حاول تنقلها لكم بو زيد أكيد بيتقبلونها وممكن تنفذ بسرعة خصوصاً طرقكم طويلة وتحتاج استراحات حديثةاقتباس:
المشاركة الأصلية كتبت بواسطة سالم الزهران
عرض للطباعة
حاول تنقلها لكم بو زيد أكيد بيتقبلونها وممكن تنفذ بسرعة خصوصاً طرقكم طويلة وتحتاج استراحات حديثةاقتباس:
المشاركة الأصلية كتبت بواسطة سالم الزهران
فلم طويل عن منتجات كثيرة حديثة تابعت أول 10 دقايق منه وصعب أعدد شفيه
https://www.youtube.com/watch?v=ZfBPb3rOQT4
سامحوني هذا فيديو ما كان مقنع لي وأحس المكتب هذا فاشل حتى العرض بخيل فيه
https://www.youtube.com/watch?v=VVjFuUMNvdE
قضية حادث السفينة اللي أسقطت الجسر في ميريلاند من شهر أو شهرين وتحليل شصار .. أكيد المشكلة ما انحلت بس استعرض الحلول الممكنة منها استخدام القوارب القاطرة للخروج من الميناء ومنها استعمال أو بناء حلقة حامية حول أساسات الجسر
https://www.youtube.com/watch?v=GsjAjlTnLNg
هندسياً المفروض عندنا رؤية لمواطن الخطر في كل شيء وحلها قبل الكارثة .. مثل ضياع حياة شخص بسبب طريق منفذ خطأ أو حاجز وسط الطريق المفروض ثمنه يدفع بواسطة الدولة ومسؤولينها في الدول اللي فيها قانون منصف
موضوع صيانة وتجديد دورات المياه موضوع شائك وطويل لا يختصر في فيديو قصير لكن هذي بعض الملاحظات المفيدة
https://www.youtube.com/watch?v=pvAzkyp6nGw
نتناقش حول فيديو لصب الخرسانة في درجة حرارة 42 في الكويت واللي يعرض الفيديو يتكلم عن برانيص رخيصة شروهم لتغطية الأعمدة ورشهم بالماي .. المبدأ صحيح سواء مع الخيش أو غير الخيش التبخر يبرد حرارة تفاعل الخرسانة والحرارة الداخلية هي الأهم ويقلل الكراكات .. بس بعد ممكن البرنوص يشفط حرارة أعلى خصوصاً لو لونه داكن الخيش شوي أهون .. وبعد الصب في حرارة فوق 35 وحرارة الخرسانة وقت الصب تكون فوق 33 محفوف بالمخاطر والمفروض ممنوع .. سالفة الحرارة فوق 35 تعني إن الحرارة خلال أول 14 يوم ما تتعدى 35 مب بس وقت الصب اللي يروج له البعض
تذكرت فيديو تثقيفي عن سد هوفر دام في أمريكا المبني قبل 80 سنة وحطيته في القروب يتابعونه الموجودين والفيديو قصير ومفيد بانقله هنا بعد للفائدة .. السد عمل على شكل كتل خرسانية وأكيد فيه فيديو تفصيلي أكثر وبحاول أشوف ما ابغي اشرح كل شيء بس النقطة المهمة السد في منطقة جبلية بين كولورادو الباردة نسبياً ونيفادا الصحراء الحارة بس منطقة جبلية أتوقعها باردة .. وقت الصب لأن الكتل ضخمة بطول وعرض وارتفاع 50 قدم تعادل تقريباً 14 متر وخايفين من حرارة تفاعل الخرسانة الداخلية لذلك ركبوا بايبات حديد يمر فيها ماء مبرد يزيل هذي الحرارة .. الحين فيه مواد مناسبة لحد يقول لي الثلج الثلج يذوب في دقايق ويتحول ماء ويخرب الخلطة وبعدين الحرارة تستمر التفاعل يستمر عمر طويل بس أهم فترة أول 28 يوم
https://www.youtube.com/watch?v=hopBzK6BOwo
هذي جولة سياحية داخل الهوفر دام واللي يتابع يقدر العمل الهندسي والشغل اللي تم .. ما ادري شكثر خذوا لين أتموه بس فيه معلومات مغلوطة بخصوص الحديد لأن الخرسانات كتلية ومتراكمة فوق بعض وتقوسها هو اللي يخليها تتحمل الضغط ولا تتفكك نفس نظام الأقواس القديمة بس على مستوى كبير وأطرافها مغروسة في الجبال
https://www.youtube.com/watch?v=3x0cqKG4Orw
شيء دوم أحب أذكر به اللي هو قروب الوتس أب وصلنا 515 مشارك ونستعرض سنابات قصيرة وفيديوهات من عدة مصادر حتى بعضنا يصورها من معارض ومحلات لمواد البناء .. اللي يحب يشاركنا حياه الله بس بدون مشاركات في غير تخصص المجموعة وهذا الرابط
https://chat.whatsapp.com/CgdCfGMCFIyK5bpEQAbJOc
بفلوس ؟
إنتي إنسانة مادية بس وشو اللي بفلوس زيارة الهوفر دام .. أكيد ذكروا الأسعار أما القروب انتي كم تدفعين؟ والا كم يدفعون لج معروفة تاخذين ثقب أسوداقتباس:
المشاركة الأصلية كتبت بواسطة sara jsm
ههههههههه مب ماخذه وايد كل عضو بقروبك يعطيني ريال نهايه كل شهر ..
