جزاكم الله خير الجزاء
والله يجعله في ميزان حسناتكم
بس اذا تحطون مساحة الارض والواجهة علشان نقدر نختار التخطيط المناسب
جزاكم الله خير الجزاء
والله يجعله في ميزان حسناتكم
بس اذا تحطون مساحة الارض والواجهة علشان نقدر نختار التخطيط المناسب
والله يجزيك بما دعيتاقتباس:
المشاركة الأصلية كتبت بواسطة الهديل
غالبية الأراضي 30 في 40 وحولها وملاحظتك مهمة إن شاء الله باحط المساحة وبعضها اذكرها كتابة
الموضوع يتعلق أكثر بمراجعة التصاميم اللي بديتوا بها .. ولو تلاحظ انا اوازن بين التوزيع الداخلي وتوزيع الحوش وارتب الفراغات .. بعضها اخليها حق تخزين ومغلقة وبعضها مفتوحة شرحة أكثر لجلسة وفعاليات يومية معتادة .. لو حصلت حد مسوي بيسمنت ورافع أرضية الدور الأرضي انصحه يسوي حوش نازل مع البيسمنت وينزل ارتفاع الدرج المزعج والمرهق يومياً خصوصاً لكبار السن
وانا من بديت من 2012 كنت اراجع تصاميم بعض الشباب خاص وبدون موضوع ألحين الموضوع تفاعلي ومراجعته تكون أفضل
وحتى لو فكرة تصميم عاجبتك من برا اقدر اسويها بس أفضل لي بكثير تكون مراجعة وتحليل على برنامج الرسم
من أهم المخططات مخطط السقف وتوزيع نقاط تصريف مياه المطر .. هذي البعض ما يهتم بتفاصيلها ويعتبرها تحصيل حاصل قصدي من المهندسين ويتفاجأ المالك في الواقع بأن البايب نازل مغطي على دريشة .. يروح يحرك الدريشة أو يصغرها أو يلغيها .. كذلك بايبات التكييف والصرف الصحي
وأستغرب من بعض الإستشاريين اللي يحطون نقطة نزول المطر في الزاوية وهم يعرفون إن في الزاوية عمود .. مثل الرسومات اللي حطها اخونا حمود فيها هذا الشيء وممكن الرجوع لها
أي مباني فوق السطح لازم توضح بدقة حتى صبيات تركيب وحدات التكييف لو كان سبلت وسهل معرفة عدد الوحدات ومكانها المفترض يكون سيدة فوق موقع المكيف حتى البايب ينزل سيدة قرب المكيف ونقدر نستبدله بسهولة .. لو التكييف معقد شوي وغير معروف ممكن ننتظر لين نخلص تصميم التكييف ونوضح هذي الأماكن بعدين مثل حالة تصميمي هذا
هنا انا سويت خطوط تلتقي عند سور السقف معناها إن جريان الماء لازم يكون في نقطة التقاء هذي الخطوط ومن هنا ينزل لتحت .. ولنفترض تحت نافذة ولا نقدر نتفاداها العملية سهلة نحول اتجاه البايب لو كان مخفي في الحائط وهذي الطريقة المفضلة لدي .. مكشوف جيد ويمشي الحال لكن التخطيط منعوا المكشوف ولازم يغطى بجي ار سي .. بالنسبة لي تشكيلة الجي ار سي خط طولي ما له علاقة بالتصميم ومشوه لجمالية التصميم .. ممكن لو مسوين حائط 20 سم ولا نقدر نخفيه مع إنه ممكن حتى في ال 20 سم .. لحسن الحظ هذا التصميم حوائطه الخارجية 40 سم والجزء الخارجي 20 سم سيبوريكس بيكون مثبت على الخرسانات والطابوق ببراغي خاصة حتى يعطي عزل كامل .. مكان البايب بيكون مقصوص له 10 سم والبايب يمدد قبل تركيب الغشاء الخارجي من الحوائط الخارجية وكذلك بايبات الصرف الصحي والفتحة العشرة سم هذي تغكى بنفس السيبوريكس بوصلة بسمك قريب من ال 10 سم
بايبات المياه افكر في عمل فتحات سقفية لتمريرها من خلال السقف واستبدالها بسهولة وقت تخترب
http://i.imgur.com/VT1YgAR.png
شغال حالياً على الواجهة الخلفية وأي شغل مراجعة يوصلني من الأعضاء مستعد اوقف شغلي وابدأ فيه .. موضوعي يعني ضيف على مواضيعكم والأولية للأعضاء
