انصحك
بادخال نشاط اخر مثل المزارع السمكيه او الدواجن او حضائر الاغنام
وبرسالك التفاصيل على الخاص
عرض للطباعة
انصحك
بادخال نشاط اخر مثل المزارع السمكيه او الدواجن او حضائر الاغنام
وبرسالك التفاصيل على الخاص
اقتباس:
المشاركة الأصلية كتبت بواسطة قناص الخليج
بيض الله وجهك ياقناص الخليج
لي رجعه لرسالتك أن شاء الله
وعساك ومن جابك الجنة يارب
عليك بالاعلان فياقتباس:
المشاركة الأصلية كتبت بواسطة بودحوم
سوق المنتدى وبتحصل طلبك باذن الله
انصحك بالشراء من داخل قطر من مربين سابقين
بتكون الاسعار افضل واوفر من الشراء
من الخارج بالتوفيق
عجبتني فكرة الفطر
جرب تزرع في حوض زراعه صغير اذا نجحت التجربة ممكن تزرع وتنوع من الانتاج
تمنياتي لك بالتوفيق بو دحووم
اقتباس:
المشاركة الأصلية كتبت بواسطة قناص الخليج
أولاً أشكرك اخوي قناص الخليج على الرسالة والأقتراحات اللي فيها
- فكرة المزارع السمكية ماخطرت ببالي أبداً ولا أعرف عنها أي شئ
ولا ادري عن أحتياجاتها . ولكن بعد أقتراحك بحثت عنها و جدت مواضيع كثيره وبتفاصيل دقيقة
والفكرة تستحق الأهتمام وتحتاج دراسة أكثر .
وسؤالي لك : هل توجد في قطر مزرعة أسماك يمكن زيارتها ومشاهدتها على الطبيعة ؟
- تربية وانتاج الماشية . أنا ماشي فيها بخطوات بطيئة وفي هذا الوقت بدأت بالمرحلة الأولى
وهي جمع وشراء الأنواع المطلوبة . والله يكتب اللي فيه الخير .
- أما الدواجن . الفكرة موجوده من زمان وقمت بالفعل بإنشاء عدد 2 من العنابر الخاصة بالتربية . ولكن توقفت عنها الفترة الماضية ولم أكملها ( بسبب التركيز على زراعة الخضروات )
بالرغم من وجود جميع أحتياجات العنابر عندي في المزرعة .
وكانت لي نية للسفر للصين لشراء أقفاص . أو ماتسمى عند مربي الدواجن ( بطاريات الأنتاج )
وهذي صورة العنابر وهي عبارة عن بيت زراعي قسمته إلى قسمين . كل قسم 9*20متر وبارتفاع 3,20م
وستلاحظ في الصوره غرفة قديمة وساستغلها بعد صيانتها وتركيب السيراميك فيها لمكائن التفريخ أن شاء الله
http://www.m5zn.com/uploads/2010/3/3/photo/xfs8svzs.jpg
وبإذن الله سأكمل المشروع في الفترة القادمة
وأشكرك مره ثانية أخوي العزيز قناص الخليج
والله يوفقك أن شاء الله
ممكن تتفق مع شركات تمولك والكل بالاخير بيستفيد والارباح تتقاسم
مرحبا اخوي QtrGateاقتباس:
المشاركة الأصلية كتبت بواسطة QtrGate
ماعتقد أن المشكلة في الزراعة وخصوصاً أن المهندس الموجود في المزرعة مهندس شاطر
المشكلة ماعرف حجم الأستهلاك في قطر وأين يمكن تسويقه . المسألة تحتاج دراسة أكثر
ومشكور يالغالي على مرورك
ويوفقج أن شاء الله أختي قناصةاقتباس:
المشاركة الأصلية كتبت بواسطة قناصه
والله يجزيج الخير على الدعوة الطيبة ..
مرحبا والله يابوحمداقتباس:
المشاركة الأصلية كتبت بواسطة bo_hamad
مافيه حالياً مشكلة في التمويل .
