الله يعطيك الف عافيه ...زين اللي سويته فيه يستاهل و يتأدب ان شاء اللهاقتباس:
المشاركة الأصلية كتبت بواسطة بوخالد911
عرض للطباعة
الله يعطيك الف عافيه ...زين اللي سويته فيه يستاهل و يتأدب ان شاء اللهاقتباس:
المشاركة الأصلية كتبت بواسطة بوخالد911
متفق تماما معاكاقتباس:
المشاركة الأصلية كتبت بواسطة qatari911
الملاحظة رقم 14
اقتباس:
المشاركة الأصلية كتبت بواسطة سهم فضة
مب بس وزارة العمل يا اخوي الا كل مكان سواء قطاع عام او قطاع خاص
الحين اعتقد جميع وكالات السيارات ما تقدر تتصل عليهم بسهوله و في مواقعهم على النت يقولك اترك تليفونك و اسمك و ايميلك و احنا نتصل فيك
كهرماء الحين ما يردون و اخونا مازن طرح هالشي في موضوع منفصل تلاقيه في المنتدى العام و مازال موجود في اول صفحه و الحل انك تترك تليفونك و هم يتصلون فيك مثل ما قولت له ...هالحاله في حالات الطوارئ نفس الشي
الحل انه يكون في شخص مسؤول يتصل عليهم و لو ما ردوا يتم تفنيش الموظف اللي قاعد على البداله و يجيبوا واحد او وحده ثانيه يبي يشتغل و يحلل راتبه فعلا بما يرضي الله و من ثم البشر
كل الشكر و التقدير
ايه والله انك صادق و زيد عليها البنزين و تعطيل مصالح خلق اللهاقتباس:
المشاركة الأصلية كتبت بواسطة مرتبش
ما في داعي اقولك اشلون ادعي و اسب عليهم طول الطريق و انا مضطر اروح عندهم لانهم ما ردوا على تليفوني هههههههه....اعتقد انت عارف اشلون
زين اللي سويته فيه علشان يتأدب و يتربى هذا واحد واطي بلا اخلاقاقتباس:
المشاركة الأصلية كتبت بواسطة معماري قطري
عندي ملاحظه صغيرونه.. الاخ/ السائق/ الموظف/الجار اللي لأي سبب بيوقف لي ع الطريق او يأشر لي أوقف لأي سبب أو جانب مب عاجبه،، يوم يكتشف انه معنده سالفه ليش يتصل ع الدورية! يعني الحق اللي انت ما تثبته لنفسك بالمنطق والعقل؟ ظنك تثبته لك الشرطه؟
ويقولون ليش الجهات الامنية تطنش وما تحضر الا وين وين؟ لانهم عارفين الوضع؟
يمكن هذي ملاحظة سلوكية اكثر من تكون شيء عام.. وشكراََ
كلامك صح المفروض الواحد يحط أعصابه في ثلاجة .. بس يا اخوي أُمور تقهر لو واحد يتعدى عليك .. الخطأ خطأ ومقدر لكن انت في طريقك يجيك واحد يبي يلف بالغصب .. وينه قبل وليش ما خذ مساره من فترةاقتباس:
المشاركة الأصلية كتبت بواسطة سالم الزهران
زين فيه تقاطع ومسرب يودي يسار انملأ سيارات تعال شوف البعض .. واحد يسار ويبي يروح سيدة يحتد يلف يمين ويدخل في مسار سيارات ماشي طريقها للي بيروح سيدة .. بعضهم بدفاشة ويعرقل المسار غصب وبعضهم تعطيه الطريق يطلع جدامك ويدوس للسيارة بحنية ويذلك وراه .. وتعال للي في اقصى اليمين ويطرأ عليه يلف يسار وهو يتمشى براحته ويقطع كم مسار هذا يستحق مخالفة بامتياز ووين المرور وكاميراتهم عنه
اخوي معماري؛ من حقك تتصل في اي جهة حكومية تجيب لك حقك.. الملاحظة أن بعض الناس ممكن يشتكي عليك عشان يعنيك ويخليك تضرب مشوار للمخفر.. وفي النهاية المخفر يعتذر لك ويسوي اجراءاته وترجع انت تنازل؟
بعض النفسيات يستغل الشكاوى والبلاغات عشان يأثر على نفسيات البشر فقط.
