ما عدل عليك
و عجبني خط السير
و بنشوف الطيران فالكلمة الاخيرة له
ما عدل عليك
و عجبني خط السير
و بنشوف الطيران فالكلمة الاخيرة له
اقتباس:
المشاركة الأصلية كتبت بواسطة abdo222
الله يسلمك يا الذيب
مرورك الاحلى
ابشر بسعدك
اليوم ان شاء الله برتب لك مخطط
اسعدني وشرفني مرورك :nice:
ماشاء الله تبارك الله عليك
تشكر على المجهود اللي تقوم فيه
يا غير البشر احنا معاك
ننتظر
العفو اخوي العريق تامر يا الذيباقتباس:
المشاركة الأصلية كتبت بواسطة العريق
بخصوص الطيران عندك تاريخ معيناقتباس:
المشاركة الأصلية كتبت بواسطة العريق
و اي خطوط تبغي
بشوف لك الرحلات الموجوده
اقتباس:
المشاركة الأصلية كتبت بواسطة الحـربي
ياهلا ومرحبا بك اخوي الحربي
العفو اخوي
اسعدني وشرفني مرورك :nice:
اخوي العريق بالنسبه للفنادق
المشكله ماعرف البادجت مالك
ابغي اعرف حدود سعر الليله كم
باريس :
marriott champs elysees
warwick champs elysees
fourseasons champs elysees
بروكسل :
le meridien hotel brussels
brussels marriott hotel
ماريوت احلى من لي مريديان
انا شفتهم على الطبيعه :victory:
امستردام :
Sofitel Legend The Grand Amsterdam
Amsterdam Marriott Hotel
دوسلدورف :
InterContinental Hotel Düsseldorf
كولن :
Cologne Marriott Hotel
Maritim Hotel Köln
الفندق الثاني له اطلاله حلوه على النهر
ما قصرت أخوي الغالي غير البشر على هذا الجهد و الوقت
بالنسبة لباريس انا ما عندي مشكلة بالنسبة للفنادق
و الفنادق الثانية ان شاءالله بشيك عليها
بس اخوي الغالي ابي اسئلك ...
ايش رايك استقر في مدينة من الاربع مدن و منها اروح و ارجع لباقي المدن في نفس اليوم بدل تغير الفنادق كل يومين ؟
العفو اخوي الغالي العريق
تامر يا الشيخ
تقدر بس لازم تكون مكان اقامتك بروكسل
لانها في الوسط بين المدن كلها
وبتكون المدن قريبه منك
تقريبا اكثر مسافه ساعتين بالقطار
بس المشكله لما تكون في بروكسل
وبتروح باريس ماتسوى تروح لها وترجع بنفس اليوم
لانها يبغيلها اكثر
بعكس بروكسل انا كنت فيها قبل رمضان مايبغيلها استقرار
وباريس حلوه انا احبها بصراحه
رجعت منها قبل رمضان بيوم
ورحت لها بعد بعيد الفطر هههه
اما الاماكن الثانيه ممكن تروح وترجع بنفس اليوم
مثل دوسلدورف وكولن
بس بروكسل وامستردام مش امان كثير
بروكسل شعب منتهي يعني محششين وايد وامستردام بعد
يعني ماينفعون تتمشى فيهم بالليل
او تتمشى بأماكن معروفه
مثل ساحه الغراند وصوب مجمع ستي2 في بروكسل
واذا بطلع فيزا بريطانيه
تروح لندن ساعتين ونص :nice:
اقتباس:
المشاركة الأصلية كتبت بواسطة abdo222
السموحه يا الذيب
متذكر موضوعك
الليله ان شاء الله راح انزل كل استفساراتك :nice:
اخوي الغالي غير البشر الله يعطيك العافية
انا قلت لك من قبل انا احب باريس و انا مخصص لها سبع ايام و حاجز فندق في الشانز
و لما اروح بروكسل باذن الله خلاص مش راجع لها
يعني من كلامك اقدر استقر في بروكسل و اروح منها لامستردام في يوم و لكولون في يوم و لدسلدروف في يوم .
