https://www.youtube.com/watch?v=yIVx...fhY7phnxfFzImz
عرض للطباعة
هنا البائع والمعلق يتكلمون عن الأرضية المدفأة وكيف يحسون بها وهم يمشون مع إنهم لابسين أحذيتهم وشكلهم بس يبون يجذبون الشارين لهذي البيوت
https://www.youtube.com/watch?v=-AjkaSGhNRM
مشكلة الكثيرون يطيحون فيها بدون تخطيط .. أما يضطر يرفع العتبات لإرتفاع مزعج أو يزيد عدد الدرجات بطريقة غير مدروسة .. لذلك الارتفاع يجب أن يحدد ويطلب من المصمم من بدايات التصميم حتى يعمل حسابه
https://www.youtube.com/watch?v=eFyRdNyLoKs
أسهل طريقة نحسب عدد العتبات ونضربها في ارتفاع العتبة المطلوب لو 14 سم بيكون مريح ولو 15 بيكون معقول وهو القياسي لكن أكثر بيكون مزعج
مثال انا ابغي ارتفاع دور معين 5 متر .. أقسم 5 متر على 15 سم لو محتاج العتبة 15 تطلع 33 وثلث عتبة نخليها 34 ويطلع لنا ارتفاع العتبة بالضبط 14.7 سم .. بس الارتفاع الصافي طبعاً بينقص سمك السقف وأي شيء بنضيفه للسقف مثل دكتات وجبس
الارتفاع زين لكن مكلف وكذلك تحتاجون لحلول للصيانة ولتغيير اللمبات كتنزيلها أو عمل تعليق خاص لها أو تكون على الحائط
عورني قلبي من هذا التصميم
https://www.youtube.com/watch?v=1xzOXYEtSpk
تصميم مدروس ويساعد في ذلك أكيد القوانين التخطيطية في الكويت .. البيسمنت والأرضي 0 ارتداد والأول والثاني ارتداد بسيط والثالث بنتهاوس بارتداد أكبر
https://www.youtube.com/watch?v=OkNvUPa8_y4
قصر يعور القلب
https://www.youtube.com/watch?v=9JFSuBV3aNw
انا من محبي البورسلان للدرج وذلك لأنه أوفر بكثير من الرخام وكذلك درجة لمعانه تبقى ما تتغير وكذلك يقاوم الكيماويات والأحماض ولا يحتاج حماية ولا صيانة ولا تلميع
فيه أنواع مطفية وأنواع خشنة مثل الحجر ما تزحلق .. كما أن حف الزاوية سهل عند أي محل معالجة رخام وكذلك قص النعلات والعتبات .. الجزء القائم ممكن استخدام سيراميك بنقش معين وممكن نحصل قطع مناسبة لدرجنا بارتفاع معقول
هنا تم استخدام ستيل للزاوية وبزاوية حادة لو ضربتها رجل شخص ساقط لأنكسرت لذلك الزاوية اللافة أأمن بكثير حتى لو ستيل أو بلاستيك
https://www.youtube.com/watch?v=TslL82gobPA
هذي الملاحظات أكيد ما يلتفت لها المالك أما الاستشاري أو المقاول الفاهم هو مسؤول عنها 100%
للبيوت ارتفاع باب يوصل 2.44 متر هو اللي في حدود الاقتصادي لأن اللوح يجي ارتفاعه 2.44 وعرضه 1.22 .. اللي يحبون الارتفاع والباب اللي بطول كامل الارتفاع يقدرون يخلون فوق تكميلة ثابتة
نقطة مهمة هي ملء الطابوق المجاور لفتحة الباب أو الدريشة بالخرسانة هذي لازم تنتبهون لها وتنبهون الاستشاري لو قليل خبرة وتحطونها شرط أساسي في عقودكم
https://www.youtube.com/watch?v=NUpsHksZI9w
للي يحبون يمرون لاس فيغاس دوم يشترون هالبيت للسكن
بس فيه أفكار كثيرة يقدر يستغلها الواحد لبنيانه
لي مأخذ على التصميم وهو الحائط الحجري العريض والحجر مثبت بس بشبك حديد هذا بيكون ملاذ جيد للبريعصية والزهيوية وجو لاس فيغاس يساعد خصوصاً مع الماء المنتشر حول البيت
https://www.youtube.com/watch?v=jpcnE28qfjQ
في الفيديو الفائت يتكلم عن الغبار والتنظيف وهذي حقيقة بس انا استبعدتها والظاهر لاس فيغاس منطقة صحراوية واتوقع يجيهم غبار قوي مثل وضعنا تقريباً
أنصح تشوفونه وايد غريب حتى رشاشات رذاذ الماء لتلطيف الجو فيه
أحد الإخوان يسأل من كم يوم عن تصميم مجلس مستطيل .. هذا يناقش فكرة وانا احب اضيف ان المساحة المتاحة أكيد تحكمك لمكونات المجلس .. هذا بنيان نقدر نقول رخيص .. عندنا ممكن نسويه خرسانة ومع سكايلايت بس حلاة الواجهة تكون كاملة قزاز والباب وسطي والجلسة على الثلاث جوانب مع ترك الواجهة القزاز مفتوحة بدون كراسي تغطي عليها وبدون تعتيم
https://www.youtube.com/watch?v=g4ErVByJ0Xc
شنسوي لو استخدمنا قراوت نوع رخيص أو يعفن ويسود ؟
في الأصل لازم نستخدم نوع خاص وقوي ونخلطه حسب تعليمات المصنع لكن لو استخدمنا اسمنت أبيض مثلاً وكان متماسك ومقبول نقدر نحط عليه مادة عازلة sealant product for grout
أكيد هذي النوعية موجودة في قطر أو شبيهة لها
https://www.youtube.com/watch?v=pD1ehn0G-XA
أي مادة عازلة أو كيماوية لها سنوات خدمة ولازم تجدد بعد انتهاء وقتها أو ملاحظة عدم فاعليتها
تفاصيل مهمة للتبليط وحلول لإلتقاء بلاط الحائط مع بلاط الأرضية وللزوايا .. موجودة عندنا بكثرة وفي كم مكان
https://www.youtube.com/watch?v=2lzgFvFksPQ
فوق بالنسبة لفاصل التمدد فيه نوعين .. حراري خاص بالبلاط فقط وفرق تمدده عن الخرسانة تحته وهذا نعمله مستقل عن الأرضية .. وفاصل التمدد الانشائي اللي لازم نقطع المبنى لقطعتين بالكامل توصل حتى للأساسات والمهندس خلط بين المفهومين فوق فانتبهوا لهذا الخلط وخلوا الخرسانة التحتية تحت البلاط كاملة وغير مفصولة .. مفصولة بتدخلون في مشاكل الأرضة واحتمال هبوط جزء وارتفاع جزء حتى لو قليل ويكون مشوه ومزعج
فاصل التمدد الانشائي في العادة نعمله في الحوائط الخارجية للبيوت ( الأسوار ) لأن الكتلة طويلة مقارنة بعرضها لذلك كل 6 الى 8 متر نحتاج لفاصل يوصل للأساسات .. لكن للمباني في الغالب نسويه كل 30 متر ولا اعتقد فيه بيت 30 متر في 10 متر مثلاً .. هذا ينصح بفصله من النص بفاصل تمدد انشائي
بعدين إحنا تماتيك نفصل خرسانة الأرضية من جميع أطرافها عن هيكل البيت الانشائي ببورد قابل للانضغاط وهنا يستحسن نغطيه بماستك تحت البلاط حتى ما يسمح للأرضة بالدخول من تحت الأرض وتكون المادة الفاصلة مرنة .. كذلك لازم عزلها بدواء خاص للأرضة لأن هذي النقطة تكون ممر سهل للارضة خصوصاً البورد القابل للانضغاط أساسه خشبي
أنواع الصفايات أو فتحات الصرف الصحي للحمام .. النوع اللي داخله قطعة بلاستيكية الأخير أفضلهم يسد الطريق عن الروائح والحشرات .. بس فيه مشكلة بسيطة .. انا مركبه عندي ومرتاح منه سنين طويلة لكن فجأة بدت تطلع روائح كريهة .. بعد 12 سنة من السكن قررت اجيب البلدية يسلكون .. فتح الفني الفتحات وحدة وحدة وحصل فيهم شعر وايد يتجمع عند الغطاء الداخلي لأنه يمرر الماء ولا يمرر الشعر وبعض البقايا الصلبة .. نظفها بسهولة وسلك بسلك طويل بعد لداخل بسهولة ورجع سكرها وراحت الروائح .. الشعر بعد فترة يعفن ويتحلل .. لكن الحمد لله روائح راجعة أو حشرات صعب تدخل
أي حد يركب ينتبه ياخذ أفضل نوعية لأنها موجودة .. فيها ميزة ثانية مهمة .. اللي هي نزول الماي من المغسلة يطلع صوت وهذي تكسر صوت الماء النازل
https://www.youtube.com/watch?v=oTNdIuiXYZw
زاوية صرف الشاور
https://www.youtube.com/watch?v=VIcabWiZqbg
تركيب البورسلان مهم يكون بالغراء وعلى أرضية خرسانية منبسطة وصلبة .. بعض أنواع الغراء ما تحتاج تخشين وبعضها تحتاج
هنا تم عمل الدفان من مواد جيدة ومخلوط بكميات اسمنت قليلة ييبس ويكون قوي مع طبقة علوية 5 سم بلاستر أو سكريد .. هذي كلها نقدر نختصرها بعمل صبية خرسانية مع فيبر تسمى بلايت ويت سكريد أو بصبية خرسانية مهواة وفيها مسامات كثيرة لتخفيفها وتكون قوية كفاية .. المهم نبتعد عن الرمل أو الدفان العادي اللي يكون مرتع للنمل
https://www.youtube.com/watch?v=J3n7oMNrQI0
هذي نوعيات وتشكيلات من المداخل
https://www.youtube.com/watch?v=sxTR6SvsmCY
الفيديو السابق يقودنا لفكرة البايفوت دور وهو اللي معلق بعمود قريب من النهاية ويلف حوله .. يعطينا ثبات قوي ويتحمل وزن الباب الثقيل والعريض وهنا عرض الباب مترين
أكيد يعطي المدخل سعة وسهل فتحه حتى وهو ثقيل وينعمل له فريم يغلق معاه الباب بالكامل ولا يدخل غبار
ميزة أخيرة حتى لو الممر عرضه محدود ما نحتاج لكتف للباب والكتف يكون متضمن مع الجزء الصغير اللي ينفتح عكس الكبير .. يعني لو عندنا ممر متر و20 سم نقدر نسوي الباب على كامل الممر ونخلي العمود على بعد 20 سم فيكون عندنا عرض الباب الصافي متر
https://www.youtube.com/watch?v=pu2llCueBOo
هذا الباب ميكانيكية الاغلاق فيه حديثة وينزل جزء تحت يسكر الفتحة المتبقية بعد التسكير
كذلك مفصلاته مخفية وكثير يسوون ألحين المفصلات المخفية حتى عندنا
https://www.youtube.com/watch?v=kzHPIShXQaw
هذا غريب متحرك على جنب حتى يوسع المداخل الصغيرة
https://www.youtube.com/watch?v=XcVQvxLJtTk
هذي نوعية مفصلات تختلف فيها من النظام المعلق والتقليدي وقريبة من الطرف .. جيدة للأبواب اللي تنفتح من الصوبين للممرات اللي عليها ناس وايد
https://www.youtube.com/watch?v=AkKwp-U7H5k
تركيب الرخام البعض يفتي فيه بأنه أفضل على الرمل والمفروض يكون على خرسانة حتى نمنع النمل من الظهور من أي فتحة في الرخام .. هذا للكرارا وتم تركيبه بلاصق أبيض
https://www.youtube.com/watch?v=LP89P6rAiiY
ممكن نركبه على بليوت خشب أو جبس لاستواء السطح وسهولة التمديد خلفه من البداية بدون تكسير
الفيديو طويل بس مهم لكل من ينوي البناء والله يجزي من نفذه خير فيه معلومات كثيرة
https://www.youtube.com/watch?v=S-vDIasz1sE
تفسير صحيح بس ترجمته الهندسية خطأ وهذا توضيحي للمهندس
طبيعي اخوي عبدالغني الحرارة ترتفع لفوق بسبب قلة كثافة الهواء الحار وتتكدس قرب سطح السقف .. العزل من أعلى يخفف الحرارة من الدخول من فوق لكن ما يخفف نفاذ الحرارة في الجدران .. لا تنسى في الظل درجة الحرارة توصل لما فوق ال 50 وانتقال الحرارة يصير مهما يكون لكن العزل يقلل معدل الانتقال
لذلك مهم نعزل الجدران والجسور الأرضية والسقفية ونعزل السقف كذلك مع عمل منور للتبادل الحراري وهذا المنور يكون مهرب للحرارة المرتفعة من البيت ويكون أعلى من السقف مثل قبة او منور هرمي أو غيره .. صدقني بيقل الحمل الكهربي على التكييف كثير
https://www.youtube.com/watch?v=X4n4VAJWZvE
أحد الأعضاء سأل عن الباركيه وهذه بعض النوعيات الخشبية معالجة وغير معالجة .. طبعاً البامبو صلب ومتوفر بكثرة آسيوياً لذلك تصنيعه أرخص وعملي وجميل
https://www.youtube.com/watch?v=nx58ai3akvE
الباركيه وجميع الأرضيات حتى الأصباغ لها حماية خاصة وما يسمى ب sealant لذلك مهم نعرف وشي مادة الحماية المناسبة ونحطها .. البورسلان ما يحتاج لكن القراوت للبورسلان في الغالب يحتاج
الفيديو طويل وفيه نصائح كثيرة للمهتمين لكن لنا نقدر نطوفه بسرعة
https://www.youtube.com/watch?v=xVjT9rn30Ao
شغل بو عراب دوم ناقص .. طريقة التركيب جيدة لكن معالجة الزوايا مفقودة ومشوهة
https://www.youtube.com/watch?v=hQvsqCw8jRk
شغل أرضيات الايبوكسي ممكن نعمله تقريباً على أي سطح .. عندنا في قطر يمكن لون واحد اللي هو الرصاصي ويستخدم للمصانع وللورش ولمغاسل السيارات وقليل اللي يعرفون كيف يصبغونه وهو غالي كثير قد يكلف أكثر من البورسلان .. ممكن نستعمله للحوش لو بلاطه مهتريء والله أعلم ممكن فيه نوعيات رخيصة
https://www.youtube.com/watch?v=mfDVUF5TxY4
نرجع لفن البلاستر في العناصر المعمارية المكملة والتجميلية بدون حجر وبدون جي ار سي
https://www.youtube.com/watch?v=EFoysPaWC4A
كان عندي في السابق شغل بلاستر خاص وغير عن المعتاد وأذكر المقاول اللي متعامل معاه قوي ووعدني يجيب فني بلاستر آسيوي فاهم وصحيح أنجز الشغلة وكأنه قص ليزر
بيت حلو سعره حول مليونين ريال ولا اظن مساحته الاجمالية 350 متر مربع .. إحتمال هي مساحة مسطح البناء وتنضرب في 2 تقريباً بما ان فيه مساحات دبل فوليوم ننقصها تعطينا حول 550 الى 600 متر مربع .. والبيت العادة عندهم شامل بعض المعدات وجاهز للسكن
https://www.youtube.com/watch?v=WPgORh23Cbg
يا ليت يتعلمون سماسرتنا من عروض ذيلا مب كل شغلهم على الخاص .. يقدرون يحطون سعر مرتفع ومعلن للكل ويخلونه قابل للتفاوض والمعلومات والصور يخلونها واضحة للجميع
الشتر للنوافذ مهم أقل شيء في غرف النوم أو حتى يكون المنظر الخارجي للبيت متعادل نسويه فوق بس لأنه غالي ومبالغ في سعره عندنا .. في الأُردن يستخدم من عشرات السنين وأذكره أول مرة رحت في 1999 ونوعيات ايطالية راقية
https://www.youtube.com/watch?v=_QE08c1mLrw