عرض للطباعة
الساامر طلبتك تحلل لي الشي الغريب اللي صار قبل الاغلاق بدقااايق
الطلب عند الاغلاق كان 446الف سهم
ولكن الشي الغريب والمخيف في نفس الوقت
ان الطلب كان عباره عن ثلاث اشخاص كل واحد طالب 100الف سهم
وشخص طالب 99000سهم
وشخص طالب 35000سهم
هذا شنو معنااااااااااااه؟؟؟؟؟
تصريف ام تجميع؟؟؟؟؟
الوضع هذا سلبي عالسهم ام ايجابي؟؟؟؟؟؟؟
وشكرا جزيلا لك
اقتباس:
المشاركة الأصلية كتبت بواسطة الســـامر الأســود
السلام عليكم يا ملاك ومحبين الريان
محبينه - يالي لقطتي عقلي البارح - سطح القمر
ليش ماتردينه يا اسهم الريان وعاشقينه
جزاكم الله خير على الدعاء والله ينفعكم بي ولايضركم
مشاركة فيها ردود للجميع - لضيق الوقت باختصر
====================
بعيد هذا التقييم بشوي تحرك السهم وانتوا شفتوا هالشي
بإذن الله
السهم التفت عليه الكثير من الكبار في السيولة
واصلا قبلها بيوم او يومين ايضا وخصوصا ثباته
فوق 22 اعطى حافز له انه يحاول الارتفاع
الريان واهدافه مازالت نفس الشي ان شاء الله
الريان الي قاعد يصير فيه والله اعلم هو شراء
قوي وهذا الشراء مضاربي اغلبه وقليل منه مستمثر
في نظري خلال اليومين الاخيرات عند مقاومة
كميات البيع تزيد وتوفر اسهم لكميات الشراء
مره تغلبها ومرة هي تنهزم - مضاربه يعني
الريان الزين فيه عدم نزول والى اليوم عن ال 20
الريان اسس حسابيا فوق مستوى 19 (18.7-19.1)
وهو قوية عندها ولو يبي ينزل عنها مستحيل بإذن الله
انه ينزل عنها دون ارتفاع قوي قبلها
الفتره للوصول للريان مستحيل احد يقدر يحددها لاهو
ولاباقي اسهم السوق المضاربية - ولكن هناك توقع
ان اهداف الريان لل 30 و ضواحيها يبي لها 4 شهور
ان شاء الله للريان - يمكن خلالها ويمكن قبلها ويمكن
اسوبع او اسبوعين - الله اعلم بالتوقيت المناسب للخبر
وللشرء القوي فيه
بينزل قبلها وبعدها وبيتذبذب؟
اي نعم - ولاشلون الناس تدور الربح وهي شاريه على قمة؟
هل صار اختراق؟ نعم صار والخير جاي ان شاء الله
وصيتي؟
اوصي بان تفهمون شي:
اني مريض ودواي عندكم يا ملاك سهم الريان وساكنينه
:) قلبناها عشق سامري - ايه عشق سامري للي يشوفه
ولصاحب الارقام والحسابات والتحليل بيخاف من هالعشق
وبيفهما ان كل سهم وله حامي ومحلل ورب العرش يغنينا
ويغنيكم من خير الريان ويسلم لنا راعي المكرمات ...فهذا
سهم ويتبع اقتصاد دولة ... فلا تشوفون السهم بروحه بدون
ربطه بعصب وعامود البلد كبلد
اميرنا بومشعل جعله يسلم - عطانا صناعات وناقلات وريان
ونهج اروع وسياسة وحكمة في العالم - والي عليه سواه - جزاه الله خير
اجل المشكلة وين؟
المشكلة فينا احنا - شرسين وطماعين - اسهم ننتظر
منها عوايد وقوة اقتصاد قلبناها مضاربه جنها قمار؟
وصراع جنه هوشة فريج.؟ :) شدعوه؟ كلنا بنموت
وشوفو ساعتها - بتنفعنا هالمضاربات؟
الي ابي اقوله - السوق صراع - وهذا الصراع يبي
له فهم وتثقيف - وتحليل - واخبار - واحساس واحنا
ماشاء للحين عايشين على - فلان قال لي وفلانه
قالت - انا سمعت رفيجي الي مدري وين يقول انه
يمكن ياهل عسى وهل كيف يمكن احد قراء خبر
انه يمكن مدري شنو بيصير بسهم الريان - وهنيه
نتعلق - ونحاول نرمي اخطائنا على الغير واولهم المحلل
وننسى الخير الي جابه الله على يد اخوانكم المحللين
من ايام ال 13 ثم ايام ال 15 ثم ايام ال 16 اذا تذكرون؟
يالله - الي علينا نسويه والله يوفقكم
السامر وغيره من المحللين جزاهم الله خير امثال الحريف
وAnalyzer بوناصر وبوخليفة وهاني وابن بطوطة من الي
عاصرو تحاليل الريان - كلنا نسوي الي علينا واحنا نتوقع
مانجزم 100% انه بيصير؟ لا... القرار قرار القارئ ولسنا
وليست الشبكة مسؤولة عن اي نتيجة سلبية لقرارك اخوي العضو
كما انها لاتطالبك لا بأجرة ولا عضوية - ورب العرش يغنينا جميعا
والله ينفعكم بنا ولايضركم - والمحلل محل امانة مرة يصرح ومرة لا
يخاف على السهم يتاثر فيتركه لحاله حتى يستقر سواء بصعود او هبوط
شكلي طولت وراح علي الغدا :)
في أمان الله
:thumbup: مرحبا
سؤال ارجو الرد منكم بالحال انا ناويه اشتري اسهم الريان ويش رايكم فيه اشتري بكره ولا بكون السهم نازل سؤال للمحليلين ودي الرد منكم قبل انفتاح السوق غدا ولكم جزيل الشكر:strong2:
يفضل الانتظار هذا الاسبوع وعدم التسرعاقتباس:
المشاركة الأصلية كتبت بواسطة حبوبة الاسهم
لكن للامان في حال وصل مابين 19 الى 20 فالشراء يكون آمن بإذن الله
اسمعي كلام بوخليفه كلامه من ذهب وموزون مثل وزن الشاعر لقافية القصيدة
قصايد بوخليفة جزلة
اخوي ابو خليفه ممكن تطلع على ها الجدول هل ارقامه صحيحه
http://qatarstock.jeeran.com/بنوك10.JPG
اعتقد انه الاسبوع هذا يالسامر وياخواني الاعزاء بيكون فيه سهم الريان له لقب ال 5 نجوم
تقبلوني بود
سلام
شكرا بوخليفة ماقصرت انا باخذ بشورك بيض الله وجهك
اقتباس:
المشاركة الأصلية كتبت بواسطة بوخليفة
جزاك الله خير
هل انت شايف انه في شي خطأاقتباس:
المشاركة الأصلية كتبت بواسطة AL-QATARE
تدري دوخة ارقام ممكن اكون اخطأت برقم