اضغطوا الرابط يحولكم لليو تيوب معروف بس مفيد تابعوه
عرض للطباعة
اضغطوا الرابط يحولكم لليو تيوب معروف بس مفيد تابعوه
بيت قديم وغالي حق 200 متر مربع تقريباً بس مستغرب توزيع هالمساحة الصغيرة تبين أكبر
حبيت الأقواس العريضة مسوية جو
الرابط ينقلكم للتيك توك أول مرة أحط رابط تيك توك هنا الفيديوهات قصيرة وحليوة
https://www.tiktok.com/@realtorgabri..._t=8pyDv0svnOc
https://www.tiktok.com/@realtorgabri..._t=8pyDv0svnOc
أول مرة أشوف بلكونة هشكل في بيت مطل على سفح جبل ومرتفع
https://i.imgur.com/SHQJIlq.png
هذي من البيت السابق
وهنا القوس العريض لمدخل البيت .. كذلك شوفوا بداية الفيديو فيه تظليل وقوس معمول ببلاستر يدوي بتقويسات حلوة على تظليل مدخل موقف السيارة
https://i.imgur.com/MSE9kua.png
هذا من أهم الفيديوهات ومفيد للي يبي يستفيد وينفذ تفصيل الحديد صح من بداية البنيان
https://www.youtube.com/watch?v=tyHfmrOO_fk&t=392s
غالب اللي عليه اكس ينعمل عندنا ويمشي لكن الأفضل التفصيل الصح .. الهيكل الإنشائي متى يبين فشله؟ لين تعرض لظروف قاسية .. من أهم الظروف القاسية هو تآكل الحديد بالصدأ ووصول المياه اليه .. والحديد لو كان مفصل غلط من الرسم وما وضحه المصمم توضيح كافي هنا يستوي لعب وزيادته تسبب تكدس الحديد واقترابه من المحيط الخارجي للعتصر الإنشائي وفقدان الغطاء الخرساني وهذا يخلي تماسك الخرسانة حوله ضعيف وسهولة وصول الرطوبة للحديد
شيء ثاني التفاصيل ذي متعبة شوي للي يجهز الحديد بس تخلي الحديد يعطينا قوة العنصر التصميمية 100% على سبيل المثال ولو ركبناه بالطريقة الغلط ممكن يعطي 70% .. صحيح ممكن ما يوصل عندنا التحميل ليمكن 50% فيكون عندنا فائض قوة للتبسيط لكن ممكن لأي ظرف معين توصل 75% ويبدأ الفشل ومع التكرار يزيد الفشل .. ودوم فشل الخرسانات ما يصير فجائي ياخذ وقت ووقت طويل وهذا الفرق الواضح واللي نشوفه في بيت أو مبنى مصمم صح وعايش 20 سنة وبيت ثاني نحصل فيه كراكات وتكسرات في الأعمدة والجسور الارضية وتقوسات تضغط على الطابوق تسبب شلوخ من عاشر سنة ويمكن قبل
أشياء كثيرة ما تعجبني صعب أعلق عليها لكن مناسبة لحديثي الزواج
https://www.youtube.com/watch?v=UztLa_Lx4oY
https://www.youtube.com/watch?v=6Q5Nuak2wYE
بيت في 4 دقايق
هذي الطريقة متبعة دوم في أمريكا عمل تقوية للجدران الحاملة بقطعة حديد وحدة رأسية كل مسافة معينة وعمل جسر ضعيف مخفي بمقاس يقارب ال 15 سم عرض و 20 سم ارتفاع وقطعتين حديد بس لاحظوا كيف القطعة محنية ومتصلة في الزاوية مب مقطوعة عندها .. تفصيل خفيف بس مناسب .. كذلك عندنا الشبك البلاستيكي هذا يمسك القراوت ما ينزل في الإتجاه الأفقي في الجسر بس ينزل في الرأسي حتى يغطي الحديد العمودي .. هشكل نكون سوينا شبكة تقوية مربعة تقريباً للجدار
https://www.youtube.com/watch?v=O7TAwOJ2qBw
تصريف المياه بعيد عن لتنقع جنب البيت وهنا مسوي سوك اوي بدائية بس ماشي حالها .. هذي نفس خطتي حق تصريف المطر في بيت ولدي بس السوك أوي بتكون في الزراعة
https://www.youtube.com/watch?v=LHHohA1digI
