تحليل خاص لمصرف الريان؟

واياك و وفقك للخير

نورت يابومحمد

اقتباس:

---

المشاركة الأصلية كتبت بواسطة الســـامر الأســود

احنا هاليومين يا راعي المواجيب بصدد حسم الهدف

والهدف المرضي للاغلبية هو مابين 20.8-21.8 يعني 100 درهم مضاربات
ماتسوى عليك عوار راسك وترى الريان بقول لك..الريان لا طاح عليك مهب
نافعك لاسامر ولا ساحر...

فيه شي واضح قدامي: ويشوفه الكثير من اخوانك الاعضاء
بحاول باختصار اوضحه...حلو؟

الأهداف الي يتم رصدها والوصول لها تعتبر اهداف قناعه وادارة محفظة
لمن؟ للي متابع الريان ومن زمان تصبر وصبر اليوم شايخ..ماهمه 21.8
ولا 20.2 ان زادت فالحمد لله وان نقصت فنحمد الله بعد..اسهم ثانية واحسن
من الريان ماحصلت الي جابه الريان من فضل الله علينا..حلو

مع القرب بالوصول للاهداف تصير شغلات
يصير بيع ويصير شراء

الي يبيع يقول خلاص قنعت و وصلت لهدفي وبمشي مع تحليل الريان
مع اوزل اشاره دخول جاية له.. والي يشتري يقول ياولد اخاف تروح علي

هذا الي يقول اخاف تروح علي يسمح لي بقول له انت مب عارف شتبي؟
يعني توك فايق على حلالك؟ وتبي تطمع ...نقول له شغلتين:

مع القرب للاهادف تزيد المخاطرة بشكل كبير...اول.. كنت احذر منها
اذا شفتها.. اليوم ومن بعد مانصحني بعض الاخوة.. لا.. ما اسوي شي
الكل يقرر قراره..ليش؟ لان فيه ناس تزعل لما نحذر ..ونرويهم الي نشوفه
وخااااصة اذا خالف السهم التوقع وطلع... وفيه ناس ماتحب الاخبار
السلبية تحب التشجيع... يعني يخافون من التحطيم.. وهذا له اثر نفسي

وانا فاهم هذا الشعور وعاذره..وهو صحيح.. فانا ما ادري من ارضي؟

الشغله الثانية الي تصير عند القرب للاهداف يصير بيع.. والمساله
مساله شراء... يقاوم ويدفع بالبيع بعيدا عن الساحه...لماذا؟
لسبب واحد مهم: توفير بيئة الشراء ومن ثم البيع والتصريف

مافهمت مقصدي؟

زين: باعتقادي ان الريان فيه نفس يروح للهدف حق ال 25 وضواحيها
ولكن هذا النفس مش هو الغالبي حاليا عندي.. الي غالب حاليا هو نفس
ثبات.. او نزول بسيط ويمكن ويمكن بعدها بكم يوم او بعدين يعني..يطلع
مره ثانية

فالمساله احسن لك تشوفها كما يلي: اذا تجاوز ال 22.4 وتشوفه يضارب فوقها
اعرف ان نفس الهبوط قل ونفس الصعود زاد

طبعا هذا الكلام للمضاربين اليوميين الي بهذلوا بانفسهم وبغيرهم "لحد يزعل"

اما بشكل اسبوعي وشهري فالريان بإذن الله صاعد صاعد ان شاء الله

اشوق فيه حول ال 30 ثم حول 48 تقريبا والله اعلم هذا بشكل استثماري
متوسط الاجل..واعتقد ان دورة الريان راح تنتهي قبيل شهر ابريل العام
القادم...يعني قدامنا 6 شهور لاهداف الريان المتوسطة هذي :)

تكفى لاتقول لي عيد..لاني بروحي مب عارف شقاعد اقول crazy

امزح وياك اخوي
وهذا رايي الي طلبته واجتهادي وتوقعي والله اعلى واعلم بالسهم
تابع السهم وصفقاته والله يرزقك يا راعي المواجيب

---

الله يجزاك الخير .. كل هالأسطر كتبتها عشان سؤالي ، والله بالغت في إكرامي من وقتك الثمين .. الله يجزاك على كل حرف عافية و رفعة في دينك ودنياك ..

أما ردك البوليسي المشفر :omen2: يحوي رسائل عديدة وقوانين عامة .. بنمشي عليها .. والله يوفق الجميع

بعد.. هذا الموجود ياراعي المواجيب
واسمح لنا على القصور

شاكر لك تفهمك

والله يوفقك

فهمت قصدك يالساااامر وان شاء الله بنلبي نصيحتك:fight::fight::fight::fight::fight::fig ht:
وبنلبي طلبك الثاني بعد

على فكره بكون ثاني واحد يقلدك ويكتب بالاسود بعد قطريه عسل:this:

يعطيك العافية

دمت في حفظ اللة ورعايتة

مهما قلت والله ما راح اوفيك حقك....بارك الله فيك وفي اهلك وذريتك ورحم الله والديك وجعله في ميزان حسناتك.

اقتباس:

---

المشاركة الأصلية كتبت بواسطة alsahran

مهما قلت والله ما راح اوفيك حقك....بارك الله فيك وفي اهلك وذريتك ورحم الله والديك وجعله في ميزان حسناتك.

---

اللهم امين ولك.. وهذا الي ابيه وكلمة جزاك الله خير توفيني حقي وزيادة

اقتباس:

---

المشاركة الأصلية كتبت بواسطة فهد2600

يعطيك العافية

دمت في حفظ اللة ورعايتة

---

الله يعافيك اخوي فهد 2600

اقتباس:

---

المشاركة الأصلية كتبت بواسطة مضارب دوسري

فهمت قصدك يالساااامر وان شاء الله بنلبي نصيحتك:fight::fight::fight::fight::fight::fight:
وبنلبي طلبك الثاني بعد

على فكره بكون ثاني واحد يقلدك ويكتب بالاسود بعد قطريه عسل:this:

---

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤل
حياك الله - بالأسود ولا بأي لون يا مضارب

تذكير:

اهم شي يا اخوان نفهم المكتوب .. فالمكتوب المفروض انه يساعدك في اتخاذ قرارك

والمكتوب مو شرط هو الي بيصير... هذا للعلم.. وان تكررت اصابات فهذا مايعني
انها على طوووول بتكرر باذن الله

لا... نعيد حساباتنا وترتيب محفظتنا الشخصية وتوزيع اسهمنا ونسال ونقرا ونقارن

ناخذ راي البيانات المالية والاخبار ومزاج السوق وناخذ راي التحليل الفني والحسابات
عشان بس نعرف شنو وضع السهم بالسوق ومهاي خطورة الدخول فيه حاليا او ماهي
مكاسبه والعكس ايضا مع الخروج كذلك..
وهذا راي المحلل مش اكثر

موفقين خير

جزاك الله خير

الله يبارك فيك

:con2: اممممممممم الضاهر لازم نكسل الجفير ونشتري درام كبير ونجمع فيه اسهم الريان