هذا البيت تابعته في التيك توك لين اكتمل وانسكن والحوض حلو .. ألحين شغالين على حوض بيت ولدي بتأسيس مقتبس من هذا بس ارتفاع وايد أقل
https://www.youtube.com/watch?v=5d1gzrKAx_A
عرض للطباعة
هذا البيت تابعته في التيك توك لين اكتمل وانسكن والحوض حلو .. ألحين شغالين على حوض بيت ولدي بتأسيس مقتبس من هذا بس ارتفاع وايد أقل
https://www.youtube.com/watch?v=5d1gzrKAx_A
https://www.youtube.com/watch?v=3Fd2w2OmRAk
هنا عزل الحوائط الخارجية بفشلء خفيف المسمى عندهم شرودر يلصق بلاصق نفس لاصق البورسلان وطبقة بسيطة يفرق عن البيتومين في إنه غشاء صناعي قوي ويبعد أي رطوبة عن الجدران .. طبعاً الأساسات هنا والموقع يحتاج هذا النوع وهو نفس اللي يباع في محطة البناء
الفلل في الفيديو السابق معاها روابط للتصميم المعماري والمساحات للي يحب ياخذ فكرة وممكن يطبق نفس التصميم ببعض التغييرات حسب حاجته
https://www.youtube.com/watch?v=DdZHj-oOZCo
هذا تأسيس لجدار بيندفن تحت الأرض بعمق 3 متر لموقف سيارات تحت الأرض في استراليا .. الطابوق مصفوف بدون اسمنت نهائياً ومستوي ومعاه قطع بلاستيكية لتعديل المستوى قليل .. الحديد تقوية بدال عمل حائط كامل خرساني وداخل الفجوات*بينملي*خرسانة
ممكن تنعمل الطريقة نفسها عندنا وبطابوقنا؟ نعم ممكن بس ناخذ طابوق مقاوم للأملاح
وهنا الجزء الثاني من الفيديو يبين مزايا الطابوق اللي مستعمله
https://www.youtube.com/watch?v=YfTRuJ04HlQ
العمارة الإسبانية الحديثة لكن بأسس تقليدية وجماليات رائعة تابعوه وايد حلو
https://www.youtube.com/watch?v=R65wRDmzs5Y
حبيت البيت الأول بالحديقة الوسطية والزجاج حولها فريملس مدخل واحد بس وبدون أي عمود لو عندنا كان بدال العمود عشرات
المكيفات هذي تتطور وجيدة لإدخال الهواء النقي للبيت وتجديد الهواء بكميات كبيرة .. وهذا متطور بحيث يطرد الرطوبة والحرارة خارجاً والبرودة والهواء المفلتر للداخل وهذا اللي أدوره بس ما ذكر سعره كم ولا أدري إذا موجود في قطر أو لا
https://www.youtube.com/watch?v=l_dLIfKee1o
عندي تعليقات كثيرة على أشياء وايد مثل باب خشب على السطح هذا بيتعرض للرطوبة والشمس وبيهتريء سرعة .. الألمنيوم كله سلايدنغ بيدخل غبار .. والمساحات خصوصاً دورات المياه غير مريحة وضيقة .. غرفة الخادمة تحت بسطة الدرج ودورة المياه تبين ضيقة من قلب .. الجسر اللي من فوق من بيمشي عليه الا الأولاد وفي ممكن خطورة وكله زجاج
https://www.youtube.com/watch?v=UHlIr-lDRkg
أتابع فيديو للمهندس اليمني وهذا مؤلف كتاب ويتحدث مع شخص كلامه فيه وايد مغالطات والفيديو المشكلة طويل .. يقول الصبة الرغوية ما تعزل حرارياً والصحيح الصبة الرغوية عزلها وايد أعلى من السكريد الكثيف .. وإحنا نحط صبة رغوية حتى ما نثقل على البنيان .. زين شالثقل اللي بيجي من السكريد العادي وهل هو غير محسوب في التصميم؟ الإجابة محسوب حتى لو تصب السقف حديد ما بيصير شيء ويتحمل .. غالب المكاتب تصمم السقف بدون أي تخفيف وتعتبره مثل أرضية الدور الأول والدور الأول نعرف الأوزان اللي عليه واللي يتحملها
