معاك حق الحجر حلاته تطعيم وزينة خاصة مثل البراويز والباقي صبغ .. بيوت أمريكا الحديثة غالبيتها كذااقتباس:
المشاركة الأصلية كتبت بواسطة بوجاسم_قطر
معاك حق الحجر حلاته تطعيم وزينة خاصة مثل البراويز والباقي صبغ .. بيوت أمريكا الحديثة غالبيتها كذااقتباس:
المشاركة الأصلية كتبت بواسطة بوجاسم_قطر
عليكم السلام ورحمة اللهاقتباس:
المشاركة الأصلية كتبت بواسطة بوجاسم_قطر
رديت عليك اخوي
ياهلا اخوي بوعبدالله
تسلم وعساك ذخر ...
انا من امس قاعد اقرى ذي الموضوع ومستمتع بالطرح والنقاش الجميل
الله يكتب اجركم ويوفقكم ان شاءالله
توني انتبه لهذي المشاركة وهلا فيك اخوي بو جاسم والله يوفقك في بنيانكاقتباس:
المشاركة الأصلية كتبت بواسطة بوجاسم_قطر
بخصوص هذا التصميم طلعت فيه إمكانية طلب اضافة سكة خدمات أو جزء منها في القسم السفلي مما سيكبر الحوش لكن التكلفة كبيرة وشكلي لو ما فيه مجال أقللها بارضى بالموجود والموجود كفاية وباركز في التصميم كما هو .. مع إحتمال بعض التغيير لحوض السباحة .. مفكر في إني اخليه مفتوح وصالة الرياضة بس اسويها مستويين ومغلقة وبواجهة قزاز لجلسة مرتفعة تطل على الحوض .. والحوض مثل ما ذكرت في السابق بيكون مرتفع عن الارض 120 سم ويبين نزول الماء مثل الشلال بنظام الاوفرفلو المفتوح .. يعني أرضية الصالة بتكون نفس ارتفاع الحوض .. فوق هذا تحت صالة الجلوس باسوي صالة رياضية بإرتفاع بسيطاقتباس:
المشاركة الأصلية كتبت بواسطة معماري قطري
مريت على بعض الصفحات القديمة وتابعت اشوف واتذكر الموضوع هذا والتصاميم لبعضها حول ما يزيد على السنتين وأكيد البعض توكل على الله وبنى وبعضهم غير تغييرات ممكن للأفضل والله يوفقهم
الناقص التغذية العكسية واعلامنا شصار لأن الموضوع تفاعلي ولكل اللي طلبوا ابداء الرأي في التصميم ولبقية المتابعين .. لذلك أتمنى ممن خاض التجربة وأكمل التصميم يبلغنا شصار معه
كلام المهندس منطقي وهذي الطريقة الأسهل كمدخل للتصميم وبعدين نعدل عليه ونرتبه حسب قناعتنا واحتياجنا وذوقنا
أوقات الأرض صغيرة والتصميم كبير ونحتاج نغيره بس ناخذ منه فكرة معينة ونضطر نسوي بيسمنت وبنتهاوس حتى يوفي متطلباتنا .. وأحيان كثيرة التصميم المقتبس ممكن يكون كبير ومكلف وفيه مساويء والجديد يطلع أرخص وأرتب وبدون مساويء لأننا تلافينا أوجه القصور
https://www.youtube.com/watch?v=it036RTEaGQ
السلام عليكم
انا ألحين قررت اني ابني أرضي بس ماعرف شي عن سوالف البنيان كلش
طبعاً قريت الموضوع تقريباً 10 الصفحات الاولى وااااااايد استفدت الله يعطيك العافيه يا معماري قطري وجعله في ميزان حسناتك ان شاء الله
عجبني أول مخطط وعقب اكتشفت ان الموضوع صار له سنتين
استفساري هل المخطط يتناسب مع 2017 والا صار قديم؟
عليكم السلام ورحمة الله وبركاتهاقتباس:
المشاركة الأصلية كتبت بواسطة ورد الدوحه
ما فيه شيء اسمه تصميم قديم كلها تصاميم دارجة وموجودة ويتم التعديل والتغيير عليها .. نقدر نقول نقطة انطلاق
أي تصميم يعجبك أقدر انزله على أرضك وحسب حدود الأرض واتجاهاتها اقدر اعدل المداخل وترتيب الحوش والملحق باللي يناسب .. تبقى الواجهات والتشطيب هذي أشياء المفروض الكل يتبع نصيحة المصمم فيها لكن العكس الكل يغيرون التصميم ويحطون ذوقهم وناس يتوفقون وناس يتوهقون
