مراجعة التصاميم المعمارية وابداء الملاحظات عليها (محدث)

قطاع طولي يوضح البيسمنت تحت والمنور النازل .. هذا لو حبينا نزيد عرضه لين مترين ونزرع فيه تحت نو بروبلم .. حتى لو احتجنا نبني قريب ممكن ويكون هذا ممر بتغطيته بحديد بفتحات للانارة والهواء للجزء التحتي وممكن المشي عليه

ولو اخترنا نعمل ستور يمين نقلل عمق المنور ممكن حتى لين متر وتكون الدرايش علوية

الدور الأرضي يبين توزيع المجلس واللي ممكن يستخدم صالة عائلية تحت ( إستخدام مزدوج )

وفوق تبين الصالة والسكايلايت .. حركة حلوة ممكن نسويها للسكايلايت بما إنه عميق نلصق جدرانه بورق مذهب أو بنقش جبس بخلفية ورق مذهب يعكس النور أكثر للداخل في أغلب الأوقات وبيبين من برا من بعيد بما انه مرتفع

http://i.imgur.com/jA6gqRh.png

حلاتها الجزء اليسار يكون سينما منزلية بدون نوافذ ومعزولة عدل وبعيدة عن باقي الغرف حق بوب آب ذا فوليوم والجزء اليمين يكون جيم وينفتح على الخارج ونكبر عرض المنور النازل وحتى نقدر نسوي درج خارجي للنزول للبيسمنت من الحوش مباشرة ويعتبر مهرب طواريء .. والغرفة ممكن نغير استخدامها 9 غرف في البيت وايد الا لو الواحد محتاجها فعلياً

باسوي إن شاء الله مقترح وراعي التصميم يسلم عليكم وهو في مكة المكرمة يقول يبي ملاحظات

هذا تحليل لنور أول الصبح من جهة الشرق ما يدخل ويسطع تحت لكن يضرب في جدران المنور وينورها ولو حطينا أما نقش بكسر مرايا أو ورق مذهب أو فضي بينعكس أقوى شوي وحسب النقش بينعكس متشتت وبيعطي جو حلو

أعتقد الفكرة واضحة

http://i.imgur.com/yGHi6Ru.png

الدرج بيكون فيه درابزين من هذي الناحية بس ما وضحته وبيكون شبه مفتوح بس مغلق في أماكن كثيرة .. ممكن نسوي جدار فاصل لو حبينا وفيه فتحات زينة ونفتك من سعر الدرابزين

إذا بنسوي بيسمنت يستحسن نكبره شوي ونسوي مكان ثاني حق الستور .. بيصير عندنا ستور وحمام تابع للصالة وغرفة بحمامها + صالة الرياضة + السينما وبيكون دور ترفيهي بامتياز ونسيت البانتري الصغير تحت الدرج

وسعت البلكونة التحتية ل 2 متر كعرض والطول كثير زين وكافي لأشجار اصيصات متنوعة وسجلت الغرفة تحت جيم أو جيم وباوضح وين مكان الستور اللي بيكون 8 في 7

http://i.imgur.com/iuvv2au.png

صاحب التصميم تواصل معاي خاص مع إنه التعليق هنا كان بيكون أفضل حتى الكل ياخذ فكرة بخصوص مساحات خاصة بالغرفة الرئيسية .. يبي يسوي جلسة داخلية خاصة به مع إن البيت كله جلسات وكان ديكور وتوزيع الغرفة مدروس صح وحتى موقعها في البيت .. اللي يرجع للصفحة السابقة بيشوف كيف كان التوزيع أفضل .. هو طالب غرفة ملابس 5 في 4 واحنا عندنا كبت طويل بطول الغرفة 7.7 + غرفة ملابس مغلقة بتقاسيم بدون أبواب على الجنبين بطول اجمالي 6 متر .. توجد غرفة المكتب تحت ممكن ندمجها مع الغرفة الرئيسية ونسوي لها ممر عن طريق الحمام بس اشوف وايد كثير

هذا مقترح تخريبي بيكون حق غرفة النوم شرايكم؟

http://i.imgur.com/znQUfXf.png

الغرفة لها باب يدخل على لوبي فيه في كل جهة باب يعني للخصوصية وللسيطرة على الصوت من الصالة عندنا بابين نقدر نسكرهم والمساحات الثانوية تعطيها سعة أكبر مساحة الغرفة بس 7.7 في 5 والطول مكسور بالدريشتين حول السرير