الصبة الرغوية لو نبغي نوفر ما لها داعي 1 سم فوم يعطي عزل حراري أكثر منها وهي عازلة جيدة حسب موادها ونوعيتها وكثافتها كلما قلت الكثافة كلما زاد العزل .. للتأسيس السكريد الأساسي اللي مهمته ضبط الميول أفضل مسويه رمل واسمنت واضافات مقوية مثل مواد السيكا والفيبر المقوي ضد الكراكات ونسويه بسمك مناسب وفي حالة ضبطناه صح ما نحتاج فواصل تمدد الا في السكريد الأخير اللي هو سكريد التغطية وحماية العازل الحراري هم يغطون بدفان وفوقه تبليط وطريقتهم تختلف .. إحنا عندنا سنغل سكريد ودبل سكريد شرحتهم كم مرة خلال المواضيع هذي والدبل وايد أفضل وله تفاصيل
https://www.youtube.com/watch?v=f-26cEltZEY
انا أعتب على المهندس وعلى اللي مسوي معاه اللقاء .. الثاني يروج حق شغله هو يسويها وتكلفتها عالية وبعد ما يقول حقائق علمية مثبتة ومؤكدة والأول ما عنده اطلاع ومعرفة كافية
في النهاية العزل المائي والحراري للأسقف وللجدران مهم وكذلك مهم حتى للأساسات لو نبغي نبالغ شوي .. لكن عندنا للأساسات نعزل مائي ولا نعزل حراري لأن الحرارة المتسربة من الأرض قليلة لكن في الدول الباردة هذي تعتبر ضرورة قصوى
شوي سرعوه طويل
https://www.youtube.com/watch?v=RMc6WYyv9qA
https://www.youtube.com/watch?v=Qfk3YpZQv7Y
يبقى إختيار الجيد من المنتج والزجاج يكون معزول ومحقون بالآرغون في التجويف
المهندس الله يعطيه العافية مجتهد لكن ما عنده العمق المعرفي الكبير للسؤال عن خواص كثيرة مهمة للقطاعات ومكوناتها مع سعرها .. تسويقياً شركات النوافذ والأبواب خصوصاً اليو بي في سي ربحها وايد أعلى في المنتج الرخيص لأن مواده وتصنيعه يطلع عليهم وايد ارخص وفي دول ما عندها رقابة جودة ولا اهتمام ولا مواصفات قياسية وعقاب للي يخالفها يستوي التسويق للرخيص سعراً وجودة هو الماشي وهو المربح .. وهنا نشوف قطاعات عريضة ومكوناتها الداخلية ما وضحها عدل ووضح الفرق كجودة وكسعر بين الضعيف والسميك
https://www.youtube.com/watch?v=R5nCYuU0uFI
اللي في صورة الفيديو مثلاً يبين الحديد داخله مغلفن ومسحوب فيه زوايا تقوية تخلي انطعاجه صعب وهذا اللي يخلي فريم من فريم يفرق والأهم مكونات الفريم هذي شركات النوافذ الكبرى تسوي عليها دراسات متكاملة وربعنا لا المهم يجمعون منتج يطلع عليهم رخيص ويبيعونه ب 50% ربح وسوقه يمشي وايد يشترونه ولا يسوون منتج مدروس ومناسب وسعره غالي والناس تبتعد عنه وربحهم فيه 20%
https://www.youtube.com/watch?v=Bgn79I3dVOM
هذا مناسب حق معظم اراضينا بس عندي ملاحظات كثيرة عليه
فيه أخطاء تصميمية بأشرحها بعدين بالصور
https://www.youtube.com/watch?v=OFYRrH1vhvQ
يمكن أكون ظلمت التصميم بقول أخطاء وهي تحسينات
أولها من الدقيقة الثانية بدأ يتكلم عن الخشب وإنه مغطى بقشرة والشب بورد او ال ( Chip board ) وانه جيد ومناسب وهو صحيح لفترة معينة ويحتاج احتياطات من الرطوبة ومن الحشرات ومعرض للتلف وأعلاهم تقريباً المارين بلايوود الجيد والممتاز وفيه مواد صناعية أخرى أجود بس ما تعتبر خشب ولا من مادة خشبية
لذلك هم رافعينه بنعلة هنا وخط فاصل وهذي شغلة وتفصيل معماري ممتاز وحال جزء كبير من مشكلة الخشب
ثاني نقطة تصميمية ومشتغرب كيف ما فكروا فيها .. اللي هي حسب الصورة هذي واضح إن المغسلة جاي في طريقها الكرسي حتى ولو جزئي وكان تحريكها جهة اليمين شوي حل مناسب حتى مكان الوقوف جدام المغسلة ما يعيقه الكرسي
https://i.imgur.com/Cfnv7Nj.png
ما يصير شيء لو حركها يمين 20 سم أو زود
https://i.imgur.com/rBtNSLd.png
بعدين تكلم عن ألواح الويدي وهي تنفع للبناء عليها وتركيب أي تشطيب عليها ولا تنفع تبقى ظاهره شكلها مشكلة بيكون
