https://www.youtube.com/watch?v=haK2TnmVoT0
عرض للطباعة
منسوب البيسمنت على شارعين كل منسوب يختلف .. هذا أشوفه مشكلة جائز تنفجر في أي لحظة لو نزل مطر قوي وشفناها في بيوت الكويت الله يعينهم لازم يكون فيه تصريف خارجي للشوارع بعيد عن منطقة البيوت ممكن يرتفع الماء 20 سم ويدخل من العتبات البسيطة
https://www.youtube.com/watch?v=ZwPHec8-1RY
على طاري المنسوب المناسب لدخول السيارة للبيسمنت نسوي رامب متدرج أول قسم بطول 3 أمتار لو أمكن وممكن ننزل لمترين لأن غالبية السيارات محور الإطارات بهذي الحدود .. الجزء الأول نسوي سلوب 15% ونقدر نقلل لو عندنا مسافة تكفي .. هشكل نكون نزلنا من صفر لين ناقص 0.45 متر .. القسم الثاني نسوي شوي ميلان أعلى 30% مثلاً والطول نخليه حول 5 متر أو 6 لو ممكن ونقلل السلوب عن 30% ممكن 25% يكون اريح .. 30% على 5 متر نهبط 1.5 متر و 25% على 6 متر بعد نهبط 1.5 متر .. القسم الأخير يكون بعد 3 وبسلوب 15% بيكون عندنا ارتفاع للباب لو سوينا جسر محاذي لمستوى ال 0 بيكون 2.25 هذا مناسب لكل السيارات تقريباً
الجزء الأخير عندنا لفة الرامب والفتحة نسويها 5 متر بتكون أنسب لدخول وخروج السيارة مثل هذي الصورة
https://i.imgur.com/GCzvzeJ.png
يعني ممكن نسوي الرامب في الإرتداد ال 3 متر ولو سوينا 4 متر الإرتداد بنكون نقدر نسوي تمديد الصرف الصحي كذلك تقدر نسويه في الثلاثة متر معلق في الجسر
يعني بيكون عندنا طول الرامب والمدخل حول 18 متر مناسب حق أغلب البيوت والأراضي ووضحت الجسر بخط مقطع
https://i.imgur.com/riAjkIG.png
هذي صورة موضح دخول السيارة والمنحنى كيف مناسب والجسر فوق وضحته بخطوط متقطعة
https://i.imgur.com/n3b0QN0.png
فلل مبنية بالطراز اليوناني وهذا النوع أول مرة أشوفه في الخليج بابدأ الفيديو ببعض الصور
هذي صورة الشكل الخارجي حبيته بس ناقصه اللون الأزرق فوق في الجزء الداخل داخل من سور السقف وهو لون دائم متواجد في أسقف المباني اليونانية وفي بعض القطع الحديدية والأبواب أوقات
https://i.imgur.com/IFwqPQN.png
هنا استخدموا اللون للباب فقط ولو مستخدمين درجة ثانية للجزء المضاء من سور السقف بيطلع أحلى
https://i.imgur.com/ZsZeDhI.png
التقويسات للزوايا الحادة طالعة حلوة وتعتبر ميزة لا تكسر ولا تنكسر
https://i.imgur.com/HtDVzfB.png
المجلس بسيط وحميمي وجميل التلفزيون كأنه جزء من الجدار
https://i.imgur.com/IcXGDgc.png
أول مرة أشوف مكيف معلق للمطبخ بهذا الجمال
https://i.imgur.com/zaNrs8w.png
تابعوا الفيديو فيه تفاصيل كثيرة
https://www.youtube.com/watch?v=mqkURPwcJek