وانا اتابع أخبار اعصار هيلينا في أمريكا أتذكر آثار الدمار في غزة وألحين في لبنان وفي اليمن
وأقول الله يذيقهم قليل مما تسببوا فيه في هذي الدول
https://www.youtube.com/watch?v=mc1s7nFgqVc
هذا ولد اوريغن غالبكم يذكره تابعنا معاه بنيان بيت كامل من البداية للنهاية .. هنا يتكلم عن الحوائط الخرسانية والطابوقية وفي الغالب يستخدمونها هناك كحوائط استنادية تسند تربة مرتفعة عن تربة غير وهابطة أو أسوار أو تأسيس لبيوت خشبية وخفيفة أو حتى تأسيس لبيوت خرسانية وكم دور كلها تمشي .. اللي ملاحظه عندهم بساطة وهذا خيار للمالك يختار شيحب
https://www.youtube.com/watch?v=8Ld9sIbkEJA
هذا مصنع خرسانات جاهزة في الصين تكنولوجيا بسيطة وحتى الآلات اللي فيه بسيطة وغالب الشغل يدوي
https://www.youtube.com/watch?v=9SSg6EEnCuI
شرح لتصميم بيت حلو وفيه أفكار حلوة .. أكيد ممكن تحسين وايد منها
https://www.youtube.com/watch?v=F_011AO-RYQ
شغل ممتاز حق حائط استنادي لحديقة حائطها مفكك .. ما ادري إذا استخدم لاصق خاص للطابوق اللي جاي بقصة غريبة شوي وخاص بهذا النوع من الحوائط كأني شفته يحط مادة لاصقة بس ما فهمت
https://www.youtube.com/watch?v=Jo8PnhfsB-c
طابوق من البلاستيك المعاد تدويره يركب بدون اسمنت ويثبت ببراغي طوال من فوق لتحت وبقطعة بلاستيكية تخليه مضغوط وثابت
https://www.youtube.com/watch?v=XRg-KD82zLY
تصنيع الطابوق الخلوي أو المهوى بطريقة بدائية ومعدات بسيطة
https://www.youtube.com/watch?v=-h6zBbVkuQI
البيت صغير بس مكبر الممر على حساب المجلس والحديقة الداخلية مع المنور وباقي مكونات البيت .. الممر فيه مساحات غير مستفاد منها والمجلس بدون تلفزيون كان ممكن يسويه ثابت يفصل الممر
https://www.youtube.com/watch?v=nzmTosum7LI
https://www.youtube.com/watch?v=T25BNn58b84
مباشر الإعصار ميلتون يضرب الساحل الغربي لفلوريدا .. العادة الأعاصير تجي من الشرق لهذا قواعد عسكرية مهمة على الجهة الغربية منها جوية ماكديل ومنها قواعد بحرية .. هذا كان فئة خامسة نزل للرابعة بس يغطي مساحة كبيرة وسرعته فوق 250 كيلومتر في الساعة وبيرفع الموج وايد والمطر كميات مهولة والأرض شبعانة مطر هذا ثاني اعصار خلال اسبوعين .. هل هو عقاب من رب العزة والعالمين
هذي صورة من الفيديو الجاي هنا نشوف الزاوية معمولة دريشة ثابتة متصلة فريملس ونلاحظ عرض الجدار بسبب استعمال العوازل .. آسف طلعت الزاوية تنفتح وداخل صالة رياضية
https://i.imgur.com/zrOIAcM.png
وهذي لقطة جهة حوض السباحة والأوفرفلو على الجهتين الخلفيتين نظام الإنفنتي نفس النظام اللي باسويه في بيت ولدي بس طريقة الحوض تختلف .. حطيت له فيديو ثري دي توضيحي في مراجعة المخططات المعمارية
https://i.imgur.com/Ccx6FNd.png
هنا من جهة حائط الإنفنتي وحبيت فكرة المزج بين لونين وهذي بإذن الله باطبقها عندي
https://i.imgur.com/NzlYu6Q.png
الفتحة الدائرية تحت الدرج مسوية اتصال بصري حلو بين الفراغات وصعب اتكلم عن كل زاوية تابعوه بتمعن فيه أشياء كثيرة
https://i.imgur.com/YxvUM2c.png
https://www.youtube.com/watch?v=JaC2Zed57Uo