كلامك صحيح وبعضهم شكوى بدون وجه حق والفاصل في رأيي هو التحقيق والكاميرات ولازم تنتشر في كل مكان وتكون متاحة للمحققيناقتباس:
المشاركة الأصلية كتبت بواسطة سالم الزهران
ولدي انسحبت مرة سيارته بسبب شكوى عليه من مقيم سوري يوم رحت معاه للمرور وحاولت اشوف سبب الشكوى طلع ليش ما فتح له الطريق عند الاشارة وهو يبي يقطع من أقصى اليمين لأقصى اليسار حتى يتجه يسار لكن زحمة سيارات واختناق وولدي بيروح سيدة سكر عليه وراح هو سيدة وتم يهرن وعصب وسجل الرقم وبلغ
قابلت الضابط المسؤول وتناقشنا في الموضوع ويوم جاء السوري الضابط كان مقتنع إنه غلطان ولا يحق له يسوي اللي سواه وانا قلت له قوانين سوريا عندكم غريبة وانا سقت هناك ولا تنقل قوانين سوريا للدوحة بس يوم شفت موقف المشتكي صعب وموقفنا لنا الحق والرجال شيبة وولدي كان 18 أو 17 ليسنه تحت التعليم قلت للولد يعتذر منه وانحل الموضوع بدون سوالف طويلة .. البعض يستحقون المخالفة ولا اتكلم عن سرعة بسيطة فوق المحددة اتكلم عن تجاوزات قاتلة حتى لو يمشي الواحد ببطء قاتل
يا معلمين،، يا تربويين يا المسؤلين عن المناهج.. عيالنا ما يعرفون يكتبون.. واذا نظرت لمنهج صف أول تجد الطالب يعلمونه الحروف مع الحركات (التشكيل)؟ ليش تشتتون انتباهه بالكسرة والضمة والسكون ؟ هل ابناءنا عجم؟ علموهم الحروف.. أما الحركات فهي لتعليم النطق؟ وهم ينطقون حديقة وباب و طاولة.. بشكل صحيح؟ عيالنا مهب فلبين؟ يا وزارة... المعلم يكتب كلمات بطريقة غلط.. الأبناء يحتاجون حصة خط؟ افتحوا المجال يا وزارة!
لو ما هي نصيحة عاااامة تنفع عيال المسلمين ما كتبتها!
المدارس مهب ديكور ومباني ومختبرات وملاعب حديثة فقط؟ المدرسة مضمون.. المدرسة معلم (حُر) مهب معد تقارير أو محرر محتوى انترنت عشان يجلس ساعتين يومين ع البلاك بورد؟
يا حلو الحركات المكتوبة في شعارك يا بو زيد .. الحركات تعلمناها من الابتدائي على يد مدرسين أشداء في اللغة العربية وغالبيتهم فلسطينيين الله يرحمهم أحياء أو أمواتاقتباس:
المشاركة الأصلية كتبت بواسطة سالم الزهران
تدري انا درست الثانوية الايرلندية كمتطلب للطب كانت اللغة الانجليزية اعتقد 5 مواد منها قصة كلماتها غلجة ولا عمرها مرت علي ومنها أدب شكسبير وربعه وذاي وذو وكلمات تخليك ما تجمع .. منها القواعد أو الغرامر ومنها الكتابة والقراءة .. هذا بالاضافة للأحياء والفيزيا والكيميا والرياضيات وما اذكر شكثر مواد غير
ناس من ربعنا سنوات ما خلصوها .. انا من أول شهر عطيت نفسي الراحة وطلبت تغيير دراستي وما كملت معاهم قعدت شهرين مستمتع بوقتي فوق الشهر ورجعت قطر خلصت أوراقي ورحت أمريكا
أشوف التركيز على اللغة العربية وموادها وعلى العلوم الشرعية ومباديء الحساب وعلوم الأخلاق والتربية الحديثة والقديمة هي أهم شيء للابتدائي بلا انجليزي ولا علوم زايدة .. هذي في الاعدادية والثانوية والتخصص يبدأ من الاعداداية يكون اعداد للثانوية ومنها للجامعة وحسب التخصص ممكن نحتاج انجليزي وممكن قدر يسير منه وممكن أكثر أو عربي أكثر والدراسات العلمية تركيز على العلوم
مشكلتي ناسي انك معماري تطالع بعيون ثانيه؛)
أما الحركات الفرعية ضم كسر سكون الخ.. فموقفي منها قلته أمام أحد اللغويين وهو استاذ في جامعة الشارقة. قال لي اشرايك في شكل الكلمة؟ قلت ما أؤيد شكل الكلمات.. خلنا يا دكتور نعرف وين نحط الفاصلة بالأول! فرد علي كلام ما مداني أنساه ولا أظن بنساه (قال لا أرى أي كتابة جيدة إن لم تكن مشكولة) يعني آخر كل كلمة علامة إعرابية!
