ماقصرت اخوي بولينجر .. بس سؤال ..
اذا بشتري ساعه او شنطه .. ماقدر اضمن انها اصليه صح ؟ ؟ ؟:telephone:
عرض للطباعة
ماقصرت اخوي بولينجر .. بس سؤال ..
اذا بشتري ساعه او شنطه .. ماقدر اضمن انها اصليه صح ؟ ؟ ؟:telephone:
:nice::nice::nice:
كفيت ووفيت
كفيت وووفيت طال عمرك على الموضوع وعلى الشرح
طلع لي لازم احط رقم الكردت كارد :(
واذا حطيت الرقم يطلع لي غلط
اخي ماهي البطاقه التي اقدر اضع فيها مبلغ واشتري بها من هذه الموقع وكم يوم وتوصل البضاعه وهل اقدر اشتري اي شي مثل رول بلاستيك نسيت اسمه يوضع على وجه السياره من العج واين اقدر اخذ البطاقه وجزاك الله خير
اخوي اي بطاقة فيزا او ماستر كارد من البنك تصلح...
كذلك توجد بطاقة المجموعة.... تطلعها بطتقة ماستر كارد من المجموعة وتعبيها رصيد عندهم وتشتري.... اشوفها اضمن....
لما تطلع البطاقة تسجل بها في موقع الباي بال... وشرحه في توقيعي....
او ممكن اذا البائع يسمح بخيار الدفع المباشر من البطاقة انك تدفع له بها بدون استخدام الباي بال... ولو ان الباي بال اضمن.....
فترة وصول البضاعة تختلف من بائع لآخر.... وبتلاقيه مكتوب في التفاصيل....
بالنسبة لشراء اي شي.... طبعا في حدود... هناك ممنوعات من الجمارك مثل الاسلحة والاسلحة البيضاء والعملات والمواد الاباحية وغيرها من الممنوعات.... شي عادي مافي مشكلة.... اي شي تتوقع انه يجيبونه التجار للدوحة تقدر تشتريه..... واظن اللي ذكرته عادي تشتريه.....
البطاقة الله يسلمك مثل ما قلت لك في البداية تاخذها اما من البنك او المجموعة.... وتقدر تسألهم عن المطلوب منك لاستخراجها....
وشكرا لك على المرور الكريم....
اخوي الموقع عربي والا شنو يعني
لاني ماعرف انجليزي وابي ادخل ضروري
اخوي ممكن ايميلك لو مافي كلافه عالخاص
والله يبيض وجهك وماقصرت يالغالي
بالتوفيق
انا من الناس الي من ٣ سنوات اتعامل مع ebay , وموقع مايعلا علية واي بائع في امريكا او كندا او اروبا اشتري منة وانا متطمن من مصداقيتة مايغشون وكم مرة شريت اشياء وغالية ومنى الخطى واردها عليهم بحجة ماعجبتني ويستقبلونها بصدر رحب وبي بال فية موصفين مايعلا عليهم على مدار الساعة متواصلين معاك واي بضاعة فية غش يتم الغاءها وارسال على بريدك تنبية بذالك
الله يعطيك الصحة والعافية على هالموضوع اخوي بولينجر
اخوي اشلون افتح بريد امريكي ؟؟
السلام عليكم ورحمو الله وبركاته
حبيت ا ادخل واسجل اعجابي بالشرح الوافي الكافي
والله يجزيك خير على هذا الموضوع يخوي العزيز بولينجر
http://store1.up-00.com/xafiles/QxW39571.gif
جزاك الله خير
جزاك الله خير اخوي بولينجر
صرت من زباين مواضيعك واطبق كل واحد فيهم :)
اشتركت بالموقع ومن اكثر من ساعتين وما جاتني رسالة تأكيد على البريد
طلبت رسالة اخرى وبعد نفس الشيء
انا متأكد ان ايميلي صحيح والرسالة ما جات في مجلد junk او spam..
بانتظر اشوف اخرتها
يعطيك العافيه اخوي بولينجر
سبحان الله صارلي فتره احاول اشتري من الموقع ومب عارفه شو المشكله الحين فهمت من شرحك الوافي اخي الكريم جزاك الله خير وفي ميزان حسناتك وبطبق الي شرحته واذا واجهتني مشكله برد اسالك
جزاك الله خير
لحد ربع ساعة بس ما وصلتني أي رسالة من الايباي
جربت اعادة ارسال الرسالة مرتين وما وصل شيء مع اني تأكدت من مجلدات الـ SPAM وال JUNK ببريدي
بعد اربع طلبات لاعادة ارسال تذكير بمعرفي وصلتني رسالة بالمعرف .. وهذا يعني ان نظامهم شغال !!
