عرض للطباعة
الملاحظة رفم 57
المكاتب تأخذ رسوم كبيرة جدا على استقدام الخدم و السواقين..... لازم نعرف تفاصيل هذه المبالغ اشلون حسبوها
علشان نشوف هل هي منطقية و الا لا......
و هل تخضع لموافقة جهات حكومية و الا لا ......
و هل لحماية المستهلك أي دور في هذا الموضوع .....
و بناء على ايش طالبوا فيها.....
و نشوف كم رسوم الفحص الطبي ......
و هل تم حذف هذا البند من المكاتب و الا بندفعه مرتين.... مرة للمكتب و مرة بنفسنا
هذا دليل إن تخطيط مدنا وتخطيطنا الحضري نازل على رغبة الملاك وبس .. من النماذج اللي اشوفها اندرست صح وتنفذت صح مجمع فيلاجيو وحياة بلازا والمنطقة كلها حولهم من ملاعب وغيرها .. نادي الريان وقطر مول والمنطقة هناك أشوفها منطقة حضرية واعدة .. المدينة التعليمية ومحيطها كذلك ولها تخصصها .. يمكن ينقص بعض المناطق مراكز خدمات سريعة للسيارات وحكومية ومحلات صغيرة من النوع اللي توقف عندها في طريقك لو ناقصك شيء تاخذه وتمشي بسرعةاقتباس:
المشاركة الأصلية كتبت بواسطة khaldoon
المدينة التعليمية ما اعرف شالخطة للأراضي اللي حولها والمفروض يسمحون بقيام شقق سكنية للطلاب والمدرسين ومباني خدمات تعليمية .. وأتوقع مخططين لها
أسهل طبخة عندنا هي المجبوس ومجبوس الدياي اللي يحبه الشاعر اللي زعل علينا بسبته .. وهذا المجبوس تغلغل حتى في شغل التخطيط .. الحل اعتقد هو عمل أدوار متعددة للمواقف وبدوا يسوونها في كم مكان لكن عملية بطيئة ومزعجةاقتباس:
المشاركة الأصلية كتبت بواسطة khaldoon
من أيام رحت مشيرب .. قبل لتدخل الأزقة اللي كانت ضيقة وبقت ضيقة تنصدم بطرق مكسرة ومحفرة وكأن المشروع كان ينبني والجهات المختصة الثانية ما تدري ولا لها خطة وألحين بتشتغل على التعديل
والله يا اخوي من افضل النماذج الداخلية للمولات فهو على ما اعتقد اللاندمارك و حياة بلازا و فيلاجيو و لاجونا و المول و جلف مول لانهم عبارة عن ممرات رئيسية ما في ممرات فرعيه او طرق فرعيه موازيه للممر الرئيسياقتباس:
المشاركة الأصلية كتبت بواسطة معماري قطري
اما من حيث المكان فمثل ما تفضلت فعلا فيلاجيو و حياة بلازا .... بس أيضا غريب موضوع تلاصقهم مع بعض في نفس المكان.... يعني على الأقل لو كل واحد بصوب من الشارع معقوله
قطر مول حلو بس وايد بعيد ... يعني تقريبا 19 كيلو عن الدائري الرابع
متفق معاك بخصوص المدينة التعليمية... لو يسوون مساكن للطلاب و الاساتذه مع كل ما يلزمهم من خدمات و أسواق يكون ممتاز
معقوله جدا حل الأدوار ....معاك حق.... بس يبيله شغل و وقت ....الله يكون في العون... لو يشتغلون عليه من الحين لانه يبيله كم سنة و بيقتلون اللاندمارك ع الاخر لو تاخروا بحل المشكلهاقتباس:
المشاركة الأصلية كتبت بواسطة معماري قطري
الملاحظة رقم 58
اقتباس:
المشاركة الأصلية كتبت بواسطة sara jsm
بناء على هذه المشاركة الرائعه من الأخت الفاضلة ساره خطر ببالي عدة تساؤلات و هي:
لماذا لا يوجد تسعيرة لكل شيء بحيث يمتنع التجار عن الغلو في الأسعار واي احد يتجاوز تسعيرة الدولة يعتبر مخترق للقانون؟.....
لماذا لا يتم وضع تسعيرة لكل شيء و خاصة البضائع الاستهلاكية مثل ما يحدث في شهر رمضان المبارك؟....
لماذا لا يكون هناك تسعيرة طوال السنة تماما مثلما يطلب من الجميع التحلي بألاخلاق العامة و الفاضلة طوال السنة و ليس في شهر رمضان المبارك فقط؟.......
لماذا أسعار البضائع تخضع للعرض و الطلب؟.......
