ما شاء الله أشياء كثيرة ودي أعلق عليها بس متشتت
عرض للطباعة
ما شاء الله أشياء كثيرة ودي أعلق عليها بس متشتت
019
سعود ويوسف أثنين قاماتهم قصيرة وشياطين قابلتهم يوم كنت اشتغل بالمينا.. اللي يميز بينهم نظارة سعود وقحفيته لانهم ما يعترفون بالغترة.. مديرنا كان نظره ضعيف وكبير سن وكان لازم واحد من الثنين يشرد ويخلي رفيجه ينوب عنه... شك فيهم المدير وصار يقول للسكرتير ناد لي سعود الحين.. او ناد لي يوسف الحين.. فاذا كان شرد يوسف واستدعاه المدير.. يروح له سعود ويشيل قحفيته ونظارته.. واذا كان الشارد سعود وجا له طلب يروح يوسف وياخذ نظارة السكرتير و يلبس قحفية.. يمكن الواحد يستغرب هلكثر المدير نظره ضعيف.. أقول : نعم لانه كان يستخدم عدسة مكبرة عشان يقرأ المعاملات وما فكته الحكومة و عالجته بأمريكا بس ما تحسن.. الله يذكرك بالخير مديرنا أبو محمد ويذكر الشباب بالخير.. حتى شرداتهم كنا مستفيدين منها سندويجات وعصيرات زيادة على أنهم مرحين يعرفهم طوب الأرص على قولة هل مصر.
020
جاء في (الفوائد) أحد كتب الشيخ ابن قيم الجوزية رحمه؛ أن المسلم مطالب بدفع الخواطر أول ما ترد عليه.. لأن دفعها في هذه المرحلة أهون من دفعها اذا صارت فكرةََ.. ولو حصل وأصبحت أفكاراََ فإن دفعها أسهل مما لو كانت قناعات لأنها بالتالي ستخرج من كونها عمل قلبي الى أفعال يحاسب عليها صاحبها... (هذا الكلام أسوقه بتصرف وأرجو أن أكون قد وفقت في نقل المعنى على الأقل).
وإن كان لي من تعليق على كلام ابن قيم رحمه الله.. فهو المشاهدات التي رأيناها وسمعنا عنها وأحيانا هناك أمور لاحظناها في أنفسنا.. لذلك نحن كمسلمين يجب أن لا نعطي الخاطر الآثم فرصة ولا حتى ثواني لكي يتزين أمام نفوسنا الأمارة بالسوء أو في عقولنا الضعيفة.. وهذان الوصفان وإن لم تنطبق على الأغلبيه فهي تصح في حقي ومن هو مثلي والله المستعان.
أحد المصريين ترك الإسلام لأنه لم يستوعب حد الرجم.. وقبله وبعده كثيرون دخلت عليهم الشياطين من باب الوسوسة حتى عشعشت في رؤوسهم واعتقدوها ثم صرحوا بها جهاراََ. وأخرون خربوا بيوتهم أو أعمالهم ومصالحهم وافتعلوا مشكلات نتيجة لخواطر لامحل لها من الإعراب عند العقلاء.. طلاب غيروا تخصصاتهم نتيجة لتخيلات وظنون استحكمت في عقولهم.. ونختم بالدعاء أن ينجينا الله من شر تلك الوساوس وأن يجعلنا وإياكم من الذاكرين الشاكرين.
اللهم امين ...
