المشاركة الأصلية كتبت بواسطة سالم الزهران
ملاحظاتي ع البيت الأخير هذا.. اعجبني الفرن الرئيسي بالدور الأرضي ههه. اعجبني أول الفيديو منظر الشبابيك لأنها صغيرة.. الشبابيك احبها صغيرة وطولية لانها نقطة ضعف في البيت واذا كان الشباك ضيق أجوفه أفضل.. اذا بتسوي فتحات كبيرة افضل انها ما تنفتح لاسباب أمنية.
الأثاث والألوان روعة.. وهذي لعبة الشركات انتيريور ديزاين يخليك تلمس الفخامة برؤوس اصابعك.. وياليت المدفون يكون بجودة الظاهر. اعجبني بعد كثرة مناطق التخزين.. فعلاََ الحريم يبي لهم منطقة مستودعات مب مجرد مخزن صغير.. ويبي لها مشروع ريسايكل:nop: .. ولو ان بيزاتك ما راح تتسركل بجيبك نوبي ثانيه يا بشمهندس ههه.
(السلبيات)
مدخل الكراج وهالتضبيطات برع كلها بتطير ومب عملية ولا تنسيق الزراعة حلو.
السلالم اللي بمدخل البيت ما احبها.. ليش ما اكتفى بدرج واحدوخلاه جانبي من جهة المسبح؟
لاحظتم ابواب وأسياب فيها ضيق وهذا ما راعى كراهية وخوف بعض البشر من الأماكن الضيقة.
(اقتراح)
مثل هذا البيت ينقصه سكايلايت في المناطق المفتوحة في الدور الثاني خلنا نقول.
ونفس الزجاج المقترح للسكايلايت مفروض يكون معه الواح طاقة شمسية ومفروض مثل هذا البيت يمد نفسه بالطاقة خصوصاََ أنه بلاس فيقس وما اجوفها مشكلة يستثمر راعية نصف مليون في نظام توليد الطاقة الشمسية.
يمكن تكون تعليقات زول حالم آخرته حوش وكمن غرفه ههه بس ما يمنع أنه يحلم على قولة بنتي هه.