باحصل 515 ريال شهرياً والله شي حلو .. هاي اذا تبيني اشارك بثروتي المعماريه :fight:
ثروتج ثروة اوناسيس + بيل غيتس + مالك تسلا الله يخليج ذخر بس ما تشاركين كلش تبوقين من ثرواتنا اللي على قد الحالاقتباس:
المشاركة الأصلية كتبت بواسطة sara jsm
الألمنيوم الأسود حلو بس مشكلته يغبر وبعد يشرب الحرارة شرب
https://www.youtube.com/watch?v=OOTm3pWFzMk
هذا الشخص فنان و شرحه بسيط!اقتباس:
المشاركة الأصلية كتبت بواسطة معماري قطري
صحيح المواد بعد بسيطة وسهلة لكن اللي يحب يتعلم يقدر يسوي مواد أفضل وشغل ثري دي حقيقي معقد أكثراقتباس:
المشاركة الأصلية كتبت بواسطة SouthK
سويت مرة في الجدار ببلاط منقوش ركبته بزاوية 45 درجة وركبت طوب زجاجي وراه قصدير معفس طلع يعكس النور عليه ما تعرف وشو داخل الا لين قلت لك قصدير .. البلاط اللي مركبه 45 درجة شفت قريب منه في ميامي ما ادري حسيت شيء يسحبني له قلت توارد أفكار بينهم عشرات الآلاف من الكيلومترات
ممكن توضح اكثر الطريقة؟اقتباس:
المشاركة الأصلية كتبت بواسطة معماري قطري
بحاول أشوف لك الصوراقتباس:
المشاركة الأصلية كتبت بواسطة SouthK
طولت لين حصلت هالصورتين صورة للأرضية كنت مكثر القطع الصغيرة كان المفروض النص وللجدار سويت النص
باصين إن شاء الله حوائط حوض السباحة وبالغيه مؤقت باسوي فوقه بنيان خفيف ستور محتاج له
هذي الأرضية بورسلان حجري خشن شوي حق حوض السباحة عن السقوط والقطع الصغيرة ديكورات .. هذي ممكن تركب حتى في بلاستر كنقش وتطعيم
https://i.imgur.com/ss2xjxw.jpeg
وهذي للحائط شكلها أحلى شوي أقل بس لو مكمل الحائط كله بنفس التشكيلة ما تقشر الصبغ بسبب الرطوية .. الكبار طوب زجاجي محفور له في الطابوق وخلفيته قصدير .. تقدر لو تبي تركب ورق ذهب بعد ونور جانبي ينعكس عليه هو القصدير أرخص شيء ويعكس النور بعد .. بعد تقدر قطع مرايا
https://i.imgur.com/sFAJ8oq.jpeg
هذي صورة عن بلاستيك قوي ينملي خرسانة خاصة حتى يغطي تربة مدفونة حول بعض الجسور والمواقع اللي تتطلب هذي التقوية للتربة وتحت الطرق لعمل حماية ضد المياه والرطوبة والهبوطات وضعف التربة
https://i.imgur.com/otssiN4.png
وهذي صورة لمنتج في الفيديو لتقوية العناصر الخرسانية بالكاربون فايبر كخيار تقوية حديث ولمقاومة حتى الزلازل
https://i.imgur.com/1Knzklm.png
بالإضافة لمنتجات ثانية كثيرة في الفيديو منها نوعيات طابوق حديثة تنفع لحوائط استنادية وحوائط أسوار بدون مونة إسمنتية تركيب انترلوك
https://www.youtube.com/watch?v=w9f9_H2kH3A
كالعادة المقطع مخصص لليوتيوب اضغطوا الرابط يحولكم
يعطيك العافية
الله يعافيك ويبقيكاقتباس:
المشاركة الأصلية كتبت بواسطة SouthK
بعض مواد البناء الحديثة وطرق تنفيذها منها عازل مياه إيطالي مع خلايا ضوئية متطور جداً
https://www.youtube.com/watch?v=LLehCd8NTk4
هذي صورة لقناة تصريف مطر قديمة سكروها بصناديق بلاستيكية شبه مجوفة وعزلوا جوانبها الخرسانية بعوازل جيدة وخلوها لحفظ المياه اللي تجي من المطر لري الحديقة القريبة اللي بنوها
