https://www.youtube.com/watch?v=-9qipHF-LzA
عرض للطباعة
اول مرة اشوف جدران بوليسترين...
هذي تغطية خارجية وبعدين يجي عليها طبقة بلاستر حماية وتكون من مواد قوية ورقيقة حتى تلتصق بالأسلاك المعدنية .. كثيرين يسوونها وتتشطب تشطيب الحجر بس عندنا يحطون 5 سم لو 10 أكيد العزل قوي وايداقتباس:
المشاركة الأصلية كتبت بواسطة سالم الزهران
مب شرط ترجع للمهندس نفسه غيره ممكن يصمم والحلول موجودة وسهلة
https://www.youtube.com/watch?v=AtQplm53u4s
ركزوا في الإضاءات شلون
https://www.youtube.com/watch?v=zDbCpBHX0aE
هذا استثمر البيزات في عناصر معينة اهمها التصميم الداخلي للبيت، هندسة الديكور اعتقد تمت على مراحل كثيرة، لان الفخامة برزت اكثر في الطابق الأرضي لان في مساحات مفتوحة على بعضها.. الاعمدة والارضيات مغطاه بمواد فخمه و تغاضى المصمم عن الارتفاعات والجدران واكتفى كما يبدو لى بالدهان.
اخر موضوع هو الإضاءة واعتقد ممكن اختيار مثلها واجود منها لكن لن تبرز بهذا الشكل الا بالتصميم المناسب.. اكثر شي عجبني مساحة غرف النوم على القد وهذا المطلوب..رغم ان اللون الابيض للكبتات وبعض طاولات غرف النوم مب زين.. الابيض عملي اكثر مب مال استرخاء. ما ننسى المطبخ ممتاز
الاضاءة الخارجية بعد المفروض تكون معقولة ما فيها استعراض لانه بيت مب محل تجاري. وشكراََ يبو عبد الله لإثرائك الموضوع
تعقيب في محله إخوي سالم وهذا المهم نستثمر في تغيير وفي تطوير فلسفة البناء وبرخيص واستثمار في محله ونبتعد شوي عن التقليدي والمهم يكون بنياننا مريح وسهل .. أمس تمشينا في منطقتنا في شوارع حولنا بس هادية ومرتبة ومريت مع واحد من أهل المنطقة على بنيان جديد لهم للتأجير كان على شكل مجمع شقق والله يوفقهم فيه وهناك بيوتهم مسوين مواقف خارجية وزراعة حتى ورود زارعين والمنطقة ما فيها مكان ترابي وحتى الإيجارات كثيرة بس مرتبة صح تحسرت على منطقتنا القريبة ومنطقتنا القديمة كلش مب مرتبة ويبغي لها إزالة وبديت أقتنع بقرار البلدية هدم بيتنا القديم
https://youtu.be/qcjmleiyJU8
اذا الامريكان يسوون في صب الخرسانة جذي فما استغرب انهم وصلوا الفضاء. هذا الفيديو تحدي لمعماري
لو تلاحظ في الأخير استوى الشكل حلو بس يبين إن بعض إتجاهات الخطوط متعاكسة وهذا غلط منهم
عندنا صبغات بودرة خاصة بالإنترلوك بسهولة ممكن تستعمل حتى في الخلطة ذي اللي عندهم ناعمة ويرشونها على الوجه .. شغلهم فيه فن وخبرة أكثر منه علم
كلامه صحيح الماء ضروري نزيله أول بأول ورش وترطيب الأسطح بمياه قليلة بعد الصب ممكن يبقى لين شهر أو 4 أسابيع بالكثير ولا يزيد وعبارة عن ترطيب وليس تغريق .. مياه المطر تسبب تغريق للأسطح وتبقى بحمل إضافي وتسسبب في مشاكل انشائية وتضعف الخرسانة وممكن تهدمها أوقات
الكراسي المعلقة، واي تركيبات وراها أجزاء مخفية افضل في رأي الشخصي أن أركب وراها سمنت بورد أو اي شيء يسهل قصه بأقل وقت وجهد.اقتباس:
المشاركة الأصلية كتبت بواسطة معماري قطري
ابشرك صارت تفتح المقاطع . بدون اي اجراء مني :app:
بشرك الله بالجنةاقتباس:
المشاركة الأصلية كتبت بواسطة سعود.
