في انتظار بدء العمل يا طويل العمر ومشكور مقدمااقتباس:
المشاركة الأصلية كتبت بواسطة تاجر مبتدئ
في انتظار بدء العمل يا طويل العمر ومشكور مقدمااقتباس:
المشاركة الأصلية كتبت بواسطة تاجر مبتدئ
قريبا صور لفيلا فخمة في الوكرة
البرق الصاعق
تصميم الفيلا ماشالله روعه وحتى حجمها لان حسيتها كبيره وواسعه غير عن معظم الفلل الحين مادري ليش يسوونهم صغار!
بس اشمعنى اخترت حجر كركمي ؟ الابيض مب احلا ؟
تاجر
صراحه ابدعت وقاعد تبهرنا كل يوم بتصاميم ذوق وتركيب حلو وهاي اللي نفقده في اغلب المقاولين
بتبقى متميز دايما ..
ياللـــه ناطرين صور فيلا الوكره d:
وانا اقول ليش الموضوع منوور اتاري هذا نورك يا آنا غيــر ... شرفتيني بمشاركتك عزيزتياقتباس:
المشاركة الأصلية كتبت بواسطة آنا غيــر
بنسبه لحجم الفيلا الله يطول بعمرك خيتو انا باني الفيلا لسسكن و ناوي اسكن وادلع العيال كل واحد بجناح خاص له بروحه .. اما هلايام معظم الفلل يسونها صغيرة عشان يستغلون الارض ويقسمونها على فيلتين فيلا اجار او فيلا سكن او العكس وفي ناس تبني وتبيع تستفيد وفي ناس تقول تبني على قد بيزاتها وناس تقول الفيلا الكبيرة مالي حاجه فيها.. كل انسان وذوقه طول الله بعمرك .. وانتي كل ذوق وعيونك الحلوة لما شفتي الفيلا حلوة... تحياتي لك ودمتي
نسيت بنسبه لكركمي انا شايف لونه حلو ونادر وقليله البيوت الي انسوت منه عكس الابيض والبيج المفجر لاعت جبدي من البيوت يا مكثرها بقطر نبغي شوي نتميز بس الكركمي لما يدش مع البيج والابيض يعطي تشكيله روعه .. نشوف الاستاذ تاجر مبتدى رح يركب بلفله الوان متناسقه ورح يبهر بصور ... على ما وعدني
موفق ان شاء الله
في انتظار جديدك من الصور:)
ابشرررر بوجبر ..:victory::victory:اقتباس:
المشاركة الأصلية كتبت بواسطة بوجبر
:: تاجر مبتدئ ::
جزاك الله خير على مشاركتك بخبرتك وأسلوب عرضك التسويقي اللي نتمنى
من كل تاجر يحذو حذوك... اتباع أسلوب التسويق في مكان عام دليل على حرصك على سمعتك وجودة أعمال..
أنا الآن في بداية مشوار تنفيذ بناء بيتي وحالياً في مرحلة صب سقف دور البيسمنت، وقاعد أدرس الخيارات والتكاليف للمواد من حجر وبورسلان...إلخ حتى أتخذ القرارات المناسبة.
بيتي مبني على شكل مستطيل في أرض في دحيل في زاوية فريج مثل اللي في الصورة:
http://im23.gulfup.com/biUV1.jpg
المسافة بين البناء وجاري اللي عاليمين 10 أمتار، و5 أمتار من جاري اللي تحت (في الصورة)
أسس قراراتي في اختياري للحجر الطبيعي بالترتيب من حيث الأهمية:
(1)
التكلفة الإجمالية
(2)
كعازل حراري طبيعي
(3)
ثبات البناء
(4)
البعد عن الصيانة الدورية في حال الصبغ
(5)
منظر البيت (يكفي يكون حجر طبيعي ولو بدون تفاصيل ونقوش كثيرة) كأقل القليل.
ايش رايك هل أحط الحجر في واجهة وحدة (الرئيسية الواقعة جهة اليمين)، ولا واجهتين (يمين وتحت) علشان المنظر من الخارج وباقي الجهات حجر صناعي متناسق مع الحجر الطبيعي (بهدف تقليل التكلفة)......
تساؤلات أرجو منك تفيدني ولا هنت
:: عبدالله ::
اشكرك عالثقة والاطراء وان شاء الله اقدر افيدك.اقتباس:
المشاركة الأصلية كتبت بواسطة (عبدالله)
بالنسبة للحجر وتوزيعه على الواجهات هذا شي راجعلك . لكن انك تخلط حجر طبيعي مع صناعي بهدف خفض التكلفة ما اتوقع يضبط المنظر.
بعدين الحجر اللي يكون سادة عالواجهات بدون ديكورات مش مكلف جدا. وتقدر تسوي البيت كامل الحجر وتخلي الديكورات بس عالواجهة الرئيسية.
لان دائما التكلفة اللي يحس فيها اي مالك تكون في الديكورات (اعمدة وتيجان ونوافذ مشغولة سواء نحت او مكرنشة او محفورة او ديكورات اخرى كثيرة ).
وانصحك نصيحة اذا تبي تسوي اي ديكورات بالحجر حاول دايما تخلي الواجهات سادة بدون اي ديكور(بارز) بالكونكريت لانه :
اولاً : مكلف بالنسبة لمقاول العظم
ثانيا: نرجع احنا نكسره وناخذ منك حق التكسير وهذي خسارة اضافية
وثالثاً: وهو الاهم يخرب علينا شغل الحجر بسبب بروزه الكبير.
انا انصحك تسوي البيت كامل وتخلي الديكورات بس عالواجهة الرئيسية والباقي سادة بدون ديكورات ثقيلة.
شكراً