وعرض علي أحد الأخوان في المنتدى الله يجزيه بالخير بمساعدتي في التمويل
عن طريق بنك التنمية بصفته عضو باحدى اللجان المشرفة على القروض الزراعية .
أولاً ودي يكون المشروع بدون قروض .
وأن الله كتب له النجاح أن شاء الله . ورأيت أنه يحتاج لتوسعه سأفكر بالتمويل أن شاء الله
اقتباس:
المشاركة الأصلية كتبت بواسطة بودحوم
هلا اخووي
الله يوفقك
المزارع السمكية قليله بقطر ويمكن تكون معدوده على الاصابع
في مزرعه بعد محطة ابو نخله لاحد الشباب القطرين وبالشيحانية اعتقد في مزرعه
وما شاء الله مشروع ناجح
ويمكن انتاج اطنان شهريا
على فكره تكاليفها قليله وانتاجها ماشاء الله ممتاز
ما شاء الله تبارك الله .... شفت موضوع مزرعتك وتعجبت من أن شغلها تعبان وأنا معاك أن التسويق هو المشكلة ولكن تأكد أخوي أن لكل مشكلة حل وقد يكون الحل سهل وبسيط وجدامك ولكن سبحان الله ما نشوفه
اخوي ولا تهون طرشلي رقمك على الخاص
الله يوفقنا وياك أن شاء اللهاقتباس:
المشاركة الأصلية كتبت بواسطة قناص الخليج
ومشكوور ياقناص الخليج على الأهتمام
سبحان اللهاقتباس:
المشاركة الأصلية كتبت بواسطة salim_ghanim
شيك الخاص أخوي
الله يبارك لك فيها .. أخوي أقدر أعطيك فكره وأنا أمجربها وأتخليك تستفيد على مدار السنه بس يبيلك عنايه متواصله .. وشييك ع الخاص.
ويبارك لك في حياتك أن شاء الله يابوشاهين .اقتباس:
المشاركة الأصلية كتبت بواسطة بوشاهين2
في أنتظار الخاص
أخوي بودحوم إذا بغيت أي أستفسار طرشلي رقمك ع الخاص .. وبالنسبه للفكره أنا لين يومك شغال عليها وصارلي 12 سنه والحمدلله .
الله يجزيك الخير يابوشاهيناقتباس:
المشاركة الأصلية كتبت بواسطة بوشاهين2
الفكره أكثر من ممتازه وإذا لاحظت في أحد الردود أنها مهب غايبه عني
والفكره ممكن يستفيد منها أي واحد وتكون له مدخول إضافي .
ياليتك والله تطرح موضوع خاص يستفيد منه الأعضاء ويدعون لك أن شاء الله
ويستفيدون من خبرتك الطويله .
أتمنى جاد أنك تنزل موضوع
وشيك على الخاص ..
الله يحييك اخوياقتباس:
المشاركة الأصلية كتبت بواسطة بودحوم
بالنسبة لهذا النوع من الخضراوات .. والله ماعندي ادنى فكرة بس لان مرة كنت في اجتماع وكان فيه حديث جانبي من احد المتواجدين يتكلم فيه عن تجربة راعي مزرعة .. خلا الهنود اللي عنده يزرعون خضرتهم كتجربة .. ونجحت معاهم .. طلعوا منها بــ 50 الف ريال! وهالكلام من سنين ... فمابالك الحي وخاصة مع كم العمالة الاجنبية واللي تحتاج هذا النوع من الانتاج !
فانت يبي لك مشتل زراعات جانبية تجريبية ... تجرب فيه اصناف من هالخضار حتى لو تاخذها من السوق نفسه وتضمن الاصناف الجيدة من الرديئة ... وتزرع وتراقب الانتاج وانت تقرر الاصلح طبعا مع المهندس الزراعي.