فأنا احترم وجهة نظره و عندي دخيلة في نفسي اقول يعني ما تعرف آخر الكلام الا بالضمة والفتحة؟ ومع ذلك احترم وجهة نظره ولعلي اكتشف السر في المستقبل. إن شاء الله
لكن صف أول ابتدائي احسب ولدي بيكتب نقطة النون، طلع يبي يكتب الفتحة؟ ف شلون تلخبطت عليه الأولويات؟
الولد يكتب كلمات مقطعة مع اخطاء طفيفة من قبل يدخل مدرسة.. والاستاذ اثنى عليه من اول الدروس ومبسوط منه؟ الحين رجع الاستاذ يشتكي؟ لانه خرب الطريقة اللي تأسس عليها الولد في البيت! فالمدرسة بدال ما تريحنا.. زادت علينا العبء؟ ان ما زدنا للولد جرعة الكتابة في البيت.. فراح يستوي ضحية لمعلم قليل معرفة قليل ادراك قليل رغبة شغلته يترس الشنطة اوراق مطبوع فيها حروف والسلام.
مدرس المرحلة الابتدائية عموماََ والصفوف الدنيا خصوصاََ.. مفروض يكونون صفوة الصفوة و لهم بدل اعلى من غيرهم لكن محد بيسمع لأن الاستماع اصلاََ فن
يفترض التدرج وما نعلمهم الحركات من الصفوف الأُولى .. رابع ابتدائي معقولة مع أساسيات القواعد .. نبتدي بالأحرف وطريقة نطقها وهذي ممكن حتى في الروضة وبطريقة محببة للأطفال
العلم تأسيس وبناء بجرعات مدروسة وخطة تعليمية عامة الكل يتبعها ويفترض بمنهج خصوصاً لهذي المواد اللغة العربية والعلوم الشرعية والتربية الوطنية والأخلاقية العامة .. الباقي مباديء العلوم والحساب نبنيها بهدوء وما نركز عليها وايد للابتدائي
اتفق مع هذا الرأياقتباس:
المشاركة الأصلية كتبت بواسطة معماري قطري
ملاحظة رقم 15
هذا لو ما عنده سالفه و اتصل على الشرطه لازم يسوون له مخالفة ازعاج السلطات و الجهل بالقانون ليس عذر للناس انها تسوي مشاكل و تخالف القانون او تتصل على الشرطة نتيجة جهلها بالقوانين و التوعيات المروريهاقتباس:
المشاركة الأصلية كتبت بواسطة سالم الزهران
أيضا في ناس تتصل على الشرطه من باب المكابره و الكيدية و التفاهه انهم يبون يعطلون الناس و يزعجونهم لانهم شايفين انه الشرطه جايه ببلاش ما راح يتكلفون شي... يبون يتسلون و الا بس يزعجون الناس ....متفرغين
و فعلا كلامك صحيح....بسبب الجهل من هذه الفئه من الناس انعكست على باقي البشر ان تتاخر مصالحهم يوم يتصلون على الشرطه و تتاخر عليهم الشرطه.... الخير يخص و الشر يعم
الناس اللي تلف من اقصى اليمين الى اقصى اليسار او العكس او اللي تحس انه ما في احد غيرها بالشارع اكرههم كثير و احتقرهم و الا تلاقيه ماشي شوي شوي علشان مشغول بالجوال و الا يدور على موقف سياره و تزمرله و لا يسأل و يوم تمر جنبه تلاقيه في عالم اخر..... صدقني نفسي اضربهاقتباس:
المشاركة الأصلية كتبت بواسطة معماري قطري