طبعا ما اقدر ادخل حسابي لاني ما اكملت التسجيل ووضع الكود اللي ماهو راضي يوصلني :(
بعثت طلبين لارسال تأكيد الكود .. وما وصل شيء
بعد الطلب الثالث وبحمد الله وصلتني الرسالة بكود التسجيل وكملت التسجيل :nice:
ما اعرف وش صار بطلباتي كلها لكن الاهم والحمد لله اني اكملت التسجيل
الفلم هذا شرحته بالكامل حتى يستفيد الاعضاء من تجربتي ولا ييأسون وانصحهم بتكرار الطلب مرات لين توصل الرسالة
ملاحظة بخصوص الشرح :
Postal Code تعني الرمز البريدي للمنطقة وليس صندوق البريد واحنا بقطر ما عندنا رمز بريدي للمنطقة....
واعتقد الافضل تركه خاليا او وضع N/A ويعني لا ينطبق علينا
شكرا لك اخي بولينجر
هلا اخوي بو فيصل.....
مبروك تفعيل حسابك في الاي باي..... يظهر ان طلب التسجيل والتفعيل يبي له شوية (حنه)... الحمد لله ان مشى الحال.....
بالنسبة للرمز البريدي اعرف انه نظام مختلف لكن احيانا في مواقع الشراء لا يقبل الا انك تملي كل الفراغات بالبيانات.... ولا يضر ان تضع مكان الرمز البريدي صندوق البريد.... هذا عن تجربة في عالم التسوق النتي....:)
مرحبا أخ بولينجر ................ مساعدة الله يخليك
البضاعة توصلني على البريد العام ........ ولا أفتح الحساب مع الأرامكس
من ناحية تفهم البايع على العنوان شلون بالضبط ............ ومتى توصل البضاعة
هلا اخوي.....
اقصد مع ارامكس خدمة shop & ship او مع اي شركة شحن لديها خدمات مماثلة......
اثناء انجاز الطلب تلاقي تحت مكتوب send message للبائع اكتب له تبي اي عنوان بالضبط.... هذا الكلام كان قديم اما الحين تقدر تختار عنوان الشحن من العناوين اللي تكون مخزنها في الموقع من قبل.....
البضاعة توصل حسب الشحن من البائع لعنوانك في امريكا ثم يشحنون لك من وقت الاستلام خلال 3-5 ايام الى قطر....
وشكرا على المرور الكريم....
اخوي استفسار
مثلا انا اشوف البائع يكتب كل البلدان مثلا الشحن بلاش
هل هو بيشحن عن طريق البريد العادي ولا الشحن ارامكس
انا ماعندي حساب بارامكس
هل بيوصلني عن طريق البريد العام الي انا كاتب العنوان فيه او عن طريق شحن
شكرا لك
انا ماعندي
بلأضافة الى كلام أخوي المسافر .......... هل رسوم الشحن بتكون بطريقة مزدوجة.......
يعني رسوم شحن من موقع أي بي ........ ورسوم شحن بالوزن من الأرامكس .............
وفتح حساب ship & shop ممكن عن طريق موقعهم وممكن عن طريق زيارة مكتبهم
بس لو في طريقة شرح لفتح عنوان عن طريق الأرامكس وهي الوحيدة حاليا من باقي شركات
الشحن .
هلا اخوي...
اذا كاتب الشحن free worldwide shipping بيكون الشحن مجانا بالفعل.... ومافي داعي للشحن في هذه الحالة بارامكس.... وبيوصلك مجانا بالبريد الممتاز اغلب الحالات (خدمة من خدمات البريد العام)..... واذا شحنوه باي خدمة اخرى ماراح تدفع شي.....
اما اذا كاتب الشحن مجانا داخل امريكا.... يفضل تشحنه بارامكس.... لانه بيوصل مجانا لعنوانك الامريكي في ارامكس ثم تتكلف فقط شحنه من امريكا للدوحة....
هلا اخوي.....
اذا الشحن بفلوس ضمن امريكا بتدفعه ثم تدفع شحنه من امريكا للدوحة عن طريق ارامكس....
اما اذا الشحن مجانا ضمن امريكا بتدفع بس شحنه بارامكس.....
تقدر تسجل في ارامكس عن طريق موقعهم
http://www.aramex.com/shopandship/agreement.aspx
او كلمهم بالتليفون 44506611
واي سؤال انا حاضر ان شاء الله.....