اقتباس:
المشاركة الأصلية كتبت بواسطة hasss1969
طيران بيغا سوس
بس مافيها الا سياحيه
الحين بشوف لك وبخبرك ولا يهمك
واذا تبغي البزنس الطيران التركي الارخص
بس اتمنى تعطيني التاريخ بالضبط
واذا عادي عندك الترانزيت
الارخص بزنس هو الطيران السعودي 5000 ريال
والترانزيت في جده :(
مده السفر 23 ساعه واااااااايد
وهذا سبب رخصها
وبعدها يجي الطيران المصري
الله يجزيك خير على اهتمامك ...تاريخ السفر بدايات اغسطس...ما عندي مشكلة في الترانزيت بس مايكون لفترة طويلة مثل الطيران السعودي...وياليت لو عندك فكرة ترشح لي فندق على ذوقك وسعره وسط...اقتباس:
المشاركة الأصلية كتبت بواسطة غير البشر
اقتباس:
المشاركة الأصلية كتبت بواسطة غير البشر
الله يرحم والديك وجزاك الله خير الجزاء وبارك الله في وقتك ورزقك
اقتباس:
المشاركة الأصلية كتبت بواسطة hasss1969
مرحبا اخوي حطيت لك تاريخ الذهاب 1/8/2014
والعوده تاريخ 15/8/2014
الذهاب
الدوحه - عمان ( الاردن ) - اسطنبول ( المدة 7 ساعات و 20 دقيقه )
والعودة
اسطنبول - عمان ( الاردن ) - الدوحه ( المدة 5 ساعات و 55 دقيقه )
سعر التذكره بزنس ذهاب وعودة 6400 ريال
على الخطوط الاردنيه
مقارنه الاسعار مع الشركات الاخرى
الخطوط القطريه بزنس بنفس التاريخ دايركت 10,780 ريال
الخطوط التركيه بزنس بنفس التاريخ دايركت 8650 ريال
مده الرحله ذهاب 4 ساعات ونص
مده الرحله عوده 4 ساعات وخمس دقائق
طيران الخليج 7820 ريال
مده الذهاب 6 ساعات ونص
والعوده 5 ساعات و50 دقيقه
ترانزيت في البحرين
الامارتيه غاليه x
الاتحاد 7,480 ريال
مده الذهاب 9 ساعات
والعوده 7 ساعات ونص
ترانزيت في ابوظبي
وبعد اشوي بحط لك قائمه الفنادق
بس اتمنى تقول كم شخص
وهل معاكم اطفال او لا وكم اعمارهم :victory:
اقتباس:
المشاركة الأصلية كتبت بواسطة الجسراوي
ووادليك يا الشيخ
ومن قال ان شاء الله لك بالمثل
حاضرين الله يسلمك لأي استفسار
الله يجزيك خير ورحم الله والديك،،،العدد هو انا وزوجتي وولد عمره 4 سنواتاقتباس:
المشاركة الأصلية كتبت بواسطة غير البشر
احسن الفنادق في منطقه تقسيم اسطنبول وبالنسبه للأسعار
1- Point Hotel
موقعه وايد حلوووو دايما كنت اقعد في الكوفي جنب هذا الفندق
وهو فندق خمس نجوم
وغالبا غرف اسطنبول تعتبر صغيره الحجم نوعا ما
سعر الليله خلال فتره السفر 977 ريال شامل الضريبه
http://www.booking.com/hotel/tr/poin...-lightbox-open
2- فندق Grand Oztanik Hotel
فئه 4 نجوم
اعتبره ممتاز جدا وانصح به
مانسكت فيه للأمانه بس كنت امر من جنبه
فندق مبنى حلو وكبير ونظيف وموقعه جيد
باالاضافه الى الغرف واسعه نوعا ما
وسعره مناسب جدا
سعر الليله خلال فتره سفرك 766 ريال شامل الضرائب
http://www.booking.com/hotel/tr/gran...772820855eb5X8
3- فندق Nippon Hotel
فئه 4 نجوم
هذا الفندق مجرب
