https://www.youtube.com/watch?v=m5U6ps98pKY
عرض للطباعة
يمكن المهندس ما وصل المعلومة صح .. الدفان الصناعي لمناطق عدة أثبت جودته مثل الدفنة واللؤلؤة وغيرهم كثير .. لكن الدفان بالمخلفات دوم مشكلة وأفضل نبعد عنه
في قطر تم شراء قصر في سنوات 1990 بمبلغ خيالي ذاك الوقت 5 مليون وطلعت أرضه مدفونة بتواير وصار فيه هبوط وشقوق عريضة ما نفع ترقيعها الا بالحفر وازالة المخلفات وعمل معالجة خرسانية تحت القواعد
https://www.youtube.com/watch?v=atsj5HdDhkw
مناقشة العزل الخارجي المائي للمباني الخشبية الضعيفة .. طبعاً الوضع يختلف بمواد مثل الطابوق بس هذي النوعية من المباني موجودة عندنا وتنعمل على مستوى كبير مثل مساكن بروة وغيرها والمهم كلام المختص بنصحه عن تطبيق معايير الهندسة القيمية يوم قال ممكن نوفر في مواصفات القطع الداخلية لكن العزل المائي ضروري نعمله بأفضل المواد ولا نوفر فيه .. هذا ينطبق علينا وتصميمنا للعوازل مائية وحرارية لازم يكون جيد مع ضمان يعيش طول العمر ولو صار خلل نقدر نصينه بسهولة وبدون تكلفة كبيرة
https://www.youtube.com/watch?v=PHEOQaPRnC8
في المباني رديئة العزل الحراري والضيقة لو نركز في زوايا السقف فوق نلاحظ سواد وهو عبارة عن عفن فطري يطلع بسبب الرطوبة .. الرطوبة تتكثف في هذي الزوايا لأن برودة الجو الخارجي تكون مركزة أكثر هناك ولأن الرطوبة ترتفع للأعلى حتى من التنفس وتعرق الانسان
تاون هاوس في نيويورك رخيص ب 21.9 مليون دولار ويتكون من 6 أدوار
https://www.youtube.com/watch?v=AOu11Xr1bn8
تمنيت لو تكلموا عن المادة المحقونة في التجويف بين طبقات الزجاج لأن للحصول على عزل جيد ونفاذية جيدة للضوء لازم نستعمل أحد غازين غاز الأرغون أو الكريبتون على ما اذكر والأخير غير متأكد من تسميته .. بحث بسيط في اليوتيوب بتشوفون كيفية احلال الهواء بغاز الأرغون وهو غالي ويكلف حقنه لكن موفر على المدى الطويل
https://www.youtube.com/watch?v=HdTXW2MoAsw
هذي نقطة مهمة ولو أهملناها أو ما انتبه لها المهندس المشرف أو المقاول قد تتسبب في كارثة وسقوط للبيت أو خلل انشائي لا يمكن اصلاحه ويفضل الهدم لخطورته
تلخيصها في إن كلما زاد الطول نحتاج نعرض العمود ليتناسب وهذا الطول كما نحتاج لجسر ربط بين الأعمدة لمنع أي تقوس وهذي كلها تعتمد على حسابات هندسية يعملها المشرف أو المصمم .. طبعاً لين حفرنا لعمق يزيد عن مترين إحنا زدنا طول رقبة العمود أو ببساطة الجزء الواصل من القاعدة للجسور الأرضية
https://www.youtube.com/watch?v=N88KDBvIASs
جزاك الله خير يبو عبدالله، حنا ممكن ننتبه بشكل فطري اذا حنا ناوين نبني ارتفاعات ونعمل حساب التأسيس؛ لكن كم العرض كم الطول هذي شغلة المهندس.. وهنية مربط الفرس.