ننتظر ينزلون الحلقة السادسة من عمل البوابة فوق وانتهائها .. هذي بوابة ثانية مسوينها
https://www.youtube.com/watch?v=yPqE1ymZAhw
عرض للطباعة
ننتظر ينزلون الحلقة السادسة من عمل البوابة فوق وانتهائها .. هذي بوابة ثانية مسوينها
https://www.youtube.com/watch?v=yPqE1ymZAhw
هذا التصميم صعب على استشاريينا والسبب المبالغات الإنشائية لكنه طالع حلو دور بيسمنت وفيه ثلاث مواقف للسيارات وغرفة غسيل ملابس + دور أرضي وأول وبنتهاوس .. الجميل في التصميم كثرة البلكونات المزروعة وامتدادات السقف .. عارف شغلة العناية بالزراعة بس البيت حلو مع الخلفية البيضاء البسيطة في كل مكان .. مدته دقيقتين تابعوه
https://www.youtube.com/watch?v=u3cfr2mMgz8
هذا تصميم مميز بكل المقاييس وتنفيذ كذلك .. المساحة 10 في عمق 20 بس أبدعوا في استغلالها صح .. كان ممكن يعملون بيسمنت لمجلس أكبر ولغرفة سائق بس أكيد مطور عقاري ويدور التكلفة المعقولة والربح السريع من بيع الوحدات أو تأجيرها
الواجهة تم فيها تحديد النوافذ بإطارات حديد مغلفن وعندهم سهلة العملية لوجود معامل ترتب هذا الشيء بجودة عالية ( ما أدري اذا متوفرة عندنا أو لا ) .. عاد كلامه عن اليسار فيه تأسيس لغرفة سايق شكله بيخلي السايق ينام واقف .. نافذة المجلس الطولية في الزاوية ما تعيقها الطاولة البسيطة طاولة الزاوية وفكرتها ممتازة .. والقواطع الزجاجية الثابتة المطلة على الحديقة الوسطية الصغيرة مسوية جو حلو .. حبيت جزء المطبخ الخارجي معزول عن الداخلي بباب فقط والفرن سطحه متصل مع النافذة يشكل اطلالة جميلة على منطقة حوض السباحة اللي سووه مرتفع مثل الطريقة اللي أحبها بس بدون اوفرفلو من جدام
https://www.youtube.com/watch?v=-hdJzKtx0zc
ما اشوف فيه جماليات قوية والسعر خيالي 35000000 خمسة وثلاثين مليون .. هذي ضريبتها تبني قصري الصغير توصل 5.25 مليون ريال .. أعجبني الدرج النازل للبيسمنت من الجهة الثانية لأن البيسمنت جزئين مفصولين عن بعض واحد بدون اتصال بالبيت وله الليوان الهابط وفي ارتداد صغير في البيت حول مترين وملامس للسور الخارجي وبدون تعقيدات من التخطيط .. على كبره فيه أماكن موحشة ومغلقة ومعزولة
https://www.youtube.com/watch?v=_Ag2yhvfNhA&t=981s
شغل تغييرات بسيطة لتصميم داخلي بس ما شاء الله النهاية حلوة .. عندهم أصباغ أول مرة أشوفها جيكوب شكل الشركة يهودية
https://www.youtube.com/watch?v=9ZeiOczbFNQ
رفيجنا التركي يعرض قصر خشبي معزول في يوتاه إحدى ولايات أمريكا الوسطى .. التفاصيل وايد وبناء يختلف عن بناءنا بالكامل صحيح بنوا بنفس الطريقة في اسباير لكن هذا على مستوى كبير
https://www.youtube.com/watch?v=Mw_AJOYzt0w
يسمونه تعشيش هذا لو عندنا ما يعتبرونه شيء وبيضحكون على المالك
https://www.youtube.com/watch?v=74ZmqOh63v4
هذا الفيديو صار لي كم يوم أتابعه وهو غزير في محتواه وطويل يقل عن 4 ساعات بس بدقيقة
https://www.youtube.com/watch?v=lR94wptp6hY
صورة خذتها من الفلم السابق للحديقة والأشجار مميلينها جهة الممر .. البيت هذا على بحيرة أو نهر والمشكلة اللقطات سريعة مسرعين الفلم يبي له تبطئة وبياخذ أكثر من 4 ساعات هشكل
البيت خطوط بسيطة وواجهات زجاجية كبيرة .. الزجاج مكلف وباقي التشطيبات خصوصاً لو كان عازل وبجودة عالية أما بنيان البيت ما اظن بيكلف كثير وقيمته السوقية أكيد عالية سوق العقار تضخم عدة أضعاف في أمريكا من 2008
https://i.imgur.com/PjjmuzA.png
من جهة حوض السباحة
https://i.imgur.com/HW2eeju.png
