المشاركة الأصلية كتبت بواسطة معماري قطري
إعادة التوازن نشوفها واضحة في لو تم قصف مبنى وطاح عمود كامل يتوازن على بقية الأعمدة .. مبنى التجارة العالمي اللي أسقطته الطيارات قبل تعرض لتفجير من تحت أسقط 5 أدوار بيسمنت لكن توازن على الأعمدة الرئيسية ولا طاح .. ما ادري كم عمود طار وهذا مب راجع للمبالغات لا .. هذا لأنه معمول ومصمم بطريقة تجزئة .. بيوتنا فيها مبالغات انشائية أولها من تقدير الأحمال ولا تحمل الا يمكن النص وثانيها من تقدير الضعف الانشائي بمعامل أمان كبير .. يعني التربة تتحمل ضغط 30 كيلو نيوتن للمتر المربع يفترضها الاستشاري تتحمل 15 وفوق هذا بدال ما يصمم أساس حسب الحسابات على 15 يطلع مثلاً متر في متر يزيد حجمه وهو لو حسب قوة الأرض الفعلية على 30 بيحتاج نص متر مربع للأساس اللي هو حاسبه
نفس الشيء نحصل مهندس يصمم جسور قوية وعميقة تحمل أرضيات خفيفة ولا فيه داعي لها وممكن تصميمها بلا جسور نهائياً ونكون وفرنا كثير كميات حديد وخرسانة وفوق هذا عمالة وخشب ووقت
بنفس الوقت نحصل مهندس يصمم ثقيل ويكثر حديد وسمك خرسانات زايد وهذا وزن زيادة يتطلب أساسات أكبر وكل شيء يطلب مبلغ أكبر .. يعني مهندس مثل هذا يمكن يدفعك 1000 في التصميم لكن يخسرك 100000 في مبالغات التصميم .. وبنفس الوقت يجيك التصميم مدروس ومناسب لكن في جزئية معينة وتفصيل معين فاشل .. مثل ارتباط الجسر بالعمود ما فصله صح واستوى عندنا شلخ انشائي قوي .. قبل كانوا يصممون بلكونات مغطية ممر المشاة وكانت تظلل وتغطي عن المطر وصراحة معمارياً مفيدة وحلوة .. ألحين منعوها التخطيط .. بس كانوا يخطئون في تصميمها بأن حديد التقوية يحطونه تحت والشد عندنا يكون في أعلى الخرسانة وتتشلخ ويتسرب الماي للحديد ويصدي وتتقوس وحتى تتساقط قطع منها
يعني المصمم السيء ممكن جزئية بسيطة يخطيء فيها والخطأ هذا يكون كارثي ومكلف
