جبتها ياكتارا
العزا صار مثله مثل العرس بالضبط ، الفرق الوحيد انه بدون طقطقه ولا قلطه او شلات !!
لكن قهاوي ومداخن وعشيات وغديات خرفان وحيران
نعم ادري انه اكراما للضيوف المعزين , وممكن بعضهم متعني من بلاد بعيده
ولكن مهوب بالطريقه ذي الصراحه
اصلا التجمع في مكان مخصص لقبول العزاء ماله سنع ولا له ثوابت في السنه
ولا ادري وش اللي بيغير مفاهيمنا للقضاء على هالامر وكل الامور الدخيله على ديننا ومجتمعنا !
لكن السؤال اللي يطرح نفسه
لو صار عند شخص ما حالة وفاه ولا اقام عزاء او ما فتح مجلسه للمعزين
1- هل سيتم انتقاده ؟
2- بنسمع قولة سود الله وجهه !؟
3- تتوقعون ان الناس بتتفهم الوضع وبتأيده ؟
** خارج الموضوع قليلاً
من كم سنه كانوا الناس يبالغون جدا في اعراس الرجال وتوصل تكاليف خياليه ، اليوم تم كسر هذه المبالغات واكثر الناس تسوي عشى في المجلس او في بيت شعر كبير قدام البيت بدون اي اضافات ، قهوه وشاهي وعشى وبكرك صبي يامعرس
يعني الناس اقتنعت بالفكره وتم تطبيقها بالفعل ، فهل سيقتنعون بفكرة عدم إقامة العزاء !؟
