الجديد في عالم المطابخ والحمامات وتصميماتها

انا من المحبين للخشب في دورات المياه لكن كتطعيم بسيط مثل براويز الأبواب والمرايا والفجوات الجدارية ولازم ( وهذي نصيحة للكل ) يصبغ خشب البيت كله حماية كل ست سنوات تقريباً حتى يقاوم الرطوبة مع التشديد على الكل أثناء الغسيل ما يرشون الماء على الخشب

هذا حمام مستخدم فيه الخشب بكثرة ولازم يحتاج لعناية فائقة .. البديل هو البورسلان الخشبي بس مستحيل يطلع متجانس ويعكس دفء الخشب

http://i.imgur.com/6YEp6YP.png

الخشب ماهوغاني وهو من أفضل أنواع الخشب

http://i.imgur.com/Gn8faOK.png

من السهل جداً عمل صندوق بأرفف خلف المراية وتثبيتها عليه كهذه عند أي منجرة .. يستخدم الميلامين لحماية بورد الخشب من الرطوبة وتلصق المراية على الباب بالكامل حتى تبين فقط المراية .. ثم الباب يكون أطول قليلاً حتى النتوء أسفل الباب يكون مقبض لفتح الصندوق وكذلك ممكن يغطي اضاءة مخفية تنور على رف المغسلة .. ويستحسن تمديد كهرباء داخل الصندوق لمجفف الشعر وجهاز التعقيم وأي شاحن كهربي لفرشاة الأسنان مثلاً

http://i.imgur.com/5JjjFSR.png

http://i.imgur.com/KIVB61O.png

الخشب مرة أُخرى وفكرة جيدة

http://i.imgur.com/7FUaYp0.png

http://i.imgur.com/BBlk1xb.png

الأسود والأبيض والمغاسل القديمة .. نلاحظ دقة تركيب بلاط الأرضية والنعلات الفاصلة بالأسود

http://i.imgur.com/9GwwYKV.png

أشوف المرايا اللي وراها صندوق أكثر حميمية وجمال لترتيب أغراض الحمام وهذي الخشب بارز كإطار حول المراية

http://i.imgur.com/IvYgt9q.png

أُحب البلكونة بهذه الطريقة لكن بدرابزين طابوق حتى يعزل الرؤية الخارجية وبتدخل أكبر قدر من الشمس

http://i.imgur.com/FmkOt8H.png

http://i.imgur.com/SsS9Got.png

صور لبعض المطابخ

http://i.imgur.com/XQHdYmB.png

http://i.imgur.com/SzFQomC.png

http://i.imgur.com/Rt4cMe9.png

طاولة طعام وأرضية بلاط مزخرف ومركب عشوائي

http://i.imgur.com/h08QUM3.png

http://i.imgur.com/1GWXWYy.png

http://i.imgur.com/VVxOjzi.png

رهيبه الصور معماري

بس الخشب ماينفع كلش

اخذت مغسله من كافود بذاك السعر ، ماكمل شهر الا الخشب مبقبق ومنتفخ ومتشرب ماي ويوم قلت له يقولي من الوضوء ، قلت له عسى ماشر مانتوضا بعد ، وبدلوها لي خذت لي مغاسل من المتحدة بس بورسلان مدري شيسمونه المهم مب خشب ، ومرتاحه اخر راحه ، الخشب كلش مابنفع عالاقل لبيتنا لا بمحافظتي انا عليه ولا الخدم ، مع العلم حمامي الله يعزك بروحي مهتمه فيه لكن

اقتباس:

---

المشاركة الأصلية كتبت بواسطة ضوى

رهيبه الصور معماري

بس الخشب ماينفع كلش

اخذت مغسله من كافود بذاك السعر ، ماكمل شهر الا الخشب مبقبق ومنتفخ ومتشرب ماي ويوم قلت له يقولي من الوضوء ، قلت له عسى ماشر مانتوضا بعد ، وبدلوها لي خذت لي مغاسل من المتحدة بس بورسلان مدري شيسمونه المهم مب خشب ، ومرتاحه اخر راحه ، الخشب كلش مابنفع عالاقل لبيتنا لا بمحافظتي انا عليه ولا الخدم ، مع العلم حمامي الله يعزك بروحي مهتمه فيه لكن

---

صدقتي الماي ينرش عليه لازم بيخترب .. أما الأبواب بعيدة والمفروض نمسح حولها بدون ماي وإذا إطار مراية يطلع حلو وعندي للمغاسل للمجلس وللرئيسي لهم 12 سنة وللحين جيدين بعيدين شوي عن الماي

موقع الياهو بزنس مسوين مقطع حلو للتوفير في اعادة تجهيز المطابخ للي يحب يشوفه

http://finance.yahoo.com/news/low-co...000000248.html

اقتباس:

