العقار في نزول فلا تستعجل بالشراء ؟

تسلم اخوي قناص على هذه الاخبار

ومبروك عليك اللقب:)

الانخفاض عالمي والازمه ماخلت أحد في حال وقطر غير مستثناه وبشوية صبر الامور بتكون ممتازة للجميع بأذن الله

دراسة: تراجع مبيعات الوحدات السكنية في قطر بشكل حاد بسبب إحجام البنوك القطرية عن تقديم قروض شراء الوحدات السكنية الجديدة.. وأسعار الإيجارات تحافظ على استقرارها
أرقام 22/04/2009
قالت دراسة صادرة مؤخراً إن حجم مبيعات الوحدات السكنية تراجع بشكل حاد في قطر مع عدم استعداد البنوك القطرية في تقديم التمويل لشراء الوحدات السكنية الجديدة.

وأضافت الدراسة الصادرة عن مؤسسة "كوليرز إنترناشنال" (Colliers International)، حسبما أوردت نشرة "ميد"، أنه رغم تراجع المبيعات في الوحدات السكنية الجديدة إلا أن أسعار إيجار الفلل والشقق حافظت على استقرارها عكس ما هو حاصل في بقية البلدان الخليجية.

ومع ذلك أشارت الدراسة إلى أن تنامي عرض الوحدات السكنية قد يفرض مزيدا من الضغوط على المبيعات وعلى أسعار الإيجارات على حد سواء في المستقبل مضيفة أنه من المتوقع أن تشهد العاصمة القطرية استكمال 9 آلاف وحدة سكنية بنهاية عام 2010.

وكانت دراسة مماثلة من مؤسسة "كوليرز" أشارت مؤخرا إلى أن أسعار الوحدات العقارية في دبي قد تراجعت بنسبة تصل إلى 42% في غضون الأشهر الستة الماضية بل مرشحة لمزيد من التراجع مع استكمال تنفيذ وحدات سكنية جديدة.





http://www.argaam.com/Portal/Content...ticleid=104183

السلام عليكم

هل الوقت مناسب الان للشراء او الانتظار

اعتقد ان الاسعار الحالية .........هي الاسعار الحقيقية لاسعار العقارات ولو بنزول طفيف او طلوع طفيف

وان الاسعار السابقة ليست حقيقية........؟

حتى العقار في الفترة السابقة لم يسلم من المضاربات

بالعكس موسم جيد للشراء

أود أن أدلو بدلوي في هذا الموضوع, فعلاً كان هناك وأسباب عالميه وراء أنخفاض العقارات فالعالم أجمع في الفتره السابقه.
لكن الآن تغيرت الأمور وتحولت الأوضاع للأفضل أنشالله فأمريكا نتايجها جداً إيجابيه وبيانات بيع المنازل فأمريكا ممتازه, والبورصه الأمريكيه الي هي سبب الأزمه في أخضرار مستمر, أغلب بيوت المال والتحليل العالميه تتوقع نهايه الأزمه مع الربع الأخير من هذا العام وبدايه تحسن الأقتصاد العالمي أبتداءاً من الربع الأول من 2010.
أعتقد أنه هالمعطيات هي الي يجب أن تحدد وجهه المُستثمرين وراغبين السكن وليس القيل والقال الي شفنا نتايجه الواضحه فالسنين الأخيره.

اقتباس:

---

المشاركة الأصلية كتبت بواسطة قناص الاسهم

السلام عليكم ورحمة الله وبركاته ..
اليوم بعد صلاة العصر .. كان عندي مشوار لمدينة الخور .. وشفت العجب العجاب .. فعلا هذا اقل وصف اقدر اقوله في الي شفته .. انه العجب العجاب .

فلل بالعشرات ان لم تكن بالمئات .. ومنها من تشطيبه تجاري أي كلام .. ومنها من تشطيبها سوبر ديلوكس .. وكلهم معروضين إما للبيع أو للأيجار .. والصدمة عندما اتصلت بأحد المكاتب المسؤوله عن بيع بعض الفلل ..

