والله يا بو زيد أشوف التصميم مقارب للواقع والواقع جيد ومناسب لبعض الناس
عرض للطباعة
والله يا بو زيد أشوف التصميم مقارب للواقع والواقع جيد ومناسب لبعض الناس
تصنيع الطابوق والالواح البيضاء خفيفة الوزن
https://www.youtube.com/watch?v=JChB1OyXjYs
الفلم السابق صج طويل بس فيه شوي عن الصناعة وكثير عن البنيان بالالواح وبالطابوق
هذا فيديو عن نوعية مراوح شفط تركب على السطح وهذي تعجبني لا صوت ولا أذية وسهلة الصيانة بس لو عندي باركبها على عمود طابوقي داخله محمية ولها تجويف فيه باب للصيانة
https://www.youtube.com/watch?v=gSeL5awvB5Q
ابتكارات ومواد بناء جديدة
https://www.youtube.com/watch?v=KGkG-SEDrPM
حوض السباحة حلو ممتد من البيت ومرتفع ولو عملوا له اوفرفلوا من جدام مثل الشلال كان بيطلع وايد أحلى .. فكرة الخرسانة المكشوفة والطابوق بدون بلاستر ولا صبغ هذي قديمة وماشية في مباني كثيرة طراز يسمى ( Modern Minimalism ) وهو معتمد على الحداثة وتقليل تكاليف البناء والتشطيب
https://www.youtube.com/watch?v=NikkmHwmEWU
الطريقة تأسيس بالطوب وممكن يكون بالطابوق وبعدين عمل جسور قوية بس أشوفها مبالغ فيها كتسليح وخرسانة لكن في النهاية أوفر من الأساسات الخرسانية والجسور ورقاب الأعمدة .. هذي الجسور سووها سيدة فوقها بيجي طابوق ممكن عادي وبيكون بدون أعمدة مباشرة الأرضيات تركب عليه
https://www.youtube.com/watch?v=FH4tRB0Yqhg
الآسيويين شرحهم وايد بس بنيانهم فيه أفكار حلوة تابعوها حتى لو بالسريع
https://www.youtube.com/watch?v=ASS-NXi9sk8
تكنولوجيا جديدة لشاشات الإل اي دي حسب المساحة المتوفرة عندك ممكن تغطي حائط كامل وبالمقاس اللي تبيه للعرض أو الإرتفاع .. أكيد التكلفة كبيرة عرض نوع ب 60000 دولار ونوع ثاني أو مقاس ثاني ب 40000 دولار .. جهاز العرض مفصول وبعد شغله معقد وانا أشوف نصمد مع التلفزيونات الكبيرة الجاهزة أفضل
https://www.youtube.com/watch?v=CxxnF-KuK50
مساء الخير بو عبد الله
كلما اشوف الاشياء الغالية هذي، فعلاََ افهم شنو معنى المادية.. ومن صوب ثاني اشكثر هي وهم وان الفلوس لو لها قيمة ما اندفعت هالثروة في شاشة تلفزيون مهما كانت تقنيتها ذكية فبتعرض لك امور مب ذكية.
ستين الف دولار اظنها تعادل ربع مليون ريال.. هذي ممكن تأسس لها مجتمع او قرية زراعية امسلمين فقارى و تكون نواة صالحة في بعض البلدان.