عرض آخر لنفس البيت السابق بصوت انثوي .. عندي تساؤل من يرغب في تصميم داخلي مميز ممكن ياخذ عناصر من هذا التصميم ويطبقها على بيت كبير وعلى مستوى بس بطريقة مقاربة من حيث تنسيق الألوان والنمط
https://www.youtube.com/watch?v=uH3dhV5L_30
مصطلح Dry Wall هذا مصطلح بديل وحديث للبلاستر التقليدي قديماً ومن زمان تغير في أمريكا وفي بعض الدول بعد استخدام ألواح الجبس والألواح الخشبية المكبوسة .. هذا منتج حديث من البلاستيك ومناسب ونظيف وسهل تركيبه للجدران
الداخلية
https://www.youtube.com/watch?v=uHGHeTzznhM
بخصوص الطرق عندنا ستاندرد لطرق الجيش إن ما خانتني الذاكرة حول 2.7 متر لكل مسار وفي الغالب مسار لكل اتجاه وطرق طويلة أوقات وتكون عليها خطورة كبيرة وأوقات حوادث مميتة .. هذا تقريباً نفسه ستاندرد الطرق الريفية في ألمانيا اللي سرعتها 100 كيلومتر في الساعة تنزل لين 50 في المناطق المأهولة والتجاوز فيها صعب الا بحذر شديد وفي أماكن معينة مخططة بخطوط متقطعة وبلادهم شاسعة وطرقاتها الريفية كثير أطول من طرقاتنا بس نادرة الحوادث عندهم بسبب الإلتزام من الكل والقيادة الآمنة وكذلك طرقهم فيها انحناءات كثيرة وأشجار قريبة وبعضها غزلان تقفز أمام السيارات لكن مجهزة جيداً بوسائل رؤية جيدة حتى في المطر القوي تشوف أعمدة انعكاس انارة السيارات الصغيرة والرخيصة وهذي المفروض مركبة عندنااقتباس:
المشاركة الأصلية كتبت بواسطة معماري قطري
القصد فقط لتأييد سالفة الثلاثة متر كافية وزود
ألحين بيهاوشني سالم الزهران .. السعوديين استووا عباقرة في التصميم والتنفيذ .. قبل كنت أقول ليش يسوون الأبواب تفتح للخارج بس شغلت المخ المصدي عرفت إن جدام البيت حرم لك محد يمر ملامس لبيتك والخدمات الحكومية بعيدة شوي وبعدين لو يفتح للداخل سهل دفعه وكسره بس بصدام هيونداي 3 سلندر واحد منهم اللي يشتغل .. وبعد يفتح للخارج حتى لو الوالد جاي وعيال يلعبون قرب الباب وفتح الباب بدون ما يدري من وراء الباب ما يتسبب في حادث مميت وصارت مثل هالحوادث عندنا .. بعد لو الباب يفتح للخارج يستوي ساتر أكثر ما يتوجه نظر المار لداخل البيت فيه مصدات جانبية .. بعد الهواء لو كان قوي ما يكسر أذرعة فتح الباب وصارت عندنا لبيوت كثيرة منها بيت الوالد كذا مرة
https://www.youtube.com/watch?v=flP6k4jIeNQ
هذا بناء في منطقة جبلية وطينية بسيط واقتصادي بدون مبالغات انشائية .. سرعوه الفيديو طويل
https://www.youtube.com/watch?v=2PO1-VInYkA
نكسر روتين مراجعة المخططات مع هذا الفلم الطويل ساعتين الا خمس ثواني تابعته على فترات وباقي منه بعد .. بس ممتع للبناء على سفح جبل وبنيان خشبي بس متكامل بكل التفاصيل
https://www.youtube.com/watch?v=fm9Nb6IpCN0