وهنا كيف يكون الوضع بعد اضافة غرفة التانكي فوق وعمل تعديل بسيط على الغرفة الرئيسية .. إحتمال يتم رفض فتح نافذة جهة الجار فوق وبنشوف شيصير مع التخطيط لأن الجار ولدي
http://i.imgur.com/0GO1ZLf.png
الجهة الخلفية للبيت هي الشمالية وفيها التجويف المتواصل لفوق والحديقة المطلة عليها الغرف
هنا تتضح فكرة مجرى المياه بعد الشلال بطريقة متدرجة وبجوانب قزاز حتى يبين الماء من الجنب للجالس .. الشلال يقولون مزعج بس بيكون بسيط وبمكينة صوتها ضعيف
http://i.imgur.com/BkDmyAV.png
الحديقة الخلفية موضحة أكبر وهنا يبين كيف الغرفة اليمنى فوق ممتدة ومظللة الجلسة تحت جدام المطبخ وكيف النباتات بتكون موزعة حول الجدول .. كذلك الصالة فوق والبلكونة ممتدة فوق جزء من الحديقة
http://i.imgur.com/1kx8G7i.png
الدرابزين فوق بيكون ألمنيوم بسيط ومثبت من الجنب حتى يعطي أكبر اتساع للبلكونة اللي وصل عرضها الصافي الى متر و 4 سم
أحد الإخوان الأعضاء أرسل مخطط أرضه وطالب تصميم مناسب لها
أرضه 1000 متر وأبعادها مكتوبة في المخطط وشفت أنسب نموذج لها هذا اللي راجعناه قبل وممكن نغير فيه حسب الحدود المسموحة
مساحة الدور 260 على ما اذكر وممكن نسوي في التصميم 10 غرف لو بنسوي بيسمنت وبنتهاوس حسب الإحتياج .. الوضعية هذي الوحيدة اللي تنفع لأني حاولت اخليه في الاتجاه الثاني لكن قصر ضلع الأرض كان عائق ويخرب الارتداد المسموح
هذا مبدئي وممكن نعدل عليه أكثر
http://i.imgur.com/RpkY2Cg.png
مساء الخير
لو تشيل غرفة السايق عن الخدم اشوفها افضل .
وتنحط مع مجالس الرجال .
مساء الأنوار اخوي سعود ومبروك عليك رجوع البرد مرة ثانيةاقتباس:
المشاركة الأصلية كتبت بواسطة سعود.
كنت اتمنى وضعية البيت غير بالكامل بس المساحة وتفصيل الأرض مقيدني .. كان ودي احط غرف الطعام والصالة جهة الحوش المفتوح حتى تكون الرؤية من هذي الغرف أحلى .. هذا يعتبر حل وباسوي حل ثاني حسب ملاحظتك .. بهذا الحل بعد حصرنا منطقة السواق قرب مواقف السيارات وممكن نسكر بباب فاصل صوب الملحق .. وما ارتحت لوجود الصالة الرئيسية تطل على طبيلة السيارات
حاولت فر البيت 90 درجة بحيث يكون عمودي طلعت المساحة ضيقة ولا بيحصل الارتداد المطلوب
مثل هذا التوزيع ممكن وممكن نصغر البيت اللي هو أصلاً صغير مساحة الدور 292 تأكدت منها بالضبط بس بتكون مساحة البناء بحدود 800 متر باضافة المجلس والملحق ولو يبي بنتهاوس أو بيسمنت
http://i.imgur.com/AkcVRG2.png
المساحة للفيلا طلعت 710 أرضي وأول وبنتهاوس وبمجموع 8 غرف وصالتين ومكتب .. ولو يبي المالك حديقة واسعة خلف البيت ويتخلص من الغرفتين اللي في الدور الأرضي ممكن ويكون حتى عنده مكان لحوض سباحة وباسوي التصميم بعد شوي .. وممكن يستوي بيسمنت وحوض السباحة تابع للدور الأرضي
منتظرينك بو عبدالله , وفقك الله واعانك
ونسينا المفروض نبدي بصباح الخير :pardon:
مع الملحق والمجلس تطلع المساحة 870 ولو شلنا الغرفتين تنحسب بعد المساحة وممكن تطلع أكثر بسبب حوض السباحة .. وحوض السباحة لو تركناه مكشوف للهواء والشمس أفضل نحتاج بس تدفئة للماء ومكان لشب الضو وقت الشتاء
ممكن نعدل مكان المجلس حتى يطل على حوض السباحة أو نخلي المغاسل والحمام فاصلين المجلس عن غرفة الطعام ونسويها قزاز تطل على حوض السباحة وممكن نفتح باب للحوض للباربيكيو أو عزيمة بوفيه وجلسة خارجية .. أحسن نسكر الجزء المكشوف بشبك حشرات والحوض بيكون بارتفاع متر و 20 سم فوق الأرض والماء ينزل بشكل شلال قبل ليروح للفلترة
