أكيد بيكون دراسة شاملة .
عرض للطباعة
هم لو مسوين طريقة فلوريدا الحديثة في محطاتها على الطرق السريعة أفضل بوايد .. حطيت لها صور جوية في السابق .. اللي تكون وسط الطريق بين الاتجاه الرايح والاتجاه الجاي .. ذاك تخطيط حديث يستوعب سيارات كثيرة لفترة مستقبلية طويلة والمحطات جزء من منشاءات كثيرة في هذا الحيز تخدم المسافرين .. صحيح ما عندنا مسافرين بس عندنا شاحنات يستوي لها طرق خاصة في هذي المحطات والاستراحات
غالبا تجد مساحة محطات وقود ضيقة جدا جدا و بتحس المحطة أصلا دخيلة على المكان اللي هي بنيت فيه و المقترح اللي تفضلت به يا صديقي العزيز يبيله مساحة واسعه جدا و تصميم
احد أصدقائي الأعزاء جدا في المنتدى قالي السر و هو ان أماكن بناء محطات وقود غير مهيئة لوجود محطات وقود يعني مثل ما قولت لك فوق انه المحطة دخيلة على المكان و هذا يفسر سبب سوء مداخل و مخارج محطات وقود لاغلب المحطات الموجوده حاليا و سلامتكم
ياما نبهناهم على موضوع توسعه المداخل والمخارج لكن بدون جدوى .. هم اساسا مستفيدين من موضوع الازدحام ... اي طلب او تصريح لبناء محطات جديده و دعم بحجه ان المحطات لاتكفي بحجه شوفوا الازدحام عندنا كيف .. فيعطونهم ...
من ناحية المواصفات الهندسية والأمان ما اتوقع يتوافق على هكذا تصميم والمحطات الحالية مداخلها ومخارجها تفتقد الأمان وقت حدوث حريق مثلاً .. كيف يمكن الابتعاد عن المنطقة وكلها حواجز خرسانية
الحل يكون لو سووها منبسطة بمحيط مفتوح بس مسارات مخططة وكاميرات مرورية تصور المخالفين ووقت الطواريء ممكن الخروج بدون اتباع المسارات