هذا يبيله واحد يخلص البشريه من شره و قرفه مثل الأفلام الأجنبية
في ميزان حسانتك ان شاء الله ......مرة ثانية أقول الجهل بالقوانين ليس عذرا للناس انها تخالف و الا تشتكي للشرطه...الأول لازم يعرف كل واحد مننا ما له و ما عليه قبل انه يفكر يلجأ للمرورو للجهات الرسمية و يشتكي ......واحد يروح يشتكي يعني يبي الضرر للغير مع سبق الإصرار و الترصد...... لو يبغي يأدب واحد غلطان يمكن نقوله معاك حق بس يبي يشتكي و هو مب فاهم هذا استهبال....اقتباس:
المشاركة الأصلية كتبت بواسطة معماري قطري
بعدين انا مب مقتنع بمسألة عندنا بسوريا و عندكم في قطر.....قوانين المرور واحده حسب علمي الا لو كان هناك عرف خاطىء و سائد و أيضا ما له حق هذا المقيم السوري.... ايش ضمننا انه كلامه صحيح انه هالشي يصير في سوريا بشكل قانوني و نظامي مثل ما يقولون مب تصريفه
هو ما قال انا قلت له تبي تنقل سواقة سوريا عندنا .. كنت بصراحة معصب منه ومن المرور اللي ما ناقشوه في سبب شكواه
بعدين غالبية اللي يتجاوزون أو يخطون يدرون بالقوانين وانهم على خطأ بس يبون الناس تتنازل عن حقوقها لهم واستوت الشكوى سهلة
بعدين طبع الجميع اتوقع يتغير بعد فترة ويهدأ ويدري إن السالفة ما تسوى .. انا اللي يخليني اصر على المخالفة لو كانت قوية وواضحة وفي حق الشارع واللي فيه مب حقي اني بس في مجال القانون وهذا واجبي
الملاحظة رقم 16
والله يا اخوي العزيز انا متفق معاك انه التشكيل و الحركات في اول ابتدائي بيكون طلاسم عجيبة للأطفال بس أتذكر يوم كانوا يعلمونا في اول ابتدائي عا عو عي خا خو خي جا جو جي هههههاقتباس:
المشاركة الأصلية كتبت بواسطة سالم الزهران
انا ما اعرف اعلق اكثر على هالموضوع لاني مب تربوي اكاديمي انت اعلم مني
اهم شي انه ما يجينا جيل ما يعرف متى يرفع و متى ينصب و متى يجر
و خلنا ما ننسى اننا ممكن نعلم الأطفال تلاوة القراءه و التجويد و الترتيل..... انا بالنسبه لي الحركات و المدات في تلاوة القران هي المسألة الصعبه و تلاقي أولاد و بنات صغار يتقنونها مع القاعدة النورانية
ملاحظة رقم 17
اقتباس:
المشاركة الأصلية كتبت بواسطة سالم الزهران
متفق تماما معاك
الملاحظة رقم 18
لما ندخل أي مطعم او كافيه و نلاقي الناس اللي تسوي الاكل فيه يلبسون قفازات نشعر بالارتياح النفسي و انه هالمطعم منتبه لاساسيات و ابجديات النظافه و نعتقد ان غالبا اكل المطعم نظيف
بس الحقيقة المره هي يوم تدقق في هؤلاء العمال في المطعم اللي يلبسون القفازات تكتشف شي واحد فقط و هو انهم يلبسونها مب علشان يقدمون لك اكل نظيف بل للحفاظ على بشرة أيديهم من الامراض و التلوث فقط
