عرض للطباعة
اقتباس:
المشاركة الأصلية كتبت بواسطة بنت ابوها 19
تسلمين فديتج ومن ناحيه انه خيرة فهو صج خيرة لاني عانيت من الظلم في المكان الي كنت اشتغل فيه وعانيت من العنصريه وانشاء الله ربي يرزقني بشغل احسن منه وربج ماينسى احد والحمد لله ان الرزق في يد رب العالمين
والحمد الله على كل شي وهذا انا انتظر اي وظيفه اتكون مناسبه لي ومشكورة اختي بنت ابوها
:omen2:جزانا وجزاك مشكورررر:omen2:اقتباس:
المشاركة الأصلية كتبت بواسطة توحه
:telephone::omen2::telephone:
:(ليش الناس كذيه ..
:omg:
انا مقهوره .. ودي اصرخ .. ودي اصيح :weeping:
طلعت من شغلي القبلي وانا مظلومه .. ويهزأون فيني وانا ساكته :secret:
واشتغل شغل اكرف مكان كل وحده غابت ... تعبت طلعت قلت اروح وظيفه ثانيه
كل شي ولا الكرامه هي راس مالنا ..:victory:
لقيت شغله ثانيه والحمدلله .. :nice:
كان انصدم بوحده سخيفه ...:eek5:
ماتشوف في الدنيا غير نفسها .. وهي اللي عارفه الشغل كله وهي المهم الوحيده في العالم
تعلمني الشغل من غير نفس ...:weeping: . وطول اليوم من توظفت وهي تقول شهالوجه
النحس اللي جانا ...:(
وجات معاه المشاكل .. وطول اليوم وهي تنفخ ومتملله من نفسها ..
ومب ماعطتني وجه .. وتقعدني حذاها علشان اشوفها شلون تشتغل وتقعد دقيقه
وتقوم تروح وطقع لي ولا كنها قالت لي تعالي .. وسكت وقلت يالله اللي يبي يتعلم يستحمل
عقب قطتني على واحد ثاني يعلمني .. وتوه علمني الا تجيب لي الشغل كله اللي عندها وتقول
لي اشتغليه ...
اشتغلت فيه ومحد قعد جنبي يشوفني اشتغل صح ولا غلط ولا يقولي سوي كذا ولا كذا...
اشتغلت وتميت من الصبح الين العصر وانا اشتغل ...:rolleyes2: واخر شي لما جات بعد
يومين تتاكد من الشغل ..
كان تلاقي فيه اغلاط .. طبيعي لاني جديده ومااعرف حق النظام مالهم ..
كان تودي الاوراق حق المسؤله ..واشكره تتكلم فيني وانا اسمع .. وتذم فيني .. وتقول شنو
هالاغبيه اللي يجيبونهم نعلمهم ..:omg:
كنها هي اللي معلمتني عاد .. المهم والمسؤله تقول لها توها جديد والغلط وارد الانسان مايتعلم
في يوم وليله وهي ابد مقطعتني .. وماقدرت استحمل وخفت اصيح :weeping: وتعرف اني
ضعيفه ..
تحججت ان عندي شغل استأذنت وطلعت .. طلعت من الشغل وانا مقهوره مب قادره ادافع عن
نفسي
كان من باب اولى انها تجيبني وتقولي يافلانه انتي غلطتي في كذا وكذا وتخليني اعدل شغلي مب
تحش فيني عند المسؤوله وهي تدري ان هذي اول مره اشتغل هالشغله .. المهم
داومت اليوم الا مخيسه النفس علي .. اناديها تسوي نفسها ماتسمعني .. واذا عطيتها الاوراق
تقطهم على الطاوله وهي تنفخ ...
وتدور اي شي علشان تنتقدني .. لاتحطين الاوراق هني .. لاتبدسينهم .. وقعي .. لاتوقعين ..
