https://www.youtube.com/watch?v=Zo_ONbwc60I
الطريقة هذي ما انصح بها والمهندس غلطان البايبات ما تمر تحت البلاط تمر في الحائط بارتفاع 45 سم - 50 سم .. نقدر نسوي لها حائط جزئي مستعار قابل للفتح بلصق البلاط بسيليكون واصلاح أي تلف أو استبدال التالف
عرض للطباعة
https://www.youtube.com/watch?v=Zo_ONbwc60I
الطريقة هذي ما انصح بها والمهندس غلطان البايبات ما تمر تحت البلاط تمر في الحائط بارتفاع 45 سم - 50 سم .. نقدر نسوي لها حائط جزئي مستعار قابل للفتح بلصق البلاط بسيليكون واصلاح أي تلف أو استبدال التالف
هذي لأحد الأعضاء أرسل لي صور لهبوط قرب الخزان وقلت له جيب عمال يحفرون ويصبون خرسانة معمولة في الموقع
https://www.youtube.com/watch?v=SCA3MJdkvMg
نفس الحل الواجب أشغال تطبقه في الدفان حول المنهولات اللي تطلع في الشوارع ويصير هبوط حولها .. يمكن يحتاجون اضافة حديد عرضي يثبت جسم المنهول في الخرسانة حوله
الطريقة لحماية الأرضية مدروسة صح ومناسبة بس تعليق بايبات المياه على السقف مشكلة والأفضل تكون في الحائط مثل بيوتنا
اللي يذكر للعزل تكلمت في السابق عن ترك البلاطة الأخيرة وتركيبها بعد العازل حتى تسكر على العازل ويكون مرتفع على الجدار شوي حتى نضمن عزل الجدار أو الجزء السفلي من الجدار .. في الحالة اللي ذكرها هو يطلع الشكل أجمل لكن ضروري نسكر زاوية التقاء بلاط الحائط بالأرضية بسيليكون لأنها مهما يكون تنفتح ويتسرب منها الماء وترشح الرطوبة على الحائط
حبيت مجرى تصريف الماء لو نزل تحت البلاط وهو حل مناسب وجذري لمشاكل أي تسريب
https://www.youtube.com/watch?v=cagrxZjRfI4
https://www.youtube.com/watch?v=6X_qzMxoH94
اهم شيء الدك على طبقات وعدم استخدام البودرة ولا الحجارة الكبيرة وللبيوت ما فيه داعي للاختبارات
العام الماضي ولد عمي كان عنده صبية قواعد رحت معه وكنت اسولف مع مهندس الموقع مابعد الصب قال لي الدفان بيكون دفعه واحد كان تقريبا 120 سم ( غمر كامل ) بالماء بعدها دكاكه 2 طن تقريبا .اقتباس:
المشاركة الأصلية كتبت بواسطة معماري قطري
ابشرك بعدها اسبوع وغير الاستشاري :happy:
يستهترون بحلال الناس ويدورون السهلاقتباس:
المشاركة الأصلية كتبت بواسطة سعود.
واحد يراويني صور لدفان بيته قلت له غلط .. شيول يشيل الدفان وبينه صخر أحجام كبيرة .. أول شيء يكسرون رؤوس الأعمدة والجسور بالشيول وثاني شيء الدفان فيه حجارة كبيرة ولا مغربل .. صج أريح لهم لكن مشكلة للمالك
بعدها بكم يوم كنت قريب المنطقة قلت بامر اشوف بنيانه .. وقفت سيارتي ونزلت دخلت ما خذت الا الفورمان المصري داخل يركض ويزاعق على اللي يشتغل يقول له شغل الهزاز .. كانوا يصبون أعمدة السور الخارجي وما كنت منتبه بس هو نبهني لسالفة الهزاز .. تميت اشوف أعمدة الدور الأرضي وكانت مكتملة والارضية مصبوبة خرسانة ولاحظت بقع في كل عمود .. فكرت فيها شمنه هذي البقع بقع كبيرة بعضها فوق 20 سم .. عرفت إنه تعشيش وتم ترقيعه بعدين بالبلاستر .. مهما يسوون مكان الرقعة يبين غير متجانس مثل بقية الخرسانة المصبوبة تحصلها أفتح شوي أو أغمق
ركزوا في صورة الفيديو السابق وشوفوا راس العمود شلون نظيف ومرتب وشوفوا الحديد مبتعد عن أطراف الخرسانة .. يعني فيه غطاء خرساني كافي .. وشوفوا الفاصل الدائري ( البسكوت ) عبارة عن بلاستيك خاص .. واضح إن الشغل نظيف
فوق واضح إنه عرض راس العمود حول 30 سم حتى يعطينا غطاء خرساني كافي وقليل استشاريين يسوون هذي التفاصيل والغالبية متعودين كله نفسه من تحت لفوق 20 سم حتى يتماشى مع الحوائط .. تحت الأرض أفضل نسوي الجسور والأعمدة 30 سم حتى نضمن غطاء خرساني كافي
للاسف هذا الي حاصل والي نشوفه في الغالب
شغل مش حالك وياخذ فلوسه ويدور اخر واخر واخر