يوتيوبيات البناء .. مقاطع تثقيفية متجددة

من أخطر أنواع الشلوخ ويسمى بال Shear Crack .. أعتقد ترجمته القطعي لأنه يكون قرب الحامل الداعم سواء عمود أو جسر ويعتبر انفصال عن الاتصال بالداعم .. حتى المهندس خايف وهو يمشي ومعاه حق لأن الانهيار في هذي الحالة مفاجيء

بعض العمال والمقاولين يغشون المالك قليل الاطلاع بإنه ممكن معالجته بسهولة بس هذا أما خطأ في تثبيت الحديد واتصاله بالجسر أو العمود أو كميات ملعوب فيها ومقللينها على كيفهم أو خرسانة ضعيفة ما سوت تماسك كفاية

والحل في هالحالة أما الهدم أو طريقة تدعيم معقدة ومكلفة وفي الغالب ما تنفع لو الخرسانة ضعيفة وأفضل استبدالها

https://www.youtube.com/watch?v=1sq9...0wKzCkd4AaABAg

تشطيب العمود الدائري بالبلاستر شغلة صعبة للغاية .. أذكر فيه عمدان متدرجين عريضين من تحت ويصغرون كلما ارتفعت في بيتي والمقاول قال بيجيب عامل مختص سيريلانكي شغله البلاستر وضبطهم صح مع تقويس أسفل الدرج

https://www.youtube.com/watch?v=D7v8iq6lM2M

شغل عزل بالصبغ .. اللغة تركية لكن الخطوات سهلة ومفهومة

https://www.youtube.com/watch?v=DjP40GGw5WM

بيوت اقتصادية بتصميم مميز

https://www.youtube.com/watch?v=WX6KMwHw-Ms

https://www.youtube.com/watch?v=wtQjZW9mTbo

للي يبي ياخذ فكرة عن الخوازيق أو ال Pile Foundations وهي أنواع وبعضها تجي حديد يمررون فيه تيار كهربي خفيف مهمته يعكس عملية الصدأ والحديد يحمي الخرسانة داخله من أملاح الأرض .. بعضها تنعمل بالحفر مثل هذي المعروضة هنا وبعضها بالطرق أو الضرب عليها بمطرقة كبيرة ميكانيكية لين يوقف نزولها

https://www.youtube.com/watch?v=rRMEQl2m8MY

يفترض المخططات تحتوي على جدول لمقاسات الفتحات الانشائية والمواصفات تحتويعلى تفاصيل وتهيئة هذي الفتحات .. بالنسبة للمخطط الأرضي نقدر ناخذ موقع الفتحات بشكل تقريبي وبحدود طابوقة كاملة من العمود أو مكرراتها .. تفاصيل التركيب كثيرة وبعض الأبواب الثقيلة تحتاج اطار خرساني بتفاصيل معينة حتى تثبت فيه والعادية تحتاجخرسانة تملأ الفراغات الجانبية في الطابوق حتى البراغي تمسك فيها عدل .. بعض التفاصيل تتطلب فريم أساسي يتثبت عليه فريم الباب وهذا منه معدني ومنه خشبي وغيره

الاجتهادات الشخصية لازم نبتعد عنها والمعلومات هذي ما نبحث عنها في مخطط واحد .. الشوب دروونغز قصة ثانية ومن اختراع بعض المكاتب الهندسية الكسولة اللي تخلي الشغل ناقص ويتورط فيه المالك مع المقاول .. المفروض كل شيء واضح وسهل خصوصاً في الفتحات المعمارية من أبواب ونوافذ وكسرات تجميلية وغيرهاï»؟


https://www.youtube.com/watch?v=p4_mnvBUOgQ

عودا حميدآ ( ابا عبدالله )

اقتباس:

---

المشاركة الأصلية كتبت بواسطة سعود.

عودا حميدآ ( ابا عبدالله )

---

الله يحييك ويبقيك اخوي سعود

ما شاء الله المهندس عبدالمجيد كل شوي ينزل يوتيوب وكل يوتيوباته مهمة .. وهذا عن استلام مرحلة العظم بواسطة مقاول بيسوي كل التشطيبات .. وأشوفه اجراء مهم اللي هو استلام وتسجيل لكل الملاحظات حتى ما يشتكي من أي شيء المقاول اللي بيشطب مع إن أفضل الشغل كله يكون عن طريق مقاول واحد .. لكن هذي الطريقة تفيد اللي يبي يبني ويوقف فترة لأي سبب ويكمل بعدين بس المشكلة الخرسانة المعرضة للعوامل الجوية تهتري بسرعة ويصدي الحديد وتتشرب رطوبة حتى لو عملنا عازل للسقف الرطوبة والمطر يوصل الجوانب ويدخل من الفتحات وفي مثل هالحالة بدون طابوق بيوصل للأرضيات اللي تحت السقف

https://www.youtube.com/watch?v=XtOyJOxF2eU