المشاركة الأصلية كتبت بواسطة عبدالرحمن
السلام عليكم ومساكم الله بالخير جميعا
ماعرف ليش كنسلو الموضوع السابق الي يحمل نفس الاسم
انا شخصيا كنت حاجز عدد من السيارت اللكزس والجي اكس من شركت عبدالغني وكنسلت وحولت على شركه عبداللطيف جميل المحدوده وقارنت الاسعار وحصلت فرق صراحه يستاهل الواحد يكنسل من شركه عبدالغني ولين الحين ماردو على وانا حاجز في نهايه شهر 7 يعني قبل 5 شهور وقلت لهم بدفع لكم مبلغ تحت الحساب قالو لا اذا ماجيت تاخذها في غيرك وايد بياخذونها وبيبعونها برا باعلى من قيمتها هذا كلام احد السيلز الي موجودين في الشركه
وابشركم المجتمع القطري صغير واذا قدرنا نفرض كلمتنا على الشركه غصبن عليه راح ينزل
امرريكا شركات السيارت عندها قربت تفلس وفي الي فعلان يمهد لاعلان افلاسه
وفي واروبا نفس ماقال شخص في هالمنتدى اذا زادو يورو هملو البضاعه واحنا يزيدزون بال50 الف ونقول عادي مع انه الي يقول عادي لاتحسبونه بطران ولا عنده خير لا ماعنده شي مسكين بس شيسوي كسلان يروح يبحث عن سلعه اجود وارخص
دعوها تعفن وتخيس وتصدي وتهلك هالشركه الجشعه الطماعه ولاحظو ناصر بن خالد والفردان نزلو اسعارهم عشان اليورو والحين الكس 6 تحت 300 الف قبل الخصم واخر شي اقول
لابارك الله في شخص ضر مسلمين واحتكر بضاعه
وقريب ان شالله بيطلع قانون يمنع الاحتكار ومافي شي اسمه وكاله سيارت ان شالله الاخوان في وزاره الاقتصاد يتفاعلون مع منظمه التجاره العالميه wtoوينفذون بنود اتفاقيه العوائق التجاريه
tecnical barries of trade
لانه اذا ماتفاعلت دوله قطر الحبيبه مع هذا القانون راح تكنسل عضويتها من المنظمه دايركت ان شالله الاخوان يصحون من نومهم وينتبهون حق هذا الشي
الاتفاقيه من اهدفها الغاء شي اسمه احتكار لكل اعضاء المنظمه وقطر عضو فعال هناك لكن الظاهر انه وكالاء السيارات عندنا اقوى من الوزراه وطز في مصلحه قطر في منظمه التجاره سواء تجمدت ولا مشت اهم شي فلوسهم ونسو انه سمعه قطر فوق كل اعتبار وتجارتك اذا انت ماشي صح ليش تخاف السوق بيكون مفتوح
وسلامتكم