متابعه لك اخوي بوزيد ... واصل
وفقت وفقتاقتباس:
المشاركة الأصلية كتبت بواسطة سالم الزهران
انا غيرت تخصصي من طب لهندسة يوم شفت تشريح الفار
حياك الله اخت سارة.. لكم صدر الميلس مرحباااا مليوناقتباس:
المشاركة الأصلية كتبت بواسطة sara jsm
ارحب خوي بوعبدالله.. الهندسة كسبتك وهذا انت ماشاء الله عليك باقي تشارك وتنفع الناس .. الله يرفع قدركاقتباس:
المشاركة الأصلية كتبت بواسطة معماري قطري
021
اليوم كنت يالس جدام المنبر سيدة .. يعني جدامي صف واجوف الخطيب احسن من اللي يالسين بالصف الأول.. اللي حصل إنّ الخطيب قال في آخر الخطبة ( في الدعاء).. " اللهم أقم بهما علم الجهاد"؟
بكل عفوية ضحكت ... والله مب ابتسامه ضحكة مدري شلون طلعت بدون ترتيب ! عيل علم الجهاد يا شيخ؟ ماتدري إن الجهاد ممنوع وأنه كان من ضمن ثقافة عربستان اللي ثار عليها مبس اللي قاعد تدعي له؟ يا شيخ انت مب فاااااهم ! يا شيخ أنا مدري أنت جفت واحد يضحك في نص الصف الثاني! ههههههه ، هذا اذا لغى فذنبه في رقبتك لأنك يبت شيء عجيب؟
022
كتبت سطراََ مما قد نعتبره أو أعتبره أنا على الأقل من رحيق التجربة التي نواسي بها أنفسنا كعقلاء أو حكماء.. لكن لقناعتي أن الناس عوالم مختلفه وإن بدت مظاهرهم متشابهة. لهذا السبب آثرت أن أدع هذه الفلسفة جانباََ وأخبركم عن قصة من قصص الدراسة التي ربما تشبه قصصكم التي تكون في الغالب مبهجة.
هذه القصة بطلها زميلنا سعيد، وهو طالب هاديء يتمنى لو يقدر يشاغب بس ما يقدر لأن عاقبتها ترجع عليه، هذي قسمته. المهم اكتشف الأستاذ أحمد أن في شخص قاعد يحل الواجبات لسعيد.. واجهه المدرس واعترف لكن الاعتراف أسوء من المشكلة.. لأن اللي كان يحل له بنت جيرانهم كانت مخلصة سادس ابتدائي والأخ سعيد يعطيها دفاتره تحل له.. بس ما كشفه الا الاستاذ أحمد أعتى وأطول مدرس.. قلت أعتى لان عصاته طويله ويعطيها لفه كاملة لدرجة أن راس الخيزران يضرب في أسفل ثوبه يوم يضرب.. لاتنسون حظ الطالب سعيد أقشر.. فالنتيجة أن الأستاذ أحمد طقه بيده مب بالعصا وضرب رأس سعيدان في الباب وداخ وشالوه لبيتهم. الطالب غاب يومين وفي اليوم الثاني قبل لا يداوم قام أبوه سوى غداء بمناسبة أن سعيد صار بخير.. وعزم المعلمين ونحن يالزملاء ما ندري.. رحنا نبي نحضر الغداء عقب المدرسة ولكن يوم شفنا سيارات المعلمين هونا لأن ما بيطيب لنا الوضع. ما اتوقع أن حد منكم جاء ف باله أن الأستاذ أحمد محد عزمه! أو أنه ما حضر العزيمة سبة الاحراج! بالعكس.. سعيد الغشاش هو اللي كان يقهويه حاله حال الطيبين.. ولحد تحطم ولحد تحلطم..لأن هدف البيت والمدرسة واحد واللي يسويه المعلم هو اللي يبيه ولي الأمر.
والسلام ختام
أرحب يالأخ الحبيب بوعبدالله.. استرسل وعطنا سالفتكم يا عصابة السبعينيات :deal:اقتباس:
المشاركة الأصلية كتبت بواسطة معماري قطري
023
الحقيقة زعلت على الكل جمله كما يقول التوانسه.. حاولت أن الوم نفسي أو أغلط نفسي ما لقيت.. انا مب صعب ولا مريض نفسي عشان أشوف نفسي صح على طول الطريق..لكن بغلط نفسي غصب وقول انا غلطان لأني استمعت لك وغلطان لأني فتحت لك قلبي وغلطان لأني ساعدتك... فهل هذه أخطائي.. جاوب يا ولد العم.