https://i.imgur.com/waW0R6p.png
أكيد مقتبسها من الفيديو السابق وأعتقد تسهل مسئلة التصريف السطحي لشوارعنا اللي تكلمت عنه مرات بيكون تخزين المياه محمي من التبخر بسرعة وقريب من مناطق الحدائق وحتى ممكن المشي على هذي المنشاءات
التكنولوجيا موجودة بس يبي لها حد يفكر يستخدمها .. عاد تصدقون لها سنين موجودة في قطر وحق تخزين مياه الحدائق وإعادة استعمالها الظاهر الشركة سكرت والسبب قلة الوعي كانت عند شركة الثلاثي
صباح الخير بو عبد الله، كلامك منطقي ولو استغلوا مياه العواصف المطرية بتفيدهم حتى في تغيير مستوى ملوحة التربة.. بس يبغي لك ذاك المعهد اللي فيه دكاترة عيال بلد عندهم ميزانية ويسمع لهم المسؤول عن التخطيط والتطوير.. افضل شيء تقط الفلوس في البلاد للاجيال القادمة. تركيا استدانت كثير و استفادت كثير لانها طورت بنيتها التحتية بصورة اكبر من امكانياتها الاقتصادية
يا هلا إخوي بو زيد صباح النوراقتباس:
المشاركة الأصلية كتبت بواسطة سالم الزهران
تركيا وغالب الدول الكبيرة تبني مدن وإحنا نقلدهم بس أوقات تقليدنا فيه أخطاء وأماني كبيرة وإبهار زايد يفقدنا مصداقيتنا .. دبي تشتغل شغل احترافي وبالتدريج ولها عمر طويل .. المسئلة مسئلة منظومة متكاملة وأُسلوب حياة وعيش ومدنية .. إن شاء مشاريع المدن والمشاريع الكبرى معاها تنجح وتستمر حتى لو تخلص على مراحل المهم تكون فيها خطة جاذبة للجميع خصوصاً أهل البلاد
الحلو في تركيا اتجهت للتطوير في كل مجال العلم والصناعة والإبتكار واستوت ند مثلها مثل الصين ومثل الهند وبدرجة أقل مثل باكستان .. إحنا لازم نستفيد من هذي الدول حتى إيران فيها تطور كبير وفي علوم كثيرة مع إن فيها خبث وتطور في الدمار بعد
دوم المشاريع هذي فيد واستفيد وخل عندك مصداقية أقل شيء مب فجأة تقطع عن شعب عقود استمرت سنين وبأسباب واهية قاصد تخنقه لا والشعب عنده مقومات النجاح وبسهولة وفر كل شيء حتى مكاتب دولية للشركات اللي قطعت رزقها .. مثل ما ذكرت كلها منظومة متكاملة المفروض أساسها العدل والأمان والحرية بضوابط وحدود
الكلام في الفيديو عن هذي القناة إنها قديمة جداً وتعتبر تراث هم سدوها بهذي الطريقة واستفادوا من الهيكل الخرساني المبني بطريقة مدروسة ليكون تخزين تحت الأرض محمي ومدفوناقتباس:
المشاركة الأصلية كتبت بواسطة معماري قطري
نرتقي شوي بذوقنا ونروح صوب ألمانيا .. شوفوا هذا الفيديو بدايته تكسير البلاطات الإسمنتية ونلاحظ تحتها خرسانة بسمك مناسب لها وهذي صورة مقتبسها من الفيديو
https://i.imgur.com/udv8noi.jpeg
هنا نشوف بعد الحفر والدك الجيد تم تركيب بلاستيك أسود قوي عازل بين المبنى والرصيف ويبنون البلاطات السميكة سمك كبير على طبقة إسمنتية قليلة المياه وسميكة كذلك
https://i.imgur.com/eMjsIkD.jpeg
هنا بعد ما ركبوا العتبات ويعملونها بميول بسيط للخارج لتصريف مياه المطر .. هذا شكله مدخل محل ولو بيت ما احب ارتفاع العتبات هشكل دوم انصح تكون حول ال 10 سم و12 وتكون أعرض 35 الى حتى 50 سم مناسبة ( شرفية )
https://i.imgur.com/SE5H63f.jpeg
