هذا شايفه قبل
بس صج غريب
شوفوا هذا أمس في السعودية
https://www.youtube.com/watch?v=nmP-xPA3XhU
وحوش البي ام دبليو
https://www.youtube.com/watch?v=ydGZF3Xnn3A
أول مرّة تعلمت سواقه مع العمّال اللي مع الوالد وسياراتهم كانت سيارات سرفيس يعني قلابيات ههههه
بعدها عراوي موديل تسعين كان عجيب وتم معي حتى سافرت ادرس عند اخوالي بالجبيل و ماشاء الله عليهم كان عندهم صف مواتر وعطوني كاديلاد الموديل الصغير سيفيل و أول مرّة اجرب اسيات جلد و كانت أيام .
لكن الله يشهد ما عمري استعملت الهاند بريك و لا عمري شاغبت بالموتر و لا عمري سويت حادث من فضل الله مب حرافه و لكن وش تتوقع واحد متعلم سواقه في قلابي ؟ اكيد بعيد كل البعد عن السرعة و المجاكرة .. مثل المهندس بو عبدالله , ذيج الأيام ...هههههههههه
ما شاء الله عليك طلعت صغير من سرد التاريخ
وزين الله يحفظك السواقة فن وأخلاق
انا عندي 4 حوادث قلبات الأخيرة في الانعاش ولا اذكر شلون صار الحادث دعمة وحول 10 قلبات السيارة تقطعت وأكثر اصاباتي من الحصى لأني طحت من السيارة .. سبحان الله الحفظ منه .. يوم رحت اشوف سيارتي عند الشرطة ما حصلتها طلعت مسجلينها بالغلط رنج معالمها مختفية .. كانت تيوتا اللي تسمونها ربع المصندقة كلها حديد .. يوم شافني الشرطي يطالعني ويطالع السيارة مب مصدق اني عايش جدامه
وحادث لفت بس السيارة في المطر ووقفت وسيارة ثانية في الباب صوبي .. سيارتي كانت نيسان زد اكس والثانية كانت جي .. الباب الثاني تقوس والسيت اللي جالس عليه انكمش استوى تقريباً شبر .. بس كنت واعي شلخ في الحوض وجروح في الراس من القزاز
هذي مدرسة للبورش في الثلج
https://www.youtube.com/watch?v=wJi0dpoMtWU
عجيب يا معماري ،، الله يحفظك من كل شر
اتوقع ما شريت النياسين اللي كانت شبابية على وقتها الا انك اعتقدت انك اعلنت التوبة
بس باقي روحك المحاربة تجذب الدعمات ،،،هههههه
انت سيم سيم رفيجي سلطان ،، المرور كانوا ماخذين سيارته نموذج على بشاعة الحوادث ،،، حاطينها حذا باب الحوش مال المرور للعبرة . بس عقب خلاص فكت عنه :)