اقتباس:
المشاركة الأصلية كتبت بواسطة معماري قطري
بيض الله وجهك اخوي على المتابعة المستمرة وان شاء الله تبشرنا بزوال الوباء
عرض للطباعة
اقتباس:
المشاركة الأصلية كتبت بواسطة معماري قطري
بيض الله وجهك اخوي على المتابعة المستمرة وان شاء الله تبشرنا بزوال الوباء
وجهك أبيض دنيا وآخرة إخوي مستثمر رشيد
النتائج بنهاية يوم أمس أفضل مما هي الآن بس ظلم ناخذها الآن أكيد قراءات كثيرة ما وصلت .. والفرق بسيط جداً .. نشوف نهاية أمس ونقارن بأول أمس
World 110,828,616 +403,384 2,451,512 +11,529 85,774,503 +444,014 22,602,601
الفرق بين المتشافين والمصابين بدأ يقل من أيام نوصل 100000 لصالح الشفاء ألحين حول 40000 وبعد شيء افضل من لا شيء .. النسبة استوت 79.6058% وتقدم واضح عن آخر يوم 79.48% فوق 0.12%
أمريكا ساهمت ب 36000 وزيادة في هذيلا الأربعين ألف فرقية .. الهند الزيادة للإصابات وكذلك البرازيل وروسيا وبريطانيا الزيادة في الشفاء .. اللي يوصل من أخبار إن الدول هذي أمريكا وروسيا وبريطانيا واسبانيا وايطاليا وألمانيا وهي كبرى في أعداد الإصابات تشتغل صح ألحين على التطعيم
هذا جدول يوضح الدول اللي طعمت والعالم واصل نسبة 2.8% واليوم الصبح كان 2.7% حتى يوصل لنسبة 70% من السكان تطعموا
إستغربت الكيان الصهيوني واصل 82% وقطر توها 2.7% .. دولة شرقينا 55% وأمريكا 17 وشوي .. البحرين 15 وشوي %
ما ادري قطر مقصرة في نقل المعلومات والا الجدول غير حقيقي والا التطعيم عندنا يمشي مشي السلحفاة .. باقي لنا 2,924 days لو مشينا على هذا المستوى .. أف أشغال بتخلص شغلها ووزارة الصحة للحين ما طعمت 70% من السكان
هذا الموقع للي يبي يطلع
https://covidvax.live/
الحمد لله من سكان بيتنا البالغ عددنا 14 شخص ما بين خدم وعائلتين انا وولدي 2 بس خذوا التطعيمين و2 خذوا أول تطعيم و2 أطفال المفروض ما يطعمون وواحد بيطعم الثلاثاء الجاي الباقي 7 بس و6 منهم خدم نبغي نطعمهم بس للحين ما أعرف الآلية
ارقام قطر لليوم بعد فيها تأخر بس معقول
149 Qatar 159,518 +465 256 149,320 +289 9,942
نزلنا مرتبة للمرتبة 149 والحمد لله 0 وفيات اليوم ونسبتنا استوت 93.76747% وكانت من يومين 93.96624% بداية نزولنا صوب ال 93% وألحين في ثلاث أيام توغلنا في هذي النسبة لكن ليس بمقدار توغلنا في نسبة 94 اللي خلصناها في 5 أيام
ما زلت متفائل بأن النسبة بترجع للإرتفاع وما بننزل عن 90% ولا فيه شيء يدعو للهلع
الإشاعات اللي تطلع عن إن فلان طعم وأصابه الوباء ما لها صحة مطلقاً .. اللي يطعم ينقل الفيروس نعم لكن لا يصاب به اصابة ممرضة جسمه يقاوم بشرط مرور اسبوع أقل شيء بعد التطعيم الثاني .. الناس اللي استهتروا بعد التطعيم الأول هذي مشكلتهم لأن كل دواء له نظام يشتغل به
نسبة الاصابات للشفاء 160.9% أقل بوايد عن قبل
نتيجة أمس وفيه دول فعالة ما أرسلت أرقامها مثل بريطانيا اللي كانت نسبة الشفاء للإصابات فيها كبيرة واستثنائية في الأيام اللي فاتت
World 111,233,277 +403,526 2,462,764 +11,043 86,149,667 +367,039 22,620,846
النسبة 79.6636% بدأ شوي يضعف عزم الإرتفاع والإصابات حول 33000 أكثر من الشفاء .. زين إننا نزلنا كحالات فعالة من 26 مليون لخانة ال 22 مليون وخلال الأسبوع القادم ممكن نوصل خانة ال 21 مليون حالة فعالة