024
في يوم من الأيام كنا شلة زملاء تجمعنا الكلية ويجمعنا الفريج فينا مبارك راعي الطراد اللي يلقط ربيان في الموسم ويغطي غيابه باستراحات مرضية؛ بعد فينا أحمد هذا رفيج مبارك لكنه عالة ما منه الا وناسته ودليلة مطاعم.. انا جاي باجندا ولا اواطن المزح ولا الخفة كلش.. اللي رماهم في طريقي هو المسجد وتعرفت عليهم وكانوا ودهم يتعرفون على انسان التندرا هذا اللي يشوفونه في مجلس آل ناصر.. تعرفت عليهم وخالي كان السبب أنه يحرجني كثير قدامهم عشان يكسر الحواجز ويوالف بيني وبينهم خصوصاََ أنه يثق فيهم.. عاد انا بديت احتك بهم اكثر في الكلية وحبيتهم يوم عرفت انهم حافظين لكتاب الله خصوصاََ راعي الطراد.. كان يعجبهم فيني إني جنوبي جبريت و زود ما يفهمون لهجتنا كلش وكم مرة يستوي سوالف على موضوع اللهجة خصوصاََ. تخرجنا وتفرقنا و راعي الطراد ما حصل له شغل واذكر انه توظف عن طريق والدته لانها تعرف ناس من هل قطر لهم كلمه وقدر عند مسؤول بالدمام... (آخ يا زمن).. المهم تقابلت معهم عقب التخرج والتفرق مرتين... مره جوني جده كان عندهم شغل وخلصناه لهم سوى. لكن راعي الطراد قابلته مرة واحدة فقط.. سافرت مرات كثيرة للشرقية لكن شغلهم كان بشركات ولا اجد لهم عذر... الصج لأني أعرف أن فيه سبب ثاني.. اتحفظ على تفاصيله حالياََ لكن عموماََ يتعلق بهم كمطاوعة وحفظة قرآن وبالتضييق اللي حصل لهم وكأنهم يخافون ان يضرون اللي يتواصل معهم... هذا تفسير واستنتاج شخصي لاني مافي غيره ممكن يعذرهم عندي.
علاقتنا قوية..لكن منقطعة.. رغم هذا.. مرة من المرات وصلت الجبيل ودخلت البيت ورقدت ف المجلس اللي حذا الباب الرئيسي.. دش علي واحد قومني وسلم علي وراح...عطيناه خد يمين ويسار وراح ولانا عارف منهو.. ارجع اتلحف وارقد... عقب قالوا سعد الجبير يوم عرف انك موجود اصر يدخل ويسلم عليك.. قلنا له نايم.. قال معلي منه بقعده.. وفعلاََ قعدني وسلم وراح وكم ارجو ان الله ينعم علي بمقابلته مرة ثانية في ظروف زينه.. سعد هذا رفيج البر والطلعات ومن الأشياء اللي تربطنا مع بعض كسرتنا جامة الجيب الخلفية ونحن ننزل برميل.. في بر النعيرية.
فرق بين اللي تدوره ما تلقاه وبين اللي يدورك ويدش عليك حتى لو كنت راقد.. وعفى الله عن الجميع
في مثل يقول ( البعيد عن العين .. بعيد عن القلب )
لكن في ناس بعيدين عن العين ومكانهم في القلب*مهما غبت او غابوا غلاتهم تبقى مثل ماهي ...
والدنيا مشاغل مب كل واحد ماسال عنك يعني مايفتقدك ..
https://mtnsh.com/wp-content/uploads/95DC.jpg
ودي ماودي
سلوم اليوم انا رحمتك عدل omen
لذا اختار الكف يعدل مززاج crazy
..
ودي الي ف بالي يفتقر،، عقبها يدور علينا ويسأل!
ماتجيبهم إلا الحاجه.
الله يعين يا أم جاسم.. العشرة مدري شلون تهون على بعض البشر... انزين أم مبارك الله يشفيها كنت بنفسي اوديها المستشفى.. الحين غور يا مبارك بس طمني عن الوالدة والله في هذي اللحظة مدري هم بخير ولا بغير..اقتباس:
المشاركة الأصلية كتبت بواسطة sara jsm
الحين اشتكي عليك وتصطرك الحياة بباند :con2:اقتباس:
المشاركة الأصلية كتبت بواسطة ولد العرب
025
https://b.top4top.net/p_10571cjkb0.jpg
https://d.top4top.net/p_1057mud0q2.jpg
https://c.top4top.net/p_1057e9ssx1.jpg
مسجد القبلتين.. يقع غرب المدينة المنورة طرف حرٍّة الوبرة.. الحقيقة تأثرت في هذا المسجد لأن الجو هاديء وتذكرت اشلون الصحابة غيروا قبلتهم من الشمال (القدس) الى الجنوب (مكة المكرمة) وهم يصلون.. يقول المؤرخون أنهم صلوا ركعتين شمال وركعتين جنوب من فرض الظهر.. اللي أثر فيني سرعة التجاوب من الصحابة وصدق الاتباع! هذا المسجد يقع في حي من الأنصار يقال لهم بنو سلمة منهم البراء من معرور رضي الله عنه.. وهم الذين قال لهم النبي صلى الله عليه وسلم (بنو سلمة دياركم تكتب آثاركم) أو كما جاء في حديثه صلى الله عليه وسلم.. ذلك أنهم أرادوا الانتقال بمنازلهم الى قرب مسجد النبي صلى الله عليه وسلم ليحضروا معه الصلاة.
