نفس مبدأ الرداد بس مدمج مع صفاية متطورة للمطابخ
https://www.youtube.com/watch?v=YGLRNhXVPcA
عرض للطباعة
نفس مبدأ الرداد بس مدمج مع صفاية متطورة للمطابخ
https://www.youtube.com/watch?v=YGLRNhXVPcA
طريقة عمل زاوية جبس عادية .. ممكن تستخدم كتاج ورأس للستارة
الطريقة الثانية هي عمل هذا الرأس من الخشب المنجد بالقماش أو الجلد يطلع أفخم خصوصاً لو عمل بحشوة اسفنجية وخياطة معينة
https://www.youtube.com/watch?v=6OTJWci1O-s
لجميع من يبنون في مناطق لم تصلها خدمة الصرف الصحي الحكومي يجب تجهيز بايب خاص للشبك لحظة عمل الشبكة بسهولة حسب ما هو موضح في الفيديو هذا .. أعتقد يتم العمل هكذا عندنا بس بدون الرداد
https://www.youtube.com/watch?v=_VXcDnNMiys
شغل حلو ومتقن لتغيير حمام وتجديده
https://www.youtube.com/watch?v=WAd5cJb_zrg
بعض تفاعلات العزل بالفوم المخلوط في الموقع تسبب روائح ومشاكل صحية لو حصل خلل في ظروف الخلط المثالية أو دخول مادة ثالثة تخرب التفاعل أو نسب الخلط غلط .. هذي مشاكل صايرة في أمريكا وكندا ومتابعينها محققين خاصين متابعة فنية غير عن عذر المقاول .. لازم بتكون فيه قضايا وتعويضات .. نوعية الفوم اللي عندنا المصنع بالألواح في مصنع تجي اكسترودد بوليسترين نفس المادة بس تفرق إنها مصنعة في ظروف مثالية وبعضها اكسباندد بوليسترين تختلف عن الأُولى من ناحية المواد وطريقة التصنيع ولا منهم مشكلة لأنهم فوق السطح ومغطيين بطبقة من البلاستر أو داخل تجويف الحايط أو حتى لو انحطوا داخل وتركب عليهم جبس يبقون معزولين وتصنيعهم بتفاعل كامل وفي ظروف مصنع وجودة مضبوطة
للمهتمين ممكن يتابعون المقطع
https://www.youtube.com/watch?v=0Hh5MYv7lWc
العرب ما خلوا شيء فلحوا في السياسة وفي العلوم وفي حروبهم الدفاعية وفي هزيمة الارهاب وهذا اختراع جديد
https://www.youtube.com/watch?v=wbbhUv_QYhI
هنالك مقولة تقول بأن أي شكل ممكن عمله بالخرسانة وهذا فن راقي لعمل مصباح ياباني بالخرسانة .. الطريقة تعطينا فكرة عن سهولة عمل قوالب وأشكال فنية من الخرسانة كبديل للجي آر سي
https://www.youtube.com/watch?v=yJVcr083Jcw
بنيان بيت صغير بالطابعة الثلاثية خلال 24 ساعة
400 فوت مربع تقارب 45 متر مربع ولو افترضنا 450 متر مربع بتاخذ نفس المدة نقدر نقول خلال 10 أيام يكون جاهز
الواضح هو تكنولوجيا هذي الصناعة المتطورة واستخدام خلطات اسمنتية محسنة مقاومة لطبيعة الجو وقليلة التكلفة وتعيش عمر طويل .. وخلال سنوات بسيطة بتنتشر بسرعة بتوصل لكل العالم .. خصوصاً الغول الصناعي الصيني مستعد لدخول كل المجالات الصناعية
https://www.youtube.com/watch?v=nz1nJz6OY4k
استمر يا الغالي !!
