الله رزقك بفورمان بن حلال وفاهم والدليل ان التنفيذ جميل. انا شفت القبة في قناة اليوتيوب.
عرض للطباعة
الله رزقك بفورمان بن حلال وفاهم والدليل ان التنفيذ جميل. انا شفت القبة في قناة اليوتيوب.
الحمد لله .. أتعامل مع ولده أوقات وولده محترم وايد ودارس وحتى يتكلم عربي وايد أحسن من ابوهاقتباس:
المشاركة الأصلية كتبت بواسطة سالم الزهران
لازم في التعامل تحافظ على الناس ذيلا وتتجاوز عن بعض هفواتهم .. شيء مهم تعلمته إن وايد فنيين ومقاولين وموزعين ما ينصحونك بكل اللي يعرفونه لازم تكون مطلع ومحاور ومتابع .. السوق متغير بشكل سريع ومتواصل وكذلك التقنيات والفنيات .. يقال عندنا الجامعة بتشرف على تدريب بعض التخصصات للعمال وترخيصهم بليسن خاص لبعض الشغلات وهذا شيء زين طالبت به من سنين
مب جامعة قطر أكيد!اقتباس:
المشاركة الأصلية كتبت بواسطة معماري قطري
طلعت جامعة قطر ومعاها جامعة سيريلانكية من فترة تعطي دبلوم .. المشكلة يا اخوي ما يتبعون قانون معين في التدريب بكورسات معينة متفق عليها أو موافق عليها وتعطي الحد الأدنى من الخبرات المطلوبة .. وأي اضافة تكون خير وبركة والسي في المفروض يكون الكتروني ومذكورة فيه خبرات هذا الشخص مع الترخيص اللي يكون بطاقة تسوي لها سكاننغ وتعرف مع من تتعامل سواء كنت مالك أو مقاول أو مهندساقتباس:
المشاركة الأصلية كتبت بواسطة SouthK
دار نقاش بيني وبين واحد يصين بيته وجايب استشاري علة الله يعينه مسوي له مواصفات دفان بودرة ومقنعه ان البودرة أفضل شيء وفوقها 5 سم سكريد وبعدين التبليط .. قلت له شيل البودرة وخل كله سكريد تعذر له بالوزن وسالفة التكسير لو صار شيء تحت وسوالف ما لها معنى وقال له انا اخلي مسؤوليتي .. شرحت له الوزن البودرة 1800 كثافتها وزود ممكن توصل 2000 والماي 1000 والخرسانة 2400 هذي المسلحة .. السكريد وايد أخف يوصل 2000 نفس البودرة لأن البودرة كثيفة ومواد كشرة ما تصلح فيها شوائب عضوية ومعرضة للإنتفاخ ودفان رخيص جداً يبيعونك اياه بغالي .. ولو نبغي نخفف الوزن نستعمل السكريد الرغوي أو المخلوط بالفوم أو المخلوط بالبرلايت ودورت له فيديو حصلت هذا برلايت عند الأمانة في قطر
https://www.youtube.com/watch?v=eSeyALjnBdM
الفوم كثافته للكثيف 45 كيلو في المتر المكعب وللخفيف 30 ويمكن تحت شوفوا الفرق من 2400 لين 30 هذا لو نبغي نخفف وكلش محسوب بدقة أي وزن زيادة بينهار مبنانا حسب تقدير الباشمهندز اللي حتى ما يعرف الأوزان .. البرلايت مع الإسمنت والرمل حسب الخلط بيطلع حتى تحت ال 1000 يعني شافضل أركب وزن 1800 والا 1000؟
هذا بناي فنان يبني بالطريقة اللي أحبها تقوية بالحديد وبالمونة مع الحديد .. هذي طريقة بناء جسر الباب مع ربطه في الأطراف .. لاحظوا حط الحديد بدون سيم وربط وأتوقع رفع الحديد السفلي شوي حتى يتغطى بالخلطة .. الإسمنت هو الرابط وهذي حلقات هذي 11 سرعوها شوي وشوفوا الباقي لو تحبون
https://www.youtube.com/watch?v=8Ri_uTrzyKs
فكرة الموقف تحت وتدخل منه بدرج لشقتك حلوة .. تابعوا تفاصيل حلوة بس شرح سريع
https://www.youtube.com/watch?v=TS7llM7N3yg
هذا تطور جيد لكن للاسف عندنا الشغل خربطة و بدون تنظيم!اقتباس:
المشاركة الأصلية كتبت بواسطة معماري قطري
ما ادري ليش ما يسوون عندنا نظام رخصة مزاولة المهنة للفنيين مثل لجنة قبول المهندسين .. يسوون لجنة للفنيين و ترخيص أي فني يكون حسب خبرته و يعطونه الترخيص بعد ما يختبرونه ..