وصلنا 100 صفحة 10 صفحات ولا شيء واصل القراءة حتى لو تتصفح بسرعة
الله يعطيك العافيه اخوي معماري قطري والله ماقصرتاقتباس:
المشاركة الأصلية كتبت بواسطة معماري قطري
انا ألحين تقريباً في صفحة 45 :yes:
وعقب ماخلص المية صفحة بقولك :thumbup:
الله يعافيكاقتباس:
المشاركة الأصلية كتبت بواسطة ورد الدوحه
التصاميم بعضها شرح وسهل بنيانه وبعضها شوي صعب بس كلها أشوفها مناسبة للجميع خصوصاً بعد التعديل في التوزيع .. حتى البيسمنت الحلول له متوفرة بس يبقى المكتب يبرزها بطريقة قابلة للموافقات الحكومية
يمكن من أحلى التصاميم اللي هو المستطيل واللي صالته جانبية واللي سويت له مخططات كثيرة ووضحت مميزات كثيرة فيه .. حتى انا بديت أفكر اسويه لي وممكن اصغره شوي وأخلي بدال ما ابني بيت كبير لي ابني بيتين لي ولولدي .. انا تصميم بيتي 1400 تقريباً مساحته وأشوفها كبيرة علي ولو ابني نفس المساحة على بيتين 700 ممكن تطلع أفضل وممكن ابني 500 و 500 نسيت مساحة ذاك النموذج كم
اللي يذكره مغامر شوي ببعض دورات المياه مسوي نوافذها متصلة للسقف ومستوية مرتفعة وسكايلايت بنفس الوقت
الله يعطيك العافيه ممكن اتحط صورة هالتصميم ماعرفت أي واحد تقصد المستطيلاقتباس:
المشاركة الأصلية كتبت بواسطة معماري قطري
معليش بتسندر معاي هالأيام
هذا اخوي ورد الدوحة تصميم مطور من ذاك .. تقدر تسوي بدل الغرفة الدائرية غرفة مثمنة بتكون أكيد أسهل وباشوف ذاك التصميم بعداقتباس:
المشاركة الأصلية كتبت بواسطة معماري قطري
مثل ذيه في صفحة 64 وقبلها بس سويت فيه تغييرات كثيرة وكلها مشروحة وممكن تسوي اللي تحتاجه وتغير فيه حتى الواجهات لها أفكار بلا نهاية .. المساحات مكتوبة خلال النقاش في الموضوع وتقدر تسوي بيسمنت وبنتهاوس أو تلغيهم حسب احتياجكاقتباس:
المشاركة الأصلية كتبت بواسطة معماري قطري
الله يجزيك خير اخوي
ان شاء الله في الويكند بادرس هالتصميم عدل
اختك/ ورد الدوحه
برنامج الرسم الهندسي عندي على اللابتوب واللي هنا انمسح لازم انزله مرة ثانية وإن شاء الله قريب وأي حد يبغي نقاش وتعديل للأفضل لتصميمه ليتردد .. أوقات المكاتب يسوون أخطاء أو عدم تجانس بين الأدوار انا بسهولة انسخها وانزلها واركب كل دور على الثاني واركب الخدمات والواجهات وحتى مخططات الكهرباء والتكييف واراجعها وانسق بينها واوضح شالغلط
في البداية نركز على الأساسيات ومجال الحركة وعلاقة كل حيز بالثاني والكلام كله يكون معماري وأساسي بعدين التركيز في باقي التفاصيل لو عملها المكتب الهندسي لأن فيه تخصصات ما اقدر اسويها بس اقدر انسقها واوضح تعارضها مع المعماري .. هذي الأخيرة مشكلة كبيرة لأن غالبية المكاتب ما يتابعها المعماري وأكثر شغلهم نسخ ويعدلون بدون تنسيق ويقطون الكورة في ملعب المالك ويتورط هو بعدين
سامحيني يا اختي حسيت اني يمكن اكون غلطاناقتباس:
المشاركة الأصلية كتبت بواسطة ورد الدوحه
معماري قطر ... بارك الله فيك :thumbup:
الله يحفظك ويخليكاقتباس:
المشاركة الأصلية كتبت بواسطة قدام
تواصل معاي أحد زملاء الدراسة منقطع عنه من 25 سنة ( ربع قرن ) ومن أيام التخلف التكنولوجي
قصة التواصل غريبة شوي وفيه الخير الله يحفظه .. بعد وفاة اخوي غانم الله يرحمه تم نشر عزاء في قروب وتس أب من مجموعة من شباب جامعة ميامي ممن هم خليط من شباب تخرجوا قبلنا وبعدنا بشوي وفي وقتنا .. يغطون الخليج كله وبعض الدول العربية .. بالصدفة اخوي ناصر كان من ضمنهم وحطوا التعزية له وذكرونا كإخوان ومن ضمنهم إسمي