عمل درج بسيط شوفو كمية الحديد شكثر هذي لو عندنا بيعدمون الإستشاري
https://www.youtube.com/watch?v=qWWJXNKCXeM
بعض منتجات البناء والآليات الحديثة خصوصاً للطرق والبنية التحتية
https://www.youtube.com/watch?v=gZ47WSEQsoM
هذا تصميم بيت دور أرضي حول 150 متر مربع في الهند أو ماليزيا .. فيه ركن للصلاة وترتيبه واضح حتى البناء أساس شريطي وبسيط .. حبيت طريقة الطبيلة بمناور هذي ممكن نعملها عندنا بالشينكو والبولي كاربونيت بتطلع منورة ونورها خفيف ومخفف حرارة الشمس
https://www.youtube.com/watch?v=Awlm8nX_g08
سلسلة فيديوهات قصيرة تنفع للطابوق المقوى بالحديد وبعد نقدر نعتبرها أقل شيء للطابوق العادي وممكن نزيد شوي عليها .. قصدي لبناء الطابوق العادي .. فيه فرق بين المونة الخشنة والمونة الناعمة وعندهم أكيد خلطات محددة ومطلوبة حسب الكود لكل استعمال ومع إضافات كيماوية تخصصية لكل مجال
https://www.youtube.com/watch?v=4D7p2rGC7Tc
https://i.imgur.com/8JX4BFT.png
هذي رسمة من فيديو مهم قصير دقيقة وشوي يعطي معلومة مهمة لنا وهي ضرورة عمل فاصل تمدد في الطابوق .. هنا هذا الحائط المعزول المفضل عندي .. الداخلي الطابوق ال 20 سم المفرغ والخارجي طوب طيني مركب باتصال ميكانيكي بوصلات معدنية غير قابلة للصدأ .. نشوف فوق الطابوق العادي فيه فراغات جنب بعض مليانة مونة اسمنتية وقطعة حديد وسطية وهذي النهايات وفاصل التمدد في الوسط بينها .. حتى الحديد موقف عند فاصل التمدد الأفقي قصدي .. فاصل التمدد في الطوب على اليسار شوي لأنه له احتياج على مسافات تختلف بعدين في البرد نحتاج دفء داخل فالطابوق الداخلي يكون دافيء ومعزول بالعازل الأورق ومفصول عن الطوب اللي يكون الغلاف الخارجي اللي معرض للبرودة والإنكماش والداخلي للتمدد .. في بيوتنا وقت الصيف العكس الداخلي للإنكماش بسبب البرودة والخارجي للتمدد
هذا يعطينا فكرة إننا مانبني بالطريقة التقليدية كلش ونترك فواصل تمدد في الأطراف نمليها مادة قابلة للإنضغاط أو على الأقل من فوق حتى لو نص سم .. مثل الماستيك
https://www.youtube.com/watch?v=KveIyqRenS4
هنا يتكلم عن الروابط المعدنية بشكل حرف واي هذي ضرورية لربط الجزء الخارجي من الجدار بالداخلي وبينهم يكون الفراغ اللي فيه العازل وفيه التهوية كذلك .. ما ادري ليش عندنا العمالة يستصعبون هذا وايد مع إنه هو الحل الأفضل والتهوية ضرورية لإزالة الرطوبة المتكدسة وكذلك الحرارة المتجمعة في الداخل وتشكل عامل مهم في العزل الجداري
https://www.youtube.com/watch?v=vvNNJ2zJkuU
https://www.youtube.com/watch?v=XNOKp7mXKvk
لو الحائط أكثر ارتفاع من 9 متر أو 30 فوت نحتاج دعامة أفقية مثل الجسر الرابط .. وإحنا عندنا الأرضيات واصلة للخارج .. هذا غلط من ناحية انها تمثل جسر حراري قوي وصحيح من الناحية الإنشائية .. لكن الحل اللي يستعرضه هنا صحيح انشائياً ومن ناحية العزل الحراري