ليش أقول هالشي.... لانه يلبس قفازات واحده ما يغيرها و من هالقفازات تلاقيه يستلم الفلوس منك و يحاسبك و يجهزلك الاكل و يسلمه لك على صينية قذره مستعمله مليون مره بدون تنظيف و لو توفر وقت قليل عنده بدون زباين راح يمسك الممسحه و يقوم ينظف الارضيه او يتناول بيده أي شي من بقايا الطعام واقعه على الأرض امام الكاشير او ع السريع يمسك فوطه مبلوله وسخه يمسح فيها الطاولة اللي يقدم من خلالها الطعام للزباين
لو تبي تعرف اشلون المطعم وسخ بيصيبك اسهال ....لو المطعم وسخ زيادة عن اللزوم نزله معوية و غسيل معدة....لو المطعم رايح فيها ممكن لا سمح الله انت كمان تروح فيها و البقاء لله
عندي ملاحظه وهي لاشغال ونظام الاشارات الضوءيه
ارجووووووكم حطوا سنسر للاشارات يكون اسرع واعملوا دراسه على كل اشاره
وافضل طريقه لادارتها
يا ما واقفين على الاشاره ومافي حد وخصوصا بالليل
في أمريكا ومب في كل المدن بعضها الحديثة منها .. تحصل الطرق الرئيسية كلها خضراء والمتقاطعة معاها حمراء بس من توقف السيارة سنسر يفتح لها خلال ثوانياقتباس:
المشاركة الأصلية كتبت بواسطة MAZEN37
المطاعم لازم لكل مطعم مدير مناوب يعني يكون متواجد طول وقت اشتغال المطعم ولازم يشرف على هذي الأُموراقتباس:
المشاركة الأصلية كتبت بواسطة khaldoon
الرد بالازرق ...شكرا لكاقتباس:
المشاركة الأصلية كتبت بواسطة سالم الزهران
اقتباس:
المشاركة الأصلية كتبت بواسطة معماري قطري
انا أيضا اتفق مع هذا الرأياقتباس:
المشاركة الأصلية كتبت بواسطة سالم الزهران
الملاحظة رقم 19
يقولوم إشارات ذكيه يعني الإشارة تشوف لو ما في احد على احد الخطوط الاربعه فراح تتجاوز دوره وما تفتح على الخط الفاضي او تعطي وقت أطول او اقل حسب الزحمة و مع ذلك نقف أحيانا في الخط و ننتظر الثلاث خطوط الأخرى فارغة تماما ننتظر الفراغاقتباس:
المشاركة الأصلية كتبت بواسطة MAZEN37
و اللي يقهر اكثر انه في اختراع من مية سنة و هو اختراع الموجه الخضراء و درسونا إياه في المدارس أيام الاعدادي في قطر في scientific English book و يقول الكتاب انه لو انت واقف على الاشاره وفتحت لك و السرعه مثلا 80 كلم/ساعة فلازم تمشي بهذه السرعه تماما و بمجرد ان تصل للاشارة التاليه راح تفتح على طول و ما راح توقف ابدا ولا تستهلك بريكات ولا أي شي
لو مشيت بسرعة بطيئه فراح تفتح الإشارة التاليه و تسكر و انت ما لحقتها وراح تضطر توقف .... اما لو مشيت بسرعة عاليه فراح تصل للاشاره التاليه وهي لسه ما فتحت و توقف أيضا فالافضل انك تلتزم بسرعة الشارع....