بإذن الله وأتمنى لكم الاستفادةاقتباس:
المشاركة الأصلية كتبت بواسطة SouthK
هذا يوتيوب حق عمل الأرصفة صب في الموقع .. وهذي التكنولوجيا شفتها في ميامي من 1990 يعني لها عشرات السنين .. ببساطة خلطة اسمنت ورمل خشن مع بعض المواد المقوية كالفيبر .. وبدون حديد نهائياً .. تصبها المكينة وهي تمشي وبعدين يقطعونها كل مسافة معينة حتى ما تنشلخ .. يعني يسوون فواصل تمدد بألواح خشبية بعدين تنشال .. حتى لو يبون الرصيف مصبوغ يخلطون اللون في المكينة
نلاحظ كذلك إن الأرض ممهدة ومدكوكة بدون حفر غزير والرصيف ينعمل قبل والأسفلت ينصب بعدين
https://www.youtube.com/watch?v=t-A3ZOMyV8k
اللي في بداية الصورة هي قناة تصريف مفتوحة سواء للأمطار أو غيره
الماء يعطي حيوية للبيت وجمال وين ما يكون حتى لو حوض مفتوح فيه ماء عليه أزهار .. جدول ماء متحرك .. نافورة بأنواعها .. حوض سمك .. حوض سباحة مفتوح نقدر نشوفه .. شلال .. وهذي طريقة حديثة بالماء والإضاءة والفقاعات
https://www.youtube.com/watch?v=p-tclvR1EKM
هذا شلال ينشرى جاهز ويتركب في أي مكان
https://www.youtube.com/watch?v=kwfNZoq_rLA
وهذا نوع مصنع وجاهز بارتفاع مترين وعرض قريب من المتر .. تقريباً كبر الباب العادي
https://www.youtube.com/watch?v=pC95NJZix_k
هذي وايد عجيبة وتعتبر لوحة فنية
https://www.youtube.com/watch?v=zFg2W0S_1gc
طريقة عمل الأساسات القديمة .. بدون خرسانة وبدون حديد .. طوب واسمنت والطوب يكون معمول يدوي ومجفف بالشمس
قبل عندنا بالحجر والطين ويتم صف الحجر الكبير قبل وبالتدريج يصغر الحجر .. والطريقة تعتمد على الفن والخبرة وبعيدة عن الحسابات والعلم
https://www.youtube.com/watch?v=Vqh5_BvZc20
طريقة بنيان الدرج الخرساني بطريقة رخيصة وبدائية .. لاحظوا كمية الحديد شكثر بسيطة وسمك الدرج وكذلك الخرسانة ماها قليل حتى تكون قوية ومتماسكة أكثر
https://www.youtube.com/watch?v=fGDtQKhZxXI
وهنا يسوي عتبات الدرج السابق بالطوب
https://www.youtube.com/watch?v=my0v9dUBhHw
الوزن نفسه عندنا وعندهم لكن عندنا مبالغات انشائية ما لها أساس
درج خرسانة خفيف وبحديد قليل كلش مستحيل حد يقدر يبني مثله عندنا .. عقلياتنا خلاص كله نبالغ في التصميم
https://www.youtube.com/watch?v=T-qx075mp_U
عمل القبب من الجبس سهل جداً ومرة أحد محلات الجبس أعطوني إيحاء إنه صعب ومكلف للغاية ولازم يسوونها على شكل قطع .. طريقة المغاربة أكيد غير وهم سحرة الديكور والجبس
https://www.youtube.com/watch?v=gKksdEvacVY
غرفة الملابس المفتوحة - walk-in-closet - نظامها سهل وعملية لكل غرفة .. المهندسة هنا تقول ضروري نركب أبواب وانا ضد الأبواب لأن الغرفة مغلقة بباب والمفروض حتى يكون مأمن بقفل بصمة أو رقم سري .. وضروري موقعها يكون قرب باب دورة المياه أو متصلة بها بباب يو بي في سي محكم الاغلاق وما يدخل هواء أو حشرات
المساحة نقدر نتحكم فيها بحريتنا .. أقل عرض ممكن 1.8 وحتى ممكن أقل والطول حسب المتوفر .. في هذي ال 1.8 تكون قواطع التعليق والأرفف 35 سم وفي طرفها حديد التعليق لسهولة فرز الملابس .. يعني الملابس تكون أكثر من النص داخلة وجزء منها بارز .. الأرفف للأحذية كذلك 35 كفاية ولأي قطع حتى لو احتجنا لمجموعة أدراج .. نفس الشيء للجهة المقابلة .. بيكون عندنا 35 + بروز الملابس حول 10 - 15 سم يعني 50 سم للتخزين في الجهتين و 80 سم للمرور .. لو نبغي نحط جزيرة ونسوي مقاربة للي في الفيديو أكيد نحتاج مساحة أكبر