سوقنا يحتاج التنوع وبما ان عندك الامكانيات وماشاءالله عليك جاد في الموضوع .. لابد يكون لك خط شغل يميزك عن غيرك .. لان البقاء دائماً للافضل .. والله ويفتحها بوجهك
اخوي بو دحوم السلام عليكم
انا ما عندي مزرعة لكن قريب لي كانت عنده مزرعة ومأجرها على بنغاليين وكانوا ما يزرعون الا الخضروات الورقية وكانوا ينزلون السوق يوميا" سيارة متسوبيشي مليانة يعني كانوا مركزين على الكمية وكان دخلهم كبير لكن بصراحة يشتغلون بالمزرعة من الفجر الى المغرب ومجابلين المحصول بالرعاية والرش والسماد
وكانوا مثل ما اذكرت الاخت "تغلبية " يزرعون الخضروات الورقية الاسيوية والظاهر انهم يشترون البذور من بلادهم وتطلع عليهم رخيصة
فانا اقترح انك تشوفلك مزارع بنغالي تخلية يستلم المزرعة وتعطية نسبة من الربح بس عليك توفر له فيزا حق عمال من بنغلاديش
هذا اللي جاء على بالي والله يرزقك ويبارك لك في مزرعتك ولا تنسى زكاة المزرعة اذا بلغت النصاب ودار الحول علشان تحل البركه فيها
وسلامتك
بحثت لك شوي في النت عن خضار شرق آسيا ..
يقولك الخضار الصينية ممكن تزرعها في أي مكان !
ولقيت لك تجربة الزراعة للصينين في السودان كفكرة !
http://forum.zira3a.net/entry.php?b=133
وبالنسبة للأصناف :
Pak Choi أو Pok Choy
http://www.jungleseeds.com/images/PakChois.jpg
Baby Carrots
http://healthtipswebsite.com/images/...by-carrots.jpg
Baby Eggplant
http://www.dreamstime.com/baby-eggpl...umb2012807.jpg
Chinese Pea Pods
ذيه يموتون عليه الصينين والفلبينيين وكل اصحاب العيون الممغوطة :D
http://www.supplierlist.com/photo_im...en_pea_pod.jpg
وطلب البذور مب صعب اما عن طريق الشركات .. او دايركت اون لاين.
.................................................. .....................
في فكرة رابعـــة دام عندك صوب ..
عندك مجال تدخل في نباتات الزينة وتحديداً الشتلات الصغيرة واللي تزهر بسرعة وتستمر مثل الونكا وغيرها ..
طبعاً في الدوحة في مزرعة كبيرة لرجل اعمال معروف وهو ماخذ مناقصة شوارع الدولة ..
مادري هل سوق نباتات الزينة يتعرض لنفس منافسة الخضار اولا
لكن انا بنفسي رحت مزرعة هالرجال .. والله يزيده ويبارك له .. شغله تمام
كل العملية ايدي عاملة وبذور مقدور عليها والات وصوب .... والانتاج من احسن مايكون... والربح بالملايين !!
فكرة خامسة ..
يمدحون نباتات الزراعة النسيجية .. من حيث الجودة والاكثار ..
وماشاءالله في مزارع نخل في الامارات شغلها اكثار نسيجي وانتاجها السنوي مغطي الامارات وواصلنا الدوحة ... والجودة ممتازة ..
مشغلين عندهم عمالة فلبينية الراتب على 1500 ريال بس .. والانتاج بالــ 200 الف فسيلة في السنة ..!!
والله ياخوك انا عندى مزرعه بالكويت وجربت الزراعه وللامانه التسويق فى ظل غياب الدعم الحكومى صعب جدا جدا
فانت تعلم الاحوال الجويه واحتمال ان يتعرض المحصول الى صقيع او تلف وهذا كله خساره
فقررت بعد هذه الخسائر الى الاتجاه الى تاجير المزرعه كمنتزه عائلى يومى
تم توزيع المزرعه الى 3 اقسام وكل قسم مجهز بالكامل من سكن والعاب وحمام سباحه وتم عمل دعايه كامله للمزرعه والحمد لله التاجير اليومى أفضل من الزراعه (فى ظل غياب الدعم الحكومى )
وهنا لايوجد مصاريف عمال ولابذور ولاسماد ولا مبيدات ولا مهندسين
ماتحتاج الا عدد 2 عمال والباقى ربح
أسأل مجرب ولاتسأل طبيب
وعليكم السلام ورحمة الله وبركاتهاقتباس:
المشاركة الأصلية كتبت بواسطة العمراني
جزاك الله خير يالعمراني . الحمدلله وبفضله أني أدفع الزكاة وأمور كثيره بيني وبين الرزاق جل جلالة . والله يجزينا وأياك الخير أن شاء الله ..