شفت فيديو ذكرني بالبيت اللي غطيته في موضوع قديم اندثر هو مباني متميزة حول العالم .. هذا البيت مبني من بقايا طيارة 747 قديمة وعلى سفح جبل في سانتا مونيكا في كاليفورنيا .. باشوف لو أحصل فيديو تحليلي أوضح
https://www.youtube.com/watch?v=KY0dGKhuQGQ
ما فيه فيديو مفصل أكثر .. أذكر حطيت صور وايد من تقرير مصور من مجلة بس الصور انمسحت من الموقع
https://www.youtube.com/watch?v=DF5n68EDQvU
بيت على سفح جبل في جنوب أفريقيا مساحة 1600 متر وعلى 4 مستويات فيه تفاصيل كثيرة
https://www.youtube.com/watch?v=irE9fDkWKGM
اللي فوق مخطط هذا كلادنغ ألمونيوم ملون يغلق البلكونة بعد للخصوصية .. البروز حلو وفوقه حوض سباحة طولي وبشكل متدرج .. كأنه ست أو سبع مستويات انا غلطت قلت 4 ومعروض للإيجار السعر في بداية الفيديو بس ما عرفت كم يعادل بالريال
الحجر مكشوف والخشب كقطع مصمتة وكبيرة عناصر انشائية مكشوفة وإبداع في التصميم والتنفيذ
https://www.youtube.com/watch?v=d2_eNKVZtZo
المطبخ جزيرتين وثلاث مغاسل شكثر تدليع
هذا فلم مطول للبيت السابق فيه شرح أكثر
https://www.youtube.com/watch?v=2WUnYL585zY
في الشرح المكتوب تحت الفيديو حاطين معلومات كثيرة عن الشركة اللي تبني اسمها غولدن ايغل وعن نماذج واستعدادهم للبناء في كندا وأمريكا .. هذي الشركات الزينة والنماذج موجودة ممكن التغيير فيها حسب الحاجة وبطريقة مدروسة وبموافقات هم يخلصونها
مباني حديثة ومتميزة حول العالم منها واحد في قطر .. مشاريع نوعية يعني
https://www.youtube.com/watch?v=VRnUmHQfens
هذا شايب مهندس كهرباء متقاعد اشترى أرض كبيرة في السبعينات ب 25000 دولار في غابة ونقل لها طيارة مكنسلة حولها لبيت له
https://www.youtube.com/watch?v=eLo7GwiGdWE
هذا فلم السهرة للخميس بالنسبة لي 127 أيكر والأيكر أو اعتقد ترجتها عربي هكتار تعادل 4048 متر مربع .. كلها فوق ال 513000 متر مربع عن بيت عادي 1200 بعدد 428 مرة .. الحجر للبيت الرئيسي مال الأرضية جايبينه من القدس الحرامية .. واحد من الربع حاط هذا الحجر حق بيته من الخارج عمري ما شفت مثله وهنا أشوف استخدامه أصح للداخل لأنه ناعم وقاسي ومتجانس .. طبعاً التصوير في الربيع أحلى أوقات السنة هناك والطبيعة حلوة خصوصاً في هذي الأرض الواسعة فوق نص كيلومتر مربع
https://www.youtube.com/watch?v=5Jyk8e4EUYg
هذي الشقة شفنا تفاصيلها قبل بس مع عارض آخر .. 250 مليون دولار قيمتها تصلح للمليونيرية الكبار اللي يمرون نيويورك في السنة كم مرة .. تشغل الأدوار 129 و 130 و 131
https://www.youtube.com/watch?v=aN9DH_GxqEo
هذا مبدع باني بنيان خفيف على سفح تل يمر تحته نهر .. جزء مدعم على الأرض وجزء على عمود حديدي واحد ورفيع .. إرتفاع الجزء المعلق فوق 18 متر ويصل لحدود 9 أدوار ويطل على الغابة اطلالة جميلة والبيت بدون كهرباء فقط الطاقة الشمسية في كيوبيك الكندية
https://www.youtube.com/watch?v=pMxM-zkGl90
منتجع الآيرون مان هاوس بعرض المميز اينيس التركي .. يمكن شفت هذا البيت عن طريق ثلاث عارضين وهالمرة يمكن أحلاهم .. بدأ بالصالة المقوسة على سفح الجبل وأعمدتها المائلة جهة الخارج وجدارها الزجاجي المائل كذلك وسقفها يغطي حوض مائي ملامس تقريباً للزجاج .. منتجع خيالي ما شاء الله
https://www.youtube.com/watch?v=m1t8Orjt7lk
هذا البيت ما حبيته يمكن منطقته تعبانة وتفصيله مشابه لتصميم دارج بس ما اشوف فيه شيء مميز وحلو
https://www.youtube.com/watch?v=6cm7Qq-YEko
شغل نظيف ومرتب لتغييرات جذرية في دورة مياه .. في الأخير السعر حول 25000 دولار مع تفصيل لسعر كل شيء
https://www.youtube.com/watch?v=5u32og_mmpc
شخبار بلكونتك عقب ليله أمس ..