انا : السلام عليكم
راعي المكتب : عليكم السلام
انا : ياخوي انتوا عارضين فلل في الخور للايجار وللبيع .. حبيت اعرف الاسعار من فضلك !
راعي المكتب : يا هلا ويا مسهلا .. شرفني اتصالك اخوي .. العشى مستوي عندي الليله .. من زماااااان ما سمعت حد يسألني هالسؤال يالغالي ( شوي ويصيح ) :weeping: ( اتغشمر طبعا )
قال لي: الفيلا الي مساحتها 550 متر مربع وفيها 7 غرف نوم وملاحقها الداخلية والخارجية معروضة للايجار بـ 7000 ريال .. وجديدة ولم يسكنها أحد بعد .
والفيلا المعروضه للبيع وبنفس المساحه او أقل قليلا معروضه للبيع بمليون و100 الف ريال ( وقابل )
انا : ياخي ما تلاحظ الاسعار نزلت عن اول ؟؟ ليش هالنزول ؟
راعي المكتب : بيني وبينك .. لو تستنى كمان 4 شهور بتنزل زيادة .. بس لا تقول لاحد .

الخلاصة

:
الي يفكر يشتري بيت .. او ارض .. او اي عقار آخر اقول له :
لا تستعجل .. انتظر حتى نهاية شهر 8 او 9 .. وبتلاقي سعر افضل بكثير من الوقت الحالي .. وبأنتظارك بتكون ضربت 3 خرفان بحجر واحد .

الخروف الاول : الاسعار بتنزل أكثر وأكثر وبتلاقي الي تبيه وبالمواصفات الي ترضيك بسعر اقل طبعا .
الخروف الثاني : بيكون عدد العقارات المعروضه ضعف العدد الحالي .. وذلك بسبب مطالبة البنوك اصحاب المجمعات والعقارات الكبير بتسديد المبالغ الي عليهم وبالتالي بيكون العرض اكثر واكبر .. وخصوصا الايجار .. وبتلاقي صاحب العقار يوفر لك كل المستلزمات المطلوبة .. بس دخيل الله تعال أجر من عنده وطلعه من الورطه الي هو فيها .. بيفور لك : انترنت .. تلفون .. مكيفات .. ستائر .. موكيت .. الخ الخ الخ .. ولا تستبعد يقول لك الخدامة علي بعد :eek5:
الخروف الاخير ( وهذا من النوع الهرفي ) : راح تخلي سيولتك في ازدياد من الان وحتى شهر 9 او 10 واذا كنت من ملاك الاسهم في السوق .. راح تستفيد من موجة الارتفاعات الحاصلة الان في كل الاسواق .. وبتقدر تبيع بسعر افضل من سعر اليوم .. وتخفف على نفسك المبلغ الاجمالي الي بتدفعه من جيبك الخاص .

اخواني .. خواتي .. الي يفكر فيكم ببيت العمر .. والي يفكر منكم بشراء بيت يسكنه ويحر عليه اخر الشهر من غير ما يدفع ريال واحد ايجار .. والي يفكر منكم يكشخ ويزين بيت يكون ملكه وما يكون ملك للغير .. خل يكون شعاره الموجه للعقارات الان :

خلوها فاضية

وسلامتكم
:)

---

:nice:

شباب ممكن حد يحدث لنا الاسعار ؟

الاسعار في تدهور وخذوها من داش عرض .. معليكم من التجار او اي حد يسوي نفسه خبير ويقول الاسعار بترجع ...... الوضع متدهور في داخل الجهات الدولة من شركات وغيرها هذا وراء الكواليس اما امام الكواليس فالكلام ملمع عشان يكون في زباين يشترون من الكعكعة اللي حمضت وصار طعمها مب حلو من بعد ماكان مايبقى منها شي .. وانتوا تدرون الباير كل يوم يبور وكل يوم ينزل سعره غصبا عن البايع ..

