المشاركة الأصلية كتبت بواسطة معماري قطري
انا من رايي إن لكل مادة مصنعيتها وطريقة تركيبها وربطها ببعض
حتى الستانلس ستيل فيه منه درجات ونوعيات ونوعيات تعيش طول العمر بس يعتمد على طريقة تصنيعها والألمنيوم الخفيف صناعة الورش المحلية وبالقطاعات اللي تُصنَع في دول الخليج أو الدول العربية ما يسوى الواحد يركبه حتى ... نتمنى إنتاج ألمنيوم قطر يكون متميز وينتجون مفصلات قوية وأنواع ما تتأثر بسهولة وتتكسر وتكون للإستعمال طويل المدى ... شوف مطابخ crabtree kitchensالبريطانية، ولهم مصنع في السعودية كان له وكيل في قطر وسكر .. ولهم فرع في دبي إدخل موقعهم وشوف تفاصيل شغلهم .. انا طلبت قبل مطبخ داخلي وبوفيه بس الرخام والغسلة انا وفرتهم .. وما شاء الله الخشب نوعية زينه ويتلون ويدخل فرن حراري ياخذ الخشب لون الصبغ ويقوى أكثر وتحت تجي له نعلات بلاستيك خاصة، وشغلهم فيه مصنعية عالية وتكنولوجيا ولو إن الورشه موجوده في دبي وفي السعوديه لكن شغلهم بمواصفات وبإسم المصنع البريطاني .. ركبت برا المنيوم وكله تكسر وكان الألمنيوم وقتها بقيمة الخشب، وصحيح الخشب يبي له اهتمام وعناية مثل أي شيء آخر بس كل شيء بجودة صناعته يعمر ويدوم.