يصير كذيه ؟
اقتباس:
المشاركة الأصلية كتبت بواسطة العريق
اي اخوي تقدر
من بروكسل لين كولن ساعه و55 دقيقه
ومن بروكسل الى دوسلدورف ساعتين ونص
ومن بروكسل الى امستردام ساعتين و50 دقيقه
لكن تقدر اتخلي دوسلدورف مع كولن بنفس اليوم
لو بتطلع بدري لان المسافه بينهم 20 دقيقه
وطبعا كله راجع لك ولترتيبك للسفره
بس ماقلت لي من اي مطار بترجع للدوحه من بروكسل ؟؟
العفو اخوي منور صفحتي الله يسلمكاقتباس:
المشاركة الأصلية كتبت بواسطة abdo222
مرورك الاحلى
بخصوص استفسارك
المدن الي ذكرتها فعلا اهم المدن الي تستحق الزياره
بس بالنسبه لبيسا مانصحك ترجع بنفس اليوم
اخذ لك فيها ليله لان من روما بالقطار ساعتين ونص
واحسب الرجعه كلها 5 ساعات
مع الانتظار بالمحطه تقريبا 6 ساعات
تعب عليكم وااايد
وانا بعطيك مسار للرحله تكون بيسا على خط رحلتك بدون رجعه
وزع السفره على
ميلانو 3 ايام
فينيسيا 2 يوم
بيسا 1 يوم
روما 4 ايام
مسار الرحله
http://im20.gulfup.com/z6kE1.png
حطيت لك المحطه الاولى روما والاخيره ميلانو
وتكون العوده للدوحه من ميلانو
او اذا تفضل العكس تنزل في ميلانو وترجع للدوحه من روما
عادي مافيها مشكله الي يناسبك
مده الرحلات بالقطار :
من روما الى بيسا ساعتين ونص الى 3 ساعات
ومن بيسا الى فينيسيا 4 ساعات الى 4 ساعات ونص
من فينيسيا الى ميلان ساعتين وربع الى ساعتين ونص
اي استفسار او ملاحظه خبرني يا الذيب
مرحبا اخوي الغالي غير البشر
و الله كفيت و وفيت و عطاك ربي كل خير
بالنسبة للرجعة ما قررت لين الحين
قاعد امخمخ مخطط الرحلة و افكر .
هههههههههه
سلمت يمناك على المعلومات المفيده،، ما قصرت يالغالي، وبيض الله وجهك
اخوي الغالي غير البش الله يعينك علينا و على اسئلتنا
حبيت تقولي من خبرتك ما شاءالله عليك ايش يميز كل مدينة يستاهل و نقدر انزورة اذا عطينا كل مدينة يومين ( غير باريس ) ؟
اخوي ياليت تعمل لي جدول الي تشوفه الافضل من وجهه نظرك , انا مسافره مع زوجي الى تايلاند تاريخ 6 /2/2013 الى 18 /2/2013 , ونبي لفه سريعه على ماليزيا بالطيران و سنغافوره وبالاخير نرجع الى تايلاند , المطلوب اسماء شركات الطيران من تايلاند الى ماليزيا و سنغافورا وياليت لو تذكر الاسعار , ومن وجهه نظرك تنصحنا وين نسكن في ماليزيا وسنغافورا , وهذه السفره تعتبر شهر عسل ’ ملاحظه اخوي بخصوص تايلاند عندنا معلومات عنها مسبقاً :nice: المطلوب معلومات عن ماليزيا و سنغافورا , ولك جزيل الشكر والامتنان .