---

المشاركة الأصلية كتبت بواسطة ضوى

رهيبه الصور معماري

بس الخشب ماينفع كلش

اخذت مغسله من كافود بذاك السعر ، ماكمل شهر الا الخشب مبقبق ومنتفخ ومتشرب ماي ويوم قلت له يقولي من الوضوء ، قلت له عسى ماشر مانتوضا بعد ، وبدلوها لي خذت لي مغاسل من المتحدة بس بورسلان مدري شيسمونه المهم مب خشب ، ومرتاحه اخر راحه ، الخشب كلش مابنفع عالاقل لبيتنا لا بمحافظتي انا عليه ولا الخدم ، مع العلم حمامي الله يعزك بروحي مهتمه فيه لكن

---

مريت على هالموضوع اللي احبه وفكرت انزل صور بس متكيسل وإن شاء الله قريب

بخصوص الخشب المشكلة عندنا الحرارة ما تناسب الخشب ونوعية بعض الأخشاب الصناعية أو الضعيفة ما تنفع .. حرارة ورطوبة تاكل الطابوق والخرسانة والحديد مب بس الخشب

نوعية الخشب لها دور ،، فيه خشب التيك ما يتأثر بسرعة و لكن يفترض يكون في السوق تقنيات للعمارة و التنفيذات الخشبية ، لا اقدر اقول اني اعرف و لا هو مستحيل تطوير بوردات الخشب وتصميدها ضد الماي ؟ هل كلفتها الاقتصادية هي السبب !

كالعادة بو عبدالله ، الجمال مستوطن بمواضيعك ،،، قواك الله

من زمان عن المطابخ ودورات المياه .

تجربتي معها : في بيت اخوي المطبخ / ركب بلاط جدران المطبخ على تصميم مبدئي .وتم تأسيس لها طبعا كلها نقاط كهرباء ستاندر بدون مخطط نهائي . وراح يضطر لتصميم المطبخ علية بدون بيت تغذية وتصريف مياة غساله الصحون او اضاءة داخلية لدروج المطبخ .

اما الحمامات كان خطء من المقاول بأنه مانزل بأرضية الحمامات في الدور الاول النزول المعروف واضطر بعد الدفان والتمديد بأنه يرفع ارضية الحمامات تقريبا 10 سم عن ارضية الدور الاول يعني سوي له عتبة .

وعندي : الخطء الي سويته في الحمامات بأني في الخرائط كل الحمامات ماعدا حمام الماستر مساحتهم 2x2.5

والفكرة كانت بانيو . بعدها قررت الغي فكرة البانيو الي دش ستاند بوكس وما قدرت ليش بسبب ان النوافذ كانت في منتصف الحمام وشوي حجمها كبير . واذا ركبت البوكس راح ياخذ جزء من النافذة . ورجعت باني لازم اخذ بانيو .

بيت الاهل : خطء من المقاول بانه مااسس لتصريف مياه المطبخ في الملحق الخارجي في اضطرينا نكسر .
للموعضه والاعتبار
وسلامتكم

اقتباس:

---

المشاركة الأصلية كتبت بواسطة سالم الزهران

نوعية الخشب لها دور ،، فيه خشب التيك ما يتأثر بسرعة و لكن يفترض يكون في السوق تقنيات للعمارة و التنفيذات الخشبية ، لا اقدر اقول اني اعرف و لا هو مستحيل تطوير بوردات الخشب وتصميدها ضد الماي ؟ هل كلفتها الاقتصادية هي السبب !

كالعادة بو عبدالله ، الجمال مستوطن بمواضيعك ،،، قواك الله

---

تسلم اخوي سالم على مرورك وتشجيعك الطيب

اللي في حديقة اسباير مباني كاملة من الخشب ويسونه معالج ومن نوعية قوية شوف ما شاء الله شكثر عايش ويقاوم الحرارة والرطوبة وحتى المطر

لاحظت لازم تعتني بالخشب ومن تلاحظ طبقة الحماية أو اللون بدأ يبهت أما تصبغ أو تحط لكر حماية أو أي نوعية ثانية أول بأول .. معدل سبع سنين معقول حق هذي الحماية واحتمال فيه أنواع أقوى وتطول أكثر

في اسباير مبنى جديد بالخشب ومخلينه مخشن الظاهر حتى طبقة الحماية تلتصق في الخشب وتتغلغل في الخشونة وتنعمها

اقتباس:

---

المشاركة الأصلية كتبت بواسطة سعود.

من زمان عن المطابخ ودورات المياه .

تجربتي معها : في بيت اخوي المطبخ / ركب بلاط جدران المطبخ على تصميم مبدئي .وتم تأسيس لها طبعا كلها نقاط كهرباء ستاندر بدون مخطط نهائي . وراح يضطر لتصميم المطبخ علية بدون بيت تغذية وتصريف مياة غساله الصحون او اضاءة داخلية لدروج المطبخ .