دوم أذكرك متأخر وأقول ما حطيت الرابط بس هشكل زين
الخشب ثابت وقوي ويعمر مثل المارين بلايوود وانا مجربه ولا تدري به وبدون أي حمايات .. الاسمنت بورد أكيد أقوى ويقاوم الرطوبة ممكن أكثر .. بس والله تتورط في صيانة الكراسي المعلقة صعبة وايد وعلى البركة ماشية صح عندي للحين .. عندي غالبيتها جاكوب دوليفان ويقولون وقفوا الانتاج ألحين ولا فيه قطع غيار .. الديكورات أحلى تطلع فوق مستوى الخزان جانبية بهذي الطريقة ما ادري ما اشوفها أحلى فوق وبكامل العرض أحسناقتباس:
المشاركة الأصلية كتبت بواسطة سالم الزهران
آر - 13 للعازل تعني رزستانس 13 أو مقاومة للإنتقال الحراري = 13 .. الطابوق على ما أذكر بحدود 1 والعازل الفوم 5 سم بحدود 2 إن ما خانتني الذاكرة .. هذا العازل يجمع مع مقاومة الهواء الملامس للسطح الخارجي والداخلي وهو رقم بسيط كلش بحدود 0.05 مقاومته ومع أي تغطية وبأي مواد ممكن تطلع بحدود 1 أو 2 أو 3 حسب المواد .. تخصم منه أي جسور حرارية بنسبة تغطيتها وهنا أشوف فيه الخشب يعتبر جسر حراري بس عزل الخشب حسب نوعه وسمكه بعد جيد ممكن يوصل ل 6 .. كلها تطلع تقريباً رقم معين ونوازنه ببعض ممكن فرضياً في المعدل يطلع 9 .. منه نحسب اليو فاليو معامل الإنتقال الحراري اللي يساوي 1 على مجموع المقاومات مقسوم 1/ 9 = 0.111 وهو عزل خرافي ولو كل المقاومات 13 بدون جسور حرارية تطلع 0.077 وهو عزل خيالي أكثر وأكثر .. بالنسبة لبيوتنا لو وصلنا 0.5 أو 0.3 نعمة وغالب بيوتنا 1 حتى المغطاة بالحجر بدون عوازل اضافية
https://www.youtube.com/watch?v=a1jPx9xQeXk
اتفق معك،، الخشب والاسطح الخفيفة الثانية تحتاج عزل بطريقة جيدة، لأن اغلبها ما تجي معزولة من المصنع وبيبين عليها آثار الرطوبة، المقصد اذا كان ورى الكرسي المعلق شي غير البنيان ممكن تفكه كله وتقطه وتركب واحد ثاني ما تتكلف انك تكسر جدار و تدور بلاط او تغير كامل البلاط.. حوسهاقتباس:
المشاركة الأصلية كتبت بواسطة معماري قطري
الله يعين شغل الصيانة والتجديد كله حوسة في حوسةاقتباس:
المشاركة الأصلية كتبت بواسطة سالم الزهران
الأهم من قوة الحديد هو حمايته من عوامل الصدأ .. الماء المضاف له الكلور مسبب قوي للصدأ وهو ماء الخلط عندنا للخرسانة والحديد المغلف ايبوكسي أثبت وجوده في البنايات اللي ما تتعرض لشد قوي مثل البيوت والعمارات العادية وممكن لوحظ انسلاخ الحديد المغلف من غلافه في الجسور بسبب تغلغل المياه والرطوبة مع مرور السنين بين التغليف وبين جسم الحديد والصدأ بس للمباني العادية أثبت وجوده .. في حال الجسور الوضع يختلف ومعرضة أكثر لمياه الأمطار وتتغلغل للحديد مهما سوينا .. البيوت الإهتمام بالعوازل وبالغطاء الخرساني يقينا أي مشاكل
بعدين عندنا حديد واحد تقريباً في السوق .. قبل من زمان جابوا نوع تركي قوي وصلب بس غير قابل للحني وينكسر ما كانت مذكورة هذي المواصفة ومن نزلوه بالكرين لاحظوا تكسر أجزاء منه في الميناء واستوت سالفة
أشوف ضروري يكون فيه توجيه لمعامل الردي مكس بضرورة الخلط بمياه مقطرة مزالة منها الأملاح والكلور
https://www.youtube.com/watch?v=Ikt5_ONF_tA&t=185s
هذا برنامج الريفيت من نفس شركة الاوتوكاد اللي اسمها اوتوديسك .. تقريباً فيه نفس الخصائص والمميزات
https://www.youtube.com/watch?v=VEMTY_6YZi4