اتابع معاكم بالفيديوهات هذي المهمة والمهم تطبيق ما فيها عندنا .. وإحنا حسب قوانين البناء القطرية عندنا مواصفات مقاربة ويعرفونها المقاولين الجيدين ويمكن بطريقة تختلف في بعض الأوجه منها محد يهتم لفتحات التهوئة وقليل جداً اللي يركبون طوب وهو اقتصادي يركب بدون تشطيب وعملي وسهل .. البديل السيبوريكس ألواح أو قطع طابوقية وممكن حتى بسماكات قليلة مثل 5 سم وممكن الصبغ عليه مباشر بدون بلاستر بس ضروري يركب صح ويتصنفر
https://www.youtube.com/watch?v=j5n1BhC5MpI
الشغل النهائي لإنارة الأحواض الزراعية .. وباقي شوية إنارة للحوش ترتيب بتتم إن شاء الله بعد إنتهاء الطبيلات الباقية وللحين ما سعروها لي شركة المطلاع ما ادري ليش تأخروا وانا صراحة ما تابعت معاهم جاوا قاسوا وراحوا .. شركة المطلاع يسوون مظلات قماشية وسعرها معقول وجودة عالية صناعة استرالية حتى فيه نوع ما يسرب ماي .. انا ضد القماشية دوم بس شكلي مقتنع بها في هذي الأماكن .. وحدة بتكون معلقة من الحائط جنب الباب وتغطي اللكزس الواقفة وبينها وبين الحائط متر ونص فراغ للأشجار ممكن تكون بعرض 3 متر وطول 8 أو 7 كافي .. والثانية يمين مدخل البيت المظلل مكان وقوف سيارتي بتكون شكل هرمي وما تنفع هنا الا القماشية لأنها بتكون معلقة على جسر حديدي ستانلس ستيل واحد بارز ومرتفع من الوسط تغطي شمس العصر عن سيارتي
https://youtu.be/I3yoFpwqD7Q
هذا شغل تأسيس لبيت في السويد وهناك عندهم مشكلة البرد القاسي لاحظوا عملوا التأسيس على تربة أتوقعها مخلوطة بمادة البرلايت العازلة وهي تعتبر نوع من الصخور المجوفة والخفيفة يطحنونها .. برودة الأرض توصل للتجمد وتتسبب في إغلاق خطوط المياه وخطوط الصرف لذلك يتم تمديدها مرتفعة وفي محيط معزول .. سمك العازل 20 سم وهو فوم سميك عالي الكثافة مشابه للي عندنا للسقف الأزرق .. تحت الجسور الأرضية 10 سم وهنا لازم بيكون جدار سميك بمكوناته وبدون مبالغات انشائية .. لاحظوا التداخل بين حديد الجسور حول 60 سم وبدون تربيط معقد مثل اللي عندنا لأنه معروف عنصر الربط هو الخرسانة تمسك الحديد مع الحديد .. والشبك قطر حديده يمكن 3 ملم أو بالكثير 4
https://www.youtube.com/watch?v=azwUg6cP9BQ
فيديو قصير يوضح تغطية الخرسانة بعد الصب مباشرة بنايلون حتى ما تتبخر مياه الخرسانة وتبقى لتفاعل الإسمنت
https://www.youtube.com/shorts/p6bUR67T40Q
هذا رفيجنا السابق ولد اوريغن تذكرونه اللي تابعنا معاه بنيان بيته وكم شغله .. هنا صب الخرسانة حق ارضية كراج أو طبيلة سيارات .. الحديد بسيط وقليل والتأسيس على حجر بازلتي هو بروحه يقول هذا الحجر أغلى من الخرسانة .. مثل القابرو عندنا فرش تحته بلاستيك حماية .. في نهاية الصب وتشطيب الخرسانة حط مادة عازلة تمنع تبخر المياه من الخرسانة وبنفس الوقت تمنع نفاذية المياه لها من فوق
https://www.youtube.com/watch?v=Q9UrR31RGVI
هذا يشرح ليش نحتاج بلاستيك تحت صبيات أي خرسانة بنصبها على التربة .. والسبب هو تسرب مياه الخرسانة للتربة وكذلك وصول أي مياه من خلال التربة من تحت لذلك ضروري نحط بلاستيك سميك
https://www.youtube.com/watch?v=C6HvXFp-XEY&t=15s
وصلات حديدية خاصة لتحميل زاوية التدعيم للجزء الخارجي من الجدار المزدوج وذلك لعدم ترك جسر للإنتقال الحراري
https://www.youtube.com/watch?v=D2IuVuYyPDo