إحتمال التخطيط ما يوافقون نقدر نخلي الحوض مرحلة ثانية ونخلي المكان جلسة خارجية بدون حوض مبدئياً
http://i.imgur.com/2xC5e8M.png
صباح النور شيخنا سالماقتباس:
المشاركة الأصلية كتبت بواسطة سالم الزهران
انا اشتغل شوي واتابع السوق ومع لعبة كاندي فالي .. لو تجربها بتدمن عليها
شرايك مب بيكون شرح أكثر ومريح بدال كله غرف .. ست غرف أعتقد تكفي الا لو محتاج زيادة نسوي بيسمنت وللبيسمنت بنقدر بعد ننزل الحوض ويستوي البيسمنت مفتوح عليه والدور الأرضي ودبل هايت مضاعف لأن ارتفاع الدور في هذا البيت حول 4 ونص متر
نعم انا مع التصميم الثاني و بيصير الأرضي مجالس و استقبال مع المنافع
وفي نفس الوقت عطى المسبح روح للبيت و بيكون اهم من اي شيء ثاني شكل و فايدة و نشاط داخل البيت
بس الفلوس تشكي و حنا نبكي ههه
دوم توجد بدائل وممكن حتى تكون جلسة خارجية خاصة كله يعتمد على قدرة الإنسان المالية وحسن تصرفه وفوق كل هذا توفيق اللهاقتباس:
المشاركة الأصلية كتبت بواسطة سالم الزهران
دوم لازم ما نبالغ ونحاول نحدد احتياجنا صح وللبيوت الهدوء والسكينة ويكون سهل وعملي أهم من البهرجة الزايدة على الفاضي
الأهم من الخارج هو الداخل والتوزيع وجماليات المواد والكتل مب النقوش الزايدة
لو تلاحظ تم فتح نافذة من المطبخ على الباربيكيو واستوت عندنا مساحة خلفية قرب حوض السباحة حق ستيم روم مع حمام لو حبينا .. واللي يتابع يلاحظ الأفكار كثيرة وهو القرار عنده ولازم يحسن الإختيار .. بعضهم يسوي شيء بدون تفكير عميق وبدون ما يسأل ويناقش وبعدين يكتشف إنه لو سواه بطريقة ثانية أفضل
الأعمدة تشوفها مزروعة في الحوض أو الحوض مبني بعدها بالأصح والعملية سهلة وتنحمي وتتغطى بمواد عازلة وبلاط .. وتكون دائرية ما تلاحظها .. كذلك البايبات النازلة من الحمام اللي فوق لها حلول كثيرة منها تتثبت في السقف وتوجه صوب أقرب منهول جهة يسار الحوض أو صوب المطبخ
لو تكرمتوا نبي رايكم في مخطط مناسب للارض هذي
طبعاً الي بالاحمر هذي ارضي والي بالاخضر ارض اخواني
اولا المجلس راح يكون بين الارضين الي باللون الاخضر يعني ارضي راح تكون بدون مجلس
ثانياً ابي البيت يكون فيه غير الدور الارضي والدور الاول ابي يكون فيه بيسمنت ويكون فيه اساس بنت هاوس لو فكرت في البنيان مستقبلاً
https://uploads.tapatalk-cdn.com/201...1c406eed61.jpg
Sent from my iPhone using Tapatalk
اتمنى تطرحون ارائكم لتوجيهي للطريق الصحيح
واكون شاكر لكم
Sent from my iPhone using Tapatalk
راح احط اليومين هذي التوزيع الي في بالي للبيت
Sent from my iPhone using Tapatalk
الله يوفقك ويوفق إخوانك يا بو حمود
اتوقع اتجاه الشمال فوق والشرق يمين ولو غلط صحح معلوماتي وزين حطيت مخطط الأرض بمحيطه وتوني اشوفه وبانسخه على الاوتوكاد وباحط البيت عليه حسب اللي سويته قبل
الله يجزاك خيراقتباس:
المشاركة الأصلية كتبت بواسطة معماري قطري
وكلامك صحيح الشمال فوق والشرق يمين ارضي باتجاه بيت اخوي
هذي صورة بي دي اف تقدر تاخذها وتكبرها شوي وباركز بعدين على الصورة بشكل أكبر