فندق حلو ونظيف وموقعه جيد
واثاثه حلو وراقي
عيبه الكبير ان الغرف صغيره جدا
سعر الليله خلال فتره سفرك 735 ريال شامل الضريبه
http://www.booking.com/hotel/tr/nipp...-lightbox-open
4- Ramada Istanbul Taksim
فئه 4 نجوم
موقعه جيد جدا
فندق نظيف جدا
حجم الغرف نوعا ما صغيره
سعر الليله خلال سفرتك 590 ريال شامل الضريبه
http://www.booking.com/hotel/tr/the-...-lightbox-open
هذه الفنادق الي ارشحها لك
من حيث النظافه والسعر والموقع
وبالتوفيق اخوي
وأي أستفسار انا حاضر :nice:
اقتباس:
المشاركة الأصلية كتبت بواسطة hasss1969
ووالديك ان شاء الله
الله يبارك فيك وفي زوجتك
ويخلي لكم الولد ويحفظه وينبته نبات حسن ان شاء الله
اذا الولد صغير والعدد واحد
عادي مافي مشكله
لان بعض الفنادق يحسبون العدد والاطفال وهكذا
الله يجزيك خير،،،،ماقصرت ،،،،،
جزاك الله خير غير البشر والله يوفقك ويعطيك الف عافيه على مجهودك
العدد 8 اشخاص 2 اطفال والسته من عمر 13 الى الوالدين المكان ميلان الوقت 26- 7 لمده 4 ايام
حجز رخيص تقريبا ونظافة المكان
وجنيف من 29 -7 ولمده 3 ايام
ولندن من تاريخ 17 - 8 ولمده 6 ايام
بس السكن جزلك الله خير
اقتباس:
المشاركة الأصلية كتبت بواسطة الجسراوي
مرحبا اخوي الجسراوي
الله يعافيك ويجزاك بمثله يارب
باالنسبه لميلان
ارشح لك فندق غراند روزا
نظيف جدا انا مجربه وايد ارتحت فيه
بس الغرف صغيره نوعا ما
انا خذت سويت جونيور + غرفه عاديه
وسعره مناسب بالنسبه لموقعه
واشوفه كموقع احسن فندق في ميلان ( وسط الدومو )
بما انكم 8 اشخاص
اعتقد محتاجين غرفه وحده سوبيريور ( 3 أشخاص )
وغرفتين عاديتين
يعني المجموع 3 غرف
ولو تقدر بالغرفه العاديه تاخذ ديلوكس بدل السيبريور احلى كديكور
بالنسبه لجنيف
ارشح لك هالفندق بالنسبه لموقعه وسعره
http://www.booking.com/hotel/ch/east...44b3c2d;dcid=4
بالنسبه للندن
انا كنت برشح لك الفنادق التاليه المعروفه والي مجربها
في احلى الاماكن والكل يسكنها واسعارها مميزه
منها ثيستل ماربل ارش وهيلتون متروبول
لكن تفاجأت ان ماريوت ماربل ارش سعر مايتفوت اذا بتحجز الحين وتدفع الحين
6 ليالي 8 الاف واشوي
واذا خمس ليالي بيطلع لك اقل
فندق حلووو السنه الى راحت سكنت فيه ومكانه اروع
فندق ثيستل طلع اغلى منه
والهيلتون متروبول بنفس السعر
يعني نصيحتي لو سفرتك مضمونه بالوقت
احجز فيه وادفع
واذا تبغي اشوف لك فنادق ثانيه ولايهمك
فندق ماريوت
http://www.booking.com/hotel/gb/lond...-lightbox-open
اي خدمه ثاني انا حاضر
قطارات او مطاعم او اي مكان :victory:
مرحبا أخوي غير البشر
بغيت ترتيب حق سفره لسنغافوره بالنسبة للتذاكر وحجوزات الفنادق
:victory:
السلام عليكم ورحمة الله
أخوي إذا ممكن مخطط رحلة لسويسرا عشرة أيام افضل الفنادق والمناطق ،فضلا لا أمرا
مع شكري الجزيل مقدما .