طبعا ما يبيلها كلام هالشي يطبق حرفيا بالشوارع عندنا و لله الحمد
الملاحظة رقم 19
انتظر خادمة طلبتها من مكتب استقدام الخدم و يفترض انها تصل بعد عشرة أيام فقط ...انا طلبت خادمة غير متزوجة و ما عندها أولاد
اليوم خبروني انها حامل و اكتشفت هالشي الان..... طبعا راح اضطر ادور على خادمة جديده و انتظر شهر ونص الى شهرين مرة اخرى.... من المسؤول عن هذا الشيء.... الست انا الخاسر الأكبر ولا تعويض ولا شي لي..... احنا عارفين انهم في بلادهم لا دنيا ولا دين و هالشي عادي بس على الأقل هي مقدمة اوراقها على انها مب متزوجه و ما عندها أولاد.... المفروض انها تلتزم بما قدمته و الا مين يدفع ثمن هالشي
هالشي صار معاي اليوم و ممكن يصير معاكم بكره
أيضا ما عندنا اليه او اجراء متبع في حماية المستهلك في مثل هذه الحاله و الا راح نضل عايشين على التساهيل و بس
بما إن الأجواء باديه تزين وإن موسم الفعاليات الخارجيه المختلفة بيبتدي تقريبا من هذا الشهر أو شهر 12 ليين شهر4-5 تقريبا
أتمنى من إدارة الفعاليات و المهرجانات عموما و بسوق واقف تحديدا عدم التهاون بمراعاة دخول وقت الأذان و الصلاة وعدم السماح لأي فعاليه تتم بهذا الوقت خصوصا و إن فعالياتهم كلها أغاني ورقص إن كان ثابت أو الفرق الشعبية إلي تدور بالسوق
مع إن الأفضل ما تصير مثل هالفعاليات بالأساس خصوصا بسوق واقف .
بس بما إنه يصير ...فمراعاة الوقت مطلب ضروري
اتمني التشخيص بمستشفيات حمد يكون ادق وقوي لان ارواح تزهق وأموال الدولة تصرف بالخارج والسبب ضعف البعض من الاطباء وهاذي نقطه مهمة جدا لأيمكن التغاضي عنها والقصص كثيره عندي وعندكم وأنا أعاني الان منها بالخارج
مطلبي وكما هو مطلب القطريين بخصوص فترة ضمان الخادمة أن يمتد حسب العقد
فلا يعقل أن أدفع 16000 - 13000 لخادمة وبعد 3 شهور تهرب والكفيل يجب دفع التذكرة لترحيلها !!!
لابد من مراجعة هذه الأمور وجعلها لصالح القطريين وليس ضدهم.
المدير المناوب هذا يبيله تفنيش لانه ما يعرف شي عن النظافه و لا داري فيها.... تلاقيه بس حاط راسه في الكمبيوتر و يراقب طلبات و احتياجات المطعم من حيث المواد و ايش يبون و الحسابات ...كل شي يصير تحت عنيه من تجاوزات وهو خبر خيراقتباس:
المشاركة الأصلية كتبت بواسطة معماري قطري
الملاحظة رقم 20
انا متفق تماما معاكي و أتمنى انهم يلغوا هذه الفعاليات كلها و للأسف كمان شوي داخلين على شهر ديسبمر.... مع الكريسماس و راس السنة الميلادية و الخصومات في المولات و الاحتفالات و الفعاليات في الأسواق و الاجواء الحلوة و المولات و المتنزهات و الكورنيش تحسينه شهر المعاصي بعكس شهر رمضاناقتباس:
المشاركة الأصلية كتبت بواسطة Dana’1
الملاحظة رقم 21
سلامات ان شاء الله ما تشوف شر.... اجر و عافية ان شاء اللهاقتباس:
المشاركة الأصلية كتبت بواسطة الكاسر007
انا بقولك شي .... و هالكلام ينطبق على جميع مستشفيات العالم
المستشفيات هي المكان الوحيد الذي تتم فيه عمليات القتل بشكل قانوني بدون حساب ولا عقاب
احنا بأنفسنا نوقع عن اخلاء طرف لأي شيء يحدث معنا قبل دخولنا العملية مهما كانت بسيطه و عادية و نسبة نجاحها فوق 95% ... يعني الدكتور يدخل العملية و هو مرتاح نفسيا لا حساب ولا عقاب....و هو و ذمته
قولي وين في شغل يعطيك براءة ذمه واخلاء مسؤولية عن اخطاءك قبل انك تمارس عملك أصلا غير وظيفة الطبيب؟؟!!!