زميلي هذا يذكرني بس ما كان متأكد من الإسم راح فتح كتاب التخرج وشاف صورتي وتأكد من الإسم وسأل عن رقمي وحصله عند واحد من الزملاء البحرينيين على تواصل معي وتواصل برسالة تعزية وكان الرقم أُردني .. وانا لي معارف كثيرين في الأُردن ما توقعت يكون هو بينهم .. ولا تذكرته الا يوم أرسل لي صورته من كتاب التخرج .. وهو واصل دراسته للماجستير وممارس للمهنة بصورة دائمة
أرسلت له بعض مواضيع المنتدى ودعيته للتسجيل وإن شاء الله يكون بيننا عن قريب
هذا بروفايل لبعض أعماله والله يوفقه في شغله
https://issuu.com/eihabelaryan/docs/...s-profile-2017
إحدى الأخوات طلبت تعديل على أحد التصاميم ووضعه على حدود أرضها وقد أتت بتصميم مقارب لهذا فعدلت عليه بما يتناسب
لم أُكمل تصميم الملحق لكن عملته بمقاس كافي لغرفة سائق وغرفة غسيل وغرفة خادمة ومطبخ وستور .. بمساحة 4.4 في 17 متر
https://i.imgur.com/JOaURcq.png
الممر الوسطي صغرته لمترين و60 سم وبعدين يستوي أصغر لمترين و20 سم ووسعت الصالة والمجلس .. مع بقاء القسم العلوي كما هو الا بعمل نافذة ممتدة تغطي المدخل .. وهذي ممكن تكون بسقف مايل في ثلاث اتجاهات وممكن تكون بسقف سيدة بس نازل عن باقي الأسقف حتى تبين كتلة جمالية بارزة
ممكن اضافة حمام خارجي للمسبح وتبديل ملابس وأي غرفة ضرورية أُخرى
وهنا الدور الأول مع تعديل الصالة بالدريشة اللي تعطينا رؤية لكامل الحوش
https://i.imgur.com/j4YYahT.png
مساحة الدور الأرضي 337 والأول 345 والبنتهاوس 156 باجمالي 838 نزيد عليها مساحة الملحق والمجلس وأي اضافة تطلع أكثر
وهذا البنتهاوس والسقف وسقف الجلسة الممتدة النازل والمايل
https://i.imgur.com/ol14Zq6.png
بالغلط حطيت صور البي دي اف فوق وتطلع مب واضحة وباحط الصور العادية بعدين
وهذي صورة الحوش والدور الارضي أكيد بتطلع أوضح
https://i.imgur.com/3mr6gnj.png
في النظام المفتوح والصالة الوسطى تعتبر ممر ما نجتاج نوسعها على حساب الجلسات المهمة اللي هي أصلاً مطلة عليها وتعطيها سعة .. كذلك الفتحة البيضاوية اللي موضحة تطل من الأول على الارضي وتعطي الممر هذا اتساع رأسي والإنتقال من حيز لحيز شبه مفتوح يعطي جمال عمراني أكثر
للحوش نقدر نخلي الشجر قريبين من السور في المقدمة ونوسع شوي لدخول السيارات لتنزيل الزوار خصوصاً النساء .. والمظلة حاولت تستوعب 4 سيارات قد ما اقدر وممكن لو صغرنا شوي في الملحق أو خلينا الباب ينفتح سلايدنغ بيكون أوسع شوي لدخول السيارة لمقرب مدخل الصالة
الحوض ممكن يكون اوفرفلو بقناة مفتوحة شرحت تفاصيله في صفحات سابقة وكذلك ممكن نفتح باب جانبي بين الصالة وغرفة الطعام أو نخلي جزء كبير زجاج يطل على الحوض وممكن ينفتح للخروج ناحية الحوض والسباحة فيه
شخصياً لو انا باسويه لي بانزل أرضية الحوش بالكامل جهة الحوض متر أقل شيء وباعمل تدرج من الجهة المرتفعة وبدال الحوض عندنا خيارات ثانية شلال او نافورة وزراعة أو مجرى مائي
وهذا الدور الأول مكبر أكثر
https://i.imgur.com/l2cZFJK.png
سؤال طال عمرك
في ناس تحب الملحق الخارجي يكون على جنب الفيلا. يمين أو يسار
والغالبية تخليه ورى الفيلا.