إرتفع معدل التطعيم في العالم ل 2.85% الآن وهذا يحسب على أساس تطعيم 70% من سكان العالم وعلى أساس التطعيم الثاني .. للآن الدولة الأعلى 83.75% وهي الكيان الصهيوني تتبعها الدولة اللي شرقينا بنسبة 55.45 % تليهم بريطانيا 26.49% .. قطر أتوقعها تحت ال 20% لكن الرقم الحالي بتاريخ 28 / 1 وكان 2.78 % .. البحرين سابقتنا بوايد
معدل التطعيم في قطر 1,352 (0.02/s) جزء بسيط جداً في الثانية .. يعني كل 50 ثانية نطعم 1 .. للثلاث ملايين نسمة نحتاج 1215 يوم حتى نوصل لتطعيم نسبة 70% من السكان التطعيمين 3 سنين وشوي .. ما ادري ليش حاطين فترة توصل ل 8 سنين في الجدول
ما اعتقد تقديراتهم صحيحة ولا تقديري وأكيد العدد اللي طعموه أكثر بكثير والفترة المتبقية اقل بكثير من التقديرات
في أمريكا يتم تطعيم 18 واحد كل ثانية وشوي أكثر
نسبة المطعمين في العالم وصلت 2.92 % ونسبة قطر ما تغيرت لعدم وجود تحديث .. سويت بحث لأي إحصائية ولا حصلت .. المشكلة اللقاح واصل من 22 / 12 اللي راح يعني له شهرين ألحين وضروري التحديث المستمر للأعداد اللي أنهت التطعيم والمفروض نوع التطعيم والجنسية والسن هذي الأُمور سهلة وتزيد الشفافية في المجتمع
الحمد لله اليوم الإصابات شبه متعادلة مع المتشافين
149 Qatar 159,967 +449 256 149,740 +420 9,971
ما زلنا في المرتبة 149 على دول العالم بعد تراجعنا الكبير ل 42 مرتبة من 107 ونسبتنا لليوم 93.7668% وكانت أمس 93.76747% والنزول طفيف جداً ومتوقع بكرة بنرجع للتقدم وما اعتقد يكون سريع مثل الهبوط ولا اعتقد يكون بطيء وايد مثل الموجة الأُولى .. بيكون سريع بإذن الله
كأنه واحد بيطلع طعس وسيارته تعبت رجع ريوس شوي وبيستن مرة ثانية هل تنجح المرة الثانية الله أعلم
اليوم الكويت والسعودية والامارات محققين تقدم قطر والبحرين تراجع بسيط وعمان ما أعلنت للآن
الملاحظ إن الكفة ترجح عالمياً لزيادة الإصابات على الشفاء لكن لازم ننتظر نهاية إحصاء اليوم ونشوف كم بالضبط تقدمنا أو تأخرنا
العالم بنهاية أمس وكثير دول ما أعلنت ومنها دول كبرى في الوباء وفي الشفافية يفترض والحضارة
World 111,638,728 +372,396 2,471,435 +8,446 86,837,933 +321,323 22,329,360
الأرقام مع إنها تبين إصابات أكثر من الشفاء الا إن الحالات الفعالة قلت بشكل ملحوظ حول 300000 حالة .. ما ادري فيه تلاعب والا أرقام ما تنحط والا خطأ بشري .. السبت والأحد إجازة عالمية ولا ينشر كل شيء
النسبة أكيد في تقدم كبير بس الخوف ما تكون تمثل الحقيقة لكن مؤكد جزء مفرح من الحقيقة .. استوت 79.99986% يعني 80% نقدر نعتبرها وبتكون مؤكدة أكثر يوم الأثنين
تطور التطعيم حول العالم 2.95%
التطعيم وصل 3% على مستوى العالم لنسبة 70% من سكان العالم المستهدفة
ونتائج العالم مبهرة للآن بس نخليها لنهاية اليوم ونهاية جميع التقارير
بلادنا الحبيبة رجعت للتقدم البسيط هذا اليوم وبإذن الله يستمر التقدم للنهاية بدون أي تراجع كبير كاللذي حصل والأهم يتم الإعلان عن نسبة التطعيم لدينا ونسبة الجنسيات من التطعيم
149 Qatar 160,426 +459 256 150,220 +480 9,950
ما زلنا في المرتبة 149 وكان المفروض نرتفع مرتبة خذتها منا دولة ما ادري شلون من أيام أرقامها فوق 20000 فجأة نزلت تحت ال 10000 .. نسبتنا اليوم استوت 93.79776% عودة موفقة من 93.7668% أقل نسبة وصلناها فيما يسمى الموجة الثانية اللي كانت بحدود 5 نقاط مئوية وأتمنى تبقى كذلك ويستمر التقدم جهة ما فقدنا من نقاط وتنتهي فعلياً هذي الموجة