حزتها ما راح تلاقي عمالة تعبانة و اي فني بيخاف يخربط لأن وراها عقوبات لو اشتغل و خرب!
إحنا فاشلين إدارياً في أُمور كثيرة سابقنا فيها دول العالم .. غالب خبراءنا وقانونينا من دول تعيسة وفاشلة شتتوقع يصلحون تناقشت مع مجموعة ومع أحد مدراء أشغال وهو قائم بهذي المهمة وناوين يسوون مؤتمر ههههه شكلي مستبعد منه ما حبوا آرائي لأني صريح وواضح .. كل ما تكلمت عن القوانين يقول هم يبون هشكل إحنا علينا نركز على الانتقال التكنولوجي وتقليل العمالة الفاشلة والإعتماد على العمالة الهاي تك .. قلت تبون تنتقلون من حصية على حصية نبني البيت يا بنية لين تكنولوجيا وكمبيوتر وبرمجة وإثنين يبنون البيت مرة وحدة ما يصير هيئوا البيئة القانونية قبل .. ركزوا على استجلاب والاتفاق مع مشاهير السوشل ميديا وسهلنا لهم ببعض اللي نعرفهم حولنا من الكويت والسعودية والبحرين وعمان بعد وهم عندهم لستة بعد والله أعلم من بيختارون بس شكلهم مخططين على أمور تطويرية جيدة والله يوفقهماقتباس:
المشاركة الأصلية كتبت بواسطة SouthK
انا كلامي دوم عن الإشراف العام من الدولة ولازم وراه كود بناء عام لا يسمح بتجاوزات ويركز على الأمور المهمة في البنيان .. وتوثيق وتدقيق العقود الهندسية وأكيد الإشراف العام يتبعه الضبط القضائي وتوجيه التهم للمتجاوزين ومحاسبتهم من مقاولين ومن مشرفين .. بعدين ترخيص العمال والفنيين بكل فئاتهم والمهندسين والمقاولين وتحديد واجباتهم والتزاماتهم بدقة
تخيلوا أرض رملية وتبين ضعيفة يحفرها حق بيسمنت ويأسس الأساس يطلع 40 في 40 شريطي وعندنا يسوون الأساس الشريطي للسور 60 في 80 ويترسونه حديد .. هذا يقول الكود يطلب قطعتين قطرهم بسيط هم قياسهم 3/8 من الإنش يعني شوي أقل من الواحد سم أو 10 ملم ما اذكر كم قال 3 أو زود بس يبين الحديد قليل السمك وهو من عنده زاد قطعة ثالثة .. الجدران بتكون طابوق وقطع الحديد فيها أظن طابوقة ايه طابوقة لا وصبية الأرضية بتجي بعدين وفوق الأساسات والدفان المدكوك .. لبعض المواقع اللي خايفين من مياه جوفية يحطوم بايبات صرف بسلوب تحت وكنكري حتى الماي ما يلتصق بأرضية البيسمنت
https://www.youtube.com/watch?v=pMxGexmQe9A
ثرى الجاذبية وحدة عندنا وعندهم كلنا على الأرض
وهنا يسوي خرسانة الربط العلوية بين الطابوق مثل الجسر الدائر بس في الطابوق بعمق بسيط وعرض 10 سم العمق يمكن 3 سم بس يدخل فيه الحديد وتغطيه الخرسانة اللي بيصبونها.. عندنا يسوون جسر 20 سم وعمقه وايد كبير 60 أو 70 وكله حديد وخرسانة .. صحيح المساحة هنا بسيطة بس هذي الطريقة الأساسية يزيدون عليها قليل بدون مبالغاتنا
https://www.youtube.com/watch?v=UZ0Bf-PebQ4