الين جا مسؤولنا كان تقوله ابي اكلمك في موضوع .. انا هذي البنت ماابي ادربها وهي
ماتعرف شي :omg:
وانا ماعندي استعداد اضيع وقتي معاها .. وانا عندي شغل وايد ومن هالكلام وانا جالسه
واسمعهم يتكلمون :eek5: وراي .. حسيت اني بموت قهر .. ليش كل هاي .. مب لهذي
الدرجه انا غبيه عاد .. واشكره تتكلم ولاهامها
اني اسمع ولا بمهتمه لمشاعري على الاقل كانت كلمته في مكتبه .. كنت ابي اصيح بس مسكت
نفسي بالقوه
ولا صحت قدامهم ......
يوم انها ماتبي تعلمني او على قولتها مشغوله كانت قالت له من البدايه ..
ومافي داعي للتجريح .. انا موظفه حالي حالها وفي يوم من الايام هي كانت جديده نفسي
وكانت تمر بنفس ظروفي ومعاناتي في فهم الامور الجديده علي ..
الحين هي صارت الذكيه وانا الغبيه ...
ليش الواحد لي صار يعرف شي شاف نفسه على الناس واحتقرهم .. ترى فوق كل ذي على عليم
هذي وهي عندها ثانويه لو جامعيه شسوت ..
اسفه سندرتكم ويمكن تقولون هالموضوع مو مكانه هني .. بس حبيت افض فض
واقول حق اللي متمكن من شغله هالله هالله في الموظفين الجداد .. تراكم في يوم من الايام
كنتوا مكانهم ..
وشكرا :shy:
من كذيه ابي اطلع من هالشغله .. بهذا السبب واسباب اخرى
بس بعد اللي قالته الاخت اموله خفت .. قلت بروح اكلم المسؤول ينقلني الين القى وظيفه ثانيه
ابرك منها واحسن ..
مسامهمه بالحب قطعتي قلبي والله :(
الله ينصرج على القوووم الظالمييييييييين ويرزقج الوظيفه اللي احسن منها ويرزقني معاج :)
مساهمة بالحب...فديتج والله..شنو هالانسانة المأساة!!..الله يعينج عليها..هالدرجة عاااد..:(
مساهمه بالحب
حبيبتي لاتزعلين ولا شي هل الناس الي معقده وشايفه روحه خليها ع ربج
صدقيني هي تلاقين ع ايامها تعاملت اخس المعامله وجايه طلع حرتها فيج
صدقيني لاتراوينها انج مكسوره حاولي تكونين واثقه من روحج ودعي ربج انه ينصرج ع كل ظالم
وصدقيني ربي مراح يضيع صبرج عليها وان شاااء الله بتلاقين لج قسم حلو ومريح
اصبري فان الله مع الصابرين
الله يوفقج وصدقني كل ربعي ذاقو بالبدايه نفس المشكله لكن مالهم غير الصبر
الله يوفقج حبوبه
يرزقج ويرزقني وياج ويرزق كل بنت محتاجه
بسالكم اخواني وخواتي
انا توني متخرجه بكالريوس من كلية الهندسه تخصص حاسب الي ..
ودي بوظيفه .. غير مختلطه .. يعني ممكن فيها المسؤول رجال بس مانكون انا وموظف اخر بنفس المكتب
وابيها براتب حلو فوق اال15 الف
ولاتقولون لي مدرسه.. او اداريه مستحيل
فابي مشورتكم الله لايهينكم
قدمي في الاخويا .. عندهم ادارة للماليه معزوله وكلها بنات ... بس مسؤولكم رجال
وتكونين برتبه عسكريه .. بس الراتب فله ... اذا حبيتي
وفي اماكن وايد تناسب تخصصج .. ماشاء الله تخصص مطلوب
وفي الملحق الاداري بالداخليه بعد من فتره قريت اعلان يبون تخصصج وبعد البنات معزولين عن الرجاجيل
وين بعد .. بدور وبقولج .. بالتوفيق