الموضوع القادم سأتوجه إن شاء الله لجبل أحد.. تحديداً الى مقبرة شهداء أحد رضوان الله عليهم .
صليت في هالمسجد :)
حتى جبل احد رحته والله استشعرت المكان اشلون كان قبل ...
والله يابوزيد ان من اجمل الاماكن اللي زرتها في حياتي هي مدينه الرسول عليه الصلاة والسلام ..
ويوم طلعت عنها احس ان قلبي تم هناك :( ... فيها طمأنينه وامان تحسه بكل اهلي المدينه ...
الله يرزقنا يارب ونروحها مرة ثانيه ..
جزاك الله خير اخت سارة ورزقك واخوانا وخواتنا زيارة مكة والمدينة في أحسن حالاقتباس:
المشاركة الأصلية كتبت بواسطة sara jsm
026
زيارة جبل أحد 15ربيع الأول
https://d.top4top.net/p_1057uf3l30.jpg
https://e.top4top.net/p_1057mp9wv1.jpg
الصورة العليا لطرف الجبل الشرقي والسفلى لطرف الجبل الغربي.
https://f.top4top.net/p_10579xbum2.jpg
https://b.top4top.net/p_10574nhig4.jpg
هذه الصورة لموقع المعركة والآن الجبل خلفي وجبل الرماة أمامي جهة القبلة (جنوب) ومقبرة الشهداء هي السور اللي ع اليمين.
https://a.top4top.net/p_1057yxhuv3.jpg
https://c.top4top.net/p_1057x5yv15.jpg
هذه صور مقبرة الشهداء الصورة العليا من جنب السور والسفلى ملتقطة من جبل الرماة وتقدر تتخيل أن مدفون فيها سبعين صحابي على رأسهم عم النبي صلى الله عليه وسلم (حمزة رضي الله عنه) ومصعب بن عمير(أول سفير في الإسلام) وهؤلاء الشهداء والبلاء الذي أصاب المسلمين بسبب مخالفتهم لأمر النبي صلى الله عليه وسلم في جبل الرماة.
هذه لو قارناها بإطاعة الصحابة لأمر تغيير القبلة لوجدناها صورتان مختلفتان للمسلمين عندما يلتزمون أمر الله وعندما يخالفونه.. ولله الأمر من قبل ومن بعد.
https://d.top4top.net/p_10576bug46.jpg
صورة من جبل الرماة لبسطات التمر جنوب المسجد.
https://b.top4top.net/p_1057zbk7s0.jpg
https://c.top4top.net/p_1057xplnz1.jpg
https://d.top4top.net/p_1057ryibe9.jpg
صور للتمر والكيلو بين الخمسين والعشرين ريال.. هذي تمر المدينة (مبروم وصفاوي وعجوة) والصقعي اعتقد دخيل تمت زراعته مؤخراً ويمكن اكون غلطان.. ما كنت بشتري بس سألت راعي التمر وقال لي جرب قلت له صايم.. رجع خذا كيس وحط لي فيه ربع كيلو تقريباً وقلي خذ هذي من عندي.
رجعت شريت منه كيلو مشكل وهذا هو في الكيس الأيمن.. وصوغته ف الكيس الأيسر جزاه الله خير.
والله كل اللي مروا علي جذي .. فيهم طيبه وحبوبين ويدخلون القلب :(اقتباس:
المشاركة الأصلية كتبت بواسطة سالم الزهران
اكيد هالنقصه مطرشها لي :shy:
متابعه لك اخوي بوزيد .. صور كل اللي تقدر عليه ...
مشتاقه وايد 💔 .. حسبي الله على اللي كان السبب :(
الله يعجل بزوال الظالماقتباس:
المشاركة الأصلية كتبت بواسطة sara jsm
متأذي منه البعيد شلون اللي يتأثر مباشرة بتصرفاته..