قلوية التربة الزراعية نوازنها بأحماض أسهلها قشور البرتقال وبقايا الليمون ما نرميه المفروض .. وفيه جهاز يقيس قلوية التربة ومعلومات عن القلوية المناسبة لنوع النبات بسهولة نقدر نحصلها من النت وبهالشكل زراعتنا المنزلية تستوي ناجحة
https://youtube.com/shorts/JGe2zSlZ8Rw?feature=share
هذا الفيديو كأني حطيته قبل يقال إنه بضغط الخشب تتغير خصائصه ويستوي أقوى من الحديد
https://www.youtube.com/watch?v=96Dz-rQtGxI
رسالة لمحبي الدفان وخصوصاً البودرة .. هذي طريقة ثانية لعمل السكريد في الموقع كل اللي تحتاجه رمل واسمنت وماي .. بس اللي يجي من الردي مكس أسهل وأنظف وذاتي الإستواء يكونون محددين اللفل وين يوصل وبس
https://www.youtube.com/watch?v=oy7C52TX2NY
شفت هذي الشقق في التيك توك بشكل مختصر وألحين نزلها على اليوتيوب للي يحب التفاصيل .. فيها عيوب أظن قيمتها مليونين تعتبر عالية وضيقة الدرج يبي لي مب مريح وما فيها غرف ملابس واسعة .. فكرتها حلوة بالمواقف تحت الأرض وبعد مكيفة
https://www.youtube.com/watch?v=u4ygRe_qfjM
بيت في جنوب لندن تابعته على دفعات .. حبيت فيه المناور والتجديد اللي سووه وراء مع المحافظة على فترة النهضة المسماة آرتس أند كرافتس عندهم والمعتمدة على الشغل الفني واليدوي .. هذي الحركة اجتاحت اوروبا كلها وأمريكا في فترات بدايات القرن 19 ويمكن قبل .. الإكستنشن سووه حديث بالكامل بطريقة حلوة
https://www.youtube.com/watch?v=FeZUBzywqVo
ابتكارات صينية في معدات دورات المياه عمرنا ما توقعناها
https://www.youtube.com/watch?v=zKs-LkOQqoM
عزل النوافذ بالنايلون المعزول بالسيراميك .. هشكل تكون عندنا طبقات عزل كثيرة منها أي غشاء نستعمله على الزجاج وأي شتر وهي نوعيات ونوعية الزجاج والفريم ودرجة عزله وأخيراً طبقات الستائر
https://www.youtube.com/watch?v=wrwPIc7agnU
معلومات حول نوعيات الأشعة من الشمس وكميتها وصفاتها وعن العزل للنوافذ عنها
https://www.youtube.com/watch?v=mX1vGJUYjGs
مستغرب من كيف تنكسر بسبب النايلون العازل نستخدمه سنوات في سياراتنا ولا يصير شيء .. شكلها معلومات تسويقية لا وفي سياراتنا وأجوائنا الحرارة لا تطاق تذوب الحديد .. المهم انا أشوف كل هذي المواد مهما كانت بسيطة ورخيصة تساهم في العزل وهذا مقال علمي للمهتمين بالقراءة حول العزل للزجاج
https://en.wikipedia.org/wiki/Window_insulation_film
تصميم صعب عندنا الا مستحيل بس نشوف منه أفكار .. فكرة الشقتين فوق للأبناء حلوة وفكرة الغرفة المثلجة كذلك والفريزر حلوة والصالات والإتصال الرأسي وإستغلال الدور العلوي للتأجير وقت الحاجة .. كله نفتقده عندنا خصوصاً عندهم دور زيادة
