((أخوي لو سمحت هاذا للقطرين بس وله بعد للأجانب))اقتباس:
المشاركة الأصلية كتبت بواسطة رحال الدوحه
المهم ياليت حد يقدر يساعدني بشغله يكون مرتبها يعيش في هالظروف لأني مطلقة وعندي طفلين أصرف عليهم وكل نفقتهم 1000 ريال في الشهر طبعاً اللي عنده عيال يعرف أنها ما تسوي شي وهلي يادوبهم يصرفون على أخواني .
طبعاً أنا أجنبية مواليد الدوحة عندي ثانويه عامه ودبلوم إدراة مكتبيه وسكرتارية توني ماخذه الشهادة تقريباً من شهرين والكمبيوتر عندي أوكي وإن شاء ناويه أقدم أمتحان الرخصة الدوليه للحاسب Icdl عشان بس أخذ الشهادة والانجليزي يعني مقبول ممكن أمشي الحال فيه.
أشتغلت من قبل مشرفه إدارية في مدرسة مستقله ب 3000ريال كانت أول مافتحت وبعد مارسينا النظام ووقفت المدرسة على رجولها عقب التعب كنت أرجع البيت الساعة 6 أو 7 المغرب فنشو الأجانب وقالوا عشان التقطير فأبي شغله تكون مظمونه ويقدرون جهدي وتعبي مب بكل بساطة يقولون لي برع بدون أي تقدير وطبعا يكون براتب أحس من 3000 لأنها ماتسوي شي في هالأيام والكل يعرف هالشي وأنا رضيت فيها لأن المدرسة كانت قريب البيت وكنت أروح وأرجع مشي.
فاللي يعرف لي مكان الله يجزاه خير يكون كسب فيني أجر أنا وعيالي لأني ماخليت مكان على الأنترنت إلا قدمت بس مافي أي رد والله يجزاكم خير.
