اخي العزيز السامر
كلام تشكر عليه ..في هذا الوقت بالذات
ونحن في اواخر الموجة التصحيحيه
اخي
كلامك تفصيلي وتحليلي
ومعروض ليفهمه القاصي والداني بيسر وسهولة
تشكر عليه وعلى دعمك للمحللين الجدد
بالتوفيق يالسامر
عرض للطباعة
اخي العزيز السامر
كلام تشكر عليه ..في هذا الوقت بالذات
ونحن في اواخر الموجة التصحيحيه
اخي
كلامك تفصيلي وتحليلي
ومعروض ليفهمه القاصي والداني بيسر وسهولة
تشكر عليه وعلى دعمك للمحللين الجدد
بالتوفيق يالسامر
يا عيني عليك اخوى السامر كلام جميل ومبسط ورائع ...
زادك الله علماً ووفقق الى كل خير ان شاء الله ..
قوه السامر
( موضوع الثقة )
امس
تنفذت صفقة غريبة في الوطني على المت داون والصفقة ضربت المؤشر الكثير من الاعضاء من اتهم صاحب الصفقة بتنزيل المؤشر عمدا ومنهم من التمس العذر لصاحب الصفقة ربما صاحب الصفقة مرهون ومحتاج لسيولة بشكل سريع ومنهم من قال ربما خطاء في التنفيذ الي غير ذلك
اليوم
تنفذت صفقة بسيطة على الوطني قفزات بالمؤشر 80 نقطة مامدانا انكحل الا المؤشر احمر ادارة السوق لغت الصفقة ومشكورة على هذا الاجراء ودقايق الا الصانع كان ملزم برفع المؤشر مرة اخرى حتى لايثير الرعب ويشكك المستثمرين من التصرفات اللي يقوم بها
شخصيا بيني وبين نفسي التمست عذرا لصفقة امس وقلت ربما وربما وربما لكن اليوم كشف الصانع عن بعض الاوراق وعن النية المبيتة ومن حقي كمستثمر في سوق الدوحة وكمضارب ان اتشكك من افعال الصانع وعن نواياه
اعتقد وربما على المحلل الاخذ ببعض تصرفات الصانع
وشرايك السامر
نقطة ثانية كونك كمحلل ومهندس المؤشر القطري
زيارة المؤشر لنقطة الدعم اكثر من مرة هل يزيد نقطة الدعم قوة او ضعف ؟
ويجزاك خير اخي هجوهاقتباس:
المشاركة الأصلية كتبت بواسطة hajooh
الله يجزاك خير اخوي السامر الاسود على نصحك لاخوانك
واسعدك الله بالداااااااااارين على كل ما تقوم به من جهد
اقتباس:
المشاركة الأصلية كتبت بواسطة هاني المعاني
حياك الله ياهني ويامرحبا بك.. وحاضرين ..ماسوينا شي جعلك تسلم
اقتباس:
المشاركة الأصلية كتبت بواسطة alwadi105
ياهلا بالوادي ..تسلم والله يعطيك العوافي وانا خوك
تستاهلون اكثر من 77+22 نقطة = 99 نقطة
والله يجيب الي فيه خير للسوق..
تحليل وتقييم جديد الليله او اليوم ان شاء الله
تسلم اخوي السامر بس ياريت تشرح لنا كيفية الشراء في النزول وهل الفرق بين الكمية والاخرى لازم تكون محدده بشكل حسابي وما مؤشر الخروج في النزول وهل هناك معادله للتصريف والتجميع وشكرا اسف على الاسئله الكثيره
اقتباس:
المشاركة الأصلية كتبت بواسطة مكنتوش
السلام عليكم يا مكنتوش يا هلا وغلا بك ..
وصباح الخير صديق ورفيق موجة وغالي
بشرني عنك؟ وين حدودك بالسوق؟ شمسوي
وشرايي؟ ..بصراحة ماراح اخفي عليك:
أنا تابعت وشفت كل الي أنت تكلمت عنه وشفته ولو تلاحظ
ان المؤشر بداء بالتحرك مباشره بعد تحليل المؤشر وكتابة
التحليل..شمعنى هذا عندي؟ معناه ان توقيت تحليل السوق
جا بالوقت الصحيح وبدقة..بدليل تحرك السوق فوق تحت
وتحت فوق في حدود 99 نقطة تقريبا 100 وهذي اكيد من
حسابات السوق وأهله.