حظك إن إخوانك جنبك وحظي اني حطيت المجلس في موقع قريب من أرض خدمية أما سب ستيشن أو غيره والمقابلتها كذلك .. يعني الوقوف قرب المجلس بيكون سهل لك ولربعك .. ومدخل البيت والاتصال ببيوت اخوانك سهل على شارع واحد .. مدخل السيارات والباب المفتوح أغلب الوقت صاد ومعزول في جهة حتى جارك المقابل المتوقع يسوي باب بيته الجهة الثانية
http://i.imgur.com/xiVxQo7.png
هذا أفضل تصميم يناسب بيتك ووضحته قبل فوق وكنت بإنتظار ملاحظاتك
البيسمنت ممكن والبنتهاوس بس نصيحتي لتسوي البيسمنت الا محتاج له ضروري والبنتهاوس يغني
مجلسنا واحد وبيكون بين الارضين الي باللون الاحمر يعني بيتي بدون مجلس
وممكن اعرف ليش ماتفضل اسوي بيسمنت
بيكلفك وايد وتقدر تسوي 8 غرف بدون بيسمنت انت شوف التصميم عدل
مع الغاء غرفتين في الأرضي وعمل حوض السباحة يستون 6 غرف وصالتين ومجلس .. ولو ما تبغي المجلس بيكون تعديل بيتك غير تقدر لو حاب تسوي حوض السباحة مكان المجلس
البيسمنت سعره أقل شيء ضعف الى ضعفين الدور العادي ولازم تاخذ احتياطاتك عن الرطوبة تبيه سوه
البيسمنت كنت ابي اسوي غرفة العاب في زاوية البيسمنت والضلعين الباقين اسويهم من قزاز عشان اشوفهم من الجلسه الجانبيه
وبنفس الوقت ابي اسوي ستور
والاهم انا مسوي مخطط في برنامج على الايباد للسينما الي ابي اسويها
وكنت ناوي اخليها في البيسمنت وهذا تصميم مبدائي
https://uploads.tapatalk-cdn.com/201...9318ef339d.jpg
وكان ودي حطيت دورة المياه برا
Sent from my iPhone using Tapatalk
بالعكس ودي اسمع رائيك انت والاخوان بخصوص البيسمنت اذا ماتنصحني فيه ممكن اتجنبه
وبخصوص حمام سباحه ماراح اسويه لاني بصراحه اخاف على عيالي من مخاطره لانهم صغار
خلاص بهذي الحالة بيكون حوشك أوسع وعندك 8 غرف عبارة عن جناح تحت بغرفتين مثل السابق وفوق عندك 4 غرف والبنتهاوس جناح بغرفتين وتقدر تسوي بيسمنت جزئي لو حاب أو تغير استخدام أي غرفة لسينما منزلية .. ممكن اللي فوق حتى ما يزعجك الصوت
المخزن ممكن خارجي مع الملحق
انا تخيلت الوضع اللي تبيه وباسويه بسهولة بكرة إن شاء الله
المهم الحين تشوف سعة المجلس الداخلي كافي والا تبغي تزيد مع إن مجال الزيادة يترتب عليه زيادة العرض أو حلول ثانية .. ممكن تخلي المجلس والصالة متصلين وتحط باب للخصوصية ويكون الإستعمال مزدوج ووقت وجود ضيوف الدخول من الخلف والباب يبقى مسكر
هذا مناسب اشوفه ونقدر نسوي بيسمنت جزئي أو كلي ويحتاج ترتيب أكيد بعض الكتابة مقلوبة والشجر في الحوش
نقدر نركب باب فاصل بين مكان السائق وباقي الملحق حتى لو بعد اتمام البناء ونغطي السقف بين الملحق والبيت بألمنيوم وقزاز
المساحة على أرضي + أول + بنتهاوس 710 ولو بنسوي بيسمنت نقدر نسويه كامل بمساحة 292 متر اضافية أو جزئي مثل ما نحب .. فتحت المجلس على الصالة واستوى عندنا مجلس نسائي كبير وسهل نستخدمه استخدام مزدوج كصالة وعندنا صالة ثانية فوق وقت تواجد ضيوف وللضيوف واسع ومريح وأفضل من السابق
http://i.imgur.com/EJXGxxW.png
وأي تصميم ثاني يختاره المالك من استشاري مستعد لمراجعته ولمراجعة جميع تصاميمكم
لو نحب نقدر نسوي مدخل ثانوي للبيت من جهة المصعد وبيت الدرج وتبقى الصالة / المجلس شبه معزولة بروحها ويبقى مدخل المطبخ غير ويستوي أسهل لنا الدخول على المصعد على طول .. بس لو سوينا بيسمنت ما بنقدر نسوي هالشيء
الدور الأول حطيته على مخطط الحوش حتى نعرف اطلالة كل غرفة وكيف بيبين عندنا الحوش