اما الحمامات كان خطء من المقاول بأنه مانزل بأرضية الحمامات في الدور الاول النزول المعروف واضطر بعد الدفان والتمديد بأنه يرفع ارضية الحمامات تقريبا 10 سم عن ارضية الدور الاول يعني سوي له عتبة .

وعندي : الخطء الي سويته في الحمامات بأني في الخرائط كل الحمامات ماعدا حمام الماستر مساحتهم 2x2.5

والفكرة كانت بانيو . بعدها قررت الغي فكرة البانيو الي دش ستاند بوكس وما قدرت ليش بسبب ان النوافذ كانت في منتصف الحمام وشوي حجمها كبير . واذا ركبت البوكس راح ياخذ جزء من النافذة . ورجعت باني لازم اخذ بانيو .

بيت الاهل : خطء من المقاول بانه مااسس لتصريف مياه المطبخ في الملحق الخارجي في اضطرينا نكسر .
للموعضه والاعتبار
وسلامتكم

---

انت يا اخوي ما تقصر وتوضح المشاكل وهذي أي واحد يطيح فيها حتى المختصين .. لكن تتفاداها بالانتباه والتصميم الجيد لكل التفاصيل وبوجود ملف خاص يكون معاك دوم .. وعدتكم اصور ملف بيتي واخذ لقطات من محتوياته حق موضوع العقود لأن فيه عقود فرعية لبعض الشغلات وان شاء الله ابدأ اصور لأن بدون خطة وبدون ملف وبدون تفاصيل يصعب الشغل وايد

هذا مهم خصوصاً الزوجة مع زوجها يخلون شغلهم منظم حتى واحد يذكر الثاني وكله بمراجعة الملف

والله انت الي ماتقصر مع الكل وانا ماعندي الخبرة بأني انصح في كل شي .

فعلا الخطأ وارد .

وخطء عن خطء يفرق خصوصآ الاخطاء الانشائية الي يصعب حلها .

اعجبني المثل : افضل المنازل اقلها اخطأ .

المثل صحيح وواقعي وحتى نتفادى الأخطاء لازم نختار استشاري جيد حتى لو وصلت قيمة الاستشارات 10 % من قيمة المشروع .. هذي التكلفة الإضافية ممكن تعني عدم وجود اخطاء وتشتري لنا خبرات مستحيل احنا ننفذها بروحنا

انا صممت بيتي تصميم معماري بنفسي لكن باقي التخصصات استعنت فيها بمكتب استشاري قوي وتابعت معاه ووقعت العقد من البداية على أساس تصميم ومناقصة وإشراف وتدخلت في كل صغيرة وكبيرة وكنت أستشير اخواني اللي معاي في الدوام كاستشارة إضافية

حتى قرار اختيار الاستشاري والمقاول من خلال تجربة في العمل ومعرفة

http://i.imgur.com/sDM9IUJ.jpg

http://i.imgur.com/qMxFi2l.jpg

البلاط حلو

http://i.imgur.com/vFF5Zsh.jpg

اليهال بيقعدون يعدون كم بلاطة متشابهة

http://i.imgur.com/AycGp7I.jpg

http://i.imgur.com/M9KuIsz.jpg

http://i.imgur.com/JRKsgUa.jpg

من أجمل البلاط الحديث للحمامات

http://i.imgur.com/gYqBo2j.jpg

http://i.imgur.com/LNMXIaX.jpg

في هذا نشوف الكسرة للصابون أو الروشنة فوقها كبت بواجهات مرايا في نفس التجويف

http://i.imgur.com/8ehLMpN.jpg

يتكرر هذا الشيء للمغسلة .. التبليط ممكن على جبس أو خشب ووراه فراغ للتمديدات ولعمل هذي اللمسات الحلوة

http://i.imgur.com/mAspWYW.jpg

وهذا آخر

http://i.imgur.com/Qex3ty0.jpg

http://i.imgur.com/cUQqjrK.jpg

الأبيض والأسود لونين خلطهم يعطي نكهة خاصة للمكان

http://i.imgur.com/VGeqUVQ.jpg

النوافذ الكبيرة مغطاة بستاير معدنية لسهولة الفتح والتحكم في الانارة والخصوصية كثير مسوية جو

