هذي شوي صورة أوضح للمجلس وحوض السباحة
http://i.imgur.com/9Q6wutV.png
هذي شوي صورة أوضح للمجلس وحوض السباحة
http://i.imgur.com/9Q6wutV.png
بعد اتقبل آراء الجميع بخصوص البيت والله يقدرني على بنيانه ونتابع التفاصيل خطوة بخطوة
الهدف هو البناء بعد 2018 أو 2020 حتى يكون البنيان شوي هدأ في الدولة استعداداً لكاس العالم
رايئي الشخصي اخوي معماري احب المجلس يكون مستطيل الشكل
بس احلا شي في التصميم صالة الحديد والادوات الرياضية اللي بالمسبح
نسيت اقولك اخوي معماري ميونخ تسلم عليك
الله يوفقك إن شاء اللهاقتباس:
المشاركة الأصلية كتبت بواسطة Azizuk
سلم على كل طرقاتها خصوصا طريق سالزبورغ
السنة وجهتنا شرق للرطوبة وسواديغا
نتناقش تونا في التصميم انا وبنتي الصغيرة وما شاء الله طلعت شوي عندها ملاحظات مهمة .. أكيد بالغت بغت غرفتها دورين وبغت غرفة سينما نسوي لها بيسمنت وبولنغ وبوفيه للذرة قرب السينما ناوية تسويها سينما قريبة للحقيقيةاقتباس:
المشاركة الأصلية كتبت بواسطة Azizuk
بس ملاحظة صج حبيتها كانت توسيع القسم اللي فيه القطع الرياضية جهة ليوان المجلس وباطورها إن شاء الله مع تحريك المجلس تحت شوي لتوسيع الجلسة
بخصوص المجلس حبيت المثمن لأن سهل تنفيذه والدائري صعب أكثر والمثمن تقدر تسوي فيه الجلسة دائرية كل مكان يكون تقريباً نفس الثاني والكل يكون متقارب .. والتصميم للحين في مراحله البدائية ولا اتخذت قرار بس تقريباً مرتاح للموجود
الله يوفقك بوعبدالله في تصميمك
وانت ماعليك زود ماتحتاج نصايح منا انت معلم واحنا منك نتعلم
والله فكرة غرفة من دورين حلوه كنت ابي اسويها عندي في البيت بس ام العيال قالت مب ناقصه اطلع وانزل
خبرك مب ساكنين البيت الا واخنا خلاص معجزين ومشيبين
يبي لنا لفت بالغرفة
بس انا مع بنتك حتى في المستقبل ممكن تخليها سكن للعيال في البيت عندك
اذا الله وفقك وتزوجت البنت وتطلعت بيت زوجها وتزوج الولد وقعد عندك
وياليت تخلي لها مدخل للخارج ينفتح على الحوش
وفي المستقبل تقدر تفتح الباب بكل سهوله ويكون جناح خاص للولد
فكرة المجلس مثمن حلوه
اذا عندك مجلس خارجي رسمي منفصل
المجلس الرئيسي حلو يكون مستطيل
اذا مجلس صغير خارجي حق قعده يومية حلو يكون مثمن او مضلع ويكون ملموم حق السوالف والاخذ والعطاء وشوي عقااااار
على العموم انت ماتحتاج مجلس رسمي عندك بالبيت لان مجلس العائلة الرسمي عندكم يكفي للمناسبات
صحيح وهذا وسط ل 25 شخص مع جزء خارجي للجلوس وقت الجو زين .. يعني يكفي لقرب 40 شخص في الأجواء الزينةاقتباس:
المشاركة الأصلية كتبت بواسطة Azizuk
هذا تركيزي على العيال أكثر والا البيت صغرته شوي بدون تغيير أساس التصميم .. والبيت كله والمجلس والتصميم ككل حلال الجميع من يحتاج منه شيء مستعد للتطوير .. مع البيسمنت ممكن نسويه بكم شكل وممكن نسوي بيسمنت جزئي لو حد حاب .. ممكن نسوي بنتهاوساقتباس:
المشاركة الأصلية كتبت بواسطة Azizuk