هذا درس في تركيب الطابوق وبداية الجدار لازم كل عامل طابوق يعرفه .. تابعوه والله مفيد للجميع .. حتى المونة يدلعها بالزبدة جوعني .. هذا التأسيس بعدين يواصلون عليه وربعنا السعوديين يسمون الفراغ اللي في الوسط القفل يملونه مونة هنا يركز على الأطراف .. شغل الطابوق من أهم الشغلات في البناء وخربوه عندنا الجاهلين به ووايد منهم مهندزين ومهندسين للأسف
https://www.youtube.com/watch?v=jyeHkKALl-Q
عمل حاجز خرساني تحت السور الخشبي للحديقة .. أكيد ممكن محد يحتاجه بس طريقة مناسبة لعمل مناسيب مختلفة للحديقة وحتى أسوار خشبية نفس الشيء أو قريبة
https://www.youtube.com/watch?v=5QCviW4mp9Q
شغل البيسمنت قصة بس شغل أبو أسد
https://www.youtube.com/watch?v=IHCgSBUlgf8
شغلهم ممتع وحياة ممكن تبتكر فيها، المبدع مسموح له والمجنون مسموح له.. يا بختهماقتباس:
المشاركة الأصلية كتبت بواسطة معماري قطري
فيه حدود إخوي بو زيد وقوانين وأكيد أراضي وغابات ما ينبني فيها .. بس كل شيء مرتب ومعقول ما فيه مبالغات مثل اللي عندنا
الفال لنا و عندنا!اقتباس:
المشاركة الأصلية كتبت بواسطة معماري قطري
آمين .. المطورين يفترض شركات لها قوانين ورقابة من الدولة ومبلغ محتجز لأي شكوى وتدقيق من جهة حكومية .. الأهم من هذا كله تنظيم عملية البناء والتصميم والعقود في منظومة تدقيق ومتابعة وتوثيق حكومية بإستقلالية عن القضاء والمحاكم وسوالف الضعاف العقد شريعة المتعاقدين في البناء دوم 1+1=2 المهم القانون يطبق ويراقب بأجهزة محايدةاقتباس:
المشاركة الأصلية كتبت بواسطة SouthK
عندنا شركة الإجارة المفروض واجبها وصميم عملها هو تأجير المعدات والأفراد ويفترض كذلك تبني مشاريع بكادرها هي لكن تحولت تحولات ثانية غريبة .. وشركة المتحدة المفروض سعرها ألحين 5 ريالات وفوق وربحها عالي يدعم سعرها أفلسوها المتمكنين منها والإدارات السابقة والحالية ما عندها حلول الا تمشي وراهم
يجينا مطور عقاري يبيع مشروع بغالي جداً ويدفع الناس بعدين خدمات وفي تزايد سنوي حتى قبل ليستلمون المبنى جاهز بعضهم يدفعون خدمات وأقساط عالية والمشكلة ما فيه مردود في الغالب .. ناس كثيرين اشتكوا وناس صحيح توفقوا بس بتعب ومجهود وممكن لفترة معينة وفترات الكساد جاية لأسباب كثيرة ونفس الشيء فترات الرخاء وهي أرزاق بس المبتز الأكبر هو المطور العقاري ولا فيه قوانين قوية تلزمه يقلل تكاليف التكييف مثلاً والصيانة وحتى بعضهم متدخل في عقود التأجير والبيع لو صار وبرسوم عالية هو يحددها حسب رغبته
اخوي معماري هل عندنا مطورين؟ و بالاصل هل عندنا تطوير؟؟؟؟
اشوف شقق وايد في الوسيل معروضة للبيع باسعر اقلها مليون للغرفة أو الاستوديو .. من بيشتري شقة غرفة واحدة إلا اذا كان قطو!
بخصوص القوانين التنظيمية فما عندنا تنظيم في قطاعات واااااااااااااايد و السالفة عفيسة!