باقي الرصيف ضبطوه مع لفل العتبات ودفنوه شوي حتى كسر حجارة شوي كبيرة بس دفان متدرج وحطوا فوقه كنكري وبيحطون البلاطات أتوقع بدون اسمنت تحت لأن هذا ممر خدمات وتحت الأرض مؤكد تمديدات ممكن وقت العطل يفكون البلاطات بسهولة ويشتغلون على الإصلاح
لاحظوا المسطرة اللي بزاوية للقياس حق قياس وقص البلاط شلون تخلي الشغل والقص دقيق بالملميتر
بعدين رشوا برادة لنفس مادة البلاطات وأعتقد هذي صخور بازلتية أو مصنعة من صخور قابرو أو بازلت .. هذي البرادة تغطي الفجوات بين البلاطات .. العتبات مايلة للداكن والأرضية أفتح شوي والعتبات فيها شطفة خفيفة حتى ما تكسر اللي بيسقط عليها
عاد آخر شيء يستعرض الفاتورة 10500++ يورو مب شوي
https://www.youtube.com/watch?v=HO6NlPuHnOs
مشاريع بسيطة وبتكلفة قليلة يفترض على أمريكا لكن خلال النقاش يتكلمون عن مصاعب وعدم توفر أموال خصوصاً فيه نفق له فوق 100 سنة ولازم يغيرونه ويطورون نفق أوسع وأرتب .. المدينة داخل كلش ما حبيتها مانهاتن زحمة وغالية وايد وقذرة وخطرة .. كل هالأمور مجتمعة وأكبر تجمع لليهود .. أكيد الأرياف والمناطق الجبلية حلوة بس يوم رحت كلها 3 أيام ومع ناس كل همهم السوق وكأن خارج نيويورك لا يوجد سوق
المهم يوم سمعت مشاكل التمويل كتبت رد الأفضل تصرفون على الصهاينة وتساعدونهم في قتل الأطفال والنساء .. المشكلة المشروع تحت التخطيط وفيه أجزاء وبعضها بيخلص 2035 يعني شغل بالراحة وإستغربت شلون يطول هشكل .. الله يفقرهم وياخذ حق كل بريء تسببوا بقتله
https://www.youtube.com/watch?v=KpRVAR_emBY
هذا بيت في سيري إحدى مدن بريطانيا أتوقع .. خذت منه صورة لباب المدخل وايد تناقشنا فيه مع شباب قروب بناء وتصميم وانا ضد المبالغة في الإرتفاع ومصمم بيتي وبيت ولدي على ارتفاع واحد لجميع الأبواب داخلية وخارجية 260 سم وأفكر في المحوري لو حصلت نوعية زينة وعازلة للغبار والصوت وبسعر معقول
https://i.imgur.com/TU5kui1.png
تابعوا فيه تفاصيل كثيرة ونمط ثاني من التصميم والبناء
https://www.youtube.com/watch?v=GYHz1hL8VTI
صباح الخير بو عبدالله، يعطيك العافية بيت الانجليزية هذي مميز، ينطبق عليه المقولة (السعة لا بارك الله في الضيج).. التصميم فيه افكار وفيه تعمد لتكبير الممرات. تنفيذ حلو لكن الديكور بعد فيه اختيارات مب حلوه حتى في الإضاءة. بعد مخصصين غرفة مال قرقيعان.. هذي مفتاحها تعلقه ف مشبك مثل لوليين؛)
عدل كلامك والله، الحين يا زين المكتوب والمعلن و يا بعد الشيء اللي يتم تنفيذه على ارض الواقع.اقتباس:
المشاركة الأصلية كتبت بواسطة معماري قطري
اي مسعول أو مسؤول ودي اقول له هذا التخطيط والاهداف زينة لو بتحقق! بيقول لك : وليش ما تحقق؟ قل له مدري اصل عبد السميع حط البتاع دوكها ونا مليش دعوى :swoon:
فيه فيديو لمسؤول تركي رئيس بلدية من بلديات اسطمبول زار موقع وقابل مهندس المشروع، ولاحظ أن توزيع الحديد غلط والمسؤول بنفسه مهندز متقاعد وحشرهم بالاسئلة ههه اذا حصلت المقطع يوتيوب بحطه هنيه لكن اذا انستا بطرشه لك