ياخوي فيني عقده من البنغاليين :)
والله ماينقع فيهم مهما سويت لهم . ولا أتعامل معاهم إلا أن اكون مجبر ..
وعن زراعة المنتجات الورقيه . في الفترة الأخيره ركزت عليها في احدى المساحات الخارجية
وبالفعل مدخولها لأبأس به . وهذا بيخليني أزيد المساحة المزرعه بالورقيات .
بس في كل الأحول زراعة المحميات مجدية أكثر .
والف شكر لك ياخوي العمراني ..
ماشاء الله عليج أختي تغلبية
عز الله أنج ماقصرتي .
قريت وأعجبتني قصة الصيني ونجاحة في السوداناقتباس:
المشاركة الأصلية كتبت بواسطة تغلبية
وقصة نجاحه فيها دروس كثيره .
خليت المهندس يشوف الصور . وخبرته الأن 16 سنهاقتباس:
المشاركة الأصلية كتبت بواسطة تغلبية
سنتين عندي . و14 سنه في أكبر شركة زراعية في قطر . وذكر لي أنواع كثيره يمكن زراعتها للأسيويين .
وتكلمنا عن البذور . وقالي أنها موجوده في بعض الشركات المحلية ولكن جودتها ليست عاليه
وحالياً يجمع معلومات عن الشركات الثقه وطريقة التواصل معهم .
عرفت الرجال اللي تقصدينه . والله ومليوووون نعم فيه ( رجل خير بمعنى الكلمة )اقتباس:
المشاركة الأصلية كتبت بواسطة تغلبية
وزرته في المزرعه مرتين .
بالنسبه لزراعته في الخضروات . يعاني مايعاني منه كل المزارعين . ولكن بسبب خبرته الطويله في هذا المجال وكثرة العمال اللي عنده . وقرب مزرعته من الدوحة . يمكن تكون معانته أقل من غيره
ولكنه يعوض عن طريق مشروع ( اللاند سكيب ) وهو مشروع زراعة الزهور و الورود وأشجار الزينه . ولا يوجد له منافس في هذا المجال .
ومثل ماذكرتي هو مستلم تزيين الشوارع في قطر ومستلم عدة مشاريع ضخمه
الله يوفقه أن شاء الله ويبارك له .
الفكره موجوده عندي . والصوب أيضاً موجوده وللحين ماركبتها . وقلت بانفذها مغامره . لادراسة جدوى ولاهم يحزنون بس ماعندي المهندس المختص حالياً .
هذي الفكره بحد ذاتها مشروع لحالهاقتباس:
المشاركة الأصلية كتبت بواسطة تغلبية
وتحتاج مختبر ومهندسين مختصين
وعندنا تجربةعلى مستوى بسيط . قام بها المهندس بدون لا أطلب منه
ونجح فعلاً . والحين يزرع السور كامل من تجربته الناجحه . بس للأسف سوى التجربة
على شجر ( الكينا كاربس ) ...
أشكرج مره ثانية اختي التغلبية وبارك الله فيج ويجزيج الخير أن شاء الله
على جهودج الطيبه ...
يامرحبا والله يالبركاناقتباس:
المشاركة الأصلية كتبت بواسطة البركان
الله يعينا وياكم أن شاء الله .