طلعت عن صلب الموضوع لكن التكلفة هذي طلعتني غصب وخلتني اتخيل شغلات؛)
معاك حق يا بو زيد وانا ذكرت البديل تلفزيون عادي كبير ممكن من أكبر الأحجام تحصله ب 10000 ريال ولا شرط يكون 8 كي وما فيه إشارة عندنا توصل 4 كي الا قليل من المحطات كلش .. بعدين هذي تكنولوجيا جديدة بس نتعرف عليها ولازم مع الوقت بترخص خصوصاً لو دخلوا عليها الصينيين طوروها بطريقتهم وغزوا بها أسواق العالم
بالنسبة لفقراء المسلمين الغريب إن بعضهم عايش في دول غنية بالموارد والارض وفقيرة في الأمن وفي استغلال هذي الموارد وفي العدل وإحنا صعب نأكل كل الناس .. أشوف نفيدهم في تطوير صناعات عندهم ووعي وعلم ممكن أفضل .. وليش ما نجلب ناس منهم لمدارسنا وجامعاتنا كمساعدة؟ ليش حفر البير عندهم صعب أو مستحيل وليش الزراعة صعبة وبعضهم في دول ممطرة وفيها أنهار؟
إستووا وايد اتكاليين وعندنا منهم ثرى ولازم التوعية والعلم ما فيه عمل ما فيه حياة كريمة وما فيه انتاج ما فيه معيشة .. أقوى اقتصاد أمريكا والصين وشعب الدولتين فيه أمثلة للفاشلين والناجحين والمشردين واللي عايشين في قصور ولكل واحد قصته وأسبابه بس الأهم في هذي الدول حكومات وأنظمة وتطوير وحث على العلم والعمل .. كنت أفكر في بدء التطوير والبناء والابتكارات البسيطة .. فيه ابتكارات كثيرة جات صدفة ولا حد يذكر بدايتها أو من إخترعها .. أول تطبيق للنانو تكنولوجي جاء من العرب في اليمن الخناجر المسنونة والحادة وفي دمشق السيوف الدمشقية .. هل كانوا يشتغلون بعلم ويطالعون حد السيف وتجمع الجزئيات في خط رفيع قاص وحاد بالمجهر؟ لا الشغلة جات صدفة من الممارسة .. نفس الشيء ابتكار التواير أو الإطارات أو العجلات الدائرية وليش ما سووها مربعة هذي بدايتها كانت قطع أشجار يركبون عليها حمولات ويحركونها باليد وتتدحرج القطعة تحت تحركها وتطورت العملية شيء بشيء .. المفروض نفرق بين العلم النظري والحشو وتطبيق العلم وفي كل مجالات الحياة بناء وصناعة وكل شيء
هذا فيديو أتابعه لي فترة طويل هو شوي ساعة ونص بس تختصر شغل سنة ونص من ترميم بيت قديم متهالك .. سووا تكسير شوي وازالة لبعض الجدران وتمديدات جديدة وتغييرات وايد .. البلاستر يشتغلونه بحرفية عالية ويستعملون شبك التقوية البلاستيكي الخفيف حتى ما يتشلخ
https://www.youtube.com/watch?v=qaKjYdb9vqI
شغل الترميم اذا ضبطوه يعطيك رضاء اكثر من البناء لان البناء من اول سهل لكن الترميم يبي له افكار
شيء أكيد الله يسلمك وكله يعتبر بناء وتوافيق لازم ولكل مجتهد نصيباقتباس:
المشاركة الأصلية كتبت بواسطة سالم الزهران
فيديو لعمل اللاندسكيب بالحجارة الكبيرة والآلية مناسبة وطريقة تركيب الراس وتجهيزه في البداية
ربع ساعة مدته وتقدرون تسرعونه واللي يحب يقفز للنتائج يشوف آخره الحجارة خصوصًا الكبيرة تعطيك احساس بالقوة والأمان وكذلك تضيف للحديقة شكل مغاير
حوض السباحة حلو قزاز وأوفرفلو فكرته حلوة باحاول اطبقها في الحوض اللي مصممه لبيتي وبيت ولدي لو حصلت حد يسوي قزاز مناسب وقوي وأعتقد موجود مصنع صديق قديم لي شريك فيه يسوي نوعيات الزجاج المختلفة .. بس باسويه بإرتفاع بسيط وتحته خرسانة لأن الحوض بيكون نصه تحت الأرض ونصه مرتفع
https://www.youtube.com/watch?v=t_E7z9UPkE4
حلو تصميم الحوض يبين في صورة المقدمة متميز
بيوت مع بيسمنت محصن ضد النووي ولا أظن صحيح 100% والموت جايهم وين ما يروحون .. كلها للبيع وبعضها بأسعار معقولة
https://www.youtube.com/watch?v=pK8VW9V6GwQ
هذا فيديو حلو اللي ما يحب التفاصيل يروح للنهاية .. عمل مطبخ من الخشب مع الإيبوكسي ومع الإنارة ونقله لمكان التركيب وتركيبه بفن وحرفية عالية
https://www.youtube.com/watch?v=NuB3bAVwdk4
نسيت السعر 125000 دولار هذي تساوي 456000 ريال
بيت بسيط من الخرسانة والحجر والزجاج .. تصميم اقتصادي
https://www.youtube.com/watch?v=q67qfUYwj9Y
