عرض للطباعة
مرات اذا اكل كتكات وكولا او سفن اب او جباتي يوصل السكر 270
يعني لو اكل جباتي الصبح مع كيما او بيض يرتفع يوصل 270 اعاقب نفسي واتم ماكل لين يوصل 150 وعقب اكل مرات اكل الصبح واتغدى العصر ماينزل بسرعه
بس اذا كلت عيش ابيض وسمك او مجبوس ناشف من الدهن يصير ماشي الحال
المشكله ماصبر عن اكل الحلو الكوافي مثلا او سفن اب
الله المستعان نحاول نظبط والله كريم
دعواتكم
على فكره اكثر الربع جذي مايدري ان سكريه يرتفع ولايقيس وحتى البنات لكن جربت اقيس للربع عقب الاكل كلهم شقحوا 200 عقب الاكل بساعتين شكل السكر متسبب وفي وايد بس محد يقيس ويكتشفه لابد ان الواحد يقيس مب يقول لا ويتردد لمصلحته وصحته
إخوي نفسي عزيزة السكر النوع الثاني واللي كثيرين يتهاونون به هذا سكر دلع ولا شيء عند النوع الأول .. الأول بدون أدوية ممكن يموت المريض به لو كل عادي خلال يوم الى 3 أيام ولو عاش بيكون وايد تعبان وجسمه في صراع مع إرتفاع السكر كل أجهزة الجسم تحاول تتفادى الزائر الغريب ذيه
النوع الثاني بدون أدوية وبإهمال يعيش معاه المصاب حسب قوته وصحته يمكن 10 أو 20 سنة بس ياكل في الجسم شوي شوي وفي أجهزة الجسم .. تتعب العيون والأطراف وممكن يتطور النوع الثاني ويزيد ويتحول للنوع الأول
تدري ذكرياتي مع الكت كات وعلاقتي انتهت من سنة 1982 أو 81 كنت وقتها 18 سنة أو 17 سنة .. يعني ألحين لي 40 سنة ما فكرت فيه .. فيه كوافي وايد 0 سكر بس فيها نسب ثانية من المواد الضارة حتى وآخذ منها شوي .. بنفس الوقت ترفع السكر أما فيها فركتوز وهو يتحول جلوكوز بنسب شوي أقل أو دهون بعضها تعطيك طاقة يوم كامل من الغذاء
العيش بروحه كل نوع يعطيك سكريات بدرجة تختلف .. كنت مقتنع إن الأمريكي والمصري أفضل من البسمتي والنوعيات الفاخرة بس طلعت غلطان .. مهمة طريقة الطبخ ودرجة ليونة العيش كلما لان قل رفعه للسكر
بعض الفطاير تجيك منتفخة وكلها عجين وفوق هذا مليانة سكر يا اخوي مجرمين .. أمس كلت قطعتين بيتزا خضار من بيتزا هت وتوقعت ينزل السكر لأني كلش ما شبعت وخذت أنسولين زيادة ولا نزل لأنها سميكة وطعمها كلها سكر .. فطاير الضيعة عندنا في العزيزية لو طلبت اطلبها خفيفة ومستوية وما يقصرون يسوونها حسب الطلب وآكل ثلاث حبات وبعدين ينزل السكر أو يعتدل ما يرتفع أكثر من 200
كميات الكربوهيدرات هي الأخطر بعد السكريات إذا ابتعدنا عن السكريات الصريحة والواضحة وقللنا الكربوهيدرات وعوضنا بسلطات أو خضار وهذي فيها سكريات مخفية بس قليلة الا البطاطس نشويات قوية تتحول لسكريات .. وعوضنا كذلك بمشروبات بنحس بشبع واكتفاء ولا بنرفع السكر
ما ادري شكثر مكافيء حبة كت كات من الوجبات إحتمال وجبة غداء كاملة وإحتمال وجبتين وهذي تسال فيها أخصائي تغذية أو تشوف محتواها من الوحدات الحرارية في موقع مختص
غريبه فيك سكر وانت ثقيل طينه :playball: المفروض تكون مثل معماري :yes:اقتباس:
المشاركة الأصلية كتبت بواسطة نفسي عزيزه
الله يشافيكم يارب ويلبسكم لباس الصحة والعافيه ..
السكر نوعين رئيسيين اللي بسبب السمنة وهو النوع الثاني في الغالب والنوع الأول الوراثي واللي يجي فجأة يجي للضعاف .. كان وزني تحت الستين أول ما جاني وكنت عيوني طالعة من ضعفياقتباس:
المشاركة الأصلية كتبت بواسطة sara jsm
https://www.youtube.com/watch?v=dq4bsD0kX9g
دراسات تقول تلوث الجو مسبب للسكري
2 من الربع من كمن سنة راحو ( مكة المكرمة ) عمره بعدها واحد منهم قرر يطلع جبل النور الي فيه غار حراء والثاني مريض سكر وطلع معه ويوم نزلو مريض السكر اسبوعين سكره منتظم . دليل ان الرياضة ممتازة لسكر
افضل علاج للسكر هو المشي والرياضه