اقتباس:
المشاركة الأصلية كتبت بواسطة قطر**
مرحبتين ياهلا فيج اختي
كم عددكم
ومتى ناويين ان شاء الله
واذا معاكم اطفال كم اعمارهم
وابشري ان شاء الله
اقتباس:
المشاركة الأصلية كتبت بواسطة عين الفجر
عليكم السلام ورحمه الله وبركاته
ياهلا ومرحبا فيج اختي
ان شاء الله بكتبهم لج
بس عشر ايام وايد على سويسرا
يعني هل كل المده تبغونها في جنيف
او تنزلون في جنيف ومنها الى انتر لاكن والعوده من زيوريخ
او تنزلون في جنيف ومنها الى زيرمات ( سويسرا ) والعوده من ميلان ( ايطاليا )
مرحبا اخوي
ان شاء الله 2 كبار وطفلة
على بداية شهر 9 ان شاء الله والمدة 5 ايام
كل الشكر أخوي على اهتمامكاقتباس:
المشاركة الأصلية كتبت بواسطة غير البشر
ما عندي تصور محدد للرحلة ، المهم ما يكون في تنقل لمسافات بعيدة ، يعني يفضل نسكن في منطقة وحدة ، ونتجول حواليها ، لذلك احتاج شخص يقدر يرشح لي المنطقة الأفضل ، سواء كانت جنيف أو زيورخ مافي مانع .
أكرر شكري وتقديري لجهودكم .
اقتباس:
المشاركة الأصلية كتبت بواسطة عين الفجر
العفو حاضرين الله يسلمج
مرحبا اختي بما ان اخترتي جنيف
ترشيحي بكون كالتالي
جنيف طبعا
انا بعطيج الاماكن الي هي خارج جنيف
وانتي اختاري من بينهم الي تبغين تروحين لهم ومناسبه لج من حيث المسافه
وبعد اختيارج
نروح للترتيب والاماكن السياحيه وباقي الامور
وانتر لاكن وترجعون بنفس اليوم بالقطار ساعتين و 36 دقيقه
وبالسياره ساعتين ونص
زيرمات بالقطار 3 ساعات و40 دقيقه
وبالسياره 3 ساعات و 20 دقيقه
بحيره انسي في فرنسا بالسياره افضل من القطار
بالسياره 45 دقيقه
وبالقطار ساعتين وربع لان يوقف في محطات مب دايركت
مدينه مونترو بالقطار بين ساعه وساعه وربع
وبالسياره نفس الوقت
ما قصرت أخوي غير البشر
المناطق المختارة :
انترلاكن ، انسي ، مونترو
يفضل ايكون ضمن البرنامج السياحي أماكن ألعاب .
اخوي مادري اذا تقدر تفيدني
ماقريت كل الردود وقريت الموضوع بسرعه
عموما
انا احجز عن طريق بوكنق
بروح لمكه يومين وبعدها للمدينة يومين
وبعدها برجع
السفر عبر السياره
لانه بجيب معاي اغراض اشوي كثيره
حجزت في فندق زمزم هذا في مكه
وحجزت فالمدينة موفنبيك
اول مره احجز لمكه عبر بوكينق حجزت لدبي والامور حلوه
لكن سمعت انه مكه عادي تحط شخص مكاني اذا تاخرت فالقدوم
حجزنى مره وخصموا المبلغ وتاخرنا عليهم 4 ساعات جينى ولا مسكنيين ناس غيرنا
وقالوا بنرجع لكم المبلغ بعد اسبوع
وضطرينا نحجز حجز عادي من الشقق الفندقيه
شاكر لك لو توضح لي
اقتباس:
المشاركة الأصلية كتبت بواسطة غير البشر
جزاك الله خير ماقصرت بارك الله فيك وفي عملك
اخوي ابي اشحن الشنط من باريس الى لندن عشان نسافر بالقطار وخبرك الشنط غربال في القطار
هل عندك معلومات عن شحن باريس لندن
وبخصوص القطار اشرايك اخذ التذاكر من ريجنسي ولا من النت دايركت شنو احسن
والله يرحم والديك
ماشاء الله تبارك الله ..
عساك على القوة
يجزيك خير ويعطيك العافيه
انا مادريت ان هالموضوع للاستفسارات
انا نزلت موضوع خاص بروحي
ارجو الرد عليه عاجل ..