هالكلام هذا تلاقيه في المستشفيات العالمية في أمريكا و أوروبا اللي احنا ما نثق الا فيها قبل دولنا العربيه ..... ما انسى مره شوفت فيلم امريكي يتكلم عن محققين يتابعون الأخطاء الطبيه..... و طبعا القصه واضحه انها متابعة قصة وفاة شخص بسبب خطأ طبي و كل البحث و التحقيق حول المستشفى الكبير المشهور العالمي فأحد المحققين او المخبرين يقول لزملاؤه في فريق البحث: انتوا تعرفون انه مثل هذه المستشفيات الضخمة تلاقي عدد المحامين فيها اكثر من عدد الأطباء!!!!
يعني لما يكون في خطأ طبي و احنا موقعين أصلا على اخلاء طرف معناته احنا وين رايحين و على ماذا مقدمين و متنازلين عن حقنا في الحياة مع سبق الإصرار و الترصد قبل انه نسوي عملية ولو بسيطه جدا جدا و بعيدة تماما عن ما يعرض الحياة للخطر .... طالما في تخدير و جراحة و دم و قطع و لزق و خياطة ....
لاحظ كيف نقول للدكتور ليش أوقع على الورقه يقولك اجراء روتيني بدونه ما في عملية و نسبة النجاح أصلا 95% يعني ما في خوف على حياتك و احنا من غير سابق معرفه ولا لاي سبب نوقع على الورقة خلال ثواني و هالورقة تعفي الجميع من أي خطأ طبي يودي بحياتنا .... بينما تلاقينا خايفين على اتفه الأشياء انه احد ينصب علينا..... كائن بشري عجيب غير مفهوم
والله كلامك صحيح..... المكاتب يقولون للخادمات احترمي نفسك بالطول و العرض لمدة ثلاث شهور او حتى تاريخ نقل الإقامة على الكفيل ايهما اقرب و لا تخلين اللي استقدمك يزعل و يرجعك و بعدين اظهري على حقيقتك و اظهري كل حقاراتك بعدها الله ياخذك انت و كفيلك انا ما لي خص فيكم بعدها قطعوا بعضاقتباس:
المشاركة الأصلية كتبت بواسطة بوخالد911
لازم يكون في الية لحل الموضوع ....اجل ليش رفعوا اسعارهم من 5000 ريال تشمل ثلاث شهور رواتب مدفوعه للخادمة و صار 15000 ريال لا تشمل الرواتب طالما ما في ضمانات.... الحين واحد ينط و يقولي الإيجارات.... يا شيخ خلاص ورقة محروقه من زمان
الملاحظة رقم 22
مدرسة ابتدائية مستقلة للبنات موجوده بالقرب من فندق رمادا كل المدرسات فيها ما يكرمون ولا يقدرون ولا يعطون جوائز الا لبنت واحده فقط و مب قطرية و مخليين أمها في مجلس الاداره ..... سوت عقد نفسيه للبنات و علمتهم ايش يعني المحسوبية و عدم الشفافيه و الظلم و الاضطهاد و كرهتهم بالدراسه و التفوق و النجاح طالما الجوائز التقديريه تروح في النهاية لهذه البنت فليش يدرسون و يتعبون لانهم حتى لو حققوا درجات اعلا منها فالجوائز ستذهب لها قبلهم... هي صحيح شاطره بس في كثير اشطر منها
هذه المدرسة و باسلوبها هذا تعتمد على براءة الطالبات و انهم ما يفهومون ولا داريين بالطبخه بس البنات كبروا من اول ابتدائي للحين و عرفوا و فهموا.... و البنت أيضا متنمره بسبب التدليع من كل المدرسه وما احد يصدها
الفضل الان لهذه المدرسة انها علمت البنات الحقد و الحسد و تمني الشر لهذه البنت و علمتهم انه الحياة ظالمة و غير عادله و فيها شي ما يعرفون مصطلحه وهو المحسوبيه و الكوسا* بس حاسين فيه و فاهمينه
كلمنا المدرسة كثيرا انهم يبعدون بنتنا عن هذه البنت و يشيلونها من صفها لانها عقدتها هي و زميلاتها و لكن بالعند و المكابره رفضوا طلبنا .....