هو تقريباً 23 في 21 ككل لكن فيه بروزات تاخذ مساحة وهذي تعطي منظر كتل جميلة وكاسرة للمربع المصمت .. كذلك فكرة عمل غرفة مرتفعة بارتفاع مزدوج وقسم هذا الارتفاع بأرضية وسطية خفيفة لقسمها لغرفة من دورين تعطي منظر مغاير
إرتفاع البيت كل دور 4 أمتار بيكون حتى نقدر نسوي تكييف دكت سبلت جزئي وما فيه بنتهاوس يعني ممكن نسوي غرفة بارتفاع مزدوج شكلها يكون بارز وكاسر الشكل المربع
من أين لك هذا يا معماري قطري
الله يوفقك يبو عبدالله و يبارك لك في صحتك و عمرك
عجبني التصميم بدون مجامله
مشكور على هذا الموضوع المتميّز بو عبدالله
نصيحه بوعبدالله اذا بتسوي مكيف دكت خل الارتفاع 4 متر ونص اقل شي
لان الجبس والديكورات راح تاخذ عليك مساحة الارتفاع
عندك الدكت لازم ينزل من السقف اقل شي 10 سنتيميتر
عشان مايلامس السقف واذا لامس السقف يهتز ويطلع لك صوت مزعج بعد فتره مع الاهتزاز
بعدين حجم الدكت من 35 الى 40 سنتييميتر
وعندك لازم نزول تحت الدكت 10 سنتيميتر اقل شي
بعد عشان الدكت مايلامس الجبس ويتجنب الاهتزاز وحق الاسبت لايت والوايرات الثانية
بعدين اذا الجبس عندك في اضاءة داخليه لازم يكون 2 لفيل
والكورنيش الداخلي للاضاءة 40 سنتيميتر عشان الاضاءة تبين عدل وتتوزع بتساوي
وعندك الكورنيش الخارجي على الحايط
ينعى تتوقع يروح من الارتفاع 90 سنتيميتر
والا تنسى ارتفاع بيبان مداخل البيت وافريم الباب واذا عندك اقواس بين الممرات
عندي في البيت جاني مهندس الديكور وطلب اني انزل ارتفاع الباب والاقواس والا مكان الباب ماراح يركب الكورنيش و راح يلامس اعلى القوس مع فريم الباب
هذي بعض المشاكل اللي واجهتني اثناء التشطيب غير ان بعد تعمل احساب وقت التعديل يعطلك في امور الثانية
انا صار عندي تاخير في تركب الدكت وتاخار على راعي الجبس لان عندهم جدول زمني يمشون عليه والتاخير ياخر شغل اخري
تقريبا" من اسباب التاخير عندي هذي الامور تطلع لك وخاصه واحد مثلي غشيم في البنيان اول مره ابني
هذا التصميم نزلته من زمان وتفاجأت بمكتب استشاري سعودي ماخذ الصورة وناسب التصميم له .. عادي عندي لو يستفيدون منه بس حاطها في البروفايل على الانترنت .. غيرت فيه كثير وللحين وراي تغييرات بعداقتباس:
المشاركة الأصلية كتبت بواسطة سالم الزهران
والعفو يا اخوي الشكر للأعضاء اللي كثير منهم ساهموا بعرض تصاميمهم للفائدة صج شيء مزعج الواحد يخسر وقت وجهد ومال وفي النهاية يطلع بنتيجة غير مرضية ومشاكل صيانة كثيرة
معاك حق وممكن حتى 5 متر .. ليش لأني مب مسوي بنتهاوس ولأن الإرتفاع يعطيك حرية في تصميم بعض الصالات بإرتفاع عالي وكذلك المجلس .. أما غرف النوم أريح يكون سقفها 3 متر وكذلك الحمامات والمطابخاقتباس:
المشاركة الأصلية كتبت بواسطة Azizuk
التصاميم أعمال ابداعية و اللي يسوي هالسواة سروق الله لا يكثر خيرة , بإمكانه يتواصل معك و يطلبه منك و لكن للأسف دروب السنع لها ناسهااقتباس:
المشاركة الأصلية كتبت بواسطة معماري قطري
يعطيك العافية بوعبدالله ..