http://i.imgur.com/22sobRw.jpg

هذا الواجهة الزجاجية ممكن اغلاقها كهربائياً بحديد خارجي يبين الواير للموتور

http://i.imgur.com/wXT1lqU.jpg

http://i.imgur.com/8mTECGa.jpg

وباتابع إن شاء الله قريب

صناعة المطابخ تعتمد على مواد قوية وتدوم بالإضافة لتصاميم ممتازة

هذا المطبخ بغشاء معدني لامع للأبواب وبتشكيلة بلاط جميلة لواجهة سطح العمل

http://i.imgur.com/GaY35Wo.jpg

http://i.imgur.com/fn1Bfwc.jpg

هذا مع كاونتر بعشر كراسي لعائلة كبيرة

http://i.imgur.com/tgIWKGZ.jpg

http://i.imgur.com/eqc4SdE.jpg

التفاصيل هنا دقيقة ولون الأرضية متناسب مع الكاونتر

http://i.imgur.com/fxo2Ad2.jpg

http://i.imgur.com/WLTEzvY.jpg

حلو بس لو كان كاونتر الجزيرة نفس كاونتر الفرن بيطلع أحلى

http://i.imgur.com/cwgTYP5.jpg

ممكن الفلسفة وراء الكاونتر الخشبي هي للأكل ولوضع اليد عليه أدفأ من الغرانيت

http://i.imgur.com/Z1hZZmA.jpg

هذا أجملهم وحبيت كل ما فيه خصوصاً المعدن المصقول

http://i.imgur.com/JxSS1oj.jpg

واو والا واوين شوي عليه

http://i.imgur.com/zF9rgCl.jpg

تدري يا بشمهندس ، ان التجهيزات و المستلزمات الرائعة هذي تحبطني من ناحية ( من بيركبها )؟

مشكلة ان العامل مايحب عمله و يتعمد يطرطش البلاستر والجبس و يحفر بالدريل غلط و ميزانية غلط و الحواف خشنة و تحس ان اللي مركبها متعمد يحبطك .
( الله المستعان ) ، بغيت انسى ادعي لك ان الله يوفقك على هالمشاركات و الشرح الماتع ، تسلم بو عبدالله

اقتباس:

---

المشاركة الأصلية كتبت بواسطة سالم الزهران

تدري يا بشمهندس ، ان التجهيزات و المستلزمات الرائعة هذي تحبطني من ناحية ( من بيركبها )؟

مشكلة ان العامل مايحب عمله و يتعمد يطرطش البلاستر والجبس و يحفر بالدريل غلط و ميزانية غلط و الحواف خشنة و تحس ان اللي مركبها متعمد يحبطك .
( الله المستعان ) ، بغيت انسى ادعي لك ان الله يوفقك على هالمشاركات و الشرح الماتع ، تسلم بو عبدالله

---

الله يسلمك ويحفظك اخوي

العامل لازم يكون فاهم وعليه اشراف وينفذون مخطط والشغل بالجبس سهل ويتقنونه وكذلك الرخام والجرانيت بس تشوف ناس مختصين أما العمالة السايبة هذيلا يسوون كل شيء وكل اللي يسونه غلط

كم مرة تمنيت وطالبت بترخيص العمال لأُمور محددة بعد اختبارهم من لجان مختصة .. كم مرة يستوي عندي عطل بسيط في سيستم الماء والمضخات والسائق يجيب عامل مفهوميته على قده ولازم اتدخل واقول العوامة اختربت وبدلها والا ما يصدقون .. واحد يقول لي شلك في هذا النظام ركب مكينة برشر صغيرة عادية وبس ويبغي يغير كل شيء لنوع هو يعرفه .. إتصلت بالوكيل وجاني واحد مختص صلحه بسهولة وطلب مبلغ القدوم والمعاينة 50 ما ادري 100 ريال بس وغيره يحوسون ويقولون الكهرباء ما توصل .. طبيعي الكهرباء ما توصل لو العوامة متعطلة

ترخيص وليسن للمزاولة ضروري ولازم محد يشتغل غير في تخصصه وتخصصه يكون مكتوب واضح .. واللغة العربية ضرورية ولازم يتعلمونها .. جاني عامل فلبيني مرة في أمريكا كان يتكلم لغتهم بلبل واللغة جزء من التدريب والجزء الباقي المدارس المهنية تقوم به .. والمدارس المهنية مب ضروري تكون صرح كبير حتى شقة عادية أو بيت أو اتفاق مع أحد المدارس لإستخدام قاعة للتدريس .. أو فصول مجهزة للتدريب والتأكد من اتقان العمال للشغل قبل تركهم يلقطون رزقهم في الشوارع

^^^
بوعبدالله ، الكلام اللي قاعد تقوله مهم جداً ! ما أدري ليش مب موجود على ارض الواقع ؟

على الاقل ، مب شايفينه و لا مستفيد منه المواطن .

اقتباس:

---

المشاركة الأصلية كتبت بواسطة سالم الزهران

^^^
بوعبدالله ، الكلام اللي قاعد تقوله مهم جداً ! ما أدري ليش مب موجود على ارض الواقع ؟

على الاقل ، مب شايفينه و لا مستفيد منه المواطن .