هذي قناة تابعة لمجلة معمارية عريقة .. وهنا يعرضون فكرة معماري محب للبورش وألوانها وأول مرة أعرف إن هذي ألوان في شعارها في تغيير بيته من الأبيض والظلال الى هذي الألوان الحيوية .. من يتوقع أي أكثر لون حيوية منها؟
https://www.youtube.com/watch?v=e3upQXXUZlE
نتناقش حول أهمية تغطية الخرسانة المصبوبة حديثاً ببلاستيك لعدم تبخر المياه وطلع أن في الشتاء الجو معقول والحرارة معتدلة بس تبخر المياه بسبب تفاعل الخرسانة اللي يوصل أرقام عالية حاولت أعرف كم ما حصلت .. هنا الحرارة في الليل تنزل تحت درجة التجمد والتجمد مشكلة كبيرة المياه الداخلية تكبر 4% وتعطي ضغط كبير يكسر الخرسانة في كم مكان وتستوي هشة .. بس مروا يومين ما وصلت الحرارة درجة التجمد والوضع زين ومغطي الخرسانة ببلاستيك أسود وفيها مقياس حرارة والحرارة برا 48 فهرنهايت هذي لو نزلت حول 5 درجات مئوية توصل صفر .. لكن الحرارة الداخلية بسبب تفاعل الخرسانة واصلة 60 أو ما يعادل تقريباً 12 درجة مئوية وفي الليل بتنزل وايد تحت الصفر لكن أتوقع بسبب تغطيتها وحفظ الحرارة وبسبب تفاعل الإسمنت بتبقى الحرارة فوق الصفر وهو المطلوب
https://www.youtube.com/watch?v=49jrmH6yHT4
صباح الخير بو عبد الله ، اعتقد ان الخرسانة تعتمد على تركيبها وغالباََ اللي نستخدمه معروف ارقامه وبعد اوقات الصب واجراءاته.. ودنا بالتضبيط لكن ربعنا ما هم ضابطين
تدري بو زيد هي العامل الأول والأهم في عمر البناء بدون مشاكل .. ما عليك من التبريرات الزايدة وصادق ربعنا ما يضبطون كلشاقتباس:
المشاركة الأصلية كتبت بواسطة سالم الزهران
من أحلى التصميمات الداخلية للبيوت الصغيرة الحديثة .. خارجياً فيه أشياء ما حبيتها خصوصاً تكسية الواجهة هذي شكلها بتكون أعشاش للطيور وتجمع للغبار .. لو خلوها نوافذ عادية أفضل وأوفر وممكن شكل بلكونة بسيطة للزراعة في اصيصات شكل ما هم مسوين
https://www.youtube.com/watch?v=iAVXhWegoH8
بس حبيت التصميم وفيه أفكار حلوة خصوصاً تكسية الجدران الداخلية بصفائح حجرية صناعية وعملها منحنية في الزاوية طالع توجه جديد وحلو
فيديو قصير عن أصباغ البوليورثين الخاصة بالعزل المائي
https://www.youtube.com/watch?v=Ixw2niivEdI
طريقة ترتيب البوليورثين العازل للأسطح وبسهولة ممكن تجديد العازل فوق السكريد الموجود
https://www.youtube.com/watch?v=T1D2FtADNzM
البولي يورثين في الأساس طلعت كأصباغ جيدة وقوية لكن تم تطويرها للعزل المائي .. هنا مقارنة بينها وبين نوعية صبغ ثانية ما عندي عنها فكرة بالضبط الظاهر تستعمل في الهند
https://www.youtube.com/watch?v=mI3mxAEwOvU
هنا صبغ أرضية انترلوك بالبوليورثين
https://www.youtube.com/watch?v=ab2-m4we72A
عرض سريع لعدة أنواع من الأصباغ
https://www.youtube.com/watch?v=Ua89h05l1bU
ملاحظة الأصباغ وشغلها شيء تخصصي ويحتاج تعامل دائم ومتابعة وسوقها متغير ومتطور بلا توقف
التعشيش في الخرسانة مصطلح مرعب لأن صعب نكشفه ونكشف عمقه .. الظاهر سهل ويبين لكن الداخلي المشكلة
https://www.youtube.com/watch?v=mGL-LNTr3qU
حصلت مواد المعالجة ولا حصلت الكشف عن التعشيش المخفي والعميق اللي ودي أعرف عنه .. مواد المعالجة نفسها عندنا وأكيد فيه غير اضافي
https://www.youtube.com/watch?v=60QsFe6KNbQ
هذيلا مسهلين المهمة حتى يبيعون منتجهم .. محد بيحصل تعشيش مستمر وتوصل له الخرسانة أو المادة بهذي السهولة .. هو بعضه يستوي فجوات في كم مكان بعضها مخفية وكبيرة تأثيرها سلبي للغاية وتضعف الهيكل ضعف قوي لازم يتكسر حولها وتنملي
https://www.youtube.com/watch?v=2LTqnJ8Kfh4
لمحبي الحدادة هذا شغل بوابة حديد
https://www.youtube.com/watch?v=ZcY4-KxRiPg
صبغ البوابة الصبغ النهائية وبالصدفة طلع بوليورثين وكنا نتكلم عنه في مشاركات قريبة
https://www.youtube.com/watch?v=87Sa0LSUnf4