بس انتوا شفتوا بايع يقول قدام الزبون انه بضاعتي بايره ومحد يشتريها ؟ والا يمثل ان مافي ستوك والكل يشتري .. عشان مايشرد الزبون ...

سمعنا كلام عن ارتداد طفيف والله العالم

داش عرض ممكن توضيح شوي

لأني اشوف الأراضي ارتفعت شوي والطلب زاد عليها؟

اقتباس:

---

المشاركة الأصلية كتبت بواسطة بوحارب

سمعنا كلام عن ارتداد طفيف والله العالم

داش عرض ممكن توضيح شوي

لأني اشوف الأراضي ارتفعت شوي والطلب زاد عليها؟

---

الموضوع مايبغي له توضيحات يا ابوحارب .. ممكن اعرف وين ارتفعت الاراضي؟ الفلوس بححح الناس ماعندها سيولة والدولة قاعدة تراجع مشاريعها الضخمة وبدال ماتتنفذ على سنتين او ثلاث او اربع في اعادة جدولة لها الى خمس وست وسبع سنوات يعني تأجيل لبعض المشاريع وليس توقيف ..

المشاريع اللي بيتم تنفيذها تكفي عشرات الالوف من السكان ان لم يكن مئات الالوف .. روضة الحمام تم فك الحصار عنها وهناك امكانية للحصول على رخص البناء والبدء بالبناء فيها .. هناك انخفاض في النمو الاقتصادي .. هناك دمج للشركات الكبرى ... هناك اضمحلال للشركات الصغيرة .. هناك وهناك .. تبغي زود :omen2:

اقتباس:

---

المشاركة الأصلية كتبت بواسطة داش عرض

الموضوع مايبغي له توضيحات يا ابوحارب .. ممكن اعرف وين ارتفعت الاراضي؟ الفلوس بححح الناس ماعندها سيولة والدولة قاعدة تراجع مشاريعها الضخمة وبدال ماتتنفذ على سنتين او ثلاث او اربع في اعادة جدولة لها الى خمس وست وسبع سنوات يعني تأجيل لبعض المشاريع وليس توقيف ..

المشاريع اللي بيتم تنفيذها تكفي عشرات الالوف من السكان ان لم يكن مئات الالوف .. روضة الحمام تم فك الحصار عنها وهناك امكانية للحصول على رخص البناء والبدء بالبناء فيها .. هناك انخفاض في النمو الاقتصادي .. هناك دمج للشركات الكبرى ... هناك اضمحلال للشركات الصغيرة .. هناك وهناك .. تبغي زود :omen2:

---

لا لا يكفي

تسلم على التوضيح :victory:

والله ودي الاراضي تطيح عشان اشتري لي ارض او فله صغيرة بسعر معقول.

لكن والله ساعات افكر بالناس المساكين مثلنا الي تعلقو بأسعار فوق الخيال وقول حراام اتمنى هالامنيه الي فيها ضرر كبير لناس منهم منا وفينا..

عسى الله يجيب الي فيه الخير للكل

اقتباس:

---

المشاركة الأصلية كتبت بواسطة بوحارب

سمعنا كلام عن ارتداد طفيف والله العالم

داش عرض ممكن توضيح شوي

لأني اشوف الأراضي ارتفعت شوي والطلب زاد عليها؟

---

صج كلامك اخوي بو حارب فيه اراضي ارتفعت شوي من 10 ريال لين 30 في المناطق الشماليه مثل الخيسه والنعيم وام صلال جنها مضاربات قوية بس رجع السعر الطلب يخف شوي