http://i.imgur.com/0jKAcmQ.png
السقف بين الملحق والبيت نقدر نسويه قزاز أو بلاستيك يدخل النور ويبعد المطر والغبار.. وممكن ينعمل بعد الرخصة لو فيه تعقيد من التخطيط .. وسقف الطبيلة وضحته وبتكون مثبتة على الطوفة بدون أعمدة وعرضها 6 متر وطولها 11.6 متر كافية لأربع سيارات ورا بعض وممكن على توزيعة الزراعة تدخل سيارة للجهة الثانية من البيت بس لو قدر المالك يفتح باب من الجهة الثانية أفضل
وهذا البنتهاوس على مخطط الحوش ولو المساحة غير كافية نقدر نسوي بيسمنت بسهولة
والواجهات موجودة في صفحات سابقة شوي تغير في ذي الغاء دريشة ورا وتغيير دريشة .. بالنسبة للدريشة اليمنى تحت في المخطط واللي بتكون في الدور الأول ممكن التخطيط ما يوافقون عليها فنسويها عادية
http://i.imgur.com/nKkbpp4.png
أصبحنا والملك دوماً للواحد القهار
صباح الخير جميع
هذا البيسمنت نفس السابق يحتوي على مخزن كبير ممكن نقسمه لقسمين سينما منزلية ومخزن لو حبينا وممكن نواصل المنور لجهة اليسار فوق فيكون لنا مخزن باضاءة طبيعية .. نقدر نسوي نزول المنور بسيط فتكون النوافذ مرتفعة للمخزن وللغرفة لا تكون بارتفاع كامل .. وهنا أكرر بدون رفع أرضية الدور الأرضي نهائياً وارتفاعها يكون مريح 4 عتبات بارتفاع 10 سم = 40 سم عن أرضية الحوش أو بارتفاع 12 سم = 48 سم عن أرضية الحوش
الغرفة ممكن يغيرها الواحد لإستخدامه الخاص حتى ممكن تصير مطبخ بس تحتاج تصميم خاص وموافقات .. أفضل نسوي شغلنا بموافقات كاملة من التخطيط لأن هذا لحمايتنا
http://i.imgur.com/8narn9T.png
نرجع لبعض التوضيحات حق الدور الأرضي واستوى عندنا مدخل لأهل البيت ونقطة اتصال بين المطبخ الداخلي والخارجي .. طبعاً لو بنسوي بيسمنت بيكون الدرج النازل جهة الباب القزاز .. لذلك لازم نغير مكان الباب وباوضحه في المخطط الجاي
واضح مكان دخول السيارة حتى نقدر نسوي طبيلة ورا لعدد جيد من السيارات في المستقبل أو ملحق اضافي وعندنا حوش جيد للعب العيال
المساحة للبنتهاوس 122.3 + الأرضي 292 + الأول حول 300 لو حسبنا بروزات النوافذ + البيسمنت 175 + الملحق 81.2 = 970.5 والمالك مقاوله موجود يقدر يحسب له تقريباً كم التكلفة
كلمني مقاول من أيام في شغله وهو سوبر درجة أُولى وقلت له عن نيتي ابني وانتظر اخلص التصميم .. قال لو تبي بناخذ بنيانك تصميم وبناء وهذا اشوفه جاهز للتصميم والبناء .. الباقي حاجات بسيطة أي مقاول مختص يقدر يسويها .. وهذي طريقة ثانية للبناء ونسويها في بعض المشاريع الحكومية اللي هي التصميم والبناء .. اللي يحتاج لهالنوع من البناء يراسلني باعطيه رقم المقاول بس ما ادري اذا يبني للكل بنفس الطريقة أو لي كعلاقة طيبة وبنى قبل لنا.
http://i.imgur.com/nQC4dIj.png
هذا الدور الأرضي بعد توضيح درج البيسمنت وين بيكون نازل وتحريك مدخل البيت الثانوي جهة تحت شوي .. الحائط قرب الباب ونزلة الدرج للبيسمنت ممكن نسويه بارتفاع متر يعطي انفتاح على الدرج وشوية سعة
http://i.imgur.com/8Qvcgm1.png
أشوف هذا النموذج ناجح للبيوت المتوسطة وحتى للمجمعات السكنية
الجزء اليسار مكان منور البيسمنت وسويت الجزء الموسع فوق حق المخزن .. ممكن لو نحتاج نغير غرفة السائق لتحت نسوي درج خاص ونسويها مكان جزء المخزن بس اشوفها هناك أفضل والبيت هذي الجهة حق أهل البيت