الحمد لله .. تصدقين ما دخلتها خليني أشوف ليكون فيه ماي .. دخلت وشفت وتفحصت الحمد لله أحس بشوية برودة بس ما فيه رطوبة .. برودة لأن العشب الصناعي ما يعزل والجدران زجاج والأرضية خرسانة بدون عزل .. المكتب الوحيد في البيت اللي بدون عزل واحتد أشغل دفاية في الصيفاقتباس:
المشاركة الأصلية كتبت بواسطة sara jsm
دفايه في الصيف !!؟ تبي تصير نفس ديايه كافتريا الورد :happy:
دخلنا الشتاء خلاص الأيام الباردة جاية .. لتفكرين في الصيف الا بعد شهر 2اقتباس:
المشاركة الأصلية كتبت بواسطة sara jsm
كافتيريا الورد؟؟؟؟اقتباس:
المشاركة الأصلية كتبت بواسطة sara jsm
ألحين عرفت ليش تخلص الشاورما عندهم بسرعة!
هههههههههه إكيلة تاكل سندويشين مع بعضاقتباس:
المشاركة الأصلية كتبت بواسطة SouthK
ههههههههه الله يغربل عدوك يااخياقتباس:
المشاركة الأصلية كتبت بواسطة SouthK
هههههههه عشان محد يخلصهم عني ..اقتباس:
المشاركة الأصلية كتبت بواسطة معماري قطري
:
الفترة الجايه لازم اسوي صيانه عالدرايش والبيبان مع الدوحة يوبي في سي .. والاختيار الالماني ..
المطره اللي جات خلتني افتر حول نفسي اغلب الدرايش دخلت ماي ..
انت وين مسوي بلكونتك ؟
عند معماري قطر شركة إخو رفيجنا حسن بو مطر المهندي الله يذكره بالخير وصراحة أثبتت وجودها مع إن الدرايش اللي تنفتح كبيرة وكنت متخوف منها .. يمكن نفعني بعد عندي امتداد في السقف قريب المتر يغطي الواجهات الزجاجية ما يجيها المطر مباشر بس كان المطر يجي أفقي مع الهواءاقتباس:
المشاركة الأصلية كتبت بواسطة sara jsm
دريشة وحدة من القديمات سربت شوي من الزاوية أول مطرة والثانية لا
درايش الاختيار الألماني بعد خرت عندج؟
عليج بالعافية :) .. خلي لنا شي!اقتباس:
المشاركة الأصلية كتبت بواسطة sara jsm
بعض حوادث البناء وحوادث الطبيعة
https://www.youtube.com/watch?v=LJZ2eoI7FnM
على طاري الإنفجارات مرة صار بس كان بسيط لكن صج مرعب .. محطة بترول أزالوها ألحين حول 50 متر من بيتي ويمكن أقل إنفجر خزانها بس الظاهر فيه قليل بترول وبخار البترول صج وقتها اهتزت الأرض بي وانا جالس في المكتب فوق
فيه ناس ما يحبون التذهيب في الجبس بس هنا طالع روعة مع ألوان الأثاث بعضها بالأزرق السماوي والأحلى هذا في ميامي .. مكتوب جنوب فلوريدا احتمال فوق ميامي بشوي في جزيرة صناعية ومؤكد بمدخل خاص وبوابة للساكنين فقط
https://www.youtube.com/watch?v=W9pduVUIZqQ