الفوطة لو مخلين تعليقها فوطتين على الجنبين افضل تنفع لشخصين
متأكد على الوضع هذا كان يقدر يخلي المغسلة مكان الكرسي والكرسي مقابل الباب والشور جنبه .. بنفس الوقت كان ممكن يسوي الشور 100 أو 90 سم أقل شيء 80 يعتبر ضيق
كان ممكن يسوي الروشنة من حائط لحائط أحلى بتطلع .. كذلك ممكن يسوي كرسي جدام الشور صغير لرفع الرجل والتفريك أو الجهة الثانية للجلوس حتى اللي جدام الشور للجلوس ينفع بعد
https://i.imgur.com/4JyKgJt.png
معلومة إن الإنارة 24 فولت ما تمشي فوق 5 متر خاطئة عندي للزراعة حول 10 متر وإنارة رخيصة من أنصار ستي بس خذت أفضل الموجود وبمحول
فيه أشياء ثانية بتابعها وقت ثاني
https://www.youtube.com/watch?v=wviGxyumb7U
لمحبي الإطلاع خصوصاً أصحاب المقاولات حتى تفصيل تركيب الحديد العادي تمشي هذي الطرق هذا معمل خرسانات جاهزة في كوريا شوفوا شلون يصفونها فوق بعض ويخلصونها في الثلج يلحفونها عن البرد لأن الصب في الثلج قصة مزعجة ويحتاج احتياطات قوية ومواد خاصة مناسبة .. كذلك يتم تخطيط الصبيات بطريقة مناسبة وسمك حول 10 سم وحديد قليل مدروس وشوفوا تفاصيل ربط الحديد وقياس ارتفاعه مستحيل يخطون فيها
يقول مادة البلاستيك غير موصلة للحرارة وهي درجة موصليتها ضعيفة يعني عزلها الحراري أعلى لكنها موصلة بدرجة معينة وكمقارنة مبسطة بينها وبين الألمنيوم الألمنيوم موصليته 177 وتدخل فيها عوامل كثيرة بس هذا الرقم هو الأساس .. من ضمن العوامل هو الفرق في درجة الحرارة بين المحيط الخارجي والداخلي مثال عندنا داخل نبغي 20 وبرا 50 الفرق 30 لذلك الطاقة اللي تدخل عالية نضرب هذا الرقم 177 في 30 تطلع 5310 بس تدخل من قطاع الألمنيوم ولو بنقارن قطاع اليو بي في سي فيه أنواع 1 وواحد في 30 اللي تدخل منه 30 مقارنة مع 5310 ال30 رقم تافه فتجاوزاً ممكن نقول غير موصل للحرارة .. الحسابات معقدة أكثر وأقدر أخوض فيها بس سهلتها حتى نفهم الفكرة
https://www.youtube.com/watch?v=40zwWssg0AU
https://www.youtube.com/watch?v=a0TxOLNnNNQ
تقدرون تاخذون أي صورة وتحولونها فايل اوتوكاد بسهولة
https://www.youtube.com/watch?v=_e5asHedVYA
الجسور الخرسانية هذي تقوي الطابوق وممكن أفضل من الجسور أو بعض الجسور اللي نسويها
للجدران المرتفعة احنا نسوي جسر عرضي جسر ربط الأمريكان أفضل منا في هذا التصميم وهذا توزيع القوة على الجدار بالكامل عرضي وطولي .. مفيد جداً للكسور والتشلخات بسبب الضغوط الحرارية أو الوزنية أو الجانبية
بنسوي شيء منه في سور بيت ولدي وبنتابع إن شاء الله في موضوع مراجعة المخططات وحطيت شرح عنه
https://www.youtube.com/watch?v=psTVbnfDozM
فوق تكلم عن درجات قوة الخرسانة ونوعيتها وعن القراوت .. القراوت في العادة هي المونة اللي تستخدم لتركيب الطابوق وخلطات في الموقع ممكن ببعض الإضافات وممكن رمل واسمنت بنسب معينة .. لملء الفجوات فيه عدة خلطات مناسبة وفيه عندنا الخرسانة أو السكريد اللي يعتبر أخف قوة .. الخلطة في الموقع أكيد أوفر بس أضعف وتاخذ وقت ومجهود وصب بالرديمكس يكون سريع وأقوى والخلطة متجانسة وتحتاج عمالة أقل