السلام عليكم
اخوي انا ناوي اروح بارس في العيد ان شاء الله
بغيت نصيحتك لفندق في الشانز ويكون سعره مناسب ظ*ظ* اش رايك في فندق بالتيمور
ووين تنصحني اروح غير الشانز وديزني لاند واللوفر ظ*ظ* ايش الاماكن السياحيه هناك
وهل تنصحني اروح نيس ولا لا علما ان الاجازه كلها حول ظ¥ ايام
كنت افكر ظ£ ايام باريس و يومين نيس
شاكرلك مقدما اخوي
السموحه على التأخير في الرد
وان شاء الله اليوم برد على استفساراتكم كلكم :nice:
اقتباس:
المشاركة الأصلية كتبت بواسطة عين الفجر
ياهلا ومرحبا اخوي / اختي عين الفجر
بالنسبه لسويسرا
الاماكن المختاره :
جنيف وانتر لاكن وبحيره انسي الفرنسيه
طبعا مكان السكن فقط في جنيف
عشر ليالي او عشر ايام في حدى الفنادق
انا بختار لك الفنادق الزينه ان شاء الله
وانت شوف شنو يناسبك من بينها من حيث السعر والميزانيه المخصصينها للفنادق
1- فندق كمبنكسي
وهو يعتبر الفندق التوب والارقى من حيث كلشي الموقع والفخامه
بس اكيد سعره مرتفع
http://www.booking.com/hotel/ch/gran...ability_target
2- شقق مكانها حلو
وقريبه من البحيره
http://www.booking.com/hotel/ch/swis...44b3c2d;dcid=1
3- فندق اربع نجوم نظيف وحلو
وتقريبا مشي خمس دقايق لين البحيره مش بعيد يعني
وحجم الغرف يعتبر جيد جيدا وسعره مناسب بالنسبه لموقعه ونظافته
http://www.booking.com/hotel/ch/east...-lightbox-open
4- فندق نوفوتيل
من فئه اربع نجوم
فندق حلو ونظيف وتقريبا مشي 10 دقايق لين البحيره
دايم كنت اجي صوبه واخبر في جنبه مطعم لبناني
وحجم الغرف جيد جيدا
http://www.booking.com/hotel/ch/gene...-lightbox-open
هالفنادق الي ارشحها لكم
وفي فنادق ثانيه قريبه من البحيره وارخص
بس مستواها اقل من هالفنادق وما اضمن ترتاحون فيها
وان شاء الله بعطيج الاماكن السياحيه الي داخل جنيف
بالنسبه لبحيره انسي
المسافه بالسياره من جنيف الى نسي 45 دقيقه
و المسافه بالكيلو متر 41
وبالقطار ساعه و 43 دقيقه لان يوقف بين محطه الى محطتين
يعني بالسياره افضل واريح
وبالنسبه للمنطقه الثالثه مونترو
بالقطار اذا دايركت ساعه بالضبط
وبعض القطارات توقف في محطه واحده وهي في لوزان
واذا يوقف في لوزان تكون الرحله 1 وربع
وممكن تنزلون في لوزان بعد حلوه
يعني تقسمون اليوم النص في مونترو والنص الاخر في لوزان
اذا بتروحون المدينتين بالقطار لاتاخذون قطار دايركت
اخذو الي يتوقف في المحطه
وتقدرون بعدها تروحون مونترو بنفس التذكره
والعوده تكون دايركت الى جنيف
اما بالسياره
من جنيف الى لوزان ساعه
ومن جنيف الى مونترو ساعه وربع
وكل المدن جنيف ولوزان ومونترو يقعون على نفس البحيره بس بالجهه الاخرى
لان البحيره كبيره جدا
وان شاء الله راجع للأماكن السياحيه في كل الاماكن
اقتباس:
المشاركة الأصلية كتبت بواسطة abu m7md
مرحبا اخوي
انا مافهمت موضوعك بالضبط
بخصوص انك تسكن حد مكانك مايصير
لان انت لما حجزت ودفعت ببطاقه الفيزا الخاصه فيك
وراح يطلبون منك نفس الفيزا بالفندق