https://www.youtube.com/watch?v=MU1nPPEuQNY
معدات بناء ومواد وطرق بناء حديثة
https://www.youtube.com/watch?v=UnrhT57JVzk
https://www.youtube.com/watch?v=WFOkmwV38Vs
سذاجة في تركيز انتقال الحرارة عبر الشمس فقط .. عندنا الحمل الحراري هو أكبر مسبب لإنتقال الحرارة من وسط لوسط والخارجية في الصيف توصل في الليل 45 وداخل نبغيها 22 أو 23 والفرقية كبيرة وفي النهار تزيد بشكل بسيط ما تفرق كثير حتى في الشمس المباشرة بسبب مواد تكسية البيت تبعد عنا الأشعة ويبقى الغالب هو الإنتقال بالحمل الحراري .. أتمنى أسمع تعليق علمي وتركيز على المواد اللي تخفف الإنتقال الحراري مثل غاز الآرغون بين طبقات الزجاج وهو مناسب جداً ويعطي عزل قوي حراري مع صوتي + الفريم لو عندنا فريم يشكل 5% وهي نسبة ضيئلة من واجهة دريشة لكن معامل الإنتقال الحراري فيه يوصل 170 مثل الألمنيوم وأنواع منه والزجاج الدبل حول 5 ومنه نوعيات 3 و 2 .. نضرب ال 170 في 0.05 ونضرب ال 2 في 0.95 ونحصل المعدل 1.9 و 8.5 للالمنيوم وهذي كلها كيلو وات في الساعة في فرق درجة الحرارة .. وكذلك غاز الآرغون يحل لك مشكلة الرطوبة والتظليل أو الطلاء الداخلي المخفض لإنتقال الحرارة هذا شيء إضافي .. شيء غير بعد وحل رخيص هو اللاصق ومنه أنواع كثيرة وحتى بعضها الكترونية تعطي تعتيم 100% وشفافية 100% بضغطة زر ودرجات بينهم .. لذلك ألحين ضروري للنوافذ نسوي خطة وخطوط كهرباء مناسبة بعضها بتيار منخفض جداً وحسب احتياجنا ممكن عندنا ستاير برموت وطبقات بعد وممكن عندنا التعتيم يحتاج خط وممكن عندنا شترات وممكن إضاءات في تجويف الدريشة كل هذا لازم نعمل حسابه
https://www.youtube.com/watch?v=I9Gf1Jpe5p8
شرح تصميم جميل وبمساحة معقولة السابق نقلته بالغلط والمقصود كان نقل هذا لأنه أهم
مشاريع كبيرة بتشتغل في أمريكا بمليارات الدولارات حق بطولة كاس العالم القادمة
https://www.youtube.com/watch?v=FzS-_zJ182c
تصميم حلو وشرح احلى
https://www.youtube.com/watch?v=H5rKjDyrCrw
https://www.youtube.com/watch?v=OkPKLZgPnOo
ابتكارات بناء كل واحد يقول الزود عندي
أكثر ابتكار عجبني هو هذا الطابوق المقوى بالحديد والخرسانة واللي يتركب بدون مونة لاصقة .. هذا سريع وسهل للأسوار وممكن تقليل التكلفة بإستخدام 10 سم أو 15 سم مفرغ ونفس طابوقنا يمشي بس نوع جيد وثابتة مقاساته
https://i.imgur.com/ciWHvyI.png
https://www.youtube.com/watch?v=0tS6ihgaCLg
هنا طابوق عادي وأساس وجدار بيسمنت
مساء الخير بو عبدالله، مر علي المقطع هذا بس توقعت فيه مونة! بعدين صعب وشلون ينحكم بدون مونة،، حتى لو رمل في الفراغات يفيد.. عشان يعطي وزن ولا اشلون.
