ما شاء الله
شغل حلو ومرتب
كم كلفك الشغل كامل ؟
عرض للطباعة
ما شاء الله
شغل حلو ومرتب
كم كلفك الشغل كامل ؟
نواصل مع بعض الصور والشرح
وهذي صورة حق مدخل يكرم القاريء حمام المسبح، وهو مساحته محدوده للغاية بسبب وجود غرفة المعدات وراه، وزراعة ما حبيت أشيلها، وصفيت على مساحة صافية للشاور اللي سويت معاه بخار مدمج تقريباً 1.1 متر في 1.4 متر، ورفعته درجة مثل ما بيبين في الصور الجاية وركبت له باب يو بي في سي، وسقف فايبر كلف 5000 ريال مع ان اللي سواه قال انه واصل 3500 بس الشركة تاخذ كومشن مني، والشور تريي خذته 90 في 90.
لكن بسبب صغر الشاور كان البخار حار وقوي مع إنه متدرج لين 120 درجة لكن حدي إستحملت 60 درجة وبصعوبة وفي الغالب أشغله على 50 بس، وإحتديت أحط الخشبة اللي واضحة تحت والكاس البلاستك علشان ما يحرق البخار المباشر رجل حد.
وبالنسبة للكرسي سويته من قطعة بلاط وحده 90 في 45 مع إضافة قطعة جنبها 20 سم حتى أكمل ال 1.1 عرض، وصارت جلسة الكرسي مريحة خصوصاً إن قاعدته مايله للداخل بميلان ساق الواحد يعني يجلس ورجله محنية صوب الداخل وهو مرتاح، فخليت القاعدة بعرض 30 سم تحت وفوق مكان الجلوس يزيد شوي عن 45 سم، وسويت كسره بعمق 10 سم في الحايط حق عدة التنظيف والصابون.
وأترككم مع الصور
http://im18.gulfup.com/2012-05-16/1337147658712.jpg
وهنا يبين واضح المدخل ومقابلته المغسلة وعلى اليمين الدبليوسي واليسار الشاور، وصراحه غامرت كثير في هالحمام فسويته على بلاط أرضية الحوش بدون اساسات، والحايط اللي فيه الباب إرتفاعه يوصل 5 متر لأن جزء كبير في الأرض مدفون وبدون أساساس كلش.
http://im14.gulfup.com/2012-05-16/1337147968861.jpg
وهذي الصورة توضح داخل الشاور وتبين الكسرة أو الروشنه اللي في الحايط، واللي أتمنى كل واحد بيبني حمام جديد أو يعدل على موجود يسويها لأنها مريحة وسهلة الإستعمال.
والجاية صورة توضح نقطة دخول البخار واللي اضطريت أحط الدلو البلاستيك كحماية يدخل فيه البخار ويطلع فوق بدال ما يحرق رجل أي شخص.
http://im28.gulfup.com/2012-05-16/133714818551.jpg
وهذا سقف الشاور لازم يكون مقوس حتى ما يقطر البخار عشوائي، وينزل على الجوانب، والإنارة هذي هي نوعية الال اي دي LED وهذي فيه منها كبار بعد لداخل الحوض تكلف شوي أكثر بس إضاءَتها روعة وتعيش شكل ما سمعت 15 سنة، مثل إضاءَة السيارات الجديدة اللي تنور حتى في النهار.
http://im19.gulfup.com/2012-05-16/1337162708281.jpg
وهنيه واضح مدخل بايب الماي اللي حق تعبئة المسبح، ويحتاج الواحد يغير هذا الماي كل سنتين مرة، والبايب مار تحت كرسي شاور البخار ورايح إلى مسافة 40 متر تقريباً لخارج السور جهة الشارع، ومغطى بغطاء خاص، وهنا غطيناه بكيس نايلون مربوط عن دخول المرعب بو 6 ريول اللي يخافون منه بنات العالم، وينشبك معاه هوز يدخل الماي للحوض بسهولة.
http://im29.gulfup.com/2012-05-16/1337148813361.jpg
http://im16.gulfup.com/2012-05-16/1337149171241.jpg
زاوية ثانية للمسبح
http://im14.gulfup.com/2012-05-16/133714927591.jpg
نفس الزاوية بس من فوق، والسقف فيه بلاستك مزدوج أزرق يعطي إحساس بوجود غيم وظلال خفيف، سعره 800 ريال لطول 5.8 متر في عرض مترين.
http://im13.gulfup.com/2012-05-16/1337149365661.jpg
وهذي صورة توضح السقف ومروحة شفط من ثنتين لازم يشتغلون خصوصاً وقت الشتاء لإشتغال السخان وتكثف البخار على السقف لبرودة الحديد، ونصيحة لأي واحد خاطره يسوي مسبح مغلق إنه يسوي حماية للحديد من الصدأ .. انا مفكر فيها بس عقدتني الأسعار.