اقتباس:
المشاركة الأصلية كتبت بواسطة العريق
العفو اخوي العريق حاضرين
ههههههههههه خلاص مخمخ براحتك
اذا تبغي اي مساعده بحجز العوده
ابشر بالي يسعدك :nice:
ووجهك ابيض طال عمركاقتباس:
المشاركة الأصلية كتبت بواسطة abdo222
حاضرين بالي تامر به الله يسلمك
شرفني تواجدك :nice:
اقتباس:
المشاركة الأصلية كتبت بواسطة العريق
لا افا عليك والله اسأل خذ راحتك
اي استفسار في خاطرك لاتردد :victory:
ان شاء الله بكره برجع
وبقولك كل الي اعرفه عن المدن الي بتروح لها
اقتباس:
المشاركة الأصلية كتبت بواسطة القنيطرة
ان شاء الله اختي
ابشري بحط لج جميع خطوط الطيران
الي تروح الدول الي ذكرتيها مع الاسعار وزمن الرحله
بكره الصبح بأذن الله
الف الف مبرووك الله يبارك لكم ويرزقك الذريه الصالحه ان شاء الله
اقتباس:
المشاركة الأصلية كتبت بواسطة القنيطرة
مرحبا اختي
بخصوص استفسارج
هذا الموقع يعطيج جميع خطوط الطيران الي ممكن تنقلكم
في البلدان الي تبغونها
http://im28.gulfup.com/aHrY1.png
http://im28.gulfup.com/9v7X2.png
هذا رابط الحجز نفس الي بالصوره
http://www.skyscanner.net/flights/bk...uary-2013.html
انا سويت لج حجز افتراضي
بتاريخ 9-2-2012
وطلعت هذي البيانات
وهي الدرجه السياحيه
والاسعار الموجوده للتذكره الواحده
ذهاب فقط من غير عوده (ون وي)
على اساس تسوين حجز ثاني جديد
من كوالالمبور الى سنغافوره
وبعدها تسوين حجز من سنغافوره الى بانكوك
ملاحظه :
بخصوص شركات الطيران الموجوده
الي ظاهره بالحجز
اذا في بالج شركه او كذا شركه في بالج
روحي للشركات الي ماتبغينها وامسحي
علامه الصح منها تطلع لج بس الشركات الي تبغينها
الحجوزات من كوالالمبور الى سنغافوره
http://www.skyscanner.net/flights/ku...uary-2013.html
الحجز من سنغافوره الى بانكوك
http://www.skyscanner.net/flights/si...uary-2013.html
هذي رحلاتج اختي
واذا في استفسار ثاني تفضلي :nice:
بخصوص استفسارج للسكن برجع احطه لج :victory:
وينك اخوي الغالي غير البشر
كأنك طولت الغيبة
عساك بصحة و عافية
السموحه اخوي العريق على التأخير:shy:
بروكسل عندك
ساحه الغراند بالاس:
ساحه حلوه حق التمشي
وحواليها محلات بس حاسب من الجوكليت عن التنفخ هههههه
محلات الجوكليت بكل مكان
وجميع الاشكال المغريه
وفيها مطاعم عربيه
بس انصحك لاتتعامل مع العرب
ولا تروح شارع او منطقه العرب
وعندك مجمع ستي تو
وشاره المشاه الي جنب المجمع
ومجمع INNO حق التسوق والماركات
كلهم جنب بعض
وعندك تزور الاتوميوم
هذا المجسم على شكل 9 كور
وتروح اخر كوره فوق
بكون في مطعم ويعطيك منظر عام حق بروكسل
وفي نفس المنطقه المكان ميني يورب مجسمات صغيره لأشهر معالم اوروبا
واذا تبغي تروح مدينه بروج تقريبا 100 كيلو عن بروكسل
حلوه وتغير جو فيها وتشبه فينيسيا
بالنسبه لدوسلدورف :
شارع الملوك اذا بتسكن في الانتر بيكون في نفس الشارع
وفيه مجمع اسمه ko
وفي حديقه نسيت اسمها
مع نهايه شارع الملوك تمشي اشوي
بتشوفها قدامك
برج المدينه او Stadttor 1
او يسمونه برج الراين
حديقه الاسماك
بس انا من رايي تدخل على هالموقع
اشوفه فيه معلومات وكلشي وصور
http://www.duwal.com/ar/travelguide/...ngs-to-do-list
كولون :
متحف الشوكولاته
Hohe Strasse شارع مشاه وتسوق
Schildergasse مشاه وتسوق
غابات Stadtwald وفيها بحيره صغيره
امستردام :
اشهر ساحه dam square
هولندا الصغرى مدينه الاقزام
مدينه مصغره لهولندا
ساحة ليدين Leiden Square
واذا بغيت تزور الطواحين A - zaanse schans
التسوق :
Leidsstraat
Kalverstraat
Nieuwendijk
المجمعات
Magna Plaza shopping center
Bijenkorf shopping center
Kalvertoren shopping center
villa arena
بعض الاماكن زرتها وبعضها منقول :nice:
عساك على القوة اخوي الغالي غير البشر
و ان شاءالله نردها لك في اقرب فرصة
اقتباس:
المشاركة الأصلية كتبت بواسطة غير البشر
الله يبارك فيك ومشكووور على المساعده ,
وانا اخوي انتظر اقتراحاتك لي بالسكن .