العادة خلال شغلنا في الموقع حتى نوفر لازم طلبية الخرسانة تكون كمية كافية لكم شغلة مثلاً لصبة نظافة وصبة ملء الطابوق أو لشغلات ثانية وأوقات نحتاج خرسانة ضعيفة أو سكريد بس عندنا طلبية لخرسانة إنشائية شكثر تفرق لو طلبنا زيادة وملينا بها فجوات الطابوق هنا عادي نستفيد من الكمية الأقوى والأفضل والأسهل في التركيب
لمحبي الكرفانات وجديدها وهي تعتبر كمساكن مؤقتة وإستجمامية هذي جولة في مصنع في الصين مع الأسعار
https://www.youtube.com/watch?v=62SV4R6ZYpI
عمل درج من الحديد والخشب
https://www.youtube.com/watch?v=7c8jGIfxG-4
النية اسوي نفس الدرج ذي لكن ما اعرف اشلون حساباته و مقاييسه!اقتباس:
المشاركة الأصلية كتبت بواسطة معماري قطري
سهلة يا اخوي ولو متشكك سو موديل خشبي بس نصيحة حاول تسوي ارتفاع العتبات معقول .. لو بتسويه على سبيل المثال 14 سم انا أقدر ارسم لك الشكل شلون حتى اقدر اسوي موديل ثري دي مشكلتي ما اعرف المتوفر من الحديد الموجود بالضبط بالمقاسات الدقيقة بس بيكون مقارب كثير .. انا سويت الحلزوني كلفني 1500 لدورين لسطح الدور الأول وسهل كان ومقاسه معروف الحدادين يسوونه بروحهم بسهولةاقتباس:
المشاركة الأصلية كتبت بواسطة SouthK
انت اشترط الارتفاع 14 لكل عتبة مثلاً وهو يسوي لك سلوب الحديد الحامل ويلحم عليه العتبات مثال 14 على عرض 30 .. 46.666% هذا السلوب بعدين حسبة الدرجات تجيك خل نقول الارتفاع عندك 4 متر 400 سم ÷ 14 يطلع لك عدد العتبات 28.57 قول 29 و 29 ضرب 30 عرض العتبة 870 سم أو 8 متر و 70 سم هذا الطول كامل تقسمه على 2 لو تبي تسوي جزئين 4.35 متر لكل جزء وقول بتسوي استراحة متر ونص مثلاً والعتبات عرضها متر ونص تحتاج 3 متر عرض + 4.35+ 1.5 طول يستوي عندك تحتاج بيت درج 5.85 في 3 وتزيد في الطول عرض استراحة ثانية أخيرة ومدخل قول 2 متر 7.85 في 3 تقريباً بيت الدرج يطلع وارتفاع أو ميلان العارضة اللي بتركب عليها العتبات 46.6666 سم لكل 100 سم طول
نسيت حاجة مهمة إحنا إخترنا عدد العتبات 29 بدال 28 ولو اخترنا 30 مثلاً بيكونون نصهم على اتجاه والنص الثاني على اتجاه محاذي ومتعاكس وبنفس الطول وهذا أسهل نماذج الأرداج .. زين 4 متر على 30 عتبة يطلع الإرتفاع اقل من 14 يطلع 13.333 سم بالضبط وهذا ممكن قياسه بدقة قريبة جداً .. لذلك الحسبة تختلف تستوي 13.333 على 30 تعطينا سلوب 44.444% وفي الحالة التقليدية السلوب 15 ÷ 30 وهو 50% هذا الستاندرد واحنا كلما كنا اقل منه الدرج يطلع مريح أكثر ولازم نعدل السلوب بس عدد الدرجات لكل اتجاه 15 وطول هذا الإتجاه بسلوبه المذكور بيكون 30 في 15 أو 4.5 متر نزيد عليها استراحتين كل وحدة واحد ونص متر يطلع الطول 7.5 متر
رفيجنا محمد القاضي سرقت منه الفيديو ههههه .. الله يوفقه من الإخوان المتابعين معانا في بنيان بيت عبدالله وله إقتراحات كثيرة بصفته مجرب وباني حديث توه ساكن بيته
https://youtu.be/WyfiUD4T6XE
يعطيك العافية
الله يعافيك ويبقيك وسامحني على القصوراقتباس:
المشاركة الأصلية كتبت بواسطة SouthK
ما به قصور.اقتباس:
المشاركة الأصلية كتبت بواسطة معماري قطري
هذا بيت انتهى بنيانه بس هنا نشوف شلون تم صب الجسور فوق الطابوق بدون أعمدة وهذي طريقة متبعة في أمريكا التحميل على الطابوق نفس طابوقنا والحديد نفس حديدنا والجاذبية نفس الشيء والحرارة توصل 38 أوقات والبرودة توصل الصفر في منطقة دايتونا بيش في فلوريدا .. هذا بيت كوري اللي بنته بعد ما دمر الإعصار البيت السابق
https://www.youtube.com/watch?v=vNtY0teMe_Q