شخصيا كنت متفائل بالسوق والحمد لله على 100 نقطة
الي طيح الوطني هو كان سبب رفعه بإذن الله..وهذي
واضحة مايحتاج لها شرح. وعليه اشوف ان الوضع
طبيعي جدا..وهو طبيعي لانه رجع لطبيعة رقمه بدليل
اي محاول كسر وتحريك للاسفل بهندسة صفقات بسيطة
اجبرتها على العودة مرة اخرى بصفقات مقابلة صاعدة
هنا وكل ماتشوف هالشي...طنش له..وزي ماوضحت
لكم بالمشاركة الي كتبتها بالحرف الواحد "طنشوا للمؤشر"
الناس عاد ماتقرا... ماطنشت..وكتبت واشتكت وسالفة
وجرايد..وتحاليل صحفيه بسبب هذي الصفقة..
والدليل؟ صار شي؟ سوا للصفقة شي؟ الجواب لا
وعليه..قلت لكم طنشو للمؤشر قبلها بيوم كتبتها
شيسوي الواحد بعد غير انه يكتب والي يقرا ويسال
هو الي يستفيد..وهذا من السهل الممتنع يا مكنتوش
يعني سهل نقراه لكن يصعب فهمه..وعليه "سين"
طنش يعني...ركز على سهمك فقط - راجع الموضزع
بخصوص نقطة الدعم :
خلني هنيه اسهب شوي "خبرك من زمان ما كتبنا معلقات"
لو تقرير بجريدة او مجلة اقتصادية ياخذ 20 صفحة من الحشو
كان قريناه..عادي...لكن صفحة ندوية وحده..وكلها في الصميم
وصلب الموضوع ودقة في التوضيح والإصابة والحصول..هنيه
نقول لا ..مانبيها :D هذي معلقات وسالفة مش مرغوبة يالسامر
زين تحليل؟ يعني تفصيل وتطويل وشرح؟ ..هم بعد لا :D
طيب : حاضر..وعليه:
الدعم المقصود هو 7270 وهو مربوط وربطنا حسبته
بقاع السوق "قاع جمعة الأسياد 5800 " وهذا الدعم
يدور في فلكه السوق من اول ماصحح من 7777
"الرقم الي تذكره وتذكر حسبته بالرقم - راجع"
حلو؟ ال 7270 قاعها 7220 وقمتها 7320
حلو؟ والسوق يجور فيها مابين صعود وهبوط
يعني 50 نقطة فوق 7270 و 50 نقطة تحت 7270
حلو؟ وهذا واضح ومثبت وبالعين قدامنا كل يوم ويومين
نشوفه لكن ماحد انتبه لها..من قرأتي للمنتدى..
الحين اتفقنا على الدعم وتحديدة ب 7270 حلو؟
هذا الدعم هو دعو تاريخي يعني يشمل تحركات
السوق من اول يوم تداول فيه الكتروني قبل 4 سنين
وهذا الدعم اذا بياخذ وقت راح منه كثير وباقي قليل
اذا تماسك السوق فوقه واخترقة بسيولة معقوله
من خلال اي سهم بالسوق...حتى لو يكون سهم
عادي بسيط مثلا ..كمثال: مواشي..او ناقلات او
او او ..حتى لو مثلا الرعاية تدخل فيها مليار
هنا ايضا يعتبر السوق دخل عليه سيولة...حلو؟
يعني حتى لو يكون السوق ثابت او احمر واي
سهم تدخل فيه السيولة هنا كانها دخلت السوق
ومو شرط تتوزع على السوق "شغل صناعة"
"زيارة المؤشر لنقطة الدعم اكثر من مرة هل يزيد نقطة الدعم قوة او ضعف ؟"
اذا كان مابين 3-5 اختبارات يعني 3-5 زيارات
هنيه مفروض يضعف ولكن اذا تجاوز 7 مرات فهنا
انا اعتبرها قوة وزيادة في قوة الدعم وحتى لو تكون
السيولة ضعيفة..وهذا الي اكتشفته من دراستي للمؤشر
القطري وغيره من المؤشرات ..والله أعلم
طبعا تعريف الزيارة "الاختبار" يعني تحرك عليها
صعودا وهبوطا..يعني اخضر واحمر ثم اخضر وهكذا
هذي اسئلتك وهذي أجوبتي والعلم عند الله
والله يوفقك يا مكنتوش ويوفقنا جميع والأعضاء