https://www.youtube.com/watch?v=OA6c818LeZw
شغل بو أسد وايد نظيف ومرتب
عوامل كثيرة تدخل في تصميم دورة المياه منها الحائط الخارجي ووين الدريشة وشكلها شلون .. الرواشن في الحائط والتهوئة الهواء الداخل والهواء الخارج .. الشرح هذا مبدئي وبالنسبة للحمام الصغير 1.8 في 1.8 أشوف نخلي المغسلة مواجهة الباب أفضل بعد الإستعمال بيكون أول النظر يجي على ما هو مقابل الباب وليس جنب الباب مع إن المكانين جيدين
https://www.youtube.com/watch?v=bcfesvIA0Ws
https://www.youtube.com/watch?v=-PklyWBrdYo
تصميم حلو لمحبي الديكور والمساحات المدروسة
حبيت قصة مغاسل المجالس والصالات ودخول البرواز للباب خلفها بطريقة معالجة مبتكرة ما فكرت فيها من قبل في الفيديو السابق
متفق مع كل ما قال بس ليش ما نتفادى كل هذا من خلال مرحلة التصميم ونراجع المخططات الإنشائية ونطابقها مع المعمارية مع مهندس فاهم يوضح لنا شصاير
https://www.youtube.com/watch?v=RMr_NhRn4KA
أذكر أحد الأعضاء تواصل معاي في عمود صغير يبعد مترين من زاوية الصالة من كل جهة وكان عائق مزعج وبنى كامل خلص الخرسانات بس ما شطب للحين .. العمود حامل فوقه جدران حمام ولا فيه حد بيشوف له حل وطبيعي محد يتحمل المسؤولية في هالحالة .. حاولت له بحلول معمارية وتجميلية كلها ما ارتاح لها مصمم يقص العمود .. نصحته يشوف مدير مكتب استشاري كبير ومشغول ألحين بس كان هذا عرفته من حول 30 سنة من أفضل المهندسين الإنشائيين .. سوى له حل غريب بعد زيارته للموقع زرع عمدان في الجدران حديد آي بيم وركب فوق قطع آي بيم معلقة من راس العمود وممتدة ويغطيها الجبس بعدين .. ركبوا دعامات وقصوا العمود
الحل أكيد مكلف ينعمل من البداية بدراسة بيكون سهل ورخيص لكن بعدين سوى ربكة ووقف الشغل واحتاج شغل ومواد ولازم تكلفة
عرض الباب حتى ل 80 سم صافي مناسب لدخول الكرسي المتحرك ولكل قطع الأثاث .. الفتحة ممكن نسويها 90 سم بس متر معقولة ويكون الباب بحدود 90 سم تقريباً صافي .. المتر من مضاعفات ال 20 سم اللي يعتمدونها أغلب المعماريين في التصميم فعادي حايط طوله من جهة لجهة ممكن نحصله 4 متر أو 4.2 أو 4.4 ومن هذي المضاعفات لكن صعبة نحصل مثلاً 4.09 وهذا يعد قصور في التصميم أو التنفيذ ولو نرجع للمخططات نحصلها 4 أو 4.2
في هالحالة لو فرضاً الباب وسط الحايط بنبداه من 2.1 إذا عرض الحايط 4.2 وفرضاً بنسوي باب عرضه 1 متر بناخذ من ال 2.1 اليمين 50 سم بتبقى لنا 1.6 متر ومن اليسار نفس الشيء .. 1.6 تركب فيها 4 طابوقات بالضبط وفوقها 3 طابوقات ونصين الطابوقة حتى يكون عندنا تداخل .. أوقات يضطر العمال يعملون مقاس صحيح يمين ويسار بمضاعفات ال 20 سم ويتركون الفتحة للباب في الوسط تقريبية مثلاً 105 سم أو 103 أو حولها وهذي بعد ما تبين في التركيب وتحسب الأبواب وحدة الا تجي متعني وتقيس بدقة
زين شيصير لو فرضاً بنسوي باب عريض وإحنا حابين العرضيكون وسيع؟ نقدر نسوي 120 سم أو 140 سم وفي حالات معينة لو زاد العرض تضطر تركب باب كبير وجنبه باب صغير حتى يكون ثابت أو كبير بس محوري اللي له محور متطرف معلق فوق وتحت وينفتح لاف .. أو 120 سم بتروح منها قرابة ال 10 سم للفريم بتبقى 110 وعندنا عرض اللوح 122 سم بيكون الباب اقتصادي بس يحتاج مفصلات مناسبة وتمسكه صح
https://www.youtube.com/watch?v=gfW0MYbHVyk