---

لأن وانا اخوك الادارة الهندسية عندنا ما يؤدون واجبهم صح

والا موجود في أغلب الدول .. تصدق قبل كانت عندنا مدرسة تدريب مهني ومدرسة صناعة والمفروض نتطور ما ننزل تحت

مطبخ راهي بقطع رخام كبيرة

http://i.imgur.com/3rDgngX.jpg

http://i.imgur.com/tyiFdLJ.jpg

اللون البرتقالي مسوي جو غير وينفع مكانه الأصفر أو الأحمر أو الأزرق اللامع

http://i.imgur.com/YeK01rz.jpg

http://i.imgur.com/EjOaCet.jpg

شغل خشب متقن للغاية حتى الأرضية باركيه يدوي معالج وبخلط كم نوع من الخشب الداكن والفاتح

http://i.imgur.com/ANvALjb.jpg

السقف مايل شوي في الأطراف وفي الوسط سيدة

http://i.imgur.com/gLbzufQ.jpg

هذا حديث وبسيط

http://i.imgur.com/lScoI0e.jpg

http://i.imgur.com/pEiALAn.jpg

http://i.imgur.com/8Wtt4Vz.jpg

ما عجبني خليط الألوان في ذيه

http://i.imgur.com/dK2eZMT.jpg

بس الدريشة فوق وتحت الكبت العلوي فكرة حلوة

http://i.imgur.com/SXUcuwb.jpg

taste of provence عقدتني بس أكيد التصميم زين ما حصلتها في خوخل أو قوقل

http://i.imgur.com/uQtVuJY.jpg

http://i.imgur.com/UxHV7A8.jpg

آحس البني والرصاصي مب متفاهمين

http://i.imgur.com/kXeamCo.jpg

http://i.imgur.com/3TkRwJj.jpg

المؤلف حب البلاط النحاسي وانا كذلك

http://i.imgur.com/EyHf3lg.jpg

حبيت كذلك المخزن الراقي الضيق نوعاً ما وفي آخره الثلاجة ومفتوح من الصوبين

بعض مخازننا كبيرة ووسيعة بدون ترتيب والجزء المستغل اللي قرب الحوائط والوسط فاضي

http://i.imgur.com/fToJyOE.jpg

بديت اقتنع بالأرضية الخشبية أو البورسلان بتشكيلة الخشب

http://i.imgur.com/4gB6JrP.jpg

http://i.imgur.com/VN3hNSH.jpg

http://i.imgur.com/5OcLQiX.jpg

قواك الله استاذ معماري ، الابيض يجمل المطبخ في كل الستايلات


جديد التقنية في المطابخ ، من يوروكوتشينا 2016


https://www.youtube.com/watch?v=Lc1DPpqKSxg


طبعا ما بنحصل هالسوالف عندنا :(

مشكورة على هذي المساهمة الطيبة .. والله يقويج ويبقيج

الإيطاليون دوم يطلعون لنا باتجاهات تصميم حديثة ومبتكرة .. هم ما ابتكروا ولا اكتشفوا هذي الأُمور كلها موجودة بس اجمعوها في حيز وتصميم واحد متناسق
.. هم لهم الفن الرفيع واللمسات الجمالية والابتكارات موجودة بس يستخدمونها

عن مسئلة المطبخ خصوصاً عندنا الداخلي من خلال الموضوع كم مرة تكلمت عن فتحه على صالة الطعام وعلى الصالة بشكل مفتوح ووسيع .. وحتى فتحه على الحديقة .. وتصميمه بمكتب مدمج خاص بالبيت ضروري وكلنا عرفين ضعف شبكة الانترنت عندنا خلال الجدران لذلك درس لازم نوفر توصيلة بواير

حلو يجي المطبخ بعدين المكتب بعدين طاولة الطعام وبعدين جلسة الصالة وكلهم في حيز واحد مع فتح جهة أو عدة جهات على الحديقة والباربيكيو

إرتفاع سطح العمل صحيح فيه ستاندرد معين بين 85 - 95 سم لكن لكل شخص ارتفاع مناسب وجعله مرن قابل للرفع والتنزيل أكيد بيكون تدليع على الآخر