سمعت قبل أسبوعين عن أحتجاج المزارعين في الكويت . وقيامهم بتوزيع منتجاتهم مجاناً
على المواطنين أحتجاجاً على نقل السوق الخاص بالمنتجات المحلية وعلى معاناتهم بسبب المنتجات المستوردة .
وعن فكرة تقسيم وتأجير المزرعة . هذا الشئ غير وارد نهائياً .
وخصوصاً أنها بالنسبة لي وللأهل ( ليست مجرد مزرعة ):)
باااااااك .... كيفت عالموضوع :nice:
فكرة سادسة ..
يمدحون بابونج قطر .. وهو ينبت بشكل طبيعي في ريضان الشمال ..
وبعد العشرج اللي ينبت في ريضان الشيحانية ..
كخطة مستقبلية لو يكون عندك قسم من المزرعة لزراعة النباتات البرية .. وتحاول تكون الاصناف الجيدة المرغوبة للشركات الدوائية خارج قطر ..
يعني كخطة استراتيجية لما تلقى لك شركة أدوية او شركة كيمياويات راح تشتري انتاجك .. والانتاج مايكلف كثير وخاصة الماي لانها نباتات برية واحتياجاتها قليلة.
وممكن كبداية تزرع وتسوق انتاجك بشكل بسيط في قطر ..
شوف المردود شلون بيكون ؟
الفكرة السابعة ...
قالك ... شركات الزقاير في العالم هي أكبر مصنع للولاعات !!!! ..
يعني يصنع الزقارة من صوب .. ويصنع اللي يشبها من صوب ثاني ودهنهم فمكبتهم !
بنفس النظرية .. اذا انت ودك تسوق انتاجك .. لابد يكون لك خطة تسويق .. تتمثل في شركة استيراد وتصدير لانتاجك..
يعني تبتدي تدخل في عقود توريد .. ومنها يكون انتاجك يمشي .. واللي مازرعته تستورده من مزارع محليه او من الخارج ..
ومن هذي الشركة تقدر تقدم خدمات جديدة في السوق ..
منها .. الشبرة المتنقلة ... يعني سيارة الثلاجة الكبيرة .. اللي تدور على الناس في البيوت .. بدال الناس ماتروح للخضار او الشبرة ..
الشبرة تجيهم لي عندهم .. بمحصول امس واليوم ...
وهذي -حسب علمي- موجودة في الكويت
ومنها .. ممكن يكون في خط ساخن ..
يعني اللي يبي من الاهالي تجيه السيارة لي عنده يحجز موعد اذا كانت الطلبية كبيرة
وممكن البيت العود الواحد يشتري له وبيوت عياله او جيرانه ..يعني البيع نسبياً بيكون بالجملة ..
يعني بيكون شغلك .. في الحقل ..
وشغل تسويقي اداري بحت في المكتب
وان شاءالله تكون الفكرة وصلتك .. انا طرحتها وماعرف القوانين بتسمح او لا
والله يوفقك أخوي
اقتباس:
المشاركة الأصلية كتبت بواسطة تغلبية
مرمحبا بأم الأفكار تغلبية
ماشاء الله عليج أختي
الفكرة السادسة صعبه من نواحي كثيرة
اقتباس:
المشاركة الأصلية كتبت بواسطة تغلبية
الفكرة وصلت أختي
واقدر الخصها بالتالي . ( مع أستبعادي لفكرة السيارة المبردة أو المحل المتجول ) ..
- فتح شركة أو مؤسسة أستيراد . وأستيراد أنواع الخضروات والفواكه بالإضافة إلى منتجات المزرعة .
وأضيف من عندي
- فتح محل شبيه بـ ( اللبنانية ) أو ( ستراند ) اللي في المرخية يلقى فيه الزبون كل أحتياجاته من الخضروات والفواكه وحتى اللحوم .
هذي الفكره أعتقد والعلم عند الله هي الأنجح لعدة أسباب
1- السلع أو المنتجات المعروضه منتجات أستهلاكية ومطلوبة بشكل يوميالفكره مثل ماقلت والله العالم أنها ناجحه خصوصاً إذا توفقت بموقع جيد للمحل .