الكرام المحترمين..زملاء الشبكة
اقتباس:
المشاركة الأصلية كتبت بواسطة المبتدىء
هلا بلمبتدئ ..وصبحك الله بالخير
شخبارك؟ شسويت مع الرعاية؟
ان شاء الله توفقت ؟
كيفية الشراء بشكل عام سواء في النزول او الصعود
كلها تعتمد عليك انت في كونك مضارب يومي اسبوعي
او مضارب فرص أو كونك مستتثمر شهرين- 3- 6 شهور
او مستثمر طويل الأمد وسنوي او مستمثر 2-3 سنوات
الشراء هو أهم خطوة يقوم بها المتداول, لان في توقيت
الشراء وكمية الشراء يترتب عليها سلامة راس المال
ويترتب عليها امور مثل الربح والخسارة ونوعية الاستثمار
الأصل يا مبتدئ ان الواحد يشتري للعوائد يعني الأصل
والطبيعي والمفروض بكل متداول انه يكون سنوي
ولكن: الواقع شيقول..الواقع يقول ان اغلب زوار قسم
التحليل هم من المضاربين المصنفين بالمحترفين نسبتا
الى الغير محترف الي اولا مايصدق بالتحليل وارقام الحساب
المعروضة امامه يوميا على شاشة التداول..وثانيا
تغلبه عواطفة نتيجة كونه بالصاله او نتيجة متابعته للشاشة
بشكل لصيق يؤثر عليه..هذا الشخص عاطفي ويتداول
بقلبه واحساسه..وبعضهم ناجح واغلبهم فشلوا
انت كمضارب : ارجع لموضوع بوخليفة الاخير
الي تكلم فيه عن المصرف وذكر مثال ال 300 سهم
"اضغط هنا "
وثانيا بقول لك شغلة معروفه وحلوة وسهلة التطبيق
اعرف ان ادق مؤشر واهم مؤشر هو مؤشر العين
الي تشوفه عينك..لامؤشر السامر ولا غيره..وثانيا
اعرف ان الواحد بالعقل يدير فلوسه ياما ناس ربحت
ثم ربحت ثم ربحت ثم ربحت ثم ربحت ثم خسرت كل
الي ربحته! فلو الواحد يربح ويحمد الله ثم يربح
ويتركد ويعرف ان الدخول بقليل من المال يعني
لاسمح الله خسارة قليل من المال ايضا...
سؤالك عن الكميات..اوصيك بان تدخل بالعشر
يعني واحد على عشرة من راس مالك في
اي نزول بسهم او مؤشر.. كل يوم او يومين
باستخدام مؤشر العين الشهير :nice: فهمت
الين تشوف ان السوق طلع وطلعه قوية..
هنيه بتشوف انه لك اسهم في هالطلعه..
واذا نزل لاسمح الله بتعرف ان اغلب فلوسك
معاك وبتقدر تبرد على سهمك وبتطلع سالم
غانم باذن الله..واوصيك بعدم المضاربه باكثر
من 5 شركات بسوق الدوحة.. واوصيك انك
تاخذ السهم الي اذا طاح سعره بالسوق..تبقى
قيمته فيه وعائده فوق ظهرة.. :funny:
الجواب: زي ماهو مكتوب قبل يومين نعم
اعتقد ان 1\10 من راس مالك دخول في
النزول حلو... واحيانا يكون المحلل شاطر
ويقول لك متى اواخر الهبوط وقرب الصعود
وهنيه تقدر تحط ثلاث اعشار مثلا..او 4
وهكذا..
اما مساله معادلات التصريف والتجميع فنعم
هناك معادلات للتصريف والتجميع بطرق حسابية
مثلا طرق برامج التحليل الفني ومؤشراتها "رياضيات"
ومنها طرق خاصة تعطى للخاصة من القوم
عن كل سهم وعدد اسهم تدويره بالضبط
"شغل صناع ومحافظ سوق" وهذي للاسف مفروض
انها تكون معطاه بالحجم والاسم لكل مساهم لكن
خبرك ..ربعنا المتداولين لو عرفوا اسم فلان
وعلان..قعدوا له قعده..من تسذا على قولة مغرور
مايفصح عنها..دراءا للمشاكل..
والله يوفقك اخوي المبتدئ