الله يعافيك إخوي سالماقتباس:
المشاركة الأصلية كتبت بواسطة سالم الزهران
المشكلة اشوف التصميم عادي اللي يميزه الفكرة المعمارية لكن كعرض وبرزنتيشن ما يسوى .. الرسوم المطورة عن طريق الفوتوشوب والثري دي ماكس ذيك تستاهل
سويت بعض التعديلات البسيطة على التصميم وبيكون كمرحلة اولى بنيان السور كامل وبنيان الجزء اليمين والباقي بيكون حديقة لحتى يحين موعد البناء بعد فترة ممكن توصل 10 سنين أو أكثر
حتى توضح الفكرة حطيت خط أحمر متقطع يوضح امتداد سقف الدور العلوي على الفراغ الوسطي .. وسويت الشلال بحيث ينزل على جدول بخطوط مستقيمة ويكون نازل بشكل متدرج وحوله الشجر
http://i.imgur.com/0QzBMRb.png
الدوار استوى منتظم أكثر .. وفكرته باخليه بدون رامب لسهولة الالتفاف حوله وباسوي سلوب بسيط للخارج .. وارتفاع أرضية الحوش عن الشارع بيكون 30 سم فقط والبيت عن الدوش ثلاث عتبات كل عتبة 12 سم = 36 سم .. الدوار بيكون نفس مستوى الطريق للسيارات ومزروع بعشب في قوالب بلاستيك وحولها الشجر الطوال مفكر في الرويال بالم تريز أو الواشنطونيا والوسط فيه النافورة
الإضاءة أكيد بتكون مهمة وبتلعب دور كبير .. ولو نشوف من الدوار النافورة في الوسط وباب يدخل على المجلس والصالة قزاز شفاف وراه باب خشبي وفي العادة يبقى مفتوح غالب الوقت ومنه نشوف الشلال والجدول المتحرك وأكيد مع الاضاءة
http://i.imgur.com/114YAM0.png
هذي أوضح للفراغ الوسطي
المنهولات بتكون غير موجودة بيكون كله توصيل مباشر .. أحاول اطلع صورة واضحة بس صعبة
http://i.imgur.com/uk2aczW.png
آخر يومين قبل السفر وفتحت الاوتوكاد اشوف المخطط الأخير وفكرت في تعديل بسيط للصالة التحتية
انا احب الجلسة الدائرية ولو تكون نازلة بتكون أحلى .. بتكون إن شاء الله نازلة 60 سم عن أرضية الصالة بحيث الكراسي ما تعيق الرؤية للمنظر وراها والماء بيجي قريب من الدريشة الكبيرة يبين من داخل وينسمع صوته لو فتحنا الدريشة
http://i.imgur.com/GVM9C4g.png
الفكرة ما توقف عند هذا الحد بل ممكن عمل الماء يمر تحت صالة الجلوس ويكون مغطى بزجاج ممكن المشي عليه ويتحرك عبر بايب راجع لأعلى الشلال قرب الجدار
توصيل مباشر هو نفسة النظام الامريكي ؟؟؟اقتباس:
المشاركة الأصلية كتبت بواسطة معماري قطري
إيه نعم إخوي سعود مقتنع به .. مع إنها ما تعتبر عائق في شيء وتغطيتها بنفس الأرضية يخليها ما تبين لكن اتخيل ما لها داعي ونظام اغلاق البايبات أهم
بديت اشتغل على الواجهة الرئيسية بس شكلي مب مخلص الا بعد ما ارجع
مبدئياً إخوي بو سعود بيكون هذا الجزء اللي مبين بعد ما تدخل من الباب وخذت اللقطة بعد مظلة البوابة حتى تبين تفاصيل المجلس أكثر وغرفة الطعام النازلة اللي مغطية على جزء من كتلة المجلس
يسار المجلس تجي الكتلة النازلة حق خدمات حوض السباحة ووراها تجي كتلة حوض السباحة مرتفعة .. والسبب حاب اسوي مدخل للنور للمناور العلوية الجانبية .. بتكون هذي حق المجلس مثل ما انت شايف وبتكون الدرايش نازلة لتحت حتى لو كانت تشكيلة دريشة بدون فتحة حتى تعطي شكل والإضاءة الصناعية بتعطيها منظر الدريشة المفتوحة للخارج
خليت كتلة خدمات حوض السباحة نازلة حتى اقدر افتح صوب الحمام في الغرفة السفلية في البيت دريشة علوية كبيرة للنور خصوصاً بتكون مقابلة شرق وكتلة الخدمات ذي بتسد على غرفة الملابس والحمام لكن باسوي المناور فوق سطحها
http://i.imgur.com/gLqzFTv.png
تنسيق الواجهات متسق مع المخطط الأرضي ومفكر فيه من زمان
الشكل المبدئي للواجهة
http://i.imgur.com/wiitRkv.png
الخطوط الحمر المتقطعة لتوضيح مستوى الأرضيات والأسقف
مشروعي استويت احبه وايد وأكيد التصميم بيكون مستمر والتحسين عليه بيكون مستمر وبازعجكم به شوي