الله يعطيك العافيه اخوي معماري على الي قاعد تسويه

انا كان ودي اعزل غرفة الملابس لانه رايح يكون فيها زاويتين تخص الميك اب

بحكم ان الحكومه الي عندي ميك اب ارتست

ومكياجهم مايخلص ماشاء الله وغير كذا ابي افتك من صوت الاستشوار مايسوا عليك كل ماشتغل تقوم من النوم متصرقع :eek5:

اما بخصوص الجلسه بداخل الغرفه ممكن نصغرها وحتى غرفة النوم ممكن نخليها 6/5

طبعاً اذا كان فيه امكانيه


والجلسه الي مسويها عجبتني بصراحه الي طالعه برا مثل البلكونه

اقتباس:

---

المشاركة الأصلية كتبت بواسطة Abu-hmood

الله يعطيك العافيه اخوي معماري على الي قاعد تسويه

انا كان ودي اعزل غرفة الملابس لانه رايح يكون فيها زاويتين تخص الميك اب

بحكم ان الحكومه الي عندي ميك اب ارتست

ومكياجهم مايخلص ماشاء الله وغير كذا ابي افتك من صوت الاستشوار مايسوا عليك كل ماشتغل تقوم من النوم متصرقع :eek5:

اما بخصوص الجلسه بداخل الغرفه ممكن نصغرها وحتى غرفة النوم ممكن نخليها 6/5

طبعاً اذا كان فيه امكانيه


والجلسه الي مسويها عجبتني بصراحه الي طالعه برا مثل البلكونه

---

الله يعافيك ويبقيك

صعبة تتنفذ كلها هنيه .. عندك على الشكل الأخير اللي انا مب مقتنع به وسويته بس للتوضيح الغرفة فعلاً صغرت إلى 5.1 طار عرض غرفة التلفزيون 2.5 + سمك الحائط 10 سم

لو بتفكر في صالات التلفزيون عندك سينما منزلية في البيسمنت وتلفزيون في صالة الدور الأرضي وصالة الدور الأول قريبة

ولو حاب تسريحة وغرفة ملابس معزولة ممكن بسهولة

مثل هذا الوضع ووضحت الدور كله

التسريحة تكون قرب غرفة الملابس والحمام وبينها وبين الغرفة باب .. عندك تحت غرفة المكتب ممكن تغيرها لغرفة تلفزيون خاصة لو حبيت مع إني افضل الجلوس في الصالة لرؤية العيال والقعدة معاهم

http://i.imgur.com/g4RpVlt.png

الكبت اللي ورا التسريحة ممكن نصغر شوي الدريشة ونسويه 60 سم الحين 40 سم على أساس يكون رفوف أو أدراج للأحذية والمكياج وممكن نخلي شيء ينقفل للمجوهرات

بصراحه انا ما افكر اخلي صاله فوق لاني ابيها للنوم وللدراسه فقط وغير كذا راح اعتمد على تجمع عيالي عندي في صاله وحده وابيهم كلهم في مكان واحد افضل من صالتين ناس فوق وناس تحت ابيهم كلهم حولي

بكذا ممكن استغل الصاله بغرفة ملابس واقدر اوسع الغرف الثانيه

وودي اعرف ليش مايقنعك هالتصميم وتفضل التصميم السابق عليه ممكن يتغير رائي

اقتباس:

---

المشاركة الأصلية كتبت بواسطة Abu-hmood

بصراحه انا ما افكر اخلي صاله فوق لاني ابيها للنوم وللدراسه فقط وغير كذا راح اعتمد على تجمع عيالي عندي في صاله وحده وابيهم كلهم في مكان واحد افضل من صالتين ناس فوق وناس تحت ابيهم كلهم حولي

---

الصالة الفوقية أهم من التحتية والتحتية مدمجة مع المجلس وتقدر تعتبرها مجلس لو حبيت .. ولازم بتحتاج جلستين خصوصاً لو كبروا العيال اللي يبي يشوف مسلسل واللي يبي يتابع مباراة واللي يبي يجيه مدرس خاص ولو عندك ضيوف تحت شتسوي؟

اقتباس:

---

المشاركة الأصلية كتبت بواسطة Abu-hmood

بكذا ممكن استغل الصاله بغرفة ملابس واقدر اوسع الغرف الثانيه

وودي اعرف ليش مايقنعك هالتصميم وتفضل التصميم السابق عليه ممكن يتغير رائي

---

انت تقدر توسع بس توسع فوق وتحت حتى توازن لكن تفتح غرفة على غرفة تحول البيت الى صالات وفي النهاية القرار قرارك .. هذا مقياس صغير لكن يمثل كل شيء بالحجم الحقيقي عندي واتخيل الوضع شبيكون ورايي مجرد رأي لكن مبني على فنيات هندسية

التصميم السابق كانت الغرفة مفتوحة أكثر ودريشتين جهة الغرب حول السرير .. السرير جاي وسطي ومقابله كبت طويل وفي وسطه مكان التلفزيون .. وتقدر ترجع له وتشوفه وترجع للتعديل عليه وتقارن

ألحين الأهم دامك مستعجل تفكر شاحتياجك الفعلي من الغرف والأدوار .. المساحة صلت 970 ولو ضفت ستور 7 في 8 تحت في البيسمنت وليش انا اقول 7 في 8 لأني محكوم بنظام انشائي ماشي من تحت لفوق وممكن اصغر لكن باكون سويت عمود وجسور ثانية ورا تحمل اللي فوق وسويت شغل ثاني جدام حق أصغر المخزن بس

هذا مقترح المخزن والجيم والسينما المنزلية في البيسمنت ويمكن تحتاج بانتري صغير بيكون تحت الدرج .. وممكن تحب تستقطع مساحة صغيرة حق حمام بتكون في حيز المخزن .. المخزن ممكن يتصغر شوي لوجود صف أعمدة قبل ممكن ننقل الحائط له والحائط هذا مع الجسور والأعمدة بتكون فوقه حوائط وجسور وهذا النظام الإنشائي الصحيح .. أما اسوي حايط يمر وسط غرفة بروحه بيكون بروحه مشكلة انشائية تحتاج حلول ولازم تندفع لها مبالغ وبعضهم يبالغون في هالحلول والمالك يستوي يدفع على الفاضي وكان الحل موجود في التصميم الصحيح

http://i.imgur.com/PHKKZJe.png

لو ما نحتاج للغرفة هنا نقدر نلغيها بالكامل مع خدماتها

طبعاً نسيت اذكر إن تم توسعة البلكونة النازلة لمترين وممكن نسوي درج حديد نازل لها من الحوش وممكن نفصلها بحائط كالموجود أو لا .. وعلى حسبة المساحة للبيسمنت بهذي الطريقة شاملة كل البناء في البيت بتطلع 1030 متر مربع

وهنا تم تعديل الغرفة الرئيسية وشلت الدريشة الوسطية في الواجهة

http://i.imgur.com/0pEIaGa.png

ولازم اعرف شتبي من كل الأدوار وكل الغرف لو فيه شيء ينلغي قول حتى اقدر اخلص وارسل لك فايل الاوتوكاد تخلصه مع الاستشاري وانت عارف شاللي تبيه ما يطول تصميمك ويستوي صح

مبدع كالعادة

كنت متابع بصمت بس حركة التلفزيون في ( الماستر ) من الصوبين خلتنى اشارك
نظرة ومحاكاة للواقع يعجز الكيبورد عن التعبير .

اقتباس:

---

المشاركة الأصلية كتبت بواسطة سعود.

مبدع كالعادة

كنت متابع بصمت بس حركة التلفزيون في ( الماستر ) من الصوبين خلتنى اشارك
نظرة ومحاكاة للواقع يعجز الكيبورد عن التعبير .

---

تبي الصج هو ما له داعي لكن زيادة وأحلى يكون قريب بحدود 3 الى 4 متر تعيش في قلب الحدث .. بس قبل كانت الغرفة أحلى بالدريشتين حول السرير وجايين طواليات .. لكن لو مب حاط عازل بيكون قرب الطوفة شوي أحر من داخل وهذا التوزيع إن شاء الله مناسب

بين الصالة والسرير أو حتى أي سرير بابين ومسافة وممكن يحط تنجيد ورا ظهر السرير أو شد يعطي عزل زيادة حتى لو الصوت قوي ما يزعج النايم .. الصالة فوق من أهم الغرف وهي تطل على مدخل البيت وفي زاوية أي حد بيطلع لازم بيمر عليها ولو تنلغي وتبقى بس التحتية البيت بيستوي ما له نكهة