كان الله مع الصابرين
027
مرة ونا صغير يمكن ثمان سنين كنت في المرعى وفيه ماء قريب سمعت عنده اصوات رحت لقيت بنات نازلين وموجهين جهة البيوت عرفت منهم ثنتين وحده بدت لي اجنبية .. طلعت بنت تصير لهم جت زيارة مع اهلها وطبعاً خرجوا يتمشوون.
نزلت المحل اللي كانوا فيه ولقيتهم ناسيين (بكله)،، كان شكلها غريب لونها أصفر وشكلها كنه طير .. المهم حطيتها بجيب الكوت (جاكيت).. حنا بالديرة لول الأجواء كانت باردة والكوت يتم معك على طول .
رايح جاي والبكلة معي وفتحت المخيلة أنها للبنت الضيفة لأن شعيلة واختها يخب عليهم مثل البكلات .. يادوب مطاط ابيض ومعقود . :)
المهم أن عندي شيئ أفضل من لا شيء ممكن تفكر فيه في ساعات الرعي الطويلة وتتخيل الأشياء اللي عند عيال المدن ومن هالسوالف اللي تطري على اليهال. .اللي بزمنا طبعاً .
الحاصل فقدت الشيء الثمين وجلست ادوره في البيت ومستحي أنشد عنه ولكن عبثاً مالقيت شيء..بعد مرور سنة كنت في الجبل..والله يشهد اني حسيت نغزة في ظهري يوم جيت أسند على صخرة وراي.. تحركت الا فيه شيء مأذيني في الكوت.. قمت أحاول اطلعه وحركته بأصابعي حتى وصل جنب السحاب وطلعته من شق كان هناك .
طلعت البكله .. وطلع جيب الكوت انشق وطاحت في طياته وتمت هالشهور حتى تحركت ناحية الظهر وسوت فيني الحركة اللي خلتني أكتشف وجودها بعد شهور طويلة.
هالسالفة لها حول 30 سنة وتجاوزت مرحلة السرية وطرت لي اليوم للتغيير من جو المشاركات لذلك لا تنشب لي يا ولد العرب ... :waiting:
طلعت حرامي شباصات ههههههههههههههه
:nea:قلت لقيتها يا أم جاسم..
بعدين ذاك الوقت حتى علبة العصير الطايحة بالأرض نقعد نفكر من هو اللي شربها .. لازم نكشف اللي قاعد يشرب عصيرات من ورانا .. كنا نبطل علبة العصير سوى كنا فايزين بسباق الجايزة الكبرى مب علبة مرندا...ولا مؤاخذه :d
crazycrazy ولا بعد تقولي ابي اجرب العود منك والدهن العود والورد الطائفي وروح الورد والورد البلغاري والدهن الورد الاستنبطولي ومخلطات الاميري وعود فيتناماقتباس:
المشاركة الأصلية كتبت بواسطة سالم الزهران
كل هذا تبي تجربه بعد crazy
زين انك اعترفت لنا :anger2: يالله قم منااك
يعني ديرتكماقتباس:
المشاركة الأصلية كتبت بواسطة سالم الزهران
لو واحد يعاطس في ليل
وتردون عليه الصبح يرحمك الله يابوفلان :eek5:
يادافع البلاء
ولد العرب.. مرحبتين.. انا من آخر جيل لحق حياة الزراعة الأولى وشاف فترة قبل وبعد الكهرب وحتى مكان ميلادي مسجل القرية القديمة ولا أعرف واحد من أخواني أو من أترابي مسجل له نفس مكان الميلاد.. مثل لو انت من مواليد روضة جديب وأخوك اللي بعدك مسجل مواليد حمد.:ok2:
028
يوم من الأيام كنا نروح جبال قريبة منا للكشتات والقنص.. طريقها لازم جيب ولايوجد فيها بشر غير أثنين رعيان غنم من اخوانا اليمنيين.. الديرة اللي فوق الجبال كبيرة متعددة الحصون والمزارع والبيوت واللي يدهشك فيها وجود أكثر من مقبرة والمدهش حقاً أن القبور عددها كبير جداً وشواهد القبور (نسميها ترايس جمع تريسة) باقية على حالها كأن الزمن توقف عندها. هذا الشيء جعلني أتساءل كم كان عدد السكان؟ ألف ألفين.. هذا شيء يدلك عليه كثرة حصونهم وبيوتهم وآبارهم اللي يسقون منها.