من وجهة نظرك شنو الأفضل لو أنا أحب أكسب مساحة أكبر.
وهل موقع الملحق الخارجي يعتمد على شكل الأرض
سواء كانت قطعة الأرض بالطول أو بالعرض؟
صباح الخير اخوي بو خالد وجميع القراء
شيء مهم لازم ننتبه له اللي هو رقابة واجهة البيت ومشاهدة من يدخل ويطلع .. حتى إحساس اللي ورا البيت يكون فيه شوية وحشة .. وبعد أوقات يكون مكانه ورا البيت أفضل أو حتى في البيسمنت وأكيد حسب التصميم
انا افضل للتصميم هذا هذا الشكل لأني باخلي غرفة السايق بابها ودريشتها مقابلين السيارات وبعدين ممكن افصلها بباب يفصل الممر بين الملحق والبيت عن الحوش ويكون السواق مفصول .. سهولة اخراج القمامة من الخادمة للسايق حتى يخرجها خارج البيت وإحنا معطينهم ترولي سهل يشيلون عليه ومسوين رامب بين الملحق والبيت بسهولة ننزل الأغراض .. حتى الشناط تندفع بدون شيل
حتى للخادمة تودي للسايق وجباته من قريب وبسهولة .. مدخل المطبخ يعتبر مدخل ثانوي وبما إن البيت بنظام مفتوح تحت حتى لو يوجد ضيوف ممكن نستغله لدخول البيت بخصوصية
رايك يهمني في البيت وأي شيء تعتقد لازم يترتب أكثر
لو تذكر تصميمي لبيتي كان نوعاً ما غير والملحق في جهة خلفية وغرفة السايق شبه خارجية وهذي صعبة نسويها هنا .. بعدين وجهة نظري لغرفة السائق بدل ما نخليها بصعوبة تكفي شخص نخليها تكفي شخصين مع بانتري صغير وحمام بحدود 2 في 2 لثلاث قطع وممكن نسويه أصغر شوي .. حتى لو عندنا سائق واحد الاحتياط أفضل
للي يحبون الشمس والغرف الشمسية ممكن نسوي الصالة العلوية سقفها المايل والممتد على المدخل تحت ممكن نسويه قزاز ثابت .. وتكون جلسة تشمس داخلية ومحمية .. كذلك نقدر نركب ستارة كبيرة تعزل الجزء الممتد المشمس لو حبينا الظلال .. وما ننسى عندنا سكايلايت هرمي سقفي محدد بالأسود الغليظ في وسط الصالة تقريباً
التصميم الأخير بتكون فيه صعوبة في التصميم الإنشائي تجاوزها معمارياً سهل وأقدر اوضحه أو ممكن فيه حلول انشائية حسب خبرة المهندس الإنشائي يوضحها .. الإخت اللي طلبت التصميم ما عجبها وحبت التصميم المقدم من الإستشاري مع بعض التعديلات اللي اقترحتها والله يوفقها
هذا تعديل وشرح للتعديل لتصميم حق بيت في الكويت واستغربت من امكانية تأجير الدور الأخير للبيت وعمل مدخل خاص له
https://www.youtube.com/watch?v=4B9JP1jcDuM
الله يعطيك العافيه اخوي معماري قطر وماقصرت على التصاميم الحلوة
اعجبتني وايد
بس كنت ابي في الدور الأول غرفة واحدة ماستر
و4 غرف نوم للأبناء
لو تسمحين باعرض التصميم اللي وصلني وباحط الملاحظات عليه للجميع يستفيد وممكن حد يشارك بوجهة نظر منطقيةاقتباس:
المشاركة الأصلية كتبت بواسطة ورد الدوحه
كذلك التصميم اللي عملته في السابق المستطيل ممكن ينفع لمساحة أرضكم وما اذكر فيه أربع أو خمس غرف
أكيد مسموح أخوياقتباس:
المشاركة الأصلية كتبت بواسطة معماري قطري
نتمنى الفائدة للجميع والله يجزيك كل خير اخوي معماري
الله يجزيج بما دعيتي اختي الكريمة