اقتباس:
المشاركة الأصلية كتبت بواسطة العريق
الله يقويك اخوي العريق
الله يسلمك ماسويت شي بالعكس تستاهل كل خير :nice:
وحاضرين بأي وقت الله يسلمك
رحله سعيده ان شاء الله
اقتباس:
المشاركة الأصلية كتبت بواسطة القنيطرة
السموحه اختي على التأخير
وراح احط لج السكن بعد اشوي
بس اختي ياريت توضيحن لي
بالنسبه لماليزيا وسنغافوره
بتقعدين في مدينه وحده او تفضلين التغيير
ارجوو التوضيح :victory:
اقتباس:
المشاركة الأصلية كتبت بواسطة غير البشر
الله يجزيييك كل خير وشكراً لمساعدتك , التغير بيكون في ماليزيا وسنغافوره ما اظن والمده الي بتكون في ماليزيا هي لا تتعدى ثلاث ايام وكذالك سنغافوره .
هلا ومرحبا اختياقتباس:
المشاركة الأصلية كتبت بواسطة القنيطرة
بما ان الفتره مهب طويله
الافضل تجلسون في كوالالمبور
مايمدي تروحون لنكاوي وبيينغ وغيرها
بالنسبه لفنادق كوالالمبور
1- فندق مندرين
صور الفندق
الفندق هذا 5 نجوم وجنب الابراج التوأم
وقدام الفندق حديقه عامه كبيره
2- فندق الخيول الذهبيه
صور الفندق
هو فندق خمس نجوم
على شكل منتجع وفيه بحيره تتمشون بالمركب وفيها حديقه كبيره
انا اشوفه يصلح لشهر العسل
بس بعد شوفي كل الفنادق الي بحطها
يمكن يعجبج فندق ثاني
3- فندق صن واي لاقون
صور الفندق
هذا فندق راقي وخمس نجوم
وفيه اكبر مدينه ملاهي وحديقه مائيه في ماليزيا
وفي فنادق اخرى لكن اشوفها افضلها بالنسبه لشهر العسل
وتوجد فنادق ثانيه راقيه وموقعها ممتاز
مثل الماريوت والريتز كارلتون
سنغافوره :
1- فندق اورشارد
صور الفندق
2- فندق ماريوت اورشارد
صور الفندق
3- فندق غراند حياه اورشارد
صور الفندق
وبالتوفيق اختي
اي ملاحظه عندج قوليها لي
مرحبا
موضوع تفحجير في غاية الروعة والترتيب
الله يعطيك العافية
عندي استفسار
انا بسافر سويسرا وباريس
بالنسبة لفرنسا اشلون اقدر اعرف وافهم سالفة القطارات
مثلا من الفندق إلى قصر فرساي وديزني
يعني مادري خاطري استفيد منك اذا عندك فكرة
تحياتي لك
عذايب قطر
ماشااااء الله مووضوووع يجنن كامل من جميع النواحي يعطيك العافيه على مجهودك ،،،، من فتره كنت ابي احجز حق دبي من موقع بوكينق وحصلت الفندق والغرف بس ماعرفت افرق بين نوعية الغرف كل غرفه لها اسم ولها سعر وماقصد السويت لان سعره طبعا غير بس فعلا توهقت واخرتها حجزت عن طريق السفريات
اقتباس:
المشاركة الأصلية كتبت بواسطة عذايب قطر
العفو اختي
يامرحبا بج في موضوعي منوره اختي
انتي بتروحين دزني لاند وقصر فرساي