بخصوص مسئلة الغبار أختلف مع المهندسة في إننا لو استعملنا نوافذ يو بي في سي ننسى شيء اسمه غبار
التكييف فتحة تهوئة تكفي ولا نحتاج لمكيف هواء الغرفة ممكن يدخل وينشفط لتهوئة الحمام ويطلع برا
https://www.youtube.com/watch?v=r6mfBwbHCfo
طريقة ترتيب مبتكرة للوك ان كلوزت .. مفيدة للمساحات الصغيرة
https://www.youtube.com/watch?v=QbWUqW7tFu0
شغل نظيف للانترلوك مع الخرسانة للأرصفة .. بدون حفر ودك ودفان وتعقيد .. شوية خرسانة عادية حول 6 سم وفوقها الطوب أو الانترلوك وشوفوا قصة الزوايا كيف
https://www.youtube.com/watch?v=HhVGy2s-jC8
أحس فيه أشياء غلط .. ما فيه بلاستيك حماية + الحديد محطوط على الأرض وسمكه حول 10 ملم وتوزيعه غلط .. لو شبك حتى 4 ملم وتوزيعه كل 20 سم بيكون أفضل وأقوى ولازم ينحط تحته بسكوتات ويكون مرفوع حتى تغطيه الخرسانة .. الفواصل انعملت صح بس المشكلة ما تقطع الحديد وهذي مب متأكد منها المفروض تكون فاصل بالكامل يقطع الحديد
https://www.youtube.com/watch?v=nwvmcjUU2GA
عندي في البيت سويت مساحة بطول 20 متر في 2 متر في الجزء الخلفي بدون أي فواصل وبدون حديد وبدون حماية وللحين 12 سنة بدون مشاكل .. والسمك حول 7 سم على ما اذكر
تنفيذ أرضية خرسانية معتقة
https://www.youtube.com/watch?v=yVT_8LhbcAU
نظام البناء بطابوق السيبوريكس الحامل للأوزان .. نظام سهل وسريع بس اختلف مع اللي في المقطع بقوله مقاوم للزلازل .. معروف إن الزلازل تسبب هزة جانبية وهذا مثبت فقط باللاصق ولا فيه أعمدة متصلة بالسقف والسقف يركب عليه بكرين وحتى لو يعمل بجسر وسقف عادي ما يكون متصل بأعمدة وقواعد قد تعطي مقاومة معقولة للهزات الجانبية وهذا يتناثر الطابوق ويتحرك السقف ويجي على راس اللي تحته
https://www.youtube.com/watch?v=WqdF1H8JMV4
شفت نفس النوع مبني في قطر في المرخية سنة 2004 تقريباً والطابوق وقتها يجيبونه من الكويت
اللي بيبني بنيان تقليدي هيكل خرساني وبيحط هذا الطابوق للمحيط الخارجي وبيركبه بنفس اللاصق ونفس طريقة التركيب وبيركب حديد تثبيت بين أي اتصال بالخرسانة بيكون سوى شيء صح
مقطع حبيته للبناء بالحجر الغير منتظم وبخرسانة مع حديد تسليح
ركبوا العازل جهة الداخل مع بورد حماية له واستوى جزء من القالب الخشبي للصب .. شغل قد يكون مناسب لبيت مزرعة
https://www.youtube.com/watch?v=IIuVcvXzlZA
بعد بنيان بالحجر بس قص وفن أكثر عن السابق
https://www.youtube.com/watch?v=_TFEcXRnLHE
بنيان محترم بمواد مستعادة في الغالب
https://www.youtube.com/watch?v=-csxSe9jEeY
عمل خرسانات لتغطية حواف الأسوار وأحواض الزراعة
ممكن نخلط معاها صبغ بودرة نفس اللي للانترلوك
https://www.youtube.com/watch?v=5eLLuXZMDik
فكرة وايد حلوة
بس هل في رداد للشور وبيبات الحمام الله يعزكم؟ وين ينباع؟
في الدوحة سمعت إنه في محل أحمد واخوانه في نجمة بس في بعض الدول ينباع بأنواع جيدة منها ايطالي وألمانياقتباس:
المشاركة الأصلية كتبت بواسطة بوجاسم_قطر