هذا النموذج مقارب للسابق .. عيبه الامتدادات الشبه دائرية صعب تنفيذها وصعب تأثيثها .. ولو حابينها نقدر نسوي قوس نص دائرة بكامل طرف الغرفة أفضل كذلك الدرج الدائري متاصل للسقف وبيكون مكلف كثير درابزين ورخام قص خاص وبعرض مختلف لكل درجة صوب عريض وصوب ضعيف .. ما فيه مصعد ومساحة الصالة العائلية كثير كبيرة أفضل ناخذ منها حق مخزن تابع للمطبخ الداخلي
يحتاج تعديل كبير حتى يناسب الأرض
الملحق فيه غرفة مكتوب عليها غرفة حارس وبدون حمام .. استغرب من بعض المكاتب اللي ما تهتم لشغلها عدل
https://i.imgur.com/aBMuXM6.png
لو حابينه ممكن نقرب كتلة الصالة العائلية والمجلس وملحقاته ناحية الداخل ونسوي الممر أضيق في الوسط بعدين يدخلنا للدرج .. بتصغر شوي مساحة البيت وألحين الاحظ المجلس يعتبر معاه غرفة طعام والمساحة نهائياً ما تكفي واتحدى المهندس اللي سواه يوزع الأثاث وبنشوف كيف يطلع صغير ولا ينفع
المغاسل والتواليت التابع للمجلس ممكن نقلل عرضه ل 1.6 متر ونكسب 40 سم مساحة للمجلس وممكن لو سوينا الواجهة نص دائرة كاملة يترتب الأثاث ويكون شوي أوسع ونقدر نحرك شوي نزيد في مساحة المجلس حتى يستوي مدمج معاه جلسة طعام صغيرة .. باقي الأدوار باحطها بعدين ومتقبل نقاش وملاحظات الجميع
والا خلونا نشوف الأول
https://i.imgur.com/6jSStJt.png
نلاحظ الدرج طرف عتبته الصغير حول 15 سم بالمقارنة مع سمك الجدران ال 20 سم .. يعني اللي بينزل لازم يستخدم الطرف العريض أو أقل شيء الوسط
وهذا دور السطح ومن رايي نحط الخادمة تحت ونرتبه لإستغلال مستقبلي أفضل ولو نسوي غرفتين وصالة صغيرة وايد أحسن والخادمة تكون في الملحق تحت أقرب للمطبخ والحوش
https://i.imgur.com/lWqxIOj.png
بما إنها ما وصلتني فايلات الاوتوكاد لهذا التصميم أقدر اسوي مقارب له مع التعديلات وبياخذ مني وقت أكيد والمستفيد يقرر شالأنسب له
شخبطت باليد على برنامج بدائي وطلعت الخطوط تفشل ولا قدرت ارتب كل شيء وأكيد بياخذ مني وقت ومجهود .. رجعت للتصميم اللي اشتغلت عليه في السابق بفكرة اضافة صالة وسطية على المدخل وممكن نستعمل الصالة اللي واجهتها قزاز كمكتب منزلي أو جلسة اضافية أو حتى نقدر نوسع الغرفتين لوحبينا ونعملها ممر .. لكن توسيع الغرفتين بيكون بدون فايدة لأن سعتهم مناسبة
هذا اللي وصلت له للدور العلوي ووضحت أماكن أعمدة قرب المصعد ومع الحاجز القزاز دائريين حتى يكونون ممتدين من الحائط السفلي ومحددين للممر السفلي .. كحلول معمارية للوضع الانشائي ولعدم عمل عمود في المجلس تحت .. طبعاً الحوائط للغرف بتكون محمولة على جسور مزروعة ومتصلة بجسور ثانوية
https://i.imgur.com/4fUn3QK.png
والله متردده حسيته معقد وغير عن اللي في بالي
شكلي باغير رايي باروح حق الاستشاري يسوي لي تصميم ثاني :yes:
الله يعطيك العافيه اخوي معماري
الله يعافيج ونصيحتي لتسوين الا شيء متأكده إنه مناسب لج وانا موجود لأي استفسار وبالتوفيقاقتباس:
المشاركة الأصلية كتبت بواسطة ورد الدوحه
مقطع لتعديل تصميم تعديل جذري وكامل وأشوف الجديد كثير ممتاز
https://www.youtube.com/watch?v=a5wbqrzyJzo