الله يسمع منك

السلام عليكم

بصراحة موضوع وكلام يشرح الصدر

بس الله يجيب الي فيه الخير ان شاء الله

واحنا صابرين لين تنزل الاسعار بشكل معقول

ويعطيكم العافية

عسى الله يجيب الي فيه الخير للكل

صدقوني أسعار الأراضي كلما لها وترتفع عندي أربع أراضي بعت وحدة منهم محتاجة ومن عرضتها والمكاتب ذبحه عليها كل يوم حد يرفع لي سعر وظليت معاهم لين جاني السعر اللي ابيه من 125 للفوت لين 160 في خلال اسبوع وكاش وفي يوم واحد والحين قاعدين يرفعون السعر عشان أبيع وكل مكتب يغريني بزيادة وكله يقولون لي المشتري بيدفع كاش ومن بكرة في السجل العقاري

الدولار والريال مربوط فيه في النازل والتضخم اعتقد قادم

ستتضح الرؤيه اخر السنه

اقتباس:

---

المشاركة الأصلية كتبت بواسطة منتهى الحكمة

صدقوني أسعار الأراضي كلما لها وترتفع عندي أربع أراضي بعت وحدة منهم محتاجة ومن عرضتها والمكاتب ذبحه عليها كل يوم حد يرفع لي سعر وظليت معاهم لين جاني السعر اللي ابيه من 125 للفوت لين 160 في خلال اسبوع وكاش وفي يوم واحد والحين قاعدين يرفعون السعر عشان أبيع وكل مكتب يغريني بزيادة وكله يقولون لي المشتري بيدفع كاش ومن بكرة في السجل العقاري

---

ذبحة !!! هههههههههه ماظن عندي صديق دلال يقول لي احنا نكش ذبان هالايام

وروحي مري على السجل التجاري شوفي شلون اذا في حركة صج والا خرطي

اتوقع نزول 30بالمئه

اقتباس:

---

المشاركة الأصلية كتبت بواسطة تميم بن خالد

اتوقع نزول 30بالمئه

---

يعني متة النزول الصيف ماانزلت متة بتنزل

اقتباس:

---

المشاركة الأصلية كتبت بواسطة منتهى الحكمة

صدقوني أسعار الأراضي كلما لها وترتفع عندي أربع أراضي بعت وحدة منهم محتاجة ومن عرضتها والمكاتب ذبحه عليها كل يوم حد يرفع لي سعر وظليت معاهم لين جاني السعر اللي ابيه من 125 للفوت لين 160 في خلال اسبوع وكاش وفي يوم واحد والحين قاعدين يرفعون السعر عشان أبيع وكل مكتب يغريني بزيادة وكله يقولون لي المشتري بيدفع كاش ومن بكرة في السجل العقاري

---

كلامج 100 %

أم عبيريه رجع الفوت فيها لين 80 و 90

من فترة انا كنت طالب قطعة ارض و كنت اكلم الدلالوه 10 مرات في اليوم و كلهم معطيني الطناشة بس من ااسبوعين كلمتهم مرة ثانية قلت يمكن احصل عندهم قطعة ارض والله ما تصدقون تسندرت من كثر اتصالاتهم قطعة الارض تلف ما بينهم و الكل يقول الارض عندي و تعال بخلصك غير انه يرفع السعر بس صدقوني هاي من قلة الزباين:) مافي شرايين و لين مايحصلون واحد جاد والله انه يلاحقونه ملاحق لين ما يزهق:nice:

الله يسمع منكم وينزل سعر العقار

ويعطيك العافية اخوي سوق واقف

يا جماعة الخير الله يصبحكم بالخير ..

يا اخوان كل ما اشوف فلل الدلالين مثبتين ع 1.800.000 في كل مكان سواء من معيذر للوكرة وانا محتار ابي المشورة ..؟؟؟

شوركم الاسعار بتثبت ولا ايشلون ..؟؟

تراني باخذ قرض عقاري من البنك اذا نويت ع هالسعر ..