مطبخ مدمج مع قاعة طعام

http://i.imgur.com/8zqiKCE.png

فري ستاندنغ بانيو مع شاور مدمج ومغطى من الجوانب بالمعدن عن ترشش الماء

http://i.imgur.com/PL1Q25v.png

أحد الحمامات الواصلة للنهائيات في اختيار أفضل حمام من مجلة آت هوم

http://i.imgur.com/NpmcMC7.jpg

وهذا آخر فيه الكثير من التفاصيل المعمارية الجميلة

http://i.imgur.com/J8VBdBq.jpg

وآخر منقوش نقش عقدني الكورنيش فيه

http://i.imgur.com/85HhWeQ.jpg

هذا الفائز لبساطته أو بالواسطة شكله

http://i.imgur.com/2AZJW4i.jpg

http://i.imgur.com/4tSmstb.jpg

أحد المطابخ المتأهلين لأفضل مطبخ 2016

http://i.imgur.com/x2iwddC.jpg

وآخر متأهل

http://i.imgur.com/pCzJbF3.jpg

والمطبخ الفائز يستاهل الناموس والجاموس

http://i.imgur.com/9nsz6Lu.jpg

مكمل للتصميم المحيط به والدرج الحلزوني الجميل

http://i.imgur.com/A3V1MjM.jpg

وأخيراً منتج جديد من ال جي لغسيل الملابس بالبخار ممكن فصل غرفة غسيل الملابس لغرفة أو ركن خاص فوق وغرفة أكبر تحت أو في البنتهاوس أو البيسمنت قرب الخدمات ومقر الخدم للغسيل والكوي

http://i.imgur.com/cxXiH4Z.png

مساك الله بالخير خيو معماري

شو هاض يا زلمة ، الباث الأستاند كنو من القرن الثامن عشر !

والمطابخ الاخير الفائز ما عجبني ، الاثنين اللي بالوسط احلي

بس مطبخ بالتصميم هذا ، بنخصص فيه شغالتين بس حق التجفيف والتلميع :)

من هي بنت حوى السعيدة اللي بتسوي مثله

مساء الأنوار إخوي سالم

المطبخ انا عجبني لكن الحمام الفائز أكيد رشاهم راعيه

اللي احبه تحليل هذي المجلات المتخصصة وعملها مسابقات سنوية وتفاعل الناس معاها

متى بنشوف عندنا مجلات متخصصة وقنوات متخصصة بمجالات عديدة الاقتصاد والمال والتصميم والبناء والسياحة والفعاليات السياحية .. كله قنوات سياسية أو رياضية أو تراثية

صحيح توني اركز في البانيو شكله قديم والشاور موصول مع التغطية والظاهر تدفئة من خلال مرور الماء الحار فيها

^

هناك الدنيا مب غالية و لا فيها شروط وتعقيدات ، كل شروطهم وجيهة
تقدر تسوي مجلة ببساطة وتقدر تسوي شركة في قبو و تقدر تسوي جريدة في طبلية سيارات
يبون يشوفون نص بل ربع مبدع ؟

صحيح الله يسلمك ومبارك الحيا على الجميع

هناك يشجعون ما يعقدون وهنا يعقدون ويعقدون ويعقدون

بالتوفيق

اقتباس:

---

المشاركة الأصلية كتبت بواسطة الوطنيه

بالتوفيق

---

تسلم وحياك عضو جديد معانا

منتج حديث من ال جي للغسيل بالبخار .. هذا ممكن نرتب له مكان في الحمام أو في غرفة تسريحة أو ملابس ملاصقة

http://i.imgur.com/9amIWTY.png

هذا المطبخ دخل قلبي خصوصاً تناسق الألوان والسقف اعتقد سيراميك مع قواطع خشب .. أكيد السيراميك مركب على بورد خشب وممكن رفعه بسهولة للتمديدات والصيانة مثل السيلوتكس .. حركة حلوة حبيتها وفكرة تصميم مميزة

http://i.imgur.com/gEwpLgM.jpg

بعد ذيه في التسعين

http://i.imgur.com/1ahHRLi.jpg

هذا جميل

http://i.imgur.com/KR0NSGU.jpg

http://i.imgur.com/J2vogxU.jpg

الثلاجات لازم لهم فتحات تهوئة ومن فوق تطلع أحلى .. أكيد الهواء يمر من تحت ويطلع من فوق بعد ما يصخن

http://i.imgur.com/grM7sQH.jpg

والإنارة غريبة أول مرة أشوف هالنوع

http://i.imgur.com/DFVzzkN.png

حمام متقن ومكمل الجمال الورود

http://i.imgur.com/lyoZmNi.jpg

http://i.imgur.com/GaknIKF.jpg

http://i.imgur.com/hdOjKiu.jpg

هذا مدمج حمام وتسريحة وغرفة ملابس

http://i.imgur.com/7rRHbvq.jpg

http://i.imgur.com/ftFBSaj.jpg

http://i.imgur.com/lKzJXEL.jpg

http://i.imgur.com/ZvgpUnE.jpg

الصورة اللي يجي معها مخطط مثل مخطط الحمام اللي فوق ,, فعلاً رهيبة و تخلي الواحد يتخيل افكار جديدة عن تصميم الحمامات اعزكم الله

هذا في التصميم الشاور قبال الكلوزت و مفصول عن بقية الخزاين و عن المغطس لذلك الجزء ذا بيكون جاف تماماً .