http://i.imgur.com/7nVzUlW.png
هذي صورة مقربة للمدخل .. بيكون سقف المكتب نازل وبين السقفين باقدر اسوي منور لداخل البيت قلاس بلوك ( الموضح بالأزرق المتقطع )
http://i.imgur.com/AezFg92.png
كبرت شوي تيجان الأعمدة حسيتهم صغار
http://i.imgur.com/ka2Ndyt.png
فرزات الزوايا تبين من بعيد وتتضح أكثر كلما قربنا .. هذي سهل عملها خصوصاً لو الجدار عريض وتنعمل مع قوالب الصب من الفلين أو الخشب
لا تكبر العمدان وتسوي نفس الخطاء اللي صار عندي
مهندس المقاول اللي كان ماسك البيت سوه العمدان عندي بقطر 50 وكان المفروض يسوهم 30
لان هو 50 مع الديكور والتيجان والحين طلع عندي العامود كبير وايد وماقدر اركب عليه تيجان والا يتلبس حجر والا جي ار سي بيطلع دفش وكبير وايد
هلا بو سعود
هذي الله يسلمك 30 من تحت واقل شوي من فوق ولو بغيت الخمسين لها حلول بس نسبة وتناسب بتطلع قبيحة لان الطول قليل
باسوي مقترحات ثانية لين رجعت الحين في الام بي كي في بانكوك وزين وافقوا لي باستعمال النت شوي
الله يحفظك وترجع بالسلامة يابوعبدالله
الله يرحم والديك
وانت كذالك أتوقع للحين في ميونخ
لين الحين في بلادك ميونخ برجع قريب ان شالله
ماتامر على شي بخاطرك من المانيا
حاضرين لك يابوعبدالله
جرب الحليب هناك بالزبدة بتتولع فيه بس يزيد الوزن
اعتقد اللي مكتوب عليه سبعين في المية
تسلم اخوي ما تقصر المهم تستانس في هالوقت القصير
اقتباس:
المشاركة الأصلية كتبت بواسطة معماري قطري
ماشالله تصميم جميل
ايش المواد الي ناوي تستخدمها في الواجهة ؟
هلا اختي سويت قطر
انا مركز على الكتل والزوايا المتعددة والبروزات وهذي احلى تنعمل بالبلاستر والصبغ والنوافذ زجاج ويو بي في سي كالمعتاد .. فكرت أزيد غرفتين وصالة فوق حق ولدي زواجه قريب ان شاء الله وبيكون اوفر لين يبني براحته
التصميم مب نهائي ولازم أحط تفاصيل كثيرة
نسيت أقول الكسرات اللي في المجلس المثمن بتكون فيها تشكيلات جي أر سي بانارة مخفية تبرز الشكل والفتحات ونفس الوضع بتكون تشكيلات بسيطة وهادية على حائط البيت .. ما ابي ابالغ لان التجميل زيادة قبح والتكلفة مؤكد بتكون كبيرة خصوصا مع زيادة المساحة
دام اخترت الستايل التراثي لازم تحط خشب
و حلو بعد لو تطعم الواجهة برخام :)
شكلك تحب درايشك عشان جذي بتسوي مثلهم*
الله يتمم لولدك على خير وتفرح فيه وفي اخوانه
آخ لو فيه مساحة و دراهم كان تخلي البيت واجهته مثل المدرجات لاجل ياخذ شكل تراثي
بس حتى لو توفرت الدراهم و المساحة , اسأل نفسي دايماً هل احتاج يكون البيت كذا ؟
تحس انها تصلح لمباني عمومية او لسكن شخص ارستقراطي و ليس من العامة زي حالتي
موفق يا مهندسنا بوعبدالله , الله يعطيك الصحة و العافية و كل شيء تتمناه
ماشاءالله تبارك الرحمن
وايد عجبني التصميم الداخلي للبيت تبارك الرحمن
توي راجعه من المغرب استخفيت على فن العماره هناك امشي واصور وحتى محلات الجبس والبلاط والرخام شي عجيب وخيالي ورخص التراب
شفت بلاط للحوش مشابه لللبلاط السعودي ولكن لونه ابيض مايل للرمادي وبنقشة مغربيه
وايد حبيته يخلي البيت وكانه قصر
هلا ومرحبا فيج اختي غاية
انا من محبي المغرب والعمارة هناك وكذلك اسبانيا والبرتغال وفلوريدا عمارتها مقاربة .. وزارة الداخلية مانعة الذهاب للمغرب بس لازم اكسر القيود وأروح
بعدين دوم تفكيري في دمج التصميم الداخلي مع الخارجي
الله يوفقك اخوي سالماقتباس:
المشاركة الأصلية كتبت بواسطة سالم الزهران
هو بتكون فيه كسرات وتجويفات ونقوش جي أر سي لو توفقت في حد يسويه زين بس بدون مبالغة
البروزات الكبيرة بلكونة وبروز المدخل .. التدريج يجمع الغبار وينزل على الواجهة مع المطر كذلك بعض التجويفات .. وعندي الحوائط دوم 45 سم للعزل الحراري