صحيح أغلب مشاكلنا إدارية وإدارية تخصصية يعني ما نحتاج مدير قانوني في قانون البناء كثر ما نحتاج فريق عمل أساسه هندسي من عدة تخصصات ومتمرسين وبعيدين عن التأثيرات الثانوية كأن يكونون تحت ضغوط من مجلس إدارة كلهم تجار يفكرون في مصلحتهم وبساقتباس:
المشاركة الأصلية كتبت بواسطة SouthK
للأسف ربعنا غير مواكبين ولا عندهم نظرة الخطوة الجاية وشي تكون .. سووا الكود القطري الأخير غيروا اسمه سموه اسم جميل وأعتقد خلصوه سنة 2014 وسووا حفلة وسالفة وكأنه إنجاز عالمي وهو كله اشارات وليست اقتباسات واضحة لأكواد عالمية ثانية والمفروض اقتباسات واضافات عليها وتوضيحات حتى بمخططات دقيقة ممكن يستفيدون منها المصممين والمهندسين في المواقع وتكون مرجع هندسي يعتمد وبثقة .. وهذا الحاصل في البلدان المتطورة الكود تحصله موجود في يد كل مهندس وكل فورمن وحتى ممكن كل مدير مختص وسهل وأون لاين تدخل أي بند بسهولة ووضوح .. فيه له داتا بيس وفيه له دعم فني دائم أو لنقول ساعات دوام رسمية للتوجيه والرد على الاستفسارات .. بعدين على التلفون سهل تشوف البند وترسله للمقاول مع التوضيحات وكله اونلاين وهو يعتبر وثيقة وكل المراسلات توثق وكلها ترسل لطرف حكومي مهمته التوثيق للمشروع حتى نعرف وين راح مسار المشروع ووين التجاوز .. بإختصار آلية عمل الكتروني سهلة بالتلفون أو التابلت أو الكمبيوتر وبالتصوير والشرح وأي دجال هندسي سهل ينكشف ويحاسب ويعاقب وممكن يستبعد من العمل على أرض اللي تستحق الأفضل بس بالكلام من أبنائها
اللي عنده القوة العلمية والقوة الأخلاقية يرضى بهذي الإجراءات لكن غالبية الموجودين في هذا المجال وكثير منهم قطريين ومهنيين ما يبون ما يسمى وجع الراس ويبون الأمور ماشية مثل ما هي
شوي ابتعدت عن سالفة الخطوة الثانية .. سووا احتفال بالكود اللي فيه كلام وايد مكرر وبإضافات تخالف بعض وفقرات مبهمة .. وقالوا بيحاولون يدخلونه ليعتمد في الخليج ككل بس الظاهر انصدموا بالعقليات المتطورة أكثر في الخليج ولا رضوا بالتفاهات اللي منجزينها ربعنا في كودنا وبقى حبيس الأدراج هالسنين لا يطور ولا ندري بالإضافات عليه هذا لو فيه اضافات ولو تم العمل به .. بس حطوا صورهم وأسمائهم ومناصبهم في البداية .. بقينا ضايعين من ذاك الوقت للحين لا تطبيق فعلي ولا اجراءات متابعة ومراقبة وبقت سالفة العقد شريعة المتعاقدين وكلام القانونيين اللي هم ما يعرفون تفسير محدد له
حتى المستشفيات تخصص ادارتها تخصص غير بالكامل غير عن الإدارة العامة وغير عن الطب تصدقون حسب ما سمعت ما فيه توجيه لإرسال قطريين يتخصصون هذا التخصص ومعتمدين على المهنيين المستوردين .. أرسلوا بدال الطالب لهذي الدراسة عشرة طلاب وكلهم يكونون هيئة إدارية لكل مستشفى وممكن نحتاج أكثر بس كمثال
آلية بسيطة ممكن تصنيعها محلياً لجمع مخلفات الشواطيء
https://www.youtube.com/watch?v=xbXUKmGsu1Q
آلة يدوية لتربيط الكانات بزاوية 135 بسهولة عندنا يسوونها في الغالب 90 درجة وال 135 أفضل وأقوى وبنفس المواد شوية مجهود بس
https://www.youtube.com/shorts/EePLnrNTCvo
كنت أرسل هذي الفيديوهات لأحد كبار المسؤولين في أشغال لمحاولة طلبها لشواطئنا
https://www.youtube.com/watch?v=Z8yaGaCGqeM
هذي عدة آليات بعضها تنظف بعمق حتى تزيل الزجاج والحصى وأي شيء أكبر من حبة الرمل وتخلخل الرمل وتخليه مرتب
https://www.youtube.com/watch?v=2Ao9W9BRhkA&t=572s