لماذا أسعار الادوية هي الوحيدة الثابتة في كل الصيدليات سواء كانت في حي شعبي او في اللؤلؤة و اللوسيل؟......
لماذا لا يتم عمل تفصيل للفاتورة في كل مكان لتوضيح سبب قيمة السعر و تكون معتمدة من الجهة المسؤولة في الدوله؟ .....
هل من جواب؟
ملاحظة 59
اول أمس شفت على اشارات حفصة طرار يلف بين السيارات وقرب صوب سيارتي قلتله روح لا اجيبلك الشرطة وبعدها لفيت صوب اشارات عبد الغني واشوفلك
بعد واحد وشفتهم اكثر من مرة والمشكلة اذا بتبلغ يكون هرب :telephone: ونتمنى عمل الية لظبط هؤلاء المتسولين مسك اليد .
يقدرون يسوونها في شهرين والامكانيات متوفرة أبيام مسبقة الشد أو تالية الشد وأرضيات هولوكور كلها تصنع وتنقل ليلاً وتركب بكرينات في وقت قياسياقتباس:
المشاركة الأصلية كتبت بواسطة khaldoon
تايلند فيها كثير وجنب غالبية الفنادق والمباني العمومية .. بل وصل بهم الأمر لعمل عمارات سكنية عادية فيها عدد مهول من الأدوار تحت للمواقف يوصل لعشر أو 12 دور .. أمريكا كذلك .. فندق رخيص جنبه مواقف بحجم مبنى الفندق وتابعة له .. شينقصنا تخطيطياً نعملها؟
الستي سنتر اضطر يسوي مواقفه بمقابل لوقوف كثير من السيارات فيه وتخليص معاملاتهم في وزارات ثانية وسوء التخطيط هذا اداري وبنفس الوقت حضري.. كان الحل الاداري هو عمل ضبط حالات مثل هذي بالتصوير ورفعها للمرور والمخالفة تكون مثلاً 1000 ريال وتنحل مشكلة العراقيل الخطرة من بوابات ضيقة لدرجة كرهوا الناس في الذهاب للستي سنتر .. والمخالفة 1000 ريال هذي بعد ما يستلمها المرور يحولها للجهة المالكة لأنها هي اللي استغلت وتضررت .. نفس الوضع ينطبق على من يوقفون أيام ويسافرون .. هذي الحالة المفروض يدفعونهم باليومية .. نفس الوضع واحد يوقف جدام بيت ساكنينه ناس وبعضهم يوقف مسكر نص الباب أو كله هذا المفروض يتخالف والمخالفة توصل للمالك وكل اللي يحتاج له تصوير وممكن محاكمة وقسم في حالة عدم اقرار المُخالِف بالمخالفة وطلب المحاكمة
بنفس الطريقة ممكن حتى اقامة مواقف تغطي الشوارع الضيقة في منطقة الأبراج .. منها تسوي تظليل ومنها تكون قريبة للأبراج اللي فيها نقص مواقف .. عندنا كم شركة مختصة بريكاست وكم شركة تسوي السلابات مسبقة وتالية الشد هذي ينطلب منها عمل تصميم وبناء وهي تكون مسؤولة عنه لفترة 50 سنة وضمان غير مشروط .. وممكن اضافة 3 أو 4 شركات خارجية بدون قيود وكفيل قطري أو شراكة
لو بلغت يجون بسرعة وبطريقة متخفية ما يدري بهم وينصاداقتباس:
المشاركة الأصلية كتبت بواسطة @north_star@
عندي ملاحظة سلبية مرتبطة بسلوك بعض الناس.
غطاء المنهول اللي في الشارع مقابل بيتي مرتفع يمكن شبر.. اتصلت على البلدية وعقب 4 أيام زينوه لين صار ما يمديك تلحقه بطرف النعال ونتم بالكرامة.
المشكلة بقية الاغطية ما سووها.. ويوم رجعت اقيم الخدمة قلت لهم بقية الأغطية في الشارع محد سواها.. قالوا لي العمال يطلعون على مهمة معينة ومعهم قطع غيار حق موقع واحد.. قلت طيب ارحع ارفع طلب تصلحون الباقي.. قالوا.. من حقك.. بس ترى العمال جوك بسرعة لأنه غطاء واحد.. لو شارع كامل اتوقع يبغي له تنسيق وممكن يحتاج سفلته كاملة!
قلت شكراََ.. الحين الشارع لازم تناور في الشارع عشان ما تصقع غطاء في بطن سيارتك..
بعدين ملاحظتي الأكبر على الجيران.. ليش ما يرفعون طلبات؟ لو كل واحد منا على الأقل سوى طلب إصلاح او رفع اقتراح او شيء.. اتوقع الجهات بتتجاوب مع كثرة الطلبات.