المشاركة الأصلية كتبت بواسطة السامر الأسود™
هلا بو محمد ,,, والله يجزيك خير يالذيب ,,, وشوف يالغالي
1. الطريقة الي اقولها هي ان تحدد موجة وتدخل فيها ,, سواء كانت شهرية او اسبوعية او يومية ,,, يعتمد على اي فاصل انت
شغال ,, وتمسك الموجة باتسعمال التحليل الفني ,,, منذ بدايتها وتطلع قبل نهايتها ,,, زي الي اسويه معاكم من سنين ,,لو تلاحظ
كل موجة اسميها اباسم وافتح لها موضوع واسكرها واحسب حساباتاها وكذا ,, هذا المقصود يالغالي
2. بعكس التتبع اليومي للسوق والمخاطرات والمغامرات ,, عالحدس والخبر والاشاعات والنفسيات والجلسات والمنتديات
و وسايل التواصل الاجتماعي والي تجد فيها مرتع يومي لمثل هذة المقامرات الي تهلك المال,,,
3. هنا اذا عندك موجي ويومي مضاربي يتبقى المستثمرين اهل الادخار ,, وهذا وضعهم غير سنوي وربع سنوي ولكن هذا لا
يعني انهم مايستعلمون التحليل الفني في تاسيس المراكز باسعار اقل,,, بالعكس, الا يهمهم هالشي
حلو؟
4. بخصوص معرفة التجميع والدراسات الحجمية وكيف هي متعبه في معرفة توجه الاسهم وكذا
فالمساله بسيطه ,,, مرتبطه ارتابط كلي على قدرتك وخبرتك في ادارة المحافظ بالسوق,,, باختصار
الفرضية ان بعد كل تجميع صعود وهذا مش صحيح ,, مش شرط يعني
بخصوص قولك ( بعض الاحيان تتوقع ان التجميع قرب ينتهي وتقرر انك تدخل , وتتفاجأ ان التجميع
في بدايته وانهم بيضغطون السهم اكثر لتجميع كميات اكثر!) ,,, قصدك ينزل ,, بالفعل ,, لان التجميع
ماكان لتعزيز مركز ,,, بل لتخليصه ,,, يالذيب
بخصوص قولك ( خصوصا اذا التجميع استمر لشهووووور , وقتها تكره السهم من كثر ماتحاول تصيده
وتقرر انك تشوف غيره , ووقتها تشوفه اقلع فوق.) تحديث سابقا عن هالشي والحقيقة نسيت وين كتبت عنه
هذا طال عمرك البعد الرابع للمساله : الارهاق الزمني ,, خصوصا لما يتكاثر القطيع ( العامه مساهمين ومحللين) في سهم
معين ,, هنيه كبار الصناع يستعملون الارهاق الزمني ,,, للاستحواذ على اكبر كم من الاسهم ,, او تنظيف السهم يسمى
واخر مثال كان مزايا والايجارة ولامثله حية وكثيرة على الحاليتين الي سالت انت عنها الليله ,, سواء التصريف بصورة تجميع
او بحالة الارهاق الزمني ,,,
والحل في كلا الحالتين ,,, 1. ادارة مال صح 2. تحليل حسابي تقني فني صح
هذا باختصار وعلى عجل ردي وتعليقي ,,و الله يوفقك ويوفقكم جميع,,, نراكم على خير