دلوووووووووووني

للرفع

اخوى أبى أربح لا تستعجل بتحصل فيلا بسعر اللي تبيه حنا مو ناقصين ديون اصبر وبالتوفيق ان شاء الله

العقار ممكن يرتفع بعد رمضان ولاسباب

نزول الدولار = تضخم في الدول المروبطه في الدولار

ثانيا اسعار سلعه الحديد في سوق السلع ارتفعت من 93 دولار لطن الى حوالي 113 دولار

بسبب زياده الطلب الصيني وستتبعه اسواق اخرى بدا فيها الانتعاش

ثالثا صعود اسعار النفط المتوقعه وزياده الانفاق الحكومي في جميع القطاعات

رابعا ارتفاع الاسواق العالميه ومتوقع سوقنا واذا وصلل الى قمم سيتبع جني ارباح

ونتقال السيوله الى المضاربه في العقار

والله اعلم

الناس أستغلت الهبوط اللي صار وانتوا للحين تناقشون متى بينزل العقاار ؟

5000 أسم نزلهم بنك التنميه ,,, يا تبني يا تشتري جاهز والكل منهم مترصد السعر المناسب سواء لأرض أو لعقار جاهز ,, يعني مع الوقت سيبدأ المعروض بالتناقص

نصيحه يا أخواني ... اللي يبي يبني بيت له ولعياله لاينتظر المستقبل ويتوكل على الله مابتفرق 5 او 10 ريال للفوت أو 100 او 200 الف زياده لسعر فيلا اذا كان بناءها غير تجاري

أما اللي وده يبيع ويشتري ويربح ,, فهذا موضوع ثااني

عن نفسي أتوقع كل شي بيرتفع ولكن بوتيره أقل من السابق سواء للعقار او للأراضي

اقتباس:

---

المشاركة الأصلية كتبت بواسطة المزن الرياني

الناس أستغلت الهبوط اللي صار وانتوا للحين تناقشون متى بينزل العقاار ؟

5000 أسم نزلهم بنك التنميه ,,, يا تبني يا تشتري جاهز والكل منهم مترصد السعر المناسب سواء لأرض أو لعقار جاهز ,, يعني مع الوقت سيبدأ المعروض بالتناقص

نصيحه يا أخواني ... اللي يبي يبني بيت له ولعياله لاينتظر المستقبل ويتوكل على الله مابتفرق 5 او 10 ريال للفوت أو 100 او 200 الف زياده لسعر فيلا اذا كان بناءها غير تجاري

أما اللي وده يبيع ويشتري ويربح ,, فهذا موضوع ثااني

عن نفسي أتوقع كل شي بيرتفع ولكن بوتيره أقل من السابق سواء للعقار او للأراضي

---

بس بنك التنميه له شروط في شراء المسكن

اعتقد ان لاتقل عن800 متر خارج الدوحه وان تكون على حسب المواصفات لديهم

اعتقد ممكن احد يفيدنا من الشباب ..

اقتباس:

---

المشاركة الأصلية كتبت بواسطة jorri

اخوي سوق واقف يعني 800 الف بتجيب لي فيلا دورين / 450 م_500 م / في شهر 8 _ الله يسمع منك انشاألله ..

---

بتجيبلك ان شاء الله في بمبي .. :nice: لا تزعل مني


والله سوق واقف اني احبك .. :nice:

اقتباس:

---

المشاركة الأصلية كتبت بواسطة المزن الرياني

الناس أستغلت الهبوط اللي صار وانتوا للحين تناقشون متى بينزل العقاار ؟

5000 أسم نزلهم بنك التنميه ,,, يا تبني يا تشتري جاهز والكل منهم مترصد السعر المناسب سواء لأرض أو لعقار جاهز ,, يعني مع الوقت سيبدأ المعروض بالتناقص

نصيحه يا أخواني ... اللي يبي يبني بيت له ولعياله لاينتظر المستقبل ويتوكل على الله مابتفرق 5 او 10 ريال للفوت أو 100 او 200 الف زياده لسعر فيلا اذا كان بناءها غير تجاري

أما اللي وده يبيع ويشتري ويربح ,, فهذا موضوع ثااني

عن نفسي أتوقع كل شي بيرتفع ولكن بوتيره أقل من السابق سواء للعقار او للأراضي

---

هذا الكلام صحيح وعين العقل