2- الأستفادة المنتجات المستوردة
3- منفذ بيع مهم لمنتجات المزرعة من المحاصيل الزراعية . واللحوم ( قريباً أن شاء الله )
بس المشكله يقولون راعي البالين كذاب
الحين عندى بفضل الله وبالأفكار اللي أنطرحت هنا منك ومن الأخوان . عدة خيارات بدأت في البعض منها
وجاري التفكير بهدؤ في الأفكار الآخرى . بحيث يكون العمل كله مرتبط ببعضه أن شاء الله .
والله كفو عليك لين متى واحنا نستورد كل شي من برع
اتمنى الله يوفقك وشوف يوم من الايام محلك عند بيتنا وانا اشتري منه حتى لوكان غالي
الله يوفقنا وياك ياوحش . والله يجزيك الخيراقتباس:
المشاركة الأصلية كتبت بواسطة وحش قطر
وأن شالله تشوف مايسرك أن شاء الله ..
والله ياخوي اني مريت بنفس تجربتك
و اشعر بمعاناتك : فالزراعة ليست كأي نشاط آخر في الحياة بل انها جزء من الحياة
مشكلتك : كل ما تنجح اكثر بتخسر اكثر (بتستغرب من كلامي لكن اذا راجعت نفسك بتلقى كلامي صحيح)
الزراعة في قطر مالها الا الله سبحانة وتعالى ، وحب المزارعين : اما المسؤولين فلا تعليق
نصيحتي لك ( من شخص يحبك في الله و مر بنفس التجربة ) :
احسن حل : بيع المزرعة و استفيد من راسمالها (وهذا حل يكرهه أي شخص يعمل بالزراعة)
الحل الثاني : ركز على المنتجات ذات اعلى ربحية و وقف باقي الانتاج (يمكن تقول ما تفرق بس اذا حسبتها بالاكسل شيت بتجمع مبلغ و في السنة بتفرق كثير)
خفض العمالة للحد الادنى (افضل العمال مع المهندس فقط)
اصنع لك (اسم تجاري) غلف منتجاتك بإسم المزرعة و على كل ثمرة ان امكن : الناس تدفع اكثر في الجودة.
ابتعد عن الاشجار (النخل بيعة احسن) لأنها تخسرك بدون ما تحس . ركز على الخضار و المنتجات الرابحة.
اسأل الله عز وجل ان يطرح لك البركة في مالك و حلالك و يعلم الله اني فرحت لما شفت اهل قطر بهذا المستوى
وعليكم السلام ورحمة الله وبركاته ،،
ما شاء الله تبارك الله
والله يوفقك
مرحبا اخوي مضارب جديداقتباس:
المشاركة الأصلية كتبت بواسطة مضارب جديد
والله ياخوي فكرة بيع المزرعة غير موجوده نهائياً
حتى لو ألغى فكرة الزراعة .
[color="navy"][size="5"]اقتباس:
المشاركة الأصلية كتبت بواسطة مضارب جديد
من غرائب سوقنا أن مافيه منتج معين تقدر تركز وتعتمد عليه
ومن تجربة السنتين اللي بدأت فيها بالتسويق .
لقيت أن أي منتج ممكن يرتفع فجأة والمنتج اللي أنت مركز عليه طايحة قيمته
( وأن كانت لفترات محدودة )
أما النخيل أنا معك
لأنه فعلاً ماخذ المساحة الأكبر من المزرعة وبدون فايدة
يعني لو أستغل المساحة في زراعة خس و ورويد :) بتكون الفايدة أكبر
الله يجزيك الخير على دعوتك الطيبة ويوفقك أن شاء اللهاقتباس:
المشاركة الأصلية كتبت بواسطة مضارب جديد
اقتباس:
المشاركة الأصلية كتبت بواسطة qatar1111
جزاك الله خير ياخوي qatar1111
ويبارك لك في حياتك ويوفقك أن شاء الله
الله يوفق لك يارب ويطرح في زرعك الخير والبركة ويطعمكم من خيره ويكفيكم شره..ونصيحة من القلب لك ترى مزرعتك ماشاء الله ماعليها كلام بس حاشها الحسد .. كل ماتدخل زرعك قول (( ماشاء الله لاقوة إلا بالله )) زرعك بالنسبه لك هو جنتك فأذكر الله عليها . بسم الله الرحمن الرحيم .. ولولا إذ دخلت جنتك قلت ماشاء الله لاقوة إلا بالله ..صدق الله العظيم .
جزاك الله خير يامنتهى الحكمةاقتباس:
المشاركة الأصلية كتبت بواسطة منتهى الحكمة
وبارك الله فيك
بس بشرني . أن شاء الله توفقت مع الرجال ؟؟؟
بسم الله ما شاء الله ، الله يبارك لك فيها ويعطيك كل خيرها
أخوي أنا اقترح تجرب زراعة الفطر
سهلللة جداً وغير مكلفة، حتى أتوقع ممكن تُزرع على نشارة الخشب
يعني الفطر عليه إقبال شديد سواء من المواطنين أو المقيمين
مع إن سعره غالي، تقريباً البوكس الصغير فيه عشر حبات بـ 8 إلى 10 ريالات
وأول ما ينزل للخمس ريالات أو ستة -وهذا نادر- الكل يصير يشتري
جربه في مساحة صغيرة وإن شاء الله ما تندم
أتمنى كل التوفيق
اقتباس:
المشاركة الأصلية كتبت بواسطة Ghroor
هلا بك والله يا Ghroor
ياخوي لاتغتر بالأسعار في السوق
وبعطيك بعض الأمثله :
1- أنت تشتري مثلاً كيلو الخيار بـ 6 ريال .
هل تعتقد أن المزارع باع الكيلو بـ 3 أو 4 ريال ( مثلاً ) و وصل إليك بـ 6 ريال ؟؟
تأكد أن التاجر أشترى الصندوق اللي فيه تقريباً 7 كيلو بـ 10 أو 12 ريال بالكثير .
يعني هو يشتري الكيلو أقل من ريالين ويبيعه بـ 6 ريال . واللي يتعب ويزرع وينتظر شهرين
حتى موعد الحصاد . مايستفيد مثل التاجر اللي قاعد وحاط رجل على رجل .
2- أحد المزارعين القطرين
ينتج أجود أنواع الفراوله وبدون مبالغه أفضل من بعض المستورد
هل تصدق أنه يبيع العلبه سعة 250 أو 300 جرام . يبيعها بـ 1,5 ( ريال ونصف )
وتباع في الأسواق بـ 7 ريال و 8 ريال .
يعني السعر اللي أنت تشتريه من السوق أقل مما تتصور من اللي وصله امزارع للسوق .
أتمنى الفكره وصلت أخوي Ghroor
وأشكرك على مرورك الطيب ..
اخوي بشر ان شاء الله امورك طيبه
انت شجعتني على الزراعه في البيت وحاب نصيحتك
شنو افضل وقت للزراعه المنزليه البسيطه
وشنو تقترح ازرع كبدايه
مايجي منك إلا الخير ماعرفت ليش أدعي لك وانصحك من القلب لأني كلمت الرجال وما قصر . ترى على فكرة الصور اللي حطيتها عن مزرعتك في بداية الموضوع شجعتني ازرع في بيتي .اقتباس:
المشاركة الأصلية كتبت بواسطة بودحوم
شرايك تشتغل بالثيل الاسترالى
أنــــا أشتغلت فيه وفيه منفعه ممتازه
تزرع كل المزرعه ثيل استرالى وتبيعه رووول
الثيل هو اللى يستخدمونه بملاعب الانديه وأنا على أستعداد أنى أنقله لك من الكويت وكله بحسابه أنت شوف كم سعره بقطر وأنا أجيبه لك أرخص منهم شتـــــــبى بعد
وتصريفه سهل جدا جدا