وبعدها انت تأخرت 4 ساعات ممكن توضح لي شلون تأخرت وسكنو ناس مكانك
اصلا انت اذا حجزت ودفعت
خلاص الغرفه لك سواء دخلت الظهر او العصر او فليل ومايسكنون حد غيرك بها
وان صار وسكنو حد مكانك هذا غلط من الفندق
ماله دعوه موقع بوكينغ
بس الحين انت تكلم موقع الحجز الي هو البوكينغ لاتكلم الفندق
وتقول لهم الموضوع وهم يتصلون في الفندق
والفندق راح يرد عليهم انك ماسكنت بالفندق وان الخطأ منهم عشان يرجع لك المبلغ
لان لو الفندق قالو لا ان الشخص ماجا بتاريخ حجز الغرفه معناها ان المبلغ راح ياخذه الفندق
اتصل على هالرقم 00800100087
او
00442033202643
والرقمين راح يكلمونك عربي
وبصراحه موقع بوكينغ متفاهمين جدا ومحترمين
بس اهم شي الفندق يخبر بوكينغ انك جيت وحصلت حاطين ناس غير بمكانكم
وان شاء الله اموركم طيبه
اقتباس:
المشاركة الأصلية كتبت بواسطة الجسراوي
انا ماجربت اشحن من باريس الى لندن
وصح كلامك الاغراض غربال في القطار
بس انت ممكن تكلم الفندق الي ساكن وهم ان شاء الله راح يعطونك اسماء شركات الشحن المحترمه
بالنسبه لحجز القطار
طبعا الحجز راح يكون على اليوروستار
ومده الرحله ساعتين وربع الى ساعتين و 20 دقيقه
يطلع من باريس كير دي نورد
ويوقف في محطه لندن س ت بانكراس
تقدر تحجز بالنت اذا يناسبك
وتطبع الايميل
والافضل قبل لايتحرك القطار
تدخل محطه باريس كير دي نورد
اول ماتدخل من البوابه الرئيسيه على طول بتحصل مصعد
تروح فوق بتحصل قدامك مكتب اليورو ستار تدخل عندهم ويطبعون لك تذكره القطار
او اذا بغيت ترتاح وماتحاتي تقدر تحجزها من ريجنسي
وانا سويت الطريقه الاولى :nice:
اقتباس:
المشاركة الأصلية كتبت بواسطة ^امـ نواري^
الله يقويج ويجزاج بمثله يارب
تم الرد اختي وبالتوفيق ان شاء الله
اقتباس:
المشاركة الأصلية كتبت بواسطة silver stone
عليكم السلام ورحمه الله وبركاته
العفو الله يسلمك
تامر يا الذيب
بس ماعليك امر الاسعار مب طالعه عندي
اتمنى لو تكتبها با الارقام الانجليزيه
او تكتبها بالحروف عشان كل شي يكون واضح قدامي
وابشر بسعدك :victory:
هلا اخوياقتباس:
المشاركة الأصلية كتبت بواسطة غير البشر
الاجازه بتكون 6 ايام - ست ايام
لو تفيدني بفنادق في الشانز تكون جيده لان معاي زوجتي
افكر 4 ايام في باريس ويومين في نيس لانها عالبحر وفيها طبيعه شوي
بانتظار نصيحتك
اقتباس:
المشاركة الأصلية كتبت بواسطة silver stone
السموحه على التأخير اخوي
ان شاء الله ابشر
بالنسبه للفنادق القريبه من الشانز حتى ابو اربع نجوم تطلع لك بالليله اكثر من الف ريال
وفي فنادق اقل من الف بس ماتسوى ولا تصلح للسكن
الفندق الي اخترته حلو ونظيف ومكانه بين الشانز وبرج ايفل
يعني مشي الى برج ايفل تقريبا ربع ساعه
والى الشاانز تقريبا ربع ساعه
وسعره مناسب
بس عبه ان الغرف وايد صغيره
حجمها 18 متر يعني يدوب فقط للقعده
اذا تبغي فندق زين ومكان راقي ونظيف
وبمنطقه هاديه وهي اللاديفانس
وقريب منك مجمع الفصول الاربعه temps
انا من شهر كنت في هالمجمع بصراحه وايد حلووو
بالمترو الى الشانز ربع ساعه تقريبا 7 محطات
وبالسياره الى الشانز اقل من عشر دقايق
حجم الغرف العاديه 24 متر
وحجم الجناح التنفيذي 35 متر ونفس سعر الغرفه في فندق بالتيمور
http://www.booking.com/hotel/fr/sofi...-lightbox-open
بس بعد الفندق الى انت اخترته حلو
بس نفس ماقلت لك الغرف صغيره
اذا يناسبك الحجم توكل على الله واحجز فيه
بالنسبه لنيس
من باريس الي نيس بالقطار 5 ساعات و 40 دقيقه دايركت
وبعض القطارات توقف في مرسيليا او ليون وتروح نيس
وبالطياره
من مطار شارل ديغول الى نيس
سعر التذكره الوحده 219 يورو
زمن الرحله 1 ونص
ومن مطار باريس اورلي
سعر التذكره 151 يورو
وزمن الرحله ساعه و20 دقيقه
من الشانز الى مطار اورلي بين نص ساعه الى 40 دقيقه
ومن الشانز الى مطار شارل ديغول نفس المسافه بالضبط
وتقدر تسكن في مدينه كان بدل نيس
من نيس الى مدينه كان بالسياره 50 دقيقه
او تسكنفي نيس وتروح كان وترجع
ولك الاختيار
كل الشكر اخوي غير البشر ما قصرت
أختك عين الفجر
شكرا اخوي غير البشر ما قصرت
مرحبا اخوي
شحالك
ممكن تساعدني
ابي اسال عن برشلونة
وشنو اقرب مدينه حلوه لها ممكن نروح يعني بالقطار مسافة ساعتين
او مدن قريبه من ميونخ
افكر بين برشلونة وميونخ
اقتباس:
المشاركة الأصلية كتبت بواسطة للصبر اخر
مرحبا اختي للصبر اخر
بخير الله يسلمج
وانتي شخبارج عساج بخير
بخصوص ميونخ :
1- شتوتغارت
وقريب من شتوتغارت اوت لت اسمه متسيغن
رابط الاولت لت والماركات الموجوده فيه
http://www.outletcity.com/en/metzingen/brand-outlet/
المسافه بالقطار
تقريبا ساعتين و20 دقيقه دايركت
http://im54.gulfup.com/wGJfBC.png
وبالسياره
ساعتين و 50 دقيقه
2- الى غارمش
بالقطار ساعه و22 دقيقه دايركت
http://im48.gulfup.com/BnaaG0.png
وبالسياره ساعه ونص
3- سالزبورغ
بالقطار ساعه و54 دقيقه دايركت
http://im89.gulfup.com/dtOFZr.png
وبالسياره ساعه و50 دقيقه
4- زيلامسي
بالقطار على حسب الرحله تقريبا ساعتين و39 دقيقه
يتوقف في محطه واحده في سالزبورغ مع تبديل قطار
الافضل في هالحاله الذهاب الى سالزبورغ وزيلامسي بنفس السياره
من سالزبورغ الى زيلامسي بالقطار ساعه و36 دقيقه
http://im84.gulfup.com/NzjNA2.png
5-بحيره كومندن Gmunden
الرحله بالقطار 3 ساعات و 20 دقيقه
وبعض الرحلات تتوقف في سالزبورغ
في هالحاله نفس طريقه زيلامسي
تروحون لها بنفس الوقت مع سالزبورغ
بين سالزبورغ ومدينه كومندن المثلث الذهبي البحيرات الثلاث المشهوره والجميله
وولف قانق - فوشل ام سي - سانت جلجن
وبحيره موندسي كلهم جنب بعض
من ميونخ الى كومندن
http://im57.gulfup.com/FqrZM3.png
ومن سالزبورغ الى كومندن بالقطار ساعه و 46 دقيقه
http://im57.gulfup.com/weBGMF.png
وبالسياره من ميونخ الى كومندن ساعتين ونص
ومن سالزبورغ الى كومندن ساعه واحده
6- ميونخ الى اوت لت INGOLSTADT OUTLET VILLAGE
بالقطار ساعه و29 دقيقه
http://im63.gulfup.com/vCTmXE.png
بالسياره تقريبا ساعه واحده
رابط الاولت لت والماركات الموجوده فيه
http://www.ingolstadtvillage.com/en/brands/brands
في مدينه انسبروك
تابعه حق فيينا
هالمدينه تتوسط كل من
غارمش - قريه هايدي في سويسرا - زيلامسي - سالزبورغ
من هالمدينه الى هالمناطق ماتزيد عن ساعتين ونص تقريبا
هذي بالنسبه لما حول ميونخ
وراجع لج ان شاء الله للمناطق القريبه من برشلونه :nice:
تسلم ياخوي كفييت ووفييت
جعله بميزان حسناتك
اقتباس:
المشاركة الأصلية كتبت بواسطة للصبر اخر
العفو اختي
حاضرين الله يسلمج
بخصوص برشلونه بصراحه ولا مدينه او منطقه تسوى للزرياره وتكون اقل من ساعتين
كلها 4 ساعات وفوق
مثل مدريد واشبيليه وقرطبه و سانت سبستيان و
فالنسيا و غرناطه
ومنطقه Monasterio de Piedra, Nuévalos الجميله جدا
وهذي صور للمنطقه
https://www.google.co.uk/search?q=Mo...w=1093&bih=515
وغيرهم
والله ياخوي انا محتاره
بين ميونخ وبين امريكا
بس اجازتي ماتسوى درب امريكا
مشكور أخوي على الموضوع المتميز
وجزاك الله خير ع الخدمة اللي تقدمها لكل الأعضاء..
آخوي ولاعليك آمر..
آنآ بودي آسافر من ثاني العيد
مع العلم آحنا (7آشخاص) 3آطفال "5-7-9" و4كبآر
فكرت بديزني آول محطة عشان نفسية اليهال بعد الإمتحانات وبعدها نروح ع ألمانيا (كولون -ميونخ-فرانكفورت"للسوق بس")
ياريت ماتبخل على بطريقة الوصول من دولة لدولة والافضل وبحدود كم بتكلفني "يعني تقريبا"..,
السفره كلها على بعضها من 31-7 الى 15-8
ممكن تساعدني بجدول بعد أول ثلاث آيام في ديزني .. يعني (الشانز - الباص السياحي-متحف الشمع) اللي تشوفة يناسب أكثر اليهال ..
كانت لي زياره لفرنسا بس على السريع 4ايام ديزني ويومين الشانز..ف ماخذت راحتي فيهاا بكل شي ..
آسمحلي بتعبك معاااي بس شوورك ورايك يهمني وان شاء الله بيفيدني..:shy:
اقتباس:
المشاركة الأصلية كتبت بواسطة ســداويــه
ياهلا ومرحبا اختي
ويجزاج بمثله يارب العفو الله يسلمج
ان شاء الله ولا يهمج ابشري
اذا تبغين الاماكن الي ذكرتيها
يكون الترتيب كالتالي
الدوحه - باريس - كولن - فرانكفورت - ميونخ - الدوحه
تنزلين باريس عشان الذهاب الى دزني
بس قبل كلشي عندي كم استفسار بعد اذنج
1- بتسكنين في باريس او فقط الذهاب لها من دزني والعوده بنفس اليوم ؟؟
للعلم مسافه دزني الى باريس ساعه الاربع
2- التنقل بين المدن والمناطق تفضلون قطار او سياره ؟
3- في حدود كم تدفعون للفندق بالليله الوحده ؟
عشان بناء عليه احدد لكم مستوى الفندق
ملاحظه :
دزني بتكون زحمه كبيره جدا على الالعاب
كل لعبه عشان تلعبونها تنتظرون تقريبا اقل شي نص ساعه
الحل :
اما انكم لما تشترون التذاكر تطلبون القايد
القايد هو شخص من دزني يرافقكم تقريبا 6 ساعات
ولما تختارون لعبه ماتوقفون بالطابور على طول تدخلون اللعبه
من الباب الخلفي يعني vip
وسعره تقريبا في ال 6 ساعات 500 يورو
الحل الثاني:
بدل دزني لاند تروحون اوروبا بارك في المانيا على الحدود الفرنسيه
بعد حلوه والزحمه اخف والتكلفه اقل نوعا ما