اذا انتي عارفه الفندق او المكان الي بتسكنين فيه ياريت تقولين لي
على اساس بجيب لج الخارطه كامله
واشرحها لج وراح تفهمين سالفتها :nice:
وبعطيج المسافه بالقطار بين باريس وسويسرا
بس عطيني وين تبغين في سويسرا
اقتباس:
المشاركة الأصلية كتبت بواسطة نوار قطر
ياهلا ومرحبا اختي نوار
شرفتي موضوعي :victory:
مشكوره على كلامج الطيب
بالنسبه للغرف
فيها انواع والمسميات تختلف
حسب حجم الغرفه
اثاث الغرفه وبعض المميزات الاخرى
اذا بغيتي تحجزين اي مكان
حطي استفسارج وراح افيدج بكل شي بأذن الله :nice:
مساء الخير اخوي ياليت تفيدني بالشقق العدله في لندن وتكون قريب من شارع الاكسفود
مرحبا اخوي ابي اروح ميامي الجمعه وارجع الاحد
نيويورك ميامي نيويورك
هلا يا اخوي مشكور على الرد وما قصرت
بالنسبة لسويسرا بدبر نفسي
اما فرنسا حاجزين في فندق لامريديان
وانا اطلعت على وايد مواضيع لاني احب اقرى عن البلد اللي بروحه
بس بالنسبة للمترو يعني يبيله اشوي طبعا بيكون احسن من التاكسي
اما بخصوص السفر من سويسرا لين فرنسا راح يتم حجز القطار من قبل المكتب السياحي وكل شي تمام
يعني فيه كم مكان خاطري امر عليهم مثل قصر فرساي وديزني ومتحف الشمع وغير المراكز التسوق
يعني مابنطول في فرنسا بس بعد اقدر اقول الحمدالله
اقتباس:
المشاركة الأصلية كتبت بواسطة q6r2009
ياهلا ومرحبا اخوي
ان شاء الله اليوم راح اشوف موضوعك
بس بغيت اتقول تقريبا كم غرفه
وكم السعر في الاسبوع تقريبا
اشويات وبحط لج خارطه الاندر قراوند وبشرحها لج مبدئيااقتباس:
المشاركة الأصلية كتبت بواسطة عذايب قطر
وعقب بحط لج خارطه لمحطه فندقكم
وطريقج شلون يكون :nice:
انتظريني
اختي انتي رحتي باريس قبل
اذا قصدج ميريدان ايتوايل
انا ما اؤيد مريديان
اثاثه قديم وماعجبني
اسكني قريب الشانز احسن
انا هالسنه رحت 3 مرات باريس كلها جنب الشانز
في فنادق حلوه ومرتبه واسعارها حلوه
اقتباس:
المشاركة الأصلية كتبت بواسطة غايه الطواش
ياهلا ومرحبا اختي غايه
ان شاء الله دقايق واحط لج الرحلات مع الاسعار :nice:
اختي غايه
هذي جميع الرحلات ذهاب وعوده
اخترت كل الرحلات دايكرت
في رحلات ترانزيت ما اخترتها
وسعرها اقل فرق 500 ريال
توصلين في 5 ساعات ونص
اما الدايركت 3 ساعات و20 دقيقه
اقل سعر 1928 ريال
تقلع الساعه 9 الصبح
من مطار جون كنيدي
وفي اوقات ثانيه شوفيها في الصوره والرابط :nice:
http://im13.gulfup.com/xavU1.png
رابط الحجز