وهذي تشتغل ببرمجة وبطاقة شمسية وكهربية ما تزعج الناس
https://www.youtube.com/watch?v=vPpuB9tnrf8
من حلاوة مقاطعك يا بو عبد الله، استثرت حاسة النقد و الحش اللي اتمتع بها. اقصد من نظافة وترتيب هالحمران صرنا نكره ربعنا وتسيبهم وقلة اهتمامهم في مرافقهم
يا اخوي مشكلة ربعنا كله شغل تقليدي وقديم والا كل شيء متوفر عندهم .. إمكانيات ومال بس الخبير بو كرشة ما يدري شموجود في العالم ولا نصحهم .. شوف دبي على اختلافي معاهم في مسائل كثيرة لكن معتمدين التطوير والعلم .. لو تمر بلادهم غبار وجو تعبان في الصيف بس مستخدمين سيارات ترش الزراعة آخر الليل برذاذ بضغط عالي يغسل الشجرة من فوق لتحت تطلع تلمع ثاني يوم في الصبح .. ميزتهم في تطوير دائم وسمعت جايبين هذي الآليات لشواطئهم .. إحنا نتمنى هالشيء لبلادنا ومعليش خلوا طلاب المدارس يساهمون بس على آلات وآليات جيدة حتى لو يدويةاقتباس:
المشاركة الأصلية كتبت بواسطة سالم الزهران
انت معانا في القروب وتابعت طريقة بناء المحطات والإستراحات ومجمع كامل لخدمات الطريق في الطرق السريعة وفي الوسط .. قبل ذي حطيتها في هذا الموضوع بشرح مسهب وشكلي باحط الفيديوهات التوضيحية اللي سويتها بصوتي هنا .. العالم فيه تطوير وعقول وسهل تنقل هذي الأمور عندك لا براءة اختراع ولا شيء قلد وبس وطور بعد حسب حاجتك .. شغلنا سخيف يا اخوي نعتمد المطبات لتخفيف السرعة والدوارات للتقاطعات تكنولوجيا قديمة وتسبب حوادث ومشاكل كثيرة والعالم حولنا يتغير سريع
هذا كان شرح مني لأحد مهندسي أشغال طبعاً ما تقبل الفكرة لأن طرقنا السريعة اكتملت .. وانا كنت متكلم عن الموضوع من زمان قبل ليجهزون طريق الشمال وتكلمت قبل أثناء طريق سلوى بس وقتها كانت صعوبة النشر والتواصل
https://www.youtube.com/watch?v=7JuAgIkCEPI
ما ابغي أي شيء خاص لي كبراءة اختراع هذا مشهد موجود وناقله فقط لكن أتمنى وضعه في الإعتبار بدال المحطات الحالية الموجودة على الطرق الرئيسية واللي تاخذ لفة بعيدة ومزعجة .. هذي محصورة بين طريقين وبسهولة توصلها وتكمل طريقك
هذي المحطة الثانية والطريق عليه محطات كثيرة وكل محطة تختلف قليل عن الثانية في التصميم والمواقف والمحتويات .. والبترول مفصول للشاحنات جهة غير كلش وبروحها وللسيارات العادية جهة ثانية يدخلون في خط واحد بعدين يفترقون .. صورت هذي من الفيديو تبين الخطوط فيه مسارين والمسار الثالث يمين هنا يفصله خط متصل قبل بشوي كان مقطع ممكن تدخله وتخفف براحتك لين توصل داخل المحطة بإنسيابية وبعدين تتجه للموقع اللي تبيه وفيه اشارات واضحة .. بتلاحظون سيارتين متتابعين قلت مستحيل يصير هالشيء في أمريكا بس يوم دققت التفسير الوحيد إنها سيارة ساحبة كرفان حتى بعض المحطات فيها مواقف وخدمات كرفانات حتى يباتون فيها وبعضها فيها فندق بسيط ورخيص
https://i.imgur.com/uM3VbOh.png
وهذا الفيديو
https://www.youtube.com/watch?v=9sy28VCu7Ns
الملاحظ المحطات كلها فيها قابلية للتوسعة ومناطق فاضية بعضها صالحة للبناء وبعضها عبارة عن منطقة محفورة للتصريف السطحي لمياه المطر .. وفيه إحدى المحطات اللي عرضتها المياه مقسومة قسمين قسم يبين داكن قريب للأسود وقسم أزرق هذي أتوقع محطة تنقية مياه صرف صحي وهناك تجمع هذي المياه وتنقى وفيه مناطق بعيدة لكن مأهولة حتى للمزارع يوجد تصريف مناسب ومحطات معالجة صغيرة
فكرة المحطات هذي روعة