صار بيني وببن راعي اسمه حسن معرفة وكنت أمر عليه اذا كشتنا ذاك الصوب ويتغدى معنا وناخذ من الأخبار وش اللي يواجهه.. المهم معرفتي بحسن اليماني تعمقت وكنا نسوي خبز التنور سوى ونجلس نسمع استراحة الخميس على الراديو مع بعض وأحياناً يجيبون أغاني يمنيه و نوع من تلسية الشباب لول نرجو الله المغفرة.
السالفة الحقيقية تبدأ يوم اشتكى لي حسن من أشياء كان يشوفها ويقول أنا يمني مش أي حد ثاني مثلاً عشان أخاف لكن النوم يجيني بصعوبة.. أحياناً يجي رجل يوقف عند طرف البيت ونا نايم على السطح وينادي.. واذا قمت أو ذكرت الله اتوقعه حلم.. لاني ما أشوف شيء لكن صار يتكرر معي وأسمع أصوات نداء مستمر أحسبه عمي وأجي القى محد... كنت بسولف لكم يوم تسألوني بس خفت حد يضحك علي أو يتهمني بشيء.
افترقنا ورحت وسافرت ورديت الديرة وانتهز الفرصة أبي أرتب لطلعة ونبي نفس الربع لو قدرنا نجمعهم.. وأثناء الترتيب.. سألت أخوي عن حسن الراعي.. قال لي (راح).. قلت خسارة الأجودي.. قال أحسن له يروح الرجال تعب ومرض.. هنا التفت لأخوي وقلت شسالفة وشلون مرض.. قال لي خوي خذ علمه من عمي فلان.. هو اللي وداه الحدود عشان يسافر.. يوم أقابل عمي ونشده ابغي اتبشر عن الأخ حسن قال لي نعم وديته الحدود والرجال مرض وعمه وداه وجابه مستشفيات وشيوخ ولا نفع.. رجع كلم أهله باليمن وقالوا جبه لنا الحدود.. وطلبني نروح نوديه الحد لأني تقاعدت من ذيك الجهة.. واليمني اللي تنشد عنه مسكين والله أنا وديناه مربط بغترته.. خلاص تجنن... حقيقة حزنت عليه ولازلت اذكره كلما ذكرت محلهم.. والله يعافية ويرد له صحته وين ماكان.
لاحول ولاقوة الا بالله .. الوحدة تخلي الواحد يفقد عقله ..
وفي مثل عندنا يقول ( الجنة بدون الناس ما تنداس ) فما بالك في الصحراء
الله يشافيه ويعافيه يارب
029
من الأمور المهمة في الحياة بالنسبة لي هي غرس مفهوم الحلال والحرام في نفس الولد والبنت والزوجة ورفيق العمل.. لا تستشيروني إن استطعتم.. فإن علمتم أن ما تريدون فعله أو تركه حلال فلاتترددوا وإن كان حراماً فلا تقتربوا وإن اختلط الأمر فتوقفوا واجتنبوا الشبهات..
صحيح اللي ذكرتيه و الله يحفظ المسلم بصلواته وبأذكاره... القرآن علاج لكل شيءاقتباس:
المشاركة الأصلية كتبت بواسطة sara jsm
ودي أترك السكر نهائياً وما ودي أترك الكرگ :)
030 [ أختي المسلمة ]
أكتب لك لأذكرك أنك أول من آمن بالله وبرسوله صلى الله عليه وسلم من البشر ممثلةً هنا بخديجة.
أكتب لك لأذكرك أنك أكثر من أحب رسولنا الكريم صلى الله عليه وسلم من البشر ممثلة هنا بعائشة.
أكتب لك لأذكرك أنك من أشار بالخير في الحديبية حين أحجم الناس ممثلة بأم سلمة.
أكتب لك لأذكرك بأنك الباذلة المتصدقة وأم المساكين ممثلة بزينب بنت جحش.
أكتب لك لأذكرك أنك حاضرةٌ في الإسلام منذ بزوغ فجره.. ولأنك معروفةٌ في السماء بعفتك.. وأخبرنا نبينا أن نصيف (خمار) الحورية على رأسها خيرٌ من الدنيا وما فيها! (صحيح البخاري).