مساء النور اخوي بو زيد .. وايد يعملونهم بمونة ووايد بدون لأن المونة في الفراغات كافية وأقوى وشوي أكثر وبعد مقواة بالحديد .. المونة تحتاج شغل أكثر وأصعب شوي والطابوق ألحين جودة عالية .. بالنسبة للوزن تقدر لو تحب توفر تخلي فجوة رمل وفجوة خلطة اسمنتية وحديد وتقدر تخلي فجوة خالية وفجوة مليانة .. فيه شغلات انت تركز على تقوية الطابوق حتى يقاوم الضغوط الحرارية والشلوخ وهذي سهلة ما تحتاج حسابات وقصة وفيه متطورة أكثر تحتاج خرسانة وتقوية مدروسة بحسابات انشائية مثل بعض الحوائط الإستنادية وبعضها ثرى تقدر تسويها بتشابه التصميم .. مثل تشوف تصميم يعمل في دولة من الدول وتسوي شيء مقارب له الجاذبية نفس الجاذبية وضغوط التربة يمكن عندهم أكثر من عندنااقتباس:
المشاركة الأصلية كتبت بواسطة سالم الزهران
شوف هذا البيت كتبت عنه في القروب إن الحديد اللي فيها يمكن نص حديد أساسات بيوتنا لأنه معمول في غالبه بالطابوق حتى الأسقف المقوسة هذي للغرف لأن مساحاتها صغيرة وممكن عملها بالطوب وبدون حديد مثل طريقة اليونانيين وحتى المسلمين في بدايات بناء القبب والأقواس .. سمك الجدران الخارجية واضح مع الدرايش لأسباب العزل والداخلية 10 سم .. بنيان اقتصادي بس بيعمر ويبقى أكثر من بنيانا الثقيل
https://www.youtube.com/watch?v=Eu4dz3hHJF4
الفيديو السابق ممكن نستعمل حجر أو طابوق .. يعتمد على الشد بالشباك المثبتة في الدفان المدكوك والجزء القريب من الجدار هذا يكون فيه كنكري حتى الماي ما يتجمع قرب الجدار وينزل تحت ويروح في بايب الصرف المحمي بالجيوتكستايل فابريك وهذا باصوره لكم باحطه في بيتي لأول مرة باستعمله للزراعة ويستعمل في الطرق كذلك .. بهذا نكون سوينا جدار استنادي رخيص بدال الخرسانات وحمينا لو عندنا بيسمنت وناوين نسوي حوله حوش نازل نستفيد من النور الطبيعي وكذلك ما نسوي خرسانات لجدران البيسمنت ونسوي نوافذ كبيرة لو نحب
هذا فيديو ثاني للحوائط الإستنادية بالطابوق سهل ورخيص مقارنة بالخرسانة .. فيه دول تستخدم الحديد وفيه الخشب نعم الخشب واستعملوه في تأسيس أرضيات غمرها البحر في مدينة ايطالية في البحر شسمها عاد سقط من الذاكرة
https://www.youtube.com/watch?v=YjywSPxUxBA
عايشة المدينة فوق 100 سنة
تعيش في مزرعة وبيت هشكل جميل في جرش
https://www.youtube.com/watch?v=pf6GEABmD94
تقوية الجدران في حالة تكون حاملة وبدون فريم خرساني لا جسور ولا عمدان فقط أسقف وأرضيات هولوكور أو غيرها جاهزة أو معمولة في الموقع .. عندنا الوضع يختلف بس أي تقوية بسيطة تنفع في منع الشلوخ خصوصاً في الفتحات من درايش وأبواب
https://www.youtube.com/watch?v=iF4cBc1Ac4Q