كل النشطات و الفعاليات الخارجية للمدرسة تمثلها هذه البنت من اول ابتدائي و حتى الان و لا يقبل احد غيرها ولا يعطون فرص لغيرها ان تقوم بعمل ما تتمناه لانه المشاركه لها فقط
وين وزارة التعليم و التعليم العالي عن هذه المسخره
* اه ما هي كوسا: اللي ما يعرف القصه
يسمع المنادي " الكوسة وصلت " فيدخل من يحملها سريعًا، يعد موضوع الكوسة والتي يطلقها المصريين على الواسطة في كل شىء، وأصلها أنه كان التجار الذين يريدون دخول القاهرة كانوا يقفون بالطابور على باب زويلة، ليسمح لهم بالدخول وعندما يرون أن أحدهم يحمل الكوسة لبيعها للفاطميين ، فكانوا ينادون أن الكوسة وصلت فكان الجنود يدخلون من يحمل الكوسة أولًا ، وذلك نظرًا لأن الكوسة تذبل بسرعة لذا يدخلونهم أولًا.
ومن هنا نجد أن من معه الكوسة " حاليًا الواسطة " يدخل أولًا ولا يقف في الطابور هذه هى الكوسة من أيام الفاطميين .
الملاحظة رقم 23
دائما نسمع قصص اكتشاف ان الخادمة اللي تعمل في المنزل من فترة قد تصل الى سنوات هي في الحقيقه رجل و ليست انثى تم اكتشافه مؤخرا و يعمل خادمة لانه ما لقي فرصة عمل كرجل!!..... هالرجل طبعا بسبب اعتقاد الجميع انه انثى فبيكون لوحده في المنزل مع الحريم بالبيت لوحدهم وما في خوف على الحريم و الاهل و العرض و الشرف
القوميسيون الطبي اللي يسوي كشف طبي للحريم ومن ضمنهم الخادمات يسوي الفحص للامراض المعدية ولا يفكر يقولنا انه الخدامة هذه انثى او ذكر.... ولا حتى يقول لنا عندها سرطان مثلا او لا لانه السرطان مرض غير معدي عافانا الله و اياكم من شر الامراض و الاسقام ..... السؤال لمن يعلم و معني بالأمر هل يتم فحص جنس الخادمات في القوميسيون الطبي ام لا؟؟
وين الية التطوير و التعديل في الإجراءات المتبعه...موجوده و الا لا؟
الملاحظة رقم 24
لما تروح تشتري سيارة و يقولك في المعرض او صاحب السياره هذا فحص حديث من كم يوم او يبين من الفحص للسياره انها مشيت بضعة كيلومترات فقط بعد الفحص و تشوف ما فيها ضربة بالشاصي او حوادث او أي شي لازم تكون منتبه ايش هي الفحوص اللي انعملت على السياره علشان تظهر النتيجه...كل شي بحسابه.... قيمة الفحص الشامل غير عن قيمة فحص الشاصي فقط او الماكينة فقط او الدهان فقط
يعني انا لما ابيع سيارتي و ابي اغش المشتري لو اروح أقول لمحل الفحص سوي فحص للسيارة بس لا تسوي فحص للدهان و الشاصي فما راح يكتبلي انها فيها حودث و مدهونه ولا ماكله شاصي و بس اجي ابيع السياره راح أقول للمشتري شوف هالفحص مثل ما انت شايف ما فيها لا مشكله بالشاصي ولا حوادث كبيره!!!
صحيح في مطراش ينكتب حادث بليغ و الا حادث غير بليغ.....صديقي عمل حادث بسيارته و كلفه 42000 ريال قطري لان الغلط عليه و راحت مقدمة السيارة و سجل الحادث غير بليغ.... يعني ممكن ينقال وقت البيع خدوش و لتصليحها سجلت حادث بناء على قوانين المرور بس هي مب حادث!!!!
من غشنا فليس منا