فمن مثلك؟ ومن يبلغ منزلتك! إذا اقتديتي بأمهات المؤمنين رضوان الله عليهن.
يعني عمرك 55 سنهاقتباس:
المشاركة الأصلية كتبت بواسطة سالم الزهران
وتبي تتعرف علي انا عادني مقبل على الدنيا :waiting:
المهم انك كفو وبس... وبعدين العمر تراه مب معيار.. اليوم في الستين وما نلحقه في المشي.. انت ليش ما:vampire: تجي:vampire: الجبيل عشان اوديك الاستراحة :vampire:ونذوقك المندي المعتبر مب شغل المطابخ:vampire: :vampire:اقتباس:
المشاركة الأصلية كتبت بواسطة ولد العرب
https://e.top4top.net/p_1067b2j8c0.jpg
:eek5::eek5::eek5::eek5:اقتباس:
المشاركة الأصلية كتبت بواسطة سالم الزهران
بااااال سلووم ليش كاتب راعي الشنطه
بدخلني طووفه انت crazy
يامكافحه بتمسكنا انا وانت والسبه هالغزل :rolleyes2:
يا رفيجي كل شي(ن) بدا ماشي غبى :waiting:اقتباس:
المشاركة الأصلية كتبت بواسطة ولد العرب
هات شنطتك الخنينة وقضبني البخور :waiting:
لاتشيل الهم مادام بالدوحه اهلها :ok:
031
الدنيا ما يعرفها الا الذين قاسوها (بالقياس) وقاسوها بمجاهدة مغرياتها.. الدنيا ترى فيها الغراب يخلف الشاهين والابن الفاسد يخلف الصالح.. ولا حامي الا الله سبحانه...جمعنا مجلس عائلي مع بعض الإخوة وعيال العم وفينا رجل مبتعد قليلاً منصرف لشغله.. قال له أحدهم بعد أن جرتنا سالفة الدنيا والفلوس ( قال له: يا ابو فلان أنت ليش ما تسافر وتطلع وتشوف الدنيا وتفرح عيالك؟) يا خي اصرف من هالملايين اللي عندك ( مبالغاً طبعاً)! مع أن الرجل مقتدر أكثر من المتحدث اللي شاري خمسمية وسبعين بنص مليون قروض ودين (لاجل ياخذ وضعه..!).
المستهدف بالكلام ما رد... ولكني تكلمت وقلت يا فلان لو الدنيا كلها سوت اللي انت تبيه محد بقى لفعل الخير وللقدوة الحسنة.. انت تبي الناس كلهم يصيرون مديونيين.. شلقدوة هذي اللي تبيها! غيروا السالفة.. وجا العشا.. لكن فيه كلام انا ما قلته وبقوله هنا بالمنتدى ( ولد عمنا المتهم بالحرص هذا قايم على مساجد ويساعد ناس اعرف منهم أسرتين.. وعياله مب قاصرهم شيء الا الحفلات والسفريات والسنابات مثل اللي يبيها المنتقد ومثل اللي طايحين فيه الناس)
استغرب من بعض الاخوة وعيال العم ثقته الزايده بنفسه... واللي سببها الفلوس... يوم واحد بالشهر مبسوط ويوم خمستعش طافي الليت وقاصر الحس... لان وقوده الفلوس... لان نفسيته تعتمد على الفلوس... وهذي مصيبة انتشلوا انفسكم منها قبل لا تسبب لكم ضياع في الهدف والغاية من الحياة يا عباد الله.
032
بنكمل موضوع الفلوس والدنيا نسأل الله أن يعفو عنا ولا يفتنا.. عندنا فريج ماشاء الله قريب من فريجنا في المسافة بس :) .. كله فلل فخمة وشوارع زينه واللي يروح هناك ما يمديه يتذكر شغله اللي راح له من اللي يشوفه! مره كان واحد من الاخوان يقول.. الناس هذيلا ما يمديك تلفت النظر عندهم بأي سيارة.. حتى البوغاتي مسفوطه قدام البيوت؟ فعلاً كلامه ضحكني.. طيب شلون حفلاتهم الناس الكبارية هذيلا واعراسهم وسفراتهم! محد يبي يروح لها اذا نفس تفكيرك لأنه يخاف من التقييم هههههه... ما ينفع تروح لهم بددسن غمارة... من باب الدردشة مع الاخو اللي يبي يلفت النظر.