خفت حد يقول شذا المروحة الأرضية

اقتباس:

---

المشاركة الأصلية كتبت بواسطة معماري قطري

تبي الصج هو ما له داعي لكن زيادة وأحلى يكون قريب بحدود 3 الى 4 متر تعيش في قلب الحدث .. بس قبل كانت الغرفة أحلى بالدريشتين حول السرير وجايين طواليات .. لكن لو مب حاط عازل بيكون قرب الطوفة شوي أحر من داخل وهذا التوزيع إن شاء الله مناسب

بين الصالة والسرير أو حتى أي سرير بابين ومسافة وممكن يحط تنجيد ورا ظهر السرير أو شد يعطي عزل زيادة حتى لو الصوت قوي ما يزعج النايم .. الصالة فوق من أهم الغرف وهي تطل على مدخل البيت وفي زاوية أي حد بيطلع لازم بيمر عليها ولو تنلغي وتبقى بس التحتية البيت بيستوي ما له نكهة

---

بالعكس حركة ونظره حلوه

وبخصوص الدرايش عندك البلكونة الداخلية بعد حلوه

اقتباس:

---

المشاركة الأصلية كتبت بواسطة معماري قطري

خفت حد يقول شذا المروحة الأرضية

---

هههههههههههه

اخوي معماري اولا الله يعطيك العافية ثانيا كلامك سليم عشان ما اتخربط خلني ابدا من الدور الارضي

1- ابي اطبق هالتصميم في الدور الارضي ولو سألتني ليش لاني ابي مدخل مجلس الحريم الرسمي بغرفة طعام ودورة مياه يكون مفصول عن مدخل البيت عشان الخصوصية وبنفس الوقت يكون هناك صالتين في البيت وحده مفتوحه والثانيه مصكره مع غرفة طعام ومغاسلهم

https://uploads.tapatalk-cdn.com/201...7f87e8f81e.jpg

بس مدخل البيت احسه واسع شوي وغير هذا والي هو اهم الدرج واللوبي الي ورا الدرج ماخذ مساحه ولا اقدر استفيد منها

والملاحق الي برا مقاسها ممتاز لاني شايف مطبخ واحد من الربع جيد جدا مقاسه 4\6 و بصارحه مابي مطبخ داخل البيت ولا ابي مصعد

اتمنى شرحي واضح ولو فيه شي موب واضح اتمنى تقولون لي

اقتباس:

---

المشاركة الأصلية كتبت بواسطة Abu-hmood

اخوي معماري اولا الله يعطيك العافية ثانيا كلامك سليم عشان ما اتخربط خلني ابدا من الدور الارضي

1- ابي اطبق هالتصميم في الدور الارضي ولو سألتني ليش لاني ابي مدخل مجلس الحريم الرسمي بغرفة طعام ودورة مياه يكون مفصول عن مدخل البيت عشان الخصوصية وبنفس الوقت يكون هناك صالتين في البيت وحده مفتوحه والثانيه مصكره مع غرفة طعام ومغاسلهم

https://uploads.tapatalk-cdn.com/201...7f87e8f81e.jpg

بس مدخل البيت احسه واسع شوي وغير هذا والي هو اهم الدرج واللوبي الي ورا الدرج ماخذ مساحه ولا اقدر استفيد منها

والملاحق الي برا مقاسها ممتاز لاني شايف مطبخ واحد من الربع جيد جدا مقاسه 4\6 و بصارحه مابي مطبخ داخل البيت ولا ابي مصعد

اتمنى شرحي واضح ولو فيه شي موب واضح اتمنى تقولون لي

---

ممكن يتطبق بس مساحة أرضك بتضيع وانا ذكرت لك قبل والنماذج هذي موجودة في الموضوع وتعديلها سهل

تبغي نفس الشيء ممكن بس لو مصوره واضح من فوق أقدر انقل لك الصورة على المخطط مثل ما نقلت المخطط على مخطط الأرض سابقاً .. ولو عندك فايل الاوتوكاد بيكون سهل وأكثر سهولة

هذا المقاس على أرضك بشكل تقريبي ولو زدت الملحق ل 4 متر لازم تحرك البيت يسار شوي هو ألحين بعرض 3.6 ومؤكد بتدخل في متاهات مع التخطيط وانا وفرت عليك كل هذا مع تصميم اقتصادي مناسب حق أرضك وحطيت خيارات كثيرة للمساحة ولعدد الغرف

http://i.imgur.com/mVbO4rS.png

طيب انا افتر مخي وكلامك سليم ماراح يبقى عندي حوش لو سويت التصميم الي انا طرحته على كذا انا مجبور اسوي اول تصميم انت حطيته لي الي هو

ملف مرفق 99483

ملف مرفق 99482

صحيح انا اشوفه مناسب من كل الجوانب حتى ما فيه مبالغات وكسرات كثيرة باقي تحدد لو تحتاج بيسمنت أو لا وباقي الأدوار اشوفها معقولة

ممكن تكون محتاج حق سينما منزلية وحق غرفة تمرين صغيرة .. الغرفة اللي هي مكتب في الأول ممكن تتغير لغرفة تمرين أو سينما منزلية والغرفة اللي تحت ممكن تستوي سينما منزلية أو صالة تمرين وتبقى عندك غرفة الزاوية تحت .. تصفي على 7 غرف في البيت وحدة تحت و4 في الأول وثنتين في البنتهاوس

بخصوص غرفة السينما مجبور يكون مقاسها 8\6 لاني مسوي لها تصميم بمبلغ عن طريق شركة في السعوديه متخصصه في المسارح المنزليه والتنفيذ شامل
التصميم – العزل – الأكوستك - الكلبريشن للصوت و الصورة – الكراسي - التسليك – التحكم (Automation) – الكهرباء و الأنارة.

ممكن اعرف المسافه بين البيت وجميع الاسوار الي دار مادار البيت

مجلس بيتي 6 في 8 ولا ادري ليش المساحة الكبيرة وغالبية العوائل 6 - 8 أشخاص .. في يدك تقول ابغي أصغر كفاية لست أشخاص ثلاث كراسي وراهم ثلاث كراسي والشاشة على بعد 3 متر جدام ممكن 7 طول في ثلاثة عرض تكفيك أو خل نقول 4 عرض بتكون بالضبط نص مساحة اللي مصممها

حلالك وانت حر فيه هي مجرد نصيحة بس

العيال من يكبرون شوي بتحصل اللي يتابع مسلسل معين واللي أخبار واللي كورة وبتحصل نادر 4 أشخاص ممكن يجتمعون على فلم معين أو برنامج معين

لو تحب الصوت شوي قوي مع سماعات سرراوند وتلفزيون هاي دفنشن تقدر تخلي الصالة فوق مسكرة بقزاز وعندك الغرف توصل لها ممرات يعني كل غرفة مسكرة ببابين ولا عندك مشكلة في شوية صوت

ولو تبيها على نفس التصميم ونفس المساحة بكل سهولة تستوي في البيسمنت .. شفت الستور يتحول بكل بساطة الى سينما منزلية وتبقى عندك الصالة الرياضية تحت وتتحول السينما المنزلية الى ستور أصغر .. مساحة الستور 7.8 في 7.3 وأعتقد عشرين سم ما تفرق والعرض ممكن يكون 6 يبقى من ال 7.3 عرض 1.1 كافي ستور صغير اضافي مع بانتري

الرسم بمقياس رسم 1:1 أي 1 = 1 متر وعندك فايل الاوتوكاد وكل المقاسات دقيقة وواقعية .. جدام 7.3 صافي وورا 3 متر المطلوبة من التخطيط وبين البيت والملحق 2 متر وعرض الطبيلة 6 متر .. من زاوية البيت اليسار فوق لين الزاوية المشطورة 6.16 كافية لزراعة ولدخول السيارة في الساحة يسار البيت .. آسف كان من زاوية الليوان النازل حق البيسمنت اللي عرضه 2 متر .. من زاوية البيت 7.92 من سور الليوان النازل لين سور البيت يسار 9.3

حتى المساحة ذي تكفي لملحق لو تحب أو مجلس

هذا سكتش سريع سويته وغيرت مكان الجيم وصارت عندي شوي أوسع في العرض وأقل 20 سم في الطول والمخزن وصالة الرياضة ممكن نخلي لهم بابين ونقسم المساحة بينهم في الوسط يدون لوبي داخلي

http://i.imgur.com/EPpXlft.png

بيكون عندنا بهذا الشكل

http://i.imgur.com/YCwyX9y.png

ممكن نسوي هالطريقه ماتشوفها مناسب بحكم اني ابي ممر بعرض 3 متر ومن هذا الممر ادخل غرفة السينما وهذا الممر راح يكون فيه بوسترات الافلام بالاضافه لبار يكون فيه مكينة بوب كورن ومكينة للمشروبات الغازية

https://uploads.tapatalk-cdn.com/201...cfc79230ce.jpg

ولا احتاج صاله رياضية بحكم انه معاي القلب شافاني وشافاكم الله ممكن اخليها غرفة العاب ويكون جانب واحد من قزاز والاهم ماراح احتاج غرفة نوم في البيسمنت والافضل نلغيه

https://uploads.tapatalk-cdn.com/201...59d41604bc.jpg

يعني تكون الصاله المفتوحه مقاربه لهذي
https://uploads.tapatalk-cdn.com/201...e918e44b1d.jpg

عشان تقدر تراقب عيالك وانت في الصاله

اقتباس:

---

المشاركة الأصلية كتبت بواسطة Abu-hmood

ممكن نسوي هالطريقه ماتشوفها مناسب بحكم اني ابي ممر بعرض 3 متر ومن هذا الممر ادخل غرفة السينما وهذا الممر راح يكون فيه بوسترات الافلام بالاضافه لبار يكون فيه مكينة بوب كورن ومكينة للمشروبات الغازية

https://uploads.tapatalk-cdn.com/201...cfc79230ce.jpg

ولا احتاج صاله رياضية بحكم انه معاي القلب شافاني وشافاكم الله ممكن اخليها غرفة العاب ويكون جانب واحد من قزاز والاهم ماراح احتاج غرفة نوم في البيسمنت والافضل نلغيه

---

الله يشافيك ويعافيك ويشافينا ويعافينا ومرضى المسلمين

تعديل البيسمنت سهل والمهم تعرف شتبي وعندك مساحة حتى باقية لباقي الدور لو تحتاجها .. بس المهم تكون الجدران موضوعة بحيث يستند عليها الأرضي والأول والبنتهاوس

ونصيحتي للكل حددوا متطلباتكم صح من بداية السكتش .. المكاتب ما يهمها يسوون شيء حتى لو غلط .. شيسوي يضيف أعمدة أكثر وأساسات وجسور ويسوي البيت غابة خرسانية علشان يسوي متطلباتك وانت اللي بتدفع وانت اللي بتتورط في عمود مخرب دريشة أو باب

باشوف شاقدر اسوي بس احتاج وقت لأني شغال في موضوع المجلس ومستعجل عليه صاحبه مقاول وناوي يبني بأسرع وقت

جربت بسرعة الطول 8 ما عندك مشكلة فيه بس العرض يطلع لي 5.8 قاصر 20 سم بس عن ليكون 6

فيه حلين أما ترضى بتقريباً شبر عرض أقل .. أو نسوي توسعة 20 سم في البيت كله من تحت لفوق وما بتفرق كثير بس تحتاج تنسيق المخططات كلها من جديد

ماعندك مشكله خلص شغل المجلس وبعدها نبلش في البيت وانا ماقدر اعدل على تصميم السينما اذا تقدر تزود مثل ماقلت على البيت 20 سم ممتاز جدا طيب وشرايك ارسلك تعديل على الدور الاول والارضي

اقتباس:

---

المشاركة الأصلية كتبت بواسطة Abu-hmood

ماعندك مشكله خلص شغل المجلس وبعدها نبلش في البيت وانا ماقدر اعدل على تصميم السينما اذا تقدر تزود مثل ماقلت على البيت 20 سم ممتاز جدا طيب وشرايك ارسلك تعديل على الدور الاول والارضي

---

اذا مثل ذيه بيكون شغل غير بالكامل واتوقع يكون مب منطقي ولا يتماشى مع الباقي .. اخوي لازم تحسب حساب كل شيء ولازم كل شيء يتماشى مع الأدوار الثانية والنظام الانشائي

الميلس خلصته مبدئياً وبانتظار ردهم

اللي بغيت أوصله أوقات التعديل بدون حاجة ضرورية جداً يخرب بدل ما يعدل الوضع .. والرضا بالموجود ومحاولة التكيف معاه تكون أفضل