توقعت يكون بهذي الفخامة خصوصاً إنه الأرخص من ثلاث فنادق سكنناهم في سفرة قصيرة وباحط عنه صور صورت فيديو حق شخص سئلني عنه بس ما ينفع ينحط هنيه بيكون إن شاء الله تعليق وبعض الصور في موضوع عن السفرة في منتدى السياحة
فيديو فيه شرح مفصل لترميم شقة
حبيت فيه طريقة ديكور الجبس مع عمل بروز بسيط بالخشب للتلفزيون .. كذلك مغامرة تركيب بورسلان كبير بسماكة 3.3 ملم وهذي أول مرة اسمع عن هذا النوع على بلاط قديم .. شرح مستفيض وأحس غلط المهندس السعودي يوم قال بي ان سبورت شكله بيتورط لو اعتبروه تعاطف وترويج لمنتجاتنا
https://www.youtube.com/watch?v=HDjfuNkboc0
ترميم بيت بشكل سريع وصور توضح قبل وأثناء وبعد لجزئيات عديدة
تابعوه وشوفوا شلون تم بناء المجلس الخارجي وكيف القواعد حفر بسيطة وكمية الحديد قليلة جداً والبنيان من أحلى ما يكون .. كذلك البناء فوق السطح
https://www.youtube.com/watch?v=5jMS8zFA3p4
سقف اقتصادي رقيق من اختراع مغربي
https://www.youtube.com/watch?v=i_c1uXXAY4Q
بديل رخيص للجي ار سي
https://www.youtube.com/watch?v=UdPcYf9lzzs
البناء بالقواطع الخشبية والجبس من أسهل ما يمكن وسهل للتمديدات حيث فيه التجويف وهنا كيفية تشطيب الحواف للجبس
https://www.youtube.com/watch?v=2uFK8OGV2UM
وهذي الخطوة الثانية
https://www.youtube.com/watch?v=DuSbF5GVK-M
اللي يستخدمه عبارة عن معجون والدراي وول ممكن يكون حتى بلايوود أو جبس بورد أو سمنت بورد
https://www.youtube.com/watch?v=58KrW-JZrZU
هذا مقطع طويل شامل يغني عن اللي فوق جميع وفيه تفصيل أكثر
غالبية أو كل عمال الجبس يتبعون نفس الطريقة فقط هذي لتوضيح سهولة عمل القواطع الجبسية كحوائط وليست فقط أسقف
https://www.youtube.com/watch?v=gfiWv3Jl1uo