أنا أقول 30
15*2 = 30
عرض للطباعة
أنا أقول 30
15*2 = 30
مممم ،،،ميير هي سهل أستخدمها ككلمة مير صعب أوصل معناها بكلمه وحده:)
مير غالبا تجي بوسط الجمله ومرات ببداية الجمله مثل ما استخدمتها أنا و إلي ساقني لها هي جملتك غلط يا دانه
فكأني أأكد على كلامك و أوضح السبب إني ما انتبهت للـ الضرب
أحس ماعاد عرفت حتى أوصلها لك من كذا بذكر بعض الجمل و أنت من صياغتها بتعرف معانيها حسب استخدامها بالجمل
تجي بمعنى ..لكن
كنت بروح الدكان مير صارت معي بعض الظروف
وتجي معنى التأكيد على فكره أو جمله و لهذا السبب أنا استخدمتها بالرد ( أأكد كلامك إن اجابتي غلط و من صم ذكرت السبب ماشفت الضرب) فبديت بـ مير
و يمديك تستخدمها إذا تبغى تذكر الأولويات بمعنى قالك أحدهم فلان يبغى يروح يلعب كوره فتقول له مير صل صلاتك عقب روح العب .
يقول السدري الله يرحمه
لزيت نفسي مير عيت تلزا وقهرتها غصبٍ على غير ماجاز
استعنت بسيبويه عشان أوضح لك معناها أربه وصل^_^
تذكرت سالفه قالتها لي زميلة عن جدتها ومثل هالقصص وارده كثيير ^_^
هذا صديق ولدهم دق جرس البيت و ردت الأم بالجهاز
قال لها: سلام عليكم فلان موجود،،
قالت :بُه مير نيم
يعني: موجود لكن نايم
قال: ماي نيم أز ...
يظن تسأله بالإنجليزي عن اسمه ومجتهد يعلمها
تقول هي وياه لين فهم