مشكور معماري

اقتباس:

---

المشاركة الأصلية كتبت بواسطة سالم الزهران

الصورة اللي يجي معها مخطط مثل مخطط الحمام اللي فوق ,, فعلاً رهيبة و تخلي الواحد يتخيل افكار جديدة عن تصميم الحمامات اعزكم الله

هذا في التصميم الشاور قبال الكلوزت و مفصول عن بقية الخزاين و عن المغطس لذلك الجزء ذا بيكون جاف تماماً .

مشكور معماري

---

العفو إخوي الكبير

عني انا الحمد لله إستويت اتخيل كيف يكون في الواقع .. ووشو العملي والسهل والرخيص وفي نفس الوقت الجميل والآمن .. ومن الصور والنقاش والمنتدى حتى من مراجعة المخططات استفدت وايد واتوقع اقتراحاتي في محلها .. في نفس هذا الموضوع قبل سويت عدة تصاميم حق حمام .. وحمام بيتي الرئيسي يمكن سويت له 20 مقترح لين استقريت على مقترح

المطابخ كذلك بعضنا يخسر لها كبتات غالية وهو يقدر يسوي ستور بأرفف مفتوحة وتخزين على الجانبين وحتى أرفف عريضة لو يبي 50 أو 60 سم تشيل كل شيء ولا يكلفه شيء .. وبدل الكبتات يسوي قواطع طابوق وأدراج بسيطة بس تحت وتلبيس رخام أو سيراميك

للحمامات فكرة دمج الشاور مع البانيو قرب بعض وعزلهم بحائط قزاز أفضل وممكن يكون داخل جهاز بخار .. وتفتك من الرطوبة تكون محصورة في حيز بروحها وتنشف بعد ما تطلع وباقي الحمام المغسلة والكرسي تقدر تستخدمهم أي وقت حتى لو الأرضية هناك مبلولة

منتج جديد لفلترة الماء العادي الى ماء مفلتر حار أو بارد أو بالفقاعات ( غازي )

http://i.imgur.com/7fHIeT0.jpg

حبيت الزوايا المنحنية في هذا المطبخ

http://i.imgur.com/60IPbO5.png

تصميم أنيق

http://i.imgur.com/yBeKf8m.jpg

ميزة هذه النوافذ سهولة الفتح وتعطينا تيار هوائي متساوي لكن عيبها تسريبها للهواء والغبار

http://i.imgur.com/2eF3qiW.jpg

البعض يحب اضافة ركن خاص لغسيل الملابس في الحمام وهذه فكرة رائعة حتى ولو لدينا غرفة غسيل أُخرى مخصصة

http://i.imgur.com/mcskWYO.jpg

نشوف توزيع الحمام تقريباً تقليدي وممكن حتى لحمامات 3 في 2 بس يمكن نحتاج زيادة طول شوي حق الشاور

http://i.imgur.com/ZuoCuSp.jpg

المراية وراها مكان تخزين وتنفتح مقسمة لكم قسم

http://i.imgur.com/Cn88IcL.jpg

http://i.imgur.com/4fttsXF.jpg

نوعية جديدة نلاحظ فيها أرضية الشاور فيها فتحات كثيرة للتصريف والخلاطات باللون الأسود

http://i.imgur.com/zwmhBgD.png

مغسلة بتصميم حديث أيضاً

http://i.imgur.com/xLkaTp2.jpg

نفس طريقة المغسلة السابقة مقسمة المراية وتنفتح للتخزين خلفها مع إنارة أسفلها وكسرة لها في الحائط تبدو داخلية

http://i.imgur.com/WGwFX4P.jpg

http://i.imgur.com/Hynzssx.jpg

بسيط وجميل

http://i.imgur.com/Si8V4Rl.jpg

مطل على الزراعة ودريشته تنفتح بالكامل

http://i.imgur.com/NyZ6Dhn.jpg

http://i.imgur.com/8Cz3R8I.jpg

هذا الحمام الأخير يلهمني بإستغلال جزء من الحوش ينفتح عليه ويكون خاص مزروع للتشمس وللسباحة الخارجية

حمامات فوق الروعة لكن الاحظ الشباب دايم يحذرون اسوي التمديدات داخل الطوفه خوفاً من التسريب لاقدر الله فالاغلبية نصحني تكون تمديدات الحمام خارجية وهذا الي ماحبه لانه يشوه جمالية الحمام هل فيه حلول

اقتباس:

---

المشاركة الأصلية كتبت بواسطة Abu-hmood

حمامات فوق الروعة لكن الاحظ الشباب دايم يحذرون اسوي التمديدات داخل الطوفه خوفاً من التسريب لاقدر الله فالاغلبية نصحني تكون تمديدات الحمام خارجية وهذا الي ماحبه لانه يشوه جمالية الحمام هل فيه حلول

---

هو تكسير الحوائط يخلي مجال للشلوخ ويضعفها خصوصاً للي باني بالطريقة الشعبية وضغط الخرسانات جاي على الحوائط .. ممكن تركب على الحوائط وتسوي جبس أو بلايوود فوق البايبات بدون تكسير للحوائط وبدون ما تغطي البايبات بالمونة .. تكون شبه مكشوفة ومغطاه بجبس مقاوم للماء وفوق الجبس تركب السيراميك

ولو تحب تسوي طريقة تقدر تفتح وتفحص ولا تفقد جمالية السيراميك تركب الجبس بعد ترك فراغ 10 سم بينه وبين الطابوق .. تعزل الطابوق من تحت لإرتفاع متر بالبتومين احتياط عن الرطوبة لتخرب الصبغ في الجهة الثانية وتركب البايبات وبتكون على ارتفاع حول 40 سم من أرضية الحمام .. تقدر بسهولة تمررها في هذا الفراغ وحتى تزيد ارتفاع تمريرها بحيث تكون فوق حافة البانيو لسهولة فتحها في المستقبل .. تسوي كسرات مثل الروشنة في قاعدتها تقدر تفتح للتغيير ولتعديل التمديدات ولو اضطريت تكسر شوي بيكون في الجبس وسهل عمل قطعة جبس وعليها سيراميك لنفس المكان

من الاحتياطات ما تركب مضخة ضغط تضغط دائماً .. هذي نوعية تعطي ضغط من تفتح الماي وكل ما فتحت تزيد الضغط لحدود معينة .. يعني ممكن تشغل 3 حمامات بكامل الضغط ولو فتحت أكثر يضعف عندك الضغط .. لكن لو الماي مسكر بالكامل يكون ضغطها خفيف جداً على البايبات

ومهم كذلك لو بتركب بايبات نحاس تكون نوعيتها جيدة وما فيها خليط برادة حديد ومعادن ثانية تصدي ( تحية للصناعة الخليجية والصينية الرخيصة ) وتكون الوصلات ملحومة عدل بلحام مناسب .. شوف كبار المحلات اللي تبيع هذي البايبات وهم عندهم كل العدة وممكن يساعدونك في الطريقة ومن ينفذ صح .. لنوعية البي بي آر لتاخذ الا الماني 100% مع الوصلات وشوف مركب خبرة في تركيب هالنوعية ما يركب لك ألماني ووصلات صينية رخيصة

ولو محتد تركب داخل الجدار غلف البايبات بعازل حرارة وعليه حماية من البلاستر

فيه نوعية اللي قابلة للسحب والتبديل عند حسين فكري ما ادري لو للحين موجودة أو لا يسوون لها دكتات خاصة وتنفع وايد لنظام الطابوق والبلايوود بس اتوقع غالية البايبات ذي والزين صناعتها سويسرية اعتقد ومضمونة 50 سنة

[B]

اقتباس:

---

المشاركة الأصلية كتبت بواسطة abu-hmood

حمامات فوق الروعة لكن الاحظ الشباب دايم يحذرون اسوي التمديدات داخل الطوفه خوفاً من التسريب لاقدر الله فالاغلبية نصحني تكون تمديدات الحمام خارجية وهذا الي ماحبه لانه يشوه جمالية الحمام هل فيه حلول

---

سوها داخل الطوفة ولاتحاتي .
بس اكد عليهم بدون تكسير قصها قص بالمنشار الكهربائي . بعدها اختبار للبيبات ( ppr )
ضغط 10 بار لمدة 2 يوم . بعدها شبك حديد مكان التمديدات وبلاستر وبس . وممنوع يحفر في اي عامود تكسير افقي واذا وصل للعامود ينزل بالبيت للاسفل مع الارض يمدة .
وفية طريقة افضل : يمد البيبات راسية من اعلى بس اهم شي لايقرب للاعمدة. بيقولك عادي كلها 2 او 3 سم لا تصدقه

ملف مرفق 99078ملف مرفق 99079

بعد كلام سعود 100% صحيح

بس عن العمود في الغالب الاستشاريين يبالغون في عددهم واحجامهم ويخلون التمديد صعب ولو كسر المقاول شوي ما يستوي شيء بشرط ما يقص الحديد وما نخسر شيء لو سوينا على العمود كسرة من بلايوود مثبت ببراغي بحيث يغطي سمك البايب وركبنا عليه سيراميك .. أو جبس .. البلاستر لو كان سميك صعب ينضبط وأوقات يتشلخ وينفك