-------------- ودام الغذائية (مواشي سابقا) -----------

اقتباس:

---

المشاركة الأصلية كتبت بواسطة atiq

تفضل

السهم صار تداوله خطر ولازم يكون فوق 6.2 والهدف الحالي 4.8 كاسر ترند و يتداول تحت متوسطات اسبوعيه

https://invst.ly/u75h8

---

ذكرنا سابقا السهم يتداول عرضي وحدثت تقاطعات سلبية وكسر ترند مثلث

النتائج اكدت التحليل الاستباقي

المستطيل الاحمر عند مستويات ال 6.00 كانت تشير الى شي غير طبيعي

المستهدف حاليا المستطيل الاحمر عن مستوى 3.00 و باذن الله راح يستقر حولها ومنها تكون مجديه استثماريا

حط في بالك الشركة مب بس عوائد ربحية و ايرادات بل حجم الاصول و التنافسية و الاستخواط والشراكة

ودام حاليا اصولها نمت بشكل كبير في السنوات السابقة والحكومة كانت تدعمها لكن ممكن خلال سنة او ربما بدات في تغيير استراتيجيتها و رؤيتها وعليها تنعكس على نتائجها المالية. شفنا شركات عالمية كثيرة دخلت في نفس الدورة اللي دخلت في ودام

https://invst.ly/un62l

اخونا السامر ممكن نظرتك لسهم ودام ، مشكورا

لاجديد في وداااام

لازالت تستهدف منطقة هدف الموجة حول 3 ريال

https://invst.ly/vtl3f

الشيخ عتيق مشكور على مجهودك بالمنتدى

ليش ما تعتبر الموجه منتهيه - الموجه الاولى والثانيه بالمربع الاحمر فوق والثالثه والرابعه عند ال p الأول بالشارت الي حاطه
والخامسه عند اقل سعر وصل له السهم اظن حول 4 ريال

ممكن لاهنت توضح ليش الهدف 3 ريال

اقتباس:

---

المشاركة الأصلية كتبت بواسطة كيلو حديد

الشيخ عتيق مشكور على مجهودك بالمنتدى

ليش ما تعتبر الموجه منتهيه - الموجه الاولى والثانيه بالمربع الاحمر فوق والثالثه والرابعه عند ال p الأول بالشارت الي حاطه
والخامسه عند اقل سعر وصل له السهم اظن حول 4 ريال

ممكن لاهنت توضح ليش الهدف 3 ريال

---

تفضل اخوي كيلو حديد

حدة الهبوط يدل على ان هبوط الموجة بين المربعين ان احنا في موجة ثالثة او c

بالترقيم يدل ان احنا في موجة عامة c وحاليا في نهاية الثالثة منها ولدينا ارتداد قريب ل موجة 4 سريعة بخلاف الموجة الثانية اللي خذت وقت وبعدها نكمل ل الخامسة


https://invst.ly/w22ls

تسلم الشيخ

من 7 لل 3 الله المستعان وزين إني بعت غالبية أسهمي فيها باقي الثلث بس وشوي اقل من الثلث حتى بمتوسط 5 وشوي وبتكون فرصة للتعديل لو وصل سعر السهم 3 ريال وممكن تحتها بشوي

أشوف الدعم شكله كله بيروح لبلدنا والولد ولدنا

اقتباس:

---

المشاركة الأصلية كتبت بواسطة معماري قطري

من 7 لل 3 الله المستعان وزين إني بعت غالبية أسهمي فيها باقي الثلث بس وشوي اقل من الثلث حتى بمتوسط 5 وشوي وبتكون فرصة للتعديل لو وصل سعر السهم 3 ريال وممكن تحتها بشوي

أشوف الدعم شكله كله بيروح لبلدنا والولد ولدنا

---

هلا بوعبدالله

لو رجعنا للمشاركة # 2013 والتجديد 2092 و 2097

بنشوف ان السهم كون نماذج لاستهداف مناطق سفلية لكن تاخر وخذ 8-9 سنين تداول عند مقاومات فكان لازم يهبط مرة ثانية كدخول استثماري و تاسيس مستويات

الله كريم

اقتباس:

---

المشاركة الأصلية كتبت بواسطة atiq

هلا بوعبدالله

لو رجعنا للمشاركة # 2013 والتجديد 2092 و 2097

بنشوف ان السهم كون نماذج لاستهداف مناطق سفلية لكن تاخر وخذ 8-9 سنين تداول عند مقاومات فكان لازم يهبط مرة ثانية كدخول استثماري و تاسيس مستويات

الله كريم

---

صادق والله كنت أسمع من كم جهة وناس قالوا بيرتد من هشكل صبرت ولا تخيلت الدعم بيوقف كامل .. كنت طامع الصراحة وكنت متوقع يحققون شيء مب توزيع 10 دراهم والسهم فوق خمس ريالات .. الحمد لله خذت حقي منه قبل بس كان البيع فرصة

بعد يا اخوي فيه أسهم ثانية لها سنين كله ترتفع وممسوكة عندك زاد والميرة والبنوك وبتلحقهم الرعاية شكلها وأي شركة مجلس ادارتها فيه خير والدولة مساعدتها بشوية شفافية ومعلومات واضحة للجميع .. ثاني شركة بعد الخليج الدولية تتسبب فيها قرارات كانت مخفية على البعض وواضحة للبعض ومن الحكومة مب مني ولا منك وهذا شيء يقهر .. علشان إرضاء العالم نفتح لشركاتهم تنافس الدولية اللي إحنا ماسسينها ونشوفها تخسر زين؟ ونفس الشيء قرار مفاجيء وقال اللحوم الاسترالية إكتشفنا كل اللحوم واكتشفنا الشركة خلاص ارباحها في نزول كبير وعادي تحقق خساير