http://im14.gulfup.com/2012-05-16/1337149644881.jpg
وهذي مراية ومعاها اللي تبين بشكل ملتف 45 درجة اللي يسمونها قلاس بلوك أو الطابوق الزجاجي للي سئلوني عن هذا النوع، وهذي كانت زايده عندي من زمان واستخدمتها هنيه، ولو شفتوا بلاط تكرمون الحمام والشاور كله كان قديم مرمي جنب الزراعة واستخدمته، على ما اذكر تدمر معطيني اياه زيادة على كميات شريتها.
http://im14.gulfup.com/2012-05-16/1337164079961.jpg
وبنواصل بالباقي ان شاء الله وقت ثاني
ما شاء الله شغل مرتب والله يهنيكم فيه
بعد اذن صاحب الموضوع عندي منطقه محصوره بين البيت والملحق وجدار الحوش بقياس
8*5 من الجدارالى الجدارومحفوره من الاول هل بتكون مناسبه لعمل حمام سباحه وكم لازم يكون العمق خاصه مع وجود اطفال وكم ممكن تكلف اذاعملتها مسكره
مساحة 8 في 5 طبعاً بتشيل منها إرتداد بين الحايط وحايط المسبح، يعني ممكن تصفي لك على صافي مساحة للمسبح حول 6 في 4 أو حتى 3 ونص حسب كل شركة ... لكن شوف لو بتاخذ من ريجنسي والنظام اللي ما يحتاج غرفة معدات والفلتر والليت والدرج يجون مع بعض أتوقع اقدر تخلي الحوض ملاصق للحايط، فتخليه أقرب ما يمكن للزاوية، وتوفر باقي المساحة للجلوس، وعندك البلاستك الأزرق اللي شفته ألواحه طويله تغطي مساحة مسبحكم كاملة وبتكون حلوه بس لو تحصل حد يسوي سقف المنيوم بسعر زين ... ممكن حتى توصل صافي مساحة حوض ريجنسي عندك إلى 4 في 7 بس بتحتاج مساحة جلوس ولازم تضحي بمساحة المسبح، 3 أو 3.5 في 6 بتكون زينه، وبالتوفيق لك.
الله ايبارك لكم انشا الله الله يعطيك خيرها ويكفيك من شرها
اخي الحبيب ما رأيك بهذه الفكرة هل عليها ملاحظات من وجهة نظرك
طريقة ممتعه لعمل مساحة مائية فى حديقتك نفذيها بنفسك
من أهم الأشياء التي تضفي لمسة جمال وفخامة على الحدائق هي استخدام مصادر المياه الصناعية كالبرك و الشلالات التي تحدث تناغما جميلا ًمع النباتات والأشجار المحيطة, وأمتع وسيلة لتحقيق ذلك هي أن تصنعيها بنفسك.
خطوات العمل
حدد الشكل الذي تريده للبركة ( بيضاوي – مربع – غير منتظم ) وذلك بواسطة حبل على الأرض والأفضل أن تكون مساحتها واسعة عرضها.
http://www.lakii.com/img/all/Jun08/SOuKgi06131510.gif
نقوم بتحديد المكان المراد للتنفيذ
http://www.lakii.com/img/all/Jun08/jrOBUc06131510.gif
ثم نضع الحبال حسب الشكل الذي نريده
http://www.lakii.com/img/all/Jun08/jH56oH06131459.gif
نحضر اطنان من الحجر والصخور قبل البدء فى العمل
http://www.lakii.com/img/all/Jun08/RLu9XB06131458.gif
نبدأ بالحفر بحيث يكون عمق الحفرة أكبر في الوسط ( أي متدرجة الارتفاع والوسط أعمق منطقة تقريبا عمقها من متر ونصف إلى مترين )
http://www.lakii.com/img/all/Jun08/907If806131458.gif
http://www.lakii.com/img/all/Jun08/jH56oH06131459.gif
بعد الانتهاء من الحفر تغطى الحفرة من الداخل بالكامل بشراع أزرق ( كالذي يوضع على الخيام للحماية من المطر ) مع ترك مسافة نصف متر تقريبا زائد حول البرك
http://www.lakii.com/img/all/Jun08/1qogET06131459.gif
حول أطراف البركة من الخارج يرتب حصى بشكل متناسق ( حصى كبير ومفروش ) ويوزع بينها الأحجار الصغيرة الملساء في نواحي متفرقة
http://www.lakii.com/img/all/Jun08/RywpD206131500.gif
http://www.lakii.com/img/all/Jun08/smeTyR06131501.gif
ملحوظة
يمكن وضع مضخة صغيرة للمياه في الوسط وتمدد أسلاكها بشكل جيد ، ثم يوضع أيضا فلتر للمياه على جانب من جوانب البركة وتمدد أسلاكه أيضا بشكل جيد وآمن تغطية الأجزاء الزائدة للشراع بمسطحات العشب ( نجيلة ) حتى لا يظهر منها شيء تعبأ بالماء و منظرها جدا رائع وصوت جريان المياه فيها جميل.
http://www.lakii.com/img/all/Jun08/hHwgmB06131502.gif
وزعي حولها بعض النباتات ويرمى داخلها أوراق الزنبق والورود
http://www.lakii.com/img/all/Jun08/nSGrG406131503.gif
شكل اخر لبركة دائرية