حيز مواقف السيارات .. ألحين لاحظت إن مهم نخلي الباب الصغير ولنا الحرية نسويه حتى لعرض 3 متر أو مترين صفاقتين حديد .. نصيحتي نخليه 1.2 متر صفاقة وحدة كفاية .. مهم نحرك الباب يمين ونحرك سيارة من السيارتين يسار مكان الباب الحالي .. بيكون وضع الحوش أفضل وبيتعدل مدخل البيت ل 45 درجة بليوان مرتب أكثر .. خزان الصرف نخليه بالعرض
https://i.imgur.com/GfwwDpi.png
المستويات واضحة .. ناخذ ال 0 من أعلى نقطة في الشارع المار قرب البيت والموقف حاطينه 40 سم مرتفع عن أعلى نقطة كذلك المجلس لازم يكون بنفس الارتفاع أو عتبة أعلى .. ممكن ليوان المجلس 40 سم والمجلس 50 سم عتبة وحدة جدام الباب 10 سم
ننتقل لمدخل البيت اللي ما عجبني ولازم اعدله
أكيد الزجاج المتصل اللي يبين للباب والدريشتين جنبه بيكون مفصول حسب الأعمدة الإنشائية بس حلو يكون متصل لقرب الأرض طابوقة وحدة كفاية وبارتفاع الباب 2.4 متر وحلو يكون بأقل فريم أو ثابت ما ينفتح لتقليل الفريمات .. الباب يختلف بس يكون زجاج في غالبه أفضل ويكون شفاف بس الجوانب ممكن نحط عليها ستائر خفيفة أو خشبية نفتحها بسهولة وقت الحاجة
https://i.imgur.com/KoA3TJa.png
ماقصرت بوعبدالله ،، كل شي شرحته شرح وافي، وانا متابعه معاك ورا الكواليس.
المجلس اقدر اقول خلصنا .
في التصميم الجديد انا بعد ماقدرت اتقبل شكل الواجهه.
مع المهندس اتفقنا نسكر الصالة الفوقية من الجزء اليمين على قولته مترين عرض تطليت منه على تحت مش حلو .
المدخل الخاص حق الغرفة الدوبلكس هذا طلب خاص من بوصالح ومايبغيه متصل بالبنت هاوس
ماشاءالله عليك اخوي بوعبدالله ..
الله يعطيك الف عافيه .. مجهود تشكر عليه ..
عندك وايد افكار وحلول لازم استغلك ، اقصد افتح معاك مكتب استشارات هندسيه :ok:
بشرط تدلين سعود بيتكم وسعود يدلينياقتباس:
المشاركة الأصلية كتبت بواسطة sara jsm
تم التركيز على الدور الأرضي وهو الأهم وعلاقة الفراغات بالخارج وأضفت موقف داخلي أو موقف ضيوف مع تحديد مساحات الزراعة وتعديل المدخل قليلاً
أول ناخذ الصورة كاملة
https://i.imgur.com/y6uSX1h.png
ورا نقدر نسوي المدرج والشلال والجدول لو حبينا والجدول تحت بيكون متعرج بس شغلة رسمه وفوق ممكن يكون زجاج حتى يبين جريان الماي ومع كل ارتفاع درجة ينزل 50 سم ويملأ الخزان الزجاجي اللي تحته .. حتى ممكن عمل أحدهم حوض زجاجي بس نشوف سمك يعيش في الأجواء الحارة
لو حبينا المدرج الزراعي ونبغي نسوي في وسطه نفس الحوض ممكن بسهولة وينلغي الشلال أو يكون في الزاوية اليمنى
وبنشوف التركيز على المناطق بصورة أوضح
منطقة المجلس وعلاقتها بالحوش وبموقف السيارات يمين .. فصلت لوبي غرفة السواقين بباب عن المجلس لخصوصية المجلس وممكن ينفتح للخدمة والضيافة .. البانتري بيكون مزدوج الاستخدام للسائقين أو لخدمة قهوة المجلس .. غرفة السائقين ممكن تستوعب 4 بالراحة بس بدون أسرة كاملة ممكن سرير 80 في متر و 80 سم أو 90 .. الحاليين 1 في 2 متر مع كوميدينو .. وتوسعت الغرفة وترتبت بنقل باب دورة المياه للخارج
تم عمل كسرات تجميلية للمجلس (رواشن) ممكن نسويها بعدة تشطيبات أما خشب وانارة سبوت أو مخفية أو رخام وزجاج أو جبس بتشكيلة معينة وفيها لوحة أو كتب معينة بحجم وسط أو صغير الكبير بيكون صعب لأن العمق عندنا 20 سم والجوانب 10 سم .. تنفع لعطور كذلك وكريستالات زينة
ما ننسى فوق الكراسي جهة البيت نقدر نسوي صفين طوب زجاجي لإدخال النور الطبيعي من الجهة الخلفية وهي جهة الغروب
https://i.imgur.com/xR948Zi.png
نلاحظ تفصيل الأحواض الزراعية أبعدناها عن المباني والأسوار ولازم نحفر لها من التأسيس ونعزلها عن القواعد والمحيط بطابوق حتى نسلم من جذورها
غرفة الكهرباء مقترحة لو انطلبت مكانها موجود